އައްޑޫ ޓޫރިޒަމް ޒޯންތަކުން ބިން ލިބުނު މީހުންނާ ލިޔުން ހަވާލުކުރުމުގެ ރަސްމިއްޔާތުގެ ތެރެއިން.
18 މާޗް 2021 - 19:56
20 comments
ސްރީ ލަންކަން އެއާލައިންސްގެ ދަތުރުތައް އަނެއްކާ ވެސް ގަން އިންޓަނޭޝަނަލް އެއާޕޯޓަށް ވަރަށް އަވަހަށް ފެށޭނެ ކަމަށް އެ އެއާލައިންގެ ރާއްޖޭގެ އެޖެންޓް އިނަ މޯލްޑިވްސް އިން މިއަދު ބުނެފި އެވެ.
އައްޑޫގެ ޓޫރިޒަމް ޒޯންތަކުން ބިން ލިބުނު ވިޔަފާވެރިންނާ ބިމުގެ ލިޔުން ހަވާލުކުރަން ފޭދޫގައި ހަވީރު ބޭއްވި ރަސްމިއްޔާތުގައި އިނަ މޯލްޑިވްސްގެ ސީއީއޯ މުހައްމަދު ފިރާގް ވިދާޅުވީ ވަރަށް އަވަހަށް ދަތުރުތައް ފެށޭނެ އިންތިޒާމުތައް ހަމަޖެހިގެން ދާނެ ކަމަށެވެ.
އޭނާ ވިދާޅުވި ގޮތުގައި ގަމަށް ދަތުރުތައް ކުރުމާ ބެހޭ ގޮތުން އެހެން ގައުމުތަކުގެ ބައެއް އެއާލައިންތަކާ ވެސް ވާހަކަ ދައްކަމުން އަންނަ ކަމަށެވެ. އަދި މި ފަހަރު އެންމެ ބޮޑު ޓާގެޓަކީ ދުނިޔޭގެ ޓޫރިޒަމްގެ މައި އެއް ހަބް ކަމަށްވާ މެދުއިރުމައްޗާއި ގަން ގުޅުވާލުން ކަމަށް ވިދާޅުވި އެވެ.
"އެހެންވީމަ ކުރިއަށް އޮތް މަދު ދުވަސްކޮޅެއްގެ ތެރޭގައި، ހަފުތާތަކެއް ވެސް ނޫން ހަމަ ވަރަށް މަދު ދުވަސްކޮޅެއްގެ ތެރޭގައި މިކަމާ ބެހޭ މައުލޫމާތުތައް ހާމަވެގެން ދާނެ،" ފިރާގު ވިދާޅުވި އެވެ. "އެހެންވީމަ ޔަގީންކަން އެބަ ދެން ކަންކަން އިންތިޒާމުވެގެން ހަމަޖެހިގެން ދާކަން."
އޭނާ ވިދާޅުވި ގޮތުގައި ބޭރުގެ އެއާލައިންތަކުގެ ދަތުރުތައް ގެނައުމަކީ އެހާ ފަސޭހަކަމެއް ވެސް ނޫނެވެ. އެގޮތުން ސްރީ ލަންކަން އެއާލައިންސްގެ ދަތުރުތައް ވެސް ގަމަށް ކުރިން ފެށުނީ އެތައް ދުވަހެއްގެ ބުރަ މަސައްކަތާއި ގޮންޖެހުންތަކާ އެކީގައި ކަމަށް ވިދާޅުވި އެވެ.
"ކުއްލިއަކަށް ވާ ކަހަލަ ކަންތައްތަކެއް ނޫން މިއީ،" ފިރާގު ވިދާޅުވި އެވެ. "...އެހެންވީމަ މި ކަނެކްޓިވިޓީވެގެން ދާނީ ހަމަ ޔަގީނުން ވެސް މުޅި ސައުތު ޓޫރިޒަމް ޒޯނަށް ކޭޓަކުރެވޭ ވަރުގެ ކަމަކަށް ވާނެ. އަޅުގަނޑުމެންގެ ޓާގެޓަކީ މަދުވެގެން ބާރަ ހާސް އެނދަށް ކޭޓަކުރުން. މިކަމާ ގުޅޭ ގޮތުން އަޅުގަނޑުމެންގެ ކައުންޓަ ޕާޓީތަކާ ވާހަކަ ދެކެވިގެން އިންތިޒާމުތައް ހަމަޖެހިގެން މިކަން ފެށިގެން ދާނެ އިރަކަށް މިހާރު މި ތައްޔާރު ވަނީ."
