ވެކްސިން ޖެހުމަށް ބިދޭސީއަކު މައުލޫމާތު ފުރިހަމަކުރަނީ.-- ފޮޓޯ: އަހުމަދު އަވްޝަން އިލްޔާސް /މިހާރު
08 މާޗް 2021 - 16:22
19 comments
ކޮވިޑު-19 އިން ދިފާއުވުމަށް މާލެ ސަރަހައްދުގައި ވެކްސިންގެ ފުރަތަމަ ޑޯޒް ޖަހައިދޭނީ އަންނަ ހޯމަ ދުވަހާ ހަމައަށް ކަމަށް ހެލްތު މިނިސްޓަރު އަހުމަދު ނަސީމް މިއަދު ވިދާޅުވެއްޖެ އެވެ.
ރ. އުނގޫފާރު ހޮސްޕިޓަލްގެ އާ އިމާރާތް އެޅުމަށް ބޭއްވި ރަސްމިއްޔާތުގައި މިނިސްޓަރު ވިދާޅުވީ ހަލުއިކަމާ އެކު ބަލި ފެތުރެމުންދާ މާލެ ސަރަހައްދުގައި ވެކްސިންގެ ފުރަތަމަ ޑޯޒް ޖަހަން ފެށިތާ ދުވަސްތަކެއް ވެއްޖެ ކަމަށެވެ. ދެ ވަނަ ޑޯޒް ފައްޓަން ޖެހޭ ކަމަށާއި ބަލީގެ ރައްކާތެރިކަން ލިބުމުގެ ބައި ފުރިހަމަވެގެންދާނީ އޭރުން ކަމަށް ވިދާޅުވި އެވެ.
"އެހެންވީމަ މި މަހުގެ 15 ވަނަ ދުވަހާ ހަމައަށް އަޅުގަނޑުމެން ހިޔާލު ކޮށްގެން މި ތިބީ މާލޭގައި ފުރަތަމަ ޑޯޒް ޖެހުން 15 ވަނަ ދުވަހުން ފެށިގެން ނިމުމަކަށް ގެންނަން. ދެން އަޅުގަނޑުމެން މާލޭގައި ފައްޓާނީ ދެ ވަނަ ޑޯޒް ޖެހުން،" ނަސީމް ވިދާޅުވި އެވެ.
އޭނާ ވިދާޅުވީ ދުވާލެއްގެ މައްޗަށް ވެކްސިންގެ 10،000 ޑޯޒް ޖެހުމުގެ ގާބިލްކަން އެބަހުރި ކަމަށެވެ. މި މުއްދަތުގައި މާލޭގައި 18 އަހަރުން މަތީގެ އެންމެންނަށް ވެކްސިންގެ ފުރަތަމަ ޑޯޒް ޖަހައި ނިންމާލެވޭނެ ކަމަށް ވިދާޅުވި އެވެ. އެއީ 75-80 ޕަސެންޓް މީހުންނެވެ.
މާލޭގައި ދިމާވި ކަހަލަ ހިތާމަވެރި ކަންތައްތައް އެހެން ރަށްރަށުގައި ދިމާވަން ބޭނުން ނުވާ ކަމަށް ނަސީމް ވިދާޅުވި އެވެ.
ކޮވިޑުގައި މާލެ ސަރަހައްދުން 60 އަށްވުރެ ގިނަ މީހުން މަރުވެފައި ވެ އެވެ. އަދި އެ ބަލި ޖެހިގެން މިހާތަނަށް އެންމެ ގިނަ މީހުން ރިޕޯޓުކޮށްފައިވަނީ ވެސް މާލެ ސަރަހައްދުންނެވެ.
ރާއްޖޭގައި ބޭނުންކުރަމުން އަންނަ ކޮވިޝީލްޑް ވެކްސިންގެ ދެ ވަނަ ޑޯޒް ޖަހަން ނިންމާފައިވަނީ، ފުރަތަމަ ޑޯޒަށްފަހު އަށް ހަފުތާ ފަހުންނެވެ. އެގޮތުން، އެންމެ ފުރަތަމަ ވެކްސިން ޖެހި މީހުންގެ ދެ ވަނަ ޑޯޒް ޖަހަން މި މަހުގެ ފަހުކޮޅު ފަށާނެ އެވެ.
މިހާތަނަށް 150،000 އަށްވުރެ ގިނަ މީހުން ވެކްސިން ޖަހާފައިވެ އެވެ. މާލެ ސަރަހައްދުން 89،093 މީހުން އަދި ރަށްރަށުން 62،550 މީހުން ވެކްސިންގެ ފުރަތަމ ޑޯޒް ޖަހާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖެލޯ
09 March 2021
ވެކްސިންޖެހުމަކީ މިހާރު އަސާސީ ހައްގެއްފަދަ ކަމެއް. ސަރުކާރުން ދިން މުއްދަތުގައި ނުޖެހުނީމަ ދެން ނުޖެހޭނެކަމަށް ބުނުމަކީ އަނިޔާވެރިކަން ދައްކަން އުޅުން.
