"މިހާރު ޓޫރިސްޓުން މިއަންނަނީ އީސްޓާން ޔޫރަޕުން. އެއީ ބޯނަހެއް. ކުރީގެ އެންމެ ބޮޑު މާކެޓް ޔޫރަޕް ހުޅުވައިލުމުން ރާއްޖޭގެ ޓޫރިޒަމް ފެންނާނީ ވަރަށް ފެހިކޮށް"
ޓޫރިޒަމްގެ އެންމެ ބޮޑު އެއް އިންވެސްޓަރު، ޗަމްޕާ ހުސެއިން އަފީފު
10 މާޗް 2021 - 16:55
10 comments
ކޮވިޑްގެ ސަބަބުން ދިމާވި ގެއްލުމުން އަރައިގަނެ ޓޫރިޒަމް ދާއިރާއަށް ފުލް ރިކަވަރީއެއް މި އަހަރު ފަހުކޮޅު ލިބޭނެ ކަމަށް ލަފާކުރެވޭ ކަމަށް ރާއްޖޭގެ ޓޫރިޒަމްގެ އެންމެ ބޮޑު އެއް އިންވެސްޓަރު، ޗަމްޕާ ހުސެއިން އަފީފު މިއަދު ވިދާޅުވެއްޖެ އެވެ.
ޓޫރިޒަމް މިނިސްޓްރީން ބޭއްވި ނޫސްވެރިންގެ ބައްދަލުވުމުގައި "މިހާރު" އިން ކުރި ސުވާލަކަށް ޖަވާބު ދެއްވަމުން އަފީފް ވިދާޅުވީ، ޔޫރަޕްގެ ބޯޑަރު ހުޅުވުމާ އެކު ދާއިރާ ކުރީގެ ހާލަތަށް ރުޖޫއަވާނެ ކަމަށް ބެލެވޭ ކަމަށެވެ.
"މިހާރު ޓޫރިސްޓުން މިއަންނަނީ އީސްޓާން ޔޫރަޕުން. އެއީ ބޯނަހެއް. ކުރީގެ އެންމެ ބޮޑު މާކެޓް ޔޫރަޕް ހުޅުވައިލުމުން ރާއްޖޭގެ ޓޫރިޒަމް ފެންނާނީ ވަރަށް ފެހިކޮށް،" އޭނާ ވިދާޅުވި އެވެ.
އީސްޓާން ޔޫރަޕްގެ ގައުމުތަކަކީ ކޮވިޑްގެ ހާލަތަށް ފަހު އެންމެ ގިނައިން ރާއްޖެއަށް ޓޫރިސްޓުން އަންނަ ގައުމުތައް ހިމެނެ އެވެ. އެގޮތުން ރާއްޖެއަށް އަންނަ ޓޫރިސްޓުންގެ 21 ޕަސެންޓް ހިއްސާވަނީ ރަޝިއާ އެވެ. އޭގެ އިތުރަށް ޔޫކްރެއިން އާއި ކަޒަގިސްތާން ޗެކް ރިޕަބްލިކް ފަދަ ގައުމުތައް ހިމެނެ އެވެ.
އަފީފް ވިދާޅުވީ، މިއަހަރުގެ ނޮވެމްބަރު، ޑިސެމްބަރުގައި ރާއްޖޭގެ ޓޫރިޒަމް އިޔާދަވާނީ އެހެން ގައުމުތަކުގެ ބޯޑަރުތައް ހުޅުވާލެވިގެން ކަމަށެވެ. އަދި ކޮވިޑްގެ ހާލަތު މިހާރު އޮތް ހިސާބުން، ވެކްސިން ޖެހި ގައުމުތަކުން ބޮޑެތި ލުއިތައް އަންނާނެ ކަމަށް ބެލެވޭ ކަމަށް އޭނާ ވިދާޅުވި އެވެ.
އަފީފް ވިދާޅުވީ، މިއަދު ގައުމުތަކުގެ ރައްޔިތުން ތިބީ ބޯޑަރު ހުޅުވައިލާނެ ދުވަހަކަށް ބަލަބަލައި ކަމަށެވެ. އަދި ގައުމުތައް ހުޅުވާލުމުން ރާއްޖޭގެ މަގްބޫލުކަން އެތައް ގުނައަކަށް އިތުރުވެގެންދާނެ ކަމަށް ގަބޫލުކުރެވޭ ކަމަށް އޭނާ ވިދާޅުވި އެވެ.
އަފީފް ވިދާޅުވީ، ރާއްޖޭގެ ޓޫރިޒަމަށް 50 އަހަރު ފުރޭ އިރު ޓޫރިޒަމް ދާއިރާ އޮތީ ދުނިޔޭގެ އެންމެ ކުރީގައި ކަމަށެވެ. އަދި މިގޮތަށް "ނަންބަރު ވަން" ގައި ދެމެހެއްޓުމަކީ އެންމެ ބުރަ މަސައްކަތް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭވިހަޑި
11 March 2021
ވާނެ. އިންޝާﷲ!
