ދިރާގުން ފައިބާ ބްރޯޑްބޭންޑް ހިލޭ ގުޅައިދެނީ

ދިރާގު ފައިބާ ބްރޯޑްބޭންޑް ބޭނުންކޮށްގެން އެ ކުންފުނީގެ ކަސްޓަމަރަކު މަސައްކަތް ކުރަނީ-- ފޮޓޯ: ދިރާގު

އިދުހާމް ނައީމް، މިހާރު

25 ފެބުރުއަރީ 2021 - 11:43

ދިރާގުގެ ފައިބާ ބްރޯޑްބޭންޑަށް އަލަށް ސަބްސްކްރައިބް ކުރާ ކަސްޓަމަރުންނަށް ހިލޭ ކަނެކްޝަން ގުޅައިދިނުމުގެ ޕްރޮމޯޝަނެއް މިއަދު ފަށައިފި އެވެ.

މި ޕްރޮމޯޝަނުގެ ދަށުން، ދިރާގު ފައިބާ ކޭބަލް އަޅާފައިވާ އިމާރާތްތަކުގައި ފައިބާ ބްރޯޑްބޭންޑް ހިލޭ ގުޅައިދިނުމުގެ އިތުރުން ރައުޓަރުން 50 ޕަސެންޓުގެ ޑިސްކައުންޓު ވެސް ލިބޭނެ އެވެ. އަދި ފައިބާ ކޭބަލް ނެތް އިމާރާތްތަކުގައި ކަނެކްޝަން ގުޅައިދޭ ނަމަ ކަނެކްޝަނުން 50 ޕަސެންޓުގެ ޑިސްކައުންޓެއް ވެސް ލިބޭނެ އެވެ.

މީގެ އިތުރުން އަންނަ މަހުގެ 15ގެ ކުރިން މި ހިދުމަތަށް އެޕްލައި ކުރާ މީހުންގެ ތެރެއިން ހޮވޭ 25 މީހަކަށް އެ މީހަކު ނަގާ ޕެކޭޖެއްގެ މަހު ފީއިން 50 ޕަސެންޓުގެ ޑިސްކައުންޓް ވެސް ލިބޭނެ އެވެ. މި ޑިސްކައުންޓް ލިބޭނީ ދެ މަސް ދުވަހަށެވެ.

މި ޕްރޮމޯޝަނުގެ ދަށުން ދިރާގު ފައިބާ ބްރޯޑް ބޭންޑުގެ ހިދުމަތް މިހާރު ބޭނުން ކުރާ ކަސްޓަމަރުންނަށް ބޫސްޓާތަކުން 50 ޕަސެންޓް ހިލޭ ޑޭޓާ ލިބޭނެ އެވެ. ދިރާގުން މި ޕްރޮމޯޝަން ކުރިއަށް ގެންދާނީ އަންނަ މަހުގެ ނިޔަލަށެވެ.

އެ ކުންފުނީގެ ސީނިއާ މެނޭޖާ، ބްރޭންޑް އެންޑް މާކެޓިން ކޮމިއުނިކޭޝަންސް މިރުޝާން ހަސަން ވިދާޅުވީ މި ދުވަސްވަރަކީ އިންޓަނެޓަށް ބަރޯސާވާން ޖެހިފައިވާ ދުވަސްވަރަކަށްވާތީ މި ފުރުސަތަކީ ހަލުވި ފައިބާ ނެޓްވޯކެއް ގުޅައިލުމަށް ލިބޭ ފުރުސަތެއް ކަމަށެވެ. އަދި މި ވަގުތު ރާއްޖެ އިން ލިބޭ އެންމެ ހަލުއި ސްޕީޑް ވެސް ދިރާގުން ލިބޭނެ ކަމަށް އޭނާ ވިދާޅުވި އެވެ.

"ދިރާގު ފައިބާ ބްރޯޑްބޭންޑް ޕެކޭޖުތައް ފަރުމާކޮށްފައި ވަނީ ކަސްޓަމަރުންގެ ބޭނުންތަކަށް ބަލައި ތަފާތު ޑޭޓާ އެލަވަންސްތަކާއި ހަލުވި ސްޕީޑް ހިމެނޭ ގޮތަށް. މީގެ އިތުރުން ރާއްޖޭގެ ގޭބިސީތަކަށް ފޯރުކޮށްދޭ އެންމެ ގިނަ ޑޭޓާ އެލަވަންސް ލިބޭ ޕެކޭޖާއި އެންމެ ބާރު ސްޕީޑް ލިބޭ 1ޖީބީޕީއެސް ޕެކޭޖްވެސް ދިރާގުން ލިބޭނެ،" މިރުޝާން ވިދާޅުވި އެވެ.