ކެރެދި ބެއްޔާ
09 March 2021
އިންޒާރު ދީ ހަމަނުޖެހޭ ވާހަކަ ދެއްކުމުގެ ބަދަލުގައި ލޯއްބާއި އަޅާލުމާއި އެކު ރައްޔިތުމީހާ އާއި މުއާމަލާތް ކުރަން ވެރިން ފުރަތަމަ ދަސްކުރޭ! ފުރަމަ ތިޔާ ވެކްސިންގެނެސް މުޅިގައުމުގައި ތިބި ދޭސިންނާއި ބިދޭސިން ގަޔަށް ޖަހާ ވާހަކަ ބޮޑުގެރިބޭރަށް ހިގާހެން މުޅިމީޑިޔާ ގައި ދައްކާފަ މިހާރު ތިޔާ ވިދާޅުވަނީ ކީކޭތޯ؟؟؟ ނަސީމްބެ މެން ލަދުކޮބާ ؟؟
ނޫރާ
09 March 2021
މިދެން ދެރަ ކަމެއް ދޯ. އަހަރުން މަންމައަށް (68އަހަރު) ވެކްސިން ދެވެން އަންނަނީ އަދި ތިންހަފުތާ ފަހުން. އެއީ މަންމަ ކީމޯ ނަގަން ޖެހުމުގެ ސަބަބުން ޑޮކްޓަރުގެ އެންގުމަށް. މިހާރު މިވީ ގޮތުން ވެކްސިން ނުޖަހާ ހުންނަން މިޖެހުނީ.
މުލޭ
09 March 2021
ދަރުކާރުގެ ހެލްތު މިނިސްޓަރުތަ އެހެން ވިދާޅުވީ!؟. އެހެން ވެއްޖެނަމަ ރައްތިތުންނަކަށް ލޯތްބެއް ކުލުނެއް އަޅާލުމެއް ވެސް ނެތް ބޭފުޅަކަށް ތިޔަވާނީ. ހަމަ އަޖާއިބުވެ އަންތަރީސް ވެއްޖެ. އޯޑަރު ދިން 7 ލައްކަ ޑޯޒް އެއީ ކޮންބަޔަކަށް ޖަހަން ހޯދާ ވެކްސިނެއްތޯ؟
ވައިރަސް
08 March 2021
ކޮންމެ ދުވަހަކުން ޖަހަން ބޭނުންވިޔަސް ޖެހޭނެ އިންތިޒާމް ސަރުކާރުން ހަމަޖައްސަވައިދޭން ޖެހޭނެ. ސިއްހީ ފަރުވާއަކީ ވަކިވަގުތަކަށް ހުއްޓާލެވިގެންވާނެ ފަރުވާއެއްނޫން. ތިކަހަލަ ވާހަކަ ދައްކަން ރައްޔިތުންގެ ފައިސާއިން މުސާރަދެވޭ މަޤާމްތަކުގެތިބޭ ބޭފުޅުން ލަދުވެތިވާންޖެހޭނެ.
ބޮން
08 March 2021
ދެވަނަ ޑޯޒު ޖަހަނީ 8 ހަފްތާ ފަހުން ކަމަށް ވާނަމަ ފެބުރުވަރީ ފުރަތަމަ ހަފްތާގައި ފުރަތަމަ ޑޯޒު ޖެހި މީހުންނަށްވެސް 8 ހަފްތާ ވާނީ މާރިޗު މަހުގެ ފަހުކޮޅުއެވެ. ކިހިނެތްބާ މިވީ؟
ފައު
08 March 2021
އީބޫ ބާއްވާހާ ޖަލްސާއެއްގަ ދިވެހި ހުރިހާ ރައްޔިތުންނަށް ވެކްސިން ލިބޭނޭ ކިޔާފަ މިހާރު މިބުނަނީ މިވެނި ދުވަހެއް ކުރިން ނުޖަހައިފިއްޔާ ނުލިބޭނޭ.
އަންކީބޫ
09 March 2021
މާއަވަހަށް ހާސްވެ ގޮވަން ތިޔަ އުޅެނީ. ރީއްޗަށް ނޭވާލާބަލަ! މަހަ އެހެނޭ އޮތީ. މިމަހު ފަހުކޮޅޭ މިހަރުގައި އެވާ ޖުމްލައިގެ މުރާދަކީ މާރިޗުމަހުގެ ފަހުކޮޅު. ހާސްވާން ޖެހޭ އެއްކަމެއްވެސް ނެތް. މަޑު މަޑުން ހަމަޖެހިގެން ރީއްޗަށް ނޭވާލާ!
