ޔާމީން ގެއަށް ބަދަލުކޮށްދިނުމަށް އާއިލާގެ ފަރާތުން ހުށަހަޅައިފި

ޔާމީން ކަރެކްޝަންސްގެ ވެހިކަލަށް އަރާވަޑައިގަންނަވަނީ: އެ މަނިކުފާނު ޖަލުގައި ހުންނަވާތާ އަހަރަކަށް ވުރެ ގިނަ ދުވަސްވެއްޖެ --ފޮޓޯ:ނިޝާން އަލީ/މިހާރު

އާމިނަތު ޝިފްލީން، މިހާރު

18 މާޗް 2021 - 13:08

35 comments

މަނީ ލޯންޑަރިންގެ ކުށުގައި ޖަލަށް ލާފައިވާ ކުރީގެ ރައީސް އަބްދުﷲ ޔާމީން ގެއަށް ބަދަލުކޮށްދިނުމަށް، އެ މަނިކުފާނުގެ އާއިލާގެ ފަރާތުން ހޯމް މިނިސްޓްރީ އަށް ހުށަހަޅައިފި އެވެ.

އެ މިނިސްޓްރީން މިއަދު ބުނީ، ސިއްހީ ހާލުކޮޅު ހުރި ގޮތުން ޔާމީން ގެއަށް ބަދަލުކުރުމަށް އާއިލާ އިން ހުށަހެޅި ނަމަވެސް، އެކަމާ ގުޅޭގޮތުން އަދި ވަކި ގޮތެއް ނުނިންމާ ކަމަށެވެ.

ޔާމީން ޖަލަށްލާން ހުކުމް ކުރިތާ އަހަރަކަށް ވުރެ ގިނަ ދުވަސްވެފައިވާއިރު، އެ މަނިކުފާނު ގެއަށް ބަދަލުކުރުމަށް އިދިކޮޅު ޕީޕީއެމް[ޕީއެންސީން އެތައް ފަހަރަކު ވަނީ ގޮވާލައިފަ އެވެ.

ހޯމް މިނިސްޓަރު އިމްރާން އަބްދުﷲ މީގެ ކުރިން ވިދާޅުވެފައިވާ ގޮތުގައި، ހާލުކޮޅު ހުރި ގޮތުން ލުއިތަކެއް ދޭން ޔާމީނަށް ވެސް ހުށަހެޅުއްވި އެވެ. ރާއްޖޭގައި ހެދެން ނެތް ޓެސްޓެއް ބޭރުން ހެދުމަށާއި ސްޓްރެސް ފްރީ މާހައުލެއްގައި ބެހެއްޓެވުމަށް ޑޮކްޓަރު ލަފާ ދެއްވާފައި އޮތް ކަމަށާއި އެ ލަފައާ އެއްގޮތަށް ޓެސްޓު ހައްދަވަން ބޭރަށް ވަޑައިގަތުމަށް ޔާމީނަށް ދެންނެވި ކަމަށް އިމްރާން ވިދާޅުވި އެވެ.

"[އެ ލަފަޔާ ގުޅިގެން] އަޅުގަނޑު އަމިއްލަ އަށް ގޮސް ބައްދަލުކުރިން. އަޅުގަނޑު ހިތުން ރައީސް ޔާމީން މިހާރު ބަހައްޓަވާފައި އެ ހުންނެވި މާހައުލަކީ ޖަލެއްގެ ތެރޭގައި، ވަކި އެ އަށް ވުރެ ރަނގަޅަށް އެކަން ކުރެވޭނެއޭ ދަންނަވާކަށް ނުކެރޭނެ. އަޅުގަނޑުމެން ތިބިއިރު ތިބި ހާލަތާއި ރައީސް ޔާމީން އެ ހުންނެވި ހާލަތު އެނގިވަޑައިގަންނަވާ ބޭފުޅުންނަށް އެނގިވަޑައިގަންނަވާނެ އަޅުގަނޑު މި ދަންނަވަނީ ކޮން ވާހަކައެއްކަން،" މިދިޔަ އަހަރުގެ އޮކްޓޫބަރު މަހު އިމްރާން ވިދާޅުވެފައި ވެ އެވެ.

މިދިޔަ އަހަރުގެ ރޯދަ މަހުގައި ވެސް، ޔާމީން ގެއަށް ބަދަލުކުރުމަށް އެ މަނިކުފާނުގެ ޕާޓީ، ޕީއެންސީން އެދުނެވެ. އެއީ އެކި ކުށްތަކުގައި ޖަލަށް ލާފައިވާ ސިޔާސީ މީހުން، މީގެ ކުރީގެ ރޯދަ މަސްތަކުގައި ދޫކޮށްލާފައިވުމުންނެވެ. އެކަމަކު ސަރުކާރުން އެކަމަކަށް އޭރު ވެސް އިޖާބައެއް ނުދެ އެވެ.

މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށްލާން ކުރި ހުކުމް ހައި ކޯޓުން ދާދި ފަހުން ދަމަހައްޓާފައިވާއިރު، އެ މައްސަލަ ސުޕްރީމް ކޯޓުގައި އިސްތިއުނާފު ކުރުމުގެ މަސައްކަތް ވަކީލުން ދަނީ ކުރަމުންނެވެ. މަނީ ލޯންޑްރިންގެ އިތުރު ދައުވާއަކާއި ރިޝްވަތު ގަބޫލު ކުރުމުގެ ދައުވާއެއް ޔާމީންގެ މައްޗަށް މިހާރު އުފުލައި، ޝަރީއަތް ދަނީ ހިނގަމުންނެވެ.

ހޯމްލޭންޑް ސެކިއުރިޓީ މިނިސްޓްރީ ރައީސް އަބްދުﷲ ޔާމީން މަނީ ލޯންޑްރިން ކުށްކުރުން

35 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަފީގު

18 March 2021

ރަގަޅު ހުކުމެއްކަމަށް ގަބޫލްކުރީމަ ގެޔަށް ބަދަލްކުރަން އެދޭނީ ދޯ. އެހެންވެއްޖެއްޔާ ޗެނަލް 13 އިން އެގޮވާ "ނުހައްގުންޖަލުގަ" ގޮވުން ހުއްޓާލާ. އެހެންކަމަށް ވާނަމަ ގެޔަށް ބަދަލްކުރެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

18 March 2021

ކޫސަނި ހަމީދޫ! އެހެންމީހަކު ކުރިކުށަކައް އަދަބު ނުލިބުމަކީ އޭނާގެ ކުއް ފޮހެވިގެން ދާނެ ކަމެއް ކަމައް ގަބޫލު ކުރަމީތޯ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

18 March 2021

ރަމަލޯންމަހަކީ ޔާމީނު އެކަންޏައް އަންނަ މަހެއްތޯ? ޔާމީނަކީ ރައްޔިތުނގެ ފައިސާއް ޚިޔާނަތްތެރިވެ ދައުލަތައް އެތައް ގެއްލުމެއް ދީފަހުރި މީހެއް. އޭނަ ގެއައް ބަދަލުކުރަންޏާ އަހަރެންގެ ކޮއްކޮ ވެސް ވާނީގެއް ބަދަލު ކޮއްދޭން! އަހަރެންގެ ކޮއްކޮގެ ފަރާތުން ދައުލަތަކައްވެސް ރައްޔިތަކައްވެސް ލިބުނު އެއްވެސް ގެއްލުމެއްނޯންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

18 March 2021

ޖަލުގަ ތިބި އެއްމެން ގެއަށް ބަދަލު ކުރަށް ޖެހޭނެ. ވަކި މީހަކު ގެއަށް ބަދަލު ކުރުމަކީ އިންސާފެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރީ

18 March 2021

އެއްގޮތަކަށް ވެސް ބަދަލު ކޮށްގެން ނުވާނެ. ދައުލަތަށް ދަށްކަންޖެހޭ 5 މިލިޔަން ޑޮލަރ ވެސް ދެށްކީއަކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

18 March 2021

މި ރައީސް ޔާމީނުގެ ވެރިކަމުގަ އެއްބަފާ ބޭބެ ރައީސް މައުމޫނު ޖަލަލަށް ލައިގެން އެފަކީރަށް ހާދަ އަހުވައެއް ދެއްކިއޭ، ގެއަށްވެސް ބަދަލު ނުކޮށް ބޭބޭފުޅު ގެންގުޅުނީ މުޅި ރޯދަމަހުވެސް ހަމަ ޖަލުގަ، މައުމޫނުގެ ބަލިހާލަތު ހުރިގޮތުން މައުމޫނަށް ހޭހަން ކުރަން ދެދުވަހުން އެއްދުވަހު މެޑަމް ނަސްރީނާއަށް ޖެހުނީ ކަނޑުފަތާފަ އެތަނަށްދާން، ޔާމީނަކީ އެއްވެސް އިންސާނަކާ ދޭތެރޭ ރަޙުމެއް ހުންނަ މީހެއް ނޫން، މިހާރު ޔާމީނަށް އެއްޗެއް ވިސްނޭނެބާ!