މަސްތުވާތަކެތީގެ ވިޔަފާރީގެ ތެރެއަށް އާއިލާތައް

ފުލުހުން ހިންގި ޑްރަގް އޮޕަރޭޝަނެއްގައި، މަސްތުވާތަކެތި ބޭނުންކުރާ ތަނެއް ފާސްކުރަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

04 މާޗް 2021 - 14:54

މަސްތުވާތަކެތި ޓްރެފިކްކުރުމުގެ މައްސަލަތަކުގައި ވަކިވަކި މީހުންގެ އިތުރުން އާއިލާތައް ބައިވެރިވާ މިންވަރު ވެސް އިތުރުވަމުން ދާ ކަމަށް ފުލުހުން އިއްޔެ ބުނެފި އެވެ.

މަސްތުވާތަކެތީގެ މައްސަލަތަކަށް ހާއްސަކޮށްގެން "ޖަޒީރާ ސައްލާ"ގެ ނަމުގައި ބޭއްވި މަޝްވަރާ ބައްދަލުވުމުގައި، ފުލުހުންގެ ޑްރަގް އެންފޯސްމަންޓް ޑިޕާޓްމަންޓް (ޑީއީޑީ)ގެ ހެޑް، ސުޕްރިޓެންޑެންޓް އޮފް ޕޮލިސް އަހުމަދު ޝާކިރު ވިދާޅުވީ މަސްތުވާތަކެތި ޓްރެފިކްކުރުމުގައި ބައިވެރިވާ އާއިލާތައް އިތުރުވުމަކީ މީގެ ކުރިން ފެނުނު "ޓްރެންޑެއް" ނޫން ކަމަށެވެ.

ކުރިން ފެންނަނީ "އިންޑިވިޖުއަލް މީހުން ނޫނީ އެ ހުންނަ ނެޓްވޯކަކުން އެކަން ކުރަނީ. މިއަދު އަޅުގަނޑުމެންނަށް އެބަ ފާހަގަވޭ އާއިލާތައް އޭގެ ތެރެއަށް ވަންނަ މިންވަރު. އަންހެނުން އޭގެ ތެރެއަށް ވަންނަ މިންވަރު އިތުރުވަމުން އަންނަކަން ފާހަގަވޭ،" ކަމާ ގުޅޭ އިދާރާތަކުގެ އިސް ވެރިން ވެސް ބައިވެރިވެވަޑައިގެންނެވި މަޝްވަރާ ބައްދަލުވުމުގައި ޝާކިރު ވިދާޅުވި އެވެ.

އޭނާ ވިދާޅުވީ މަސްތުވާތަކެތީގެ ވިޔަފާރިއާ ގުޅޭ މައުލޫމާތު އެނގި ތިބެ، އެކަން ސިއްރުކުރާ މިންވަރު ވެސް އިތުރުވަމުން ދާ ކަމަށެވެ.

އިއްޔެ ބޭއްވި ޖަޒީރާ ސައްލާގައި ޑީއީޑީގެ ހެޑް ޝާކިރު (މ) ވާހަކަދައްކަވަނީ.-- ފޮޓޯ: ރައީސް އޮފީސް

މުޅި މައްސަލައަށް އޮތް ހައްލުގެ ވާހަކަ ދައްކާއިރު ފަރުދީ ޒިންމާއަކީ އޭގައި ވަރަށް މުހިއްމު ކަމެއް ކަމަށް އޭނާ ވިދާޅުވި އެވެ.

މަސްތުވާތަކެއްޗާ ގުޅޭ މައްސަލަތަކުގައި 2019 ވަނަ އަހަރު 133 ކުދިން އަދި މިިދިޔަ އަހަރު 110 ކުއްޖަކު އަތުލައިގަތެވެ.

މަސްތުވާތަކެތީގެ މައްސަލަތަކުގައި ބައިވެރިވާ އަންހެނުންގެ އަދަދު ވެސް ދަނީ އިތުރުވަމުންނެވެ. އެގޮތުން، 2019 ވަނަ އަހަރު 130 އަންހެނުން އަދި މިދިޔަ އަހަރު 77 އަންހެނަކު ތަފާތު އެކި އޮޕަރޭޝަންތަކުގައި އަތުލައިގަތެވެ.

މިދިއަ އަހަރަކީ ކޮވިޑްގެ ބަލިމަޑުކަމާ ގުޅިގެން ކުރިއާ ހިލާފަށް އާންމުންގެ ހަރަކާތްތަކަށް ހުއްޓުން އެރި އަހަރެކެވެ. އެހެންކަމުން ބައެއް ކަހަލަ ކުށްތަކުގައި ހައްޔަރުކުރާ މީހުން ވެސް މަދުވުމުގެ ފުރުސަތު އޮވެ އެވެ.

މަސްތުވާތަކެތީގެ ކުށަށް އަރައިގަންނަ މީހުންގެ އަދަދު ވެސް ފާއިތުވި ދެ އަހަރުގެ ތެރޭގައި އިތުރުވެފައިވެ އެވެ. ޝާކިރު ވިދާޅުވީ 2019 ވަނަ އަހަރު 493 މީހަކު އަދި މިދިޔަ އަހަރު 516 މީހަކު ކްރިމިނަލް ޖަސްޓިސް ސިސްޓަމްގެ ތެރެއަށް ވަދެފައިވާ ކަމަށެވެ.