ޤައުމު19
08 March 2021
ކަލޯގަޔާ ދެން ތި ޖެހުނީ އަނެއް ހަކަންތައް... ވެކްސިން ޖަހަން ފެށިފަހުން 8000 ޑޯޒް ޖެހުނު ދުވަހެން ބުނެލަބަލަ. މިހާރު އެ އަދަދު އިތުރުކޮށްލާފަ 10،000 ޑޯޒް ޖަހާނެ ގާބިލުކަން ހުރި ވާހަކަ ތި ދައްކަނީ.. ސައްހީ ހިދުމަތްތެރިން ފުނޑާލައިގެންވެސް ތިކަން ވޭތޯ ބަލަން ވާނެ. އަވަހަށް 10،000 މީހުން ހަމަ ކޮށްފަ ފަށަމާ ހިނގާ. ފަތިހު 5:30 ފެށިގެން ހަވީރު 6:00 އަށް ބަލާނީ. މިނިސްޓަރު މިކަން ކާމިޔާބުކޮށްފަ ދައްކާލަ ދީ ބަލަ.
ޖަހަންދު
08 March 2021
ޖަހަން ދާ މީހުންގެ އަދަދު މަދުވީމަ 5،000 ވެސް ނުޖެހި ހިނގައިދާނެ. ހެލްތް މިނިސްޓަރ ބުނީ 10،000 ދުވާލަކަށް ޖެހުމުގެ ގާބިލުކަން އެބަހުއްޓޭ
ާހަމް66
08 March 2021
ދުނިޔޭގެ ކޮންތަނެއްގަ ކުރާ ކަމެއްތޯ ކޮން ސިއްހީ މާހިރެއް ލަފާ ދިންކަމެއްތޯ ފުރަތަމަ ޑޯޒް ހުއްޓާލުން؟ މިއީ ރޭހެއް ނޫނޭ ވަކި ވަގުތެއް ކަނޑަ އަޅާފަ ބާއްވަން. ދެވަނަ ޑޯޒް ވަކިސެންޓަރަކުން ޖަހާ ގޮތައް ހަދަންވީނު؟
ވާނުވާގަ
08 March 2021
އަދިވެސް ވާނުވާގަ ހުރެ ވާހަކަ ދެއްކޭތޯ ބަލާ. މީހުން މިހާރު ވެކްސިން ޖަހަން ނުދާތީ ދެން މަޑުކޮށްގެން ނުތިބެވޭނެ ވާހަކަ އެ ބުނީ. ފުރަތަމަ ޑޯޒް ޖެހުން ހުއްޓާލާފަ ދެވަނަ ޑޯޒް ޖަހަން ފަށަނީ ހާރޑް އިމުނިޓީ މީހުން ގިނަ ކުރަން
ފަޖުނާ
08 March 2021
ކޮންމެ ކަމެއްގައިވެސް ބޮޑާކަމާ ކިބުރުވެރިކަން ބަޔަކައް ޖެއްސުންކުރަން އުޅޭހެން ހީވަނީ . ނަމުގަ ހިތްތިރި ކަމުގަބަދަލުހިފުން
ތިލަދުންމަތި
08 March 2021
މިއަދު ބާރެއް ލިބިފައި އޮތެއްކަމަކު ނިކަމެތި ރައްޔިތުންނަށް ބިރުނުދައްކަވާ! ތިޔަ ވިދާޅުވަނީ މިމަހު 15 ގެ ކުރިން ފުރަތަމަ ޖެބް ނުޖަހައިފި ނަމަ ވެކްސިން ޖަހާ ނުދޭނަމޭތޯ؟ ބައްލަވާ، ވެކްސިން ޖަހަން ފެށީ މީގެ 34 ދުވަސްކުރިން! އެއީ ގާތްގަނޑަކަށް 5 ހަފުތާ! ތިޔަ ބޭފުޅުންނޭ ވިދާޅުވީ 2 ވަނަ ޖެބް ޖަހާނީ 8-14 ހަފުތާގެ މުއްދަތަކަށް ފަހުއޭ! މުޅިން ވެސް ރާއްޖޭގައި ޖަހަނީ 64 ޕަސެންޓް އެފިކަސީގެ ކޮވިޝީލްޑް! ގިނަ ބަޔަކު އިންތިޒާރުކޮށްގެން އެބަތި 700،000 ޑޯޒްއަށް އޯޑަރ ދީފައިވާ އެސްޓްރާ ޒެނެކާ ޖަހަން ވެސް! އަނެއްކާ އެންމެ އާބާދީ ބޮޑު، ކޮވިޑްކޮންޓްރޯލް ކޮށްފައިވާ ޗައިނާގެ އެފިކަސީ 84 ޕަސެންޓްގެ ސައިނޯ ފާމްގެ 200،000 ޑޯޒް ވެސް ރާއްޖެއަށް ދީފި! މި ވެސް މިތުރު ހިންދު ކަރަ ނުރުހިދާނެތީ ދެއްތޯ ތިޔަ އުޅުއްވަނީ އިމްޕޯޓް ވެސް ނުކުރައްވަން؟
ހަމަ9
08 March 2021
އަސްލުވާ ގޮތަކީ ގަންނަންދިން 7 ލައްކަ ޑޯޒުން އެންމެ ޑޯޒެއްވެސް ގެނެވޭނެ ކަމުގެ އިތުބާރު ނެތީ. ހުސްވާނެތީ ހުއްޓާލަނީ.