ފައިބާ ބްރޯޑްބޭންޑަކީ ބްރޯޑްބޭންޑް ހިދުމަތް ފޯރުކޮށްދިނުމަށް ބޭނުންކުރެވޭ އެންމެ ފަހުގެ ޓެކްނޮލޮޖީ އެވެ. ދިރާގު ފައިބާ ބްރޯޑްބޭންޑް ނެޓްވޯކަކީ ރާއްޖޭގެ އެންމެ ބޮޑު ފައިބާ ނެޓްވޯކެވެ. އެގޮތުން މިހާރު ރާއްޖޭގެ 64 ރަށަކަށް މި ހިދުމަތް ފޯރުކޮށްދެ އެވެ.

އިންޓަނެޓް ދިރާގު ދިރާގު އިންޓަނެޓް

9 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަޖޫ

26 February 2021

ތިޔަ ދިރާގަކާހެދި މަގޭދަރިންތައް ކިޔެވުންމަތިން ފޫހިވެެއްޖެ. އޮންލައިންކޮށް ކިޔަވަން މަޖުބޫރުވެފަ އޮތްދުވަސްވަރެއްގަ މުުދައްރިސުން ނަގައިދޭފިލާވަޅުގެ ދެބައިކުޅަ އެއްބައި ނޭގޭ ލޯޑުނުވާތީ. ތިވަރުގެ ބަޔަކު ހިދުމަތް ދިނުން ހުއްޓާލަންވެއްޖެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯޕާލް

25 February 2021

ސްޓާ ލިންކޭ ބަޔަކު އަބަ ކިޔާތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެލަން މަސްކު

25 February 2021

ދިރާގު ހިދުމަތް ހިލޭ ޑިސްކަނެކްޓް ކޮށްލެވޭނެ ޕްރޮމޯޝަނެއް ފަށާބަލަ. ވަރަށް ޑިމާންޑު ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭނަ

25 February 2021

ތިހުރިހާ ކަމެއްކުރާއިރު އިންޓަނެޓްގެ އަގު ހެޔޮކުރާކަށް ނޭގުނު ދޯ ެެެެެެެެެެެެެެެެެެެެެެެެެެެެެެެެެެެެެެެެެެެެެެެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

25 February 2021

ހިލޭ ގުޅައިދިނަސް، ހިލޭ ޑާޓާ ދިނަސް ދިރާގަށް ސަލާމް. ދިރާގަކީ އަހަރެމެންގެ ދިވެހިންގެ ލޭ ބޮއެގެން ބޮޑުވެފައިވާ ކުންފުންޏެއް. ތިޔައީ 500ރ އަށް ސިމް ވިއްކި މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ްާްޤަފޫރުބޭ

25 February 2021

ތިއިން އެއްވެސް އެއްޗެއް ބޭނުމެއްނޫން. މިހާރުވެސް މިގޭ އިންޓަރނެޓް ފާސްޓްކަމުން ކައިރި ގޭގޭ ތަކަށްވެސް އަންނަ އެއްޗެހި މިގޭ ނެޓްގައި އަޅައިގެން އެމީހުނަށް އެއެއްޗެހިވެސް ނުލިބިގެން ޝަކުވާ ކުރާ އަޑު އިވޭ. އަޅެ ކަމެއް ކޮށްދެންޏާ މިގޭ ނެޓް ތަންކޮޅެއް ސްލޯ ކޮށްދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލްސާމު

25 February 2021

ދިރާގު ކަނެކްޝަންއަގާ ދެން ސެޓަޕުފީއަކާ މިހިރަމިހިރަ ފީތަކުގެ ވާނިވާނޭންގޭ ސައިޓަށްވަދެ ބެލީމާވެސް..... ދެން މައުލޫމާތެއް ހޯދާންށޭކިޔާފާ ނުގުޅިއްޔާ އަމްދުން ރަނގަޅުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާސްޓް

25 February 2021

އެންމެ ހަލުވި ސްޕީޑް އޭ ތިބުނަނީ ރައްޔެތުމީހާއަށް މަލާމާތަކަށްތަ؟ މިހާރުވެސް ދިރާގުގެ ސްޓެޓް ތަކަށް ބަލާބަލަ. ގިނަ މީހުން ގެންގުޅޭނީ 10 އެބީޕީއެސް އާއި 5 އެބީޕީއެސްގެ ޕެކޭޖްތައް. މީގެން ޕެކޭޖްއެއްގެ އަސްލު ސްޕީޑްގައި ބޭނުންކުރެވޭނީ 3-4 ދުވަހަށް. ދެން އޭގެ ފަހުން 2 މީހުން ވައިފައިން ބޭނުން ކޮށްލިއަސް ގުޑާނުލާނެ. ތި ފައިބާ ކުރިން ދިން އޭޑީއެސްއެލްއަށް ވުރެއްވެސް ސުލޯ. އަދި އެބަ ކިޔައޭ އެންމެ ހަލުވި އިންޓަރނެޓް އޭ. ލަދު..