ފުލުހުން މަސްތުވާތަކެތި ޑްރަގް ރިހަބިލިޓޭޝަން ނެޝަނަލް ޑްރަގް އޭޖެންސީ

15 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސްވާހަކަ

05 March 2021

އައްޑޫއިން މިދިއަ އަހަރު އަތުލައިގަތް ޑްރަގްގެ ވާހަކަ މިހާރު އަޑެއް ނީވޭ. ކަމިޝަނަރު ފްލައިޓް ޗާޓަރ ކުރާވަރުން އޮބިނޯވޭ އެދުވަސްކޮޅު. ތިޔަ ޑްރަގެއް ހުއްޓުވާން ބޭނުން ވަނީ ސަރުކާރުތަކުގެ އިހުލާސްތެރިކަން. ކޮން ފަރުދީ ޒިންމާއެކޭ ކިޔާކަށް. ސަރުކާރުތަކުން ތިޔަ ކަންކަމަށް ދޮރު ހުޅުވާފައި ބާއްވާތީ ވާކަންކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

05 March 2021

ވައުދު ނުފުއްދުމުގެ ނަތީޖާ! ތި ފެންނަނީ ރައްޔިތުން ވަޒީފާނުލިބި ގޮތްހުސްވެފަވާ މިންވަރު ... އަދިވެސް ވައުދުވާތި! ގައުމު ދަނީ ދުވަހަކަށްވުރެން ދުވަހެއް ފަހަތައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްދު

05 March 2021

ލޮލަށް ނުފެންނަ ވައިރައެއް ކޮންޓްރޯލް ކުރެވޭއިތު ކިލޯއިން ޓަނުން އެތެރެވާ އެއްޗެއް ކޮންޓުރޯލް ނުކުރެވޭކަމީ ދައުލަތް ލަދުގަންނަންޖެހޭކަމެއް! ތިބެގެން މޮޅުވާހަކަ ދައްކަނީ! ރަނގަޅު ނިޔަތެއްގައި އެއްވެސް ކަމެއް ކުރާތަނެއް ނުފެނޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެކްސްޓް

05 March 2021

މިވާހަކަ މިހެން ދައްކަން ކަމާބެހޭ އިދާރާރަކުން ލަދު ގަންނަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޖާ

05 March 2021

ފަރުދީ ޒިންމާއޭ ނުކިޔާ ކަލޭމެންގެ ޒިންމަަ އަދާ ކުރަންވީ. ރައްޔިތުން ކަލޭމެންނަށް އެވެރިންގެ ފައިސާއިން ކިޔަވަދީ ނުވިތާކަަށް ވަޒީފާ ދީފަ މުސާރަ ދޯފަ ތިބެނީ ކަމަކު. ދެން ކަލޭމެން ފުރިހަމައަށް އެކަން ދެނެގެން ޒިންމަަ އަދާ ކުރީމަ ނިމުނީ. ބޭކާރު ވާހަކަ ތި ދައްކަނީ. ހުސް ބަހަނާ ތިދައްކަނީ. ކަލޭމެން އަސްލު ތިވަނީ ހިޔާނާތްތެރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

05 March 2021

އެތައްފަހަރަކު ފަރުދީ ޒިންމާ އަދާކުރަން ގުޅިން. ނަމަވެސް ފުލުހުންގެ ބަހަކީވެސް ގެންދެވިދާނޭ ނަމަވެސް ޖެހޭނީ ހަމަ ދޫކޮށްލާށޭ ކޮބާހޭ ބޭނުނެއް. އެހެންވީމަ ފަރުދީ ޒިންމާ ވާހަކަ ނުދައްކާ. ފުލުހުންގެ ޔުނިފޯރމުގައި ތިދައްކަނީ ސިޔާސީ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

05 March 2021

މިވަރުވާއިރުވެސް މިކަން ހައްލުކުރަން ބޭނޫންވާ ވަސީލަތެއް ނުހޯދުނުދޯ؟ އެކަމަކު 50 ބުރީގެ ޓަވަރު އަޅަން އެބައުޅޭ. ގައުމެއްގެ ޖީލެއް ނެތިދާއިރު ކަމެއްނުކުރާއިރު އެއީ މައްސަލައެއްކަން މިރޯނުއެދުރުންނާޢި ވެރިންނަށް ނޭގޭތީވެ ހަމަ ހިތާމަކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިނަބް

05 March 2021

މިގައުމުގައި ތަންފީޒީއިދާރާތަކުގައި މަސައްކަތް ކުރާމީހުންނަށް ހީވެފައި އޮއްނަނީ ހުރިހާކމަެއް ހައްލުވާނީ އމިއްލަ ފަރުދީ ޒިއްމާނަގައިގެން ކަމަށް. މިހެން ކިޔަނީ މިަސައްކަތެއް ކުރަންޖެހޭތީ ރެކެން. ގާނޫނު ހިންގާމީހުން ހަރުކަށިފިޔަވަޅުއަޅައިގެން ހައްލުކުރެވޭނީކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞައްސެ

05 March 2021

ޢަހަރެންގެ ވަގުތު ބޭކާރުކުރަން ތިހެން މީހުންގެ ލޮލުގަ އަނދުން އެޅުވިޔަސް ކަމެއް ދެން ރިޕޯޓް ކުރާކަށް ނެތިން. ގުޅި އެއްފަހަރުވެސް ހައްލެއްކޮށްދީފައެއް ނެތް..މިއަދު ގެންގޮއްސިއްޔާ މާދަން ދޫކޮށްލާނެ..މާރަގަޅުވާނެ މަޑުން ތިބިއްޔާ.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

05 March 2021

މައްސަލަ ހައްލުވާނީ ހައްލުކުރަން އުޅެގެން. ސިންގަޕޫރުގަ މަސްތުވާތަކެއްޗާއި ކޮރަޕްޝަނުގެ ސަކަރާތެއް ނުޖެހޭ. މިރާއްޖޭގަ ގާނޫނު ތަންފީޒު ނުކުރެވި ދައުލަތް ބޮއްސުންލައިފި