ލުތުފީ
11 March 2021
މިއީ އުފާވެރި ޚަބަރެއް.
އާރީ
11 March 2021
ކޮބާހޭ އެމްއޭސިލު މުއަށްޒަފުންގެ ބޯނަސް ކޮޅު. އެ ހިފަހަންޓާގެން ނުހުންނާށޭ.
ހެރީޕޮޓާ
10 March 2021
އެބޭފުޅުން އެދައްކަވަނީ އެބޭފުޅުންގެ ވިޔަފާރީގެ ވާހަކަ. " އަހަރެންގެ ކުކުޅު ދޮންބިސް އަޅަޔޭ! އަހުރެންގެ ކުކުޅު ދޮންރީތި ކުކުޅު، އެބޭބޭ ގޮވަނީ އާދޭ ކުކުޅާ!"
ަަަހައިޑީ
10 March 2021
މުޅިއަކުން ރަނގަޅެއް ނޫން. 80% ޑިސްކައުންޓުގަ މިހާރުވެސް.
ރިޒޯޓް
10 March 2021
ގަބޫލެެްނުކުރެވޭ.
ޭަެރޭއާފާ
10 March 2021
ތެދުފުޅެއް. ގެއްލުނު ފައިސާކޮޅު ލިބޭނެ. ޢަދި މުވައްޒަފުން އަތުން ކެނޑި ފައިސާކޮޅެއް ނުލިބޭނެ. ޢުފާަވެރި 50
އިޔެ1
10 March 2021
ވަރަށް ކެރިހުރެ ޔަގީން ކަމާއިއެކު މިބުނަނީ، 2022 ވަނަ އަހަރުގެ މެދު ތެރޭގައި ނޫނީ ފަތުރުވެރިކަން އަނބުރާ ކުރީގެ ހާލަތަކަށް ނުދާނެ. ދުނިޔޭގެ ގިނަ ގައުމުތަކުގެ އިޤްތިސާދު ހިފަހައްޓަމުން ދަނީ ފައިސާ ޗާޕުކޮށްގެން. މިކަމުގެ ސަބަބުން ރިސެޝަނުގެ ހަޤީގަތް ފެންނަން ފަށާނީ ދުވަހުން. އަދި ސަރުކާރުތަކަށް ލިބުނު ގެއްލުން ކަވަރު ކުރަން ޓެކުސް ބޮޑު ކުރާނެ.
އަލީޑީ
11 March 2021
މުޅިން ރަގަޅު އެނާލިސިސް އެއް ނޫން. މުއްސަނދިންގެ އަތުގައި ކޮވިޑް-19 ތެރޭ ފައިސާ ޚަރަދު ނުކުރެވި ހުރެގެން ގިނަވެފައި އެބަހުރި. ރާއްޖެ އަށް އަންނަނީ މުއްސަނދިން. ރާއްޖެ އަކީ އަގު ބޮޑު ޑެސްޓިނޭޝަނެއް. އިކޮނޮމިކް ރިސެޝަންގެ އަސަރު ބޮޑަށް ކުރާނީ ފަގީރުންނަށް. މޯލްޓަރ، ޓެނެރީފް ފަދަ ޑެސްޓިނޭޝަންތަކަށް ދާ މީހުންނަކީ މުޅިން އެހެން ބައެއް. އެތަންތަނަށް ރިސެޝަންގެ އަސަރުކުރާނެ އެކަމަކު ރާއްޖެ އަށް ބޮޑަކަށް ނުކުރާނެ.
ސުއްމަކާނު
10 March 2021
މީގަ ދެރަކަމަކީ ރާއްޖޭގެ ޓޫރިޒަމަށް 50 އަހަރުވެ ދުނިޔޭގެ އެެއްވަނައިގައި އޮތަސް އިންޑަސްޓްރީއިން އާއްމު ދިވެހި ފަރުދުންނަށް ފައިދާ ވަނީ މަދު ރިސޯޓަކުން.. އެވެސް ބޭރު މީހުން ހިންގާ ތަންތަނުން. ދިވެހިން ހިންގާ ރިސޯޓުތަކުގަ އުޅޭ ދިވެހިން އުޅެނީ ވަރަށް ހާލުގަ.. 99 އަހަރަށް ރަށްތައް ޗަމްޕާމެން ގާސިމުމެންނަށް ދިނުމަކީ ދިވެހިންނަށް ލިބިފަ އޮތް ބޮޑު އަނިޔާއެއް.