ސާވިސް ޗާޖުގައި މިފަހަރު ވެސް އެންމެ ކުރި ހޯދީ ވެލާ؛ މީހަކަށް 47،108ރ.

ވެލާ ރިސޯޓުގެ އިންފިނިޓީ ޕޫލް-- ފޮޓޯ: ވެލާ ޕްރައިވެޓް އައިލެންޑް

އިދުހާމް ނައީމް، މިހާރު

05 މާޗް 2021 - 13:28

މިދިޔަ ފެބްރުއަރީ މަހުގެ ސާވިސް ޗާޖުގެ ގޮތުގައި ވެލާ ޕްރައިވެޓް އައިލެންޑުން ކޮންމެ މުވައްޒަފަކަށް 3،055 ޑޮލަރު (47،108ރ.) ދީފި އެވެ.

ރިސޯޓު ވޯކާސް މޯލްޑިވްސް ފޭސްބުކް ޕޭޖުގައި އާއްމުކޮށްފައިވާ ހިސާބުތަކަށް ބަލާއިރު މިއީ މިދިޔަ މަހު އެންމެ ބޮޑު ސާވިސް ޗާޖެއް ބެހި ރިސޯޓެވެ. އެންމެ މަތީ ފެންވަރުގެ ހިދުމަތް ދޭ ޕްރައިވެޓް އައިލެންޑެއް ކަމަށްވާ ވެލާ އިން އަންނަނީ ކޮވިޑްގެ ބަންދަށް ފަހު ރިސޯޓުތައް އަލުން ހުޅުވި ފަހުން ކޮންމެ މަހަކު މި ލިސްޓުގެ އެއްވަނަ ހޯދަމުންނެވެ.

ޖެނުއަރީ މަހު ވެސް އެންމެ ބޮޑު ސާވިސް ޗާޖެއް ބެހީ ވެލާއިންނެވެ. މިދިޔަ މަހަށް ވުރެ ވެސް އެ މަހުގެ ސާވިސް ޗާޖު ބޮޑެވެ. އެއީ ކޮންމެ މުވައްޒަފަކަށް 4،079.10 ޑޮލަރު (62،899ރ.) ދީފަ އެވެ.

މިހާރު ހުޅުވާފައި ހުރި ރިސޯޓުތަކުގެ ތެރެއިން ސާވިސް ޗާޖު ހާމަ ކޮށްފައިވަނީ މަދު ރިސޯޓަކުންނެވެ. އެ ރިސޯޓުތަކުގެ ތެރެއިން ގިނައީ 1000 ޑޮލަރަށްވުރެ ދަށުން ސާވިސް ޗާޖު ދޭ ރިސޯޓުތަކެވެ.

ސާވިސް ޗާޖުގެ ލިސްޓުގެ ދެވަނައިގައި، ވެލާ އަށް ވުރެ ދެ ބައިކުޅަ އެއް ބައި މަދު ސާވިސް ޗާޖަކާ އެކު އޮތީ ސޮނެވާގެ ރިސޯޓުތަކެވެ. ސޮނެވާ ޖާނީ އާއި ސޮނެވާ ފުށީގެ މުވައްޒަފުންނަށް މިދިޔަ މަހު ސާވިސް ޗާޖުގެ ގޮތުގައި 1،555 ޑޮލަރު (23،978ރ.) ވަނީ ދީފަ އެވެ.

މީގެ އިތުރުން 1،531 ޑޮލަރު (23،608ރ.) އާއެކު ތިންވަނައިގައި ފޯ ސީޒަންސްގެ ރިސޯޓުތައް އޮތް އިރު ހަތަރުވަނައަށް އެންމެ ގިނަ ސާވިސް ޗާޖު ދިނީ ވައްކަރު ރިސޯޓުންނެވެ. އެ ރިސޯޓުން މުވައްޒަފަކަށް 1،312 (20،231ރ.) ވަނީ ދީފަ އެވެ.

ސާވިސް ޗާޖު ދިނުމަކީ މިހާރު ގާނޫނީ ގޮތުން ކޮންމެ ޓޫރިސްޓު ފެސިލިޓީއަކަށް ވެސް މަޖުބޫރު ކަމެކެވެ. ސާވިސް ޗާޖުގެ ގޮތުގައި އޭގެ 10 ޕަސެންޓް ބަހަން ޖެހޭނެ އެވެ.

ރިސޯޓު ވޯކާސް މޯލްޑިވްސް ޕޭޖުގައި ސާވިސް ޗާޖުގެ އަދަދު ހާމަކުރަނީ އެ ރިސޯޓެއްގެ މުވައްޒަފުން ދޭ މައުލޫމާތަށް ބިނާކޮށެވެ.

ރިސޯޓްތައް ސާވިސް ޗާޖް

13 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

05 March 2021

ގާނޫނަކުން ކަމެއް މަޖްބޫރު ވާއިރު އެކަން ނުކުރާނަމަ ބަލަން ޖެހެ އެވެ. ރިސޯޓް ތަކުގަ ގަވާއިދާ ހިލާފައް އުޅޭ ބިދޭސީން ގެ މައްސަލަ ވެސް ބަލާ ލަދީ ބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުކަލޯ

05 March 2021

ކިތައް ދިވެހިންނަށްބާ ތި ރިސޯޓުން ސާވިސް ޗާޖު ލިބެނީ؟ ދިހަމީހުނަށް މީހަކަށް 40،000 ލިބުމަށްވުރެ 100 ދިވެހިންނަށް މީހަކަށް 5000 ދިނުމުން ގައުމުގެ އިގްތިސާދަށް ކުރާ ފައިދާ ބޮޑުވާނެ. ޙަބަރު ޖަހާއިރު މިކަހަލަ މަައުލޫމާތު ވެސް ދޭނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމީރުލް

06 March 2021

ދެފައި ދަމައިގެން ކޮފީގަ އިންނަމިހާއަށްވެސް ބައިއަޅަން ތިބުނަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިނގެރޭސިން

05 March 2021

އެމް އޭ ސީ އެލް މުވައްޒަފުންނަށް ވޭތުވެދިޔަ ދެއަހަރު ބޯނަސް ނުދޭތާނގަ އޯޓީވެސް ވަނީ ކަނޑާލާފަ، ކުންފުނީގެ އާމްދަނީގެ ބޮޑުބައެއް ދަނީ އިނގެރޭސި މުވައްޒަފުންނަށް. ސީއީއޯ އާއި އެޗްއޯޑީންނަށް. ފާހަގަކޮށްލަން ޖެހެނީ ރެކޯޑް އަދަދަކަށް ވޭތުވެދިޔަ ތިންމަހު ޓޫރިސްޓުން ވަނީ ރާއްޖެ އައިސްފަ. އެއެންމެން މެ ވަދެފައިވަނީ ވީއައޭ ގެ ދޮރޯށިން. ދޮރޯށި ބަލަހައްޓާ އެމް އޭ ސީ އެލް މުވައްޒަފުން ތިބީ ވަރަށް ހާލުގަ ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޔާ

06 March 2021

ހާލުގަ އުޅޭމީހާގެ މުސާރަ ބުނެލިނަމަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު11111

05 March 2021

ރިސޯޓްބޯއީސް އަކީ ވަރަށް ޝަކުވާ ގިނަ ބައެއް. މިހާވަރު ލިބުނަސް ޝަކުވާ ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާލިހާ

05 March 2021

ވެލާ އިން އެއްްވެސް ހައްގަކާއި ނުލާ ކޮވިޑްތެރޭގައި ކަނޑާލި މުވައްޒަފުންގެ އަޑު އިވޭ ބައެއް ނެތް. އިންސާފު ވެސް މިއޮންނަނީ ކޮންމެ ކަމެއްގައި ވެސް ވަކި ބަޔަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްދީގު.

06 March 2021

ޥެލައިން ކޮވިޑް ތެރޭގައި ސްޓާފުންގެ މުސާރަ ބޮޑު ކޮއްދިނީ. އެއްވެސް ސްޓާފަކު ކަނޑާލާފައެއް ނޯންނާނެ. އެނގިގެން ވާހަކަ ދައްކަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފް މީ

05 March 2021

5 ސްޓަރ ރިސޯޓް ތަކުން 1000 ޑޮލަރަށް ވުރެ ބޮޑުކޮން މިހާރު ސާ ވިސްޗާޖް ދެ ވެންޖެހޭނެ. ނުދޭ ކުންފުނިތަކަށް ގާނޫނީ ފިޔަ ވަޅު އަޅާ. އެހެންނޫނީ ޓޫރިޒަމުން އާންމުމީހާ އަށް ވަނެ ފައިދާ ނޯނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެލާ

05 March 2021

މަމީ ވެލާގަ މަސައްކަތްކުރާ ސްޓާފެއް، ބޮޑު ސާރވިސް ޗާރޖު ލިބުނީމަ އެންމެންވެސް ދައްކަނީ އެވާހަކަ، އަނބި ދަރިންނާ ދުރުގަ ތިބެގެން މިކުރާ ބުރަ މަސައްކަތެއް އެއްވެސް ބަޔަކަށް އިހުސާސެއްނުވާނެ، މިހާރުވެސް އަނބި ދަރިން ކައިރިޔަށް ނުދެވޭތާ 8 މަސްވެއްޖެ...