ސްރީ ލަންކަން އެއާލައިންސްގެ ދަތުރުތައް މިދިޔަ އަހަރުގެ އެޕްރީލް މަހުގެ ތެރޭގައި ހުއްޓާލީ ކޮވިޑް-19 ގެ ބަލިމަޑުކަމާ އެކު ދިމާވި ހުރަސްތަކާ ހެދި އެވެ. އޭރު އެ އެއާލައިނަކީ ގަން އެޕޯޓަށް ޝެޑިއުލް ދަތުރުތައް ބާއްވަމުން ދިޔަ ހަމައެކަނި އިންޓަނޭޝަނަލް އެއާލައިން ވެސް މެ އެވެ.
ސްރީ ލަންކަން އެއާލައިންސްގެ ދަތުރުތައް ގަމަށް ފެށީ ޑިސެމްބަރު 1، 2016 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްއޮފިޝިއަލް
20 March 2021
ސައުތު އެފްރިކާއިން ގަމަށް ސީދާ ދަތުރުތައް ފެށުމަށް ބޭއްވި ރަސްމިއްޔާތުގަ ވާހަކަ ދެއްކި މީހުން ބުނި ގޮތުން އެދުވަހުގެ ފަހުން ރައްޔަތުންގެ ޖީބުތައް ޑޮލަރުން ފުރިބާރުވެ ފަޅައިގެންދާނެކަމަށްވި.ނަމަވެސް ކޮބާ އަދުގެ ހާލަކީ؟؟ އެހެންބުނި މީހުންގެ ޖީބުތައް އަދި އެމީހުންގެ ތިޖޫރީތައް ހުރީ ޑޮލަރުން ފުރިފަ.ރައްޔަތުން ތިބީ ނިކަމެތިވެފަ.ވޯޓު ދީފަ ބަހައްޓާތި.އެއީ އައްޑޫމީހުންގެ މައްޗަށް ވާޖިބުކަމެއް.ހޭވެރިކަން އަންނާނީ ކޮންއިރަކު ބާވައޭ ހިތަށްއަރާ.ވ.ވެދުން
ރަދީފްއޮފިޝިއަލް
20 March 2021
އައްޑޫ މީހުން އަތް ޖަހާ ، އަތް ޖަހާ.ތަމެން ހައްދާލައިގެން މަމެން މިފަހަރުވެސް ވޯޓް ހޯދާނީ.މިއީ މަމެން (ސިޔާސީ މީހުން) ގެ ޓެކްޓިކްސް.
އޮނަރަބްލް އަފީފު ދީދީ
19 March 2021
މޯލްޑިވިއަންގެ ފްލީޓަށް އިތުރުވާންއުޅޭ A-330 އެއަރބަސް 2 ބޯޓާއިއެކު ދުނިޔޭގެ 2 ފަރާތް އެއް ބައްރުން އަނެއްބައްރަށް ގުޅާލުމުގެ ދަތުރުފެއްޓުމަށްޓަކާ މާލެ-އޮސްޓްރޭލިއާ އަދި މާލެ-ގޭން-ހޮންގކޮންގ ދަތުރުތައް ޝެޑިއުލް ކުރެވޭނެ ކަމަށް ހީކުރަން. # އަދި މިދަތުރު ތަކާއި އެކުގައި ދުނިޔޭނެ އަނެއްފަޅިވެސް ކަވަރު ކުރާން މާލެ-ގޭން-ސައުތު އެފްރިކާ އާއި މާލެ-ގޭން-ޑްބާއީ ފަދަ މަންޒިލްތަކަށް ދަތުރު ފެއްޓުމަކީވެސް ހިތުގައިވާ އުއްމީދެއް.
ސޯދިޤު
20 March 2021
ކޮވިޑްގެ ކުރިން އާންމުކޮށް މާލެއިން ގަމަށް މޯލްޑިވިއަންގެ 6 ނުވަތަ 11 ފްލައިޓް ކޮންމެ ދުވަހަކު އާދޭ. އޭގެ ބަދަލުގައި އަފީފު ދީދީ ބުނާ ގޮތަށް ދަތުރުކޮށް މިހާރު ގަމަށް އަންނަ ޑޮމެސްޓިކް ފްލައިޓް ހުއްޓާލާފަ ދުވާލަކު އެއްފަހަރު ނުވަތަ 2 ފަހަރަށް ގަމަށް ޖައްސާނީ އޭ 330 ގެ ބޮޑު ބޯޓް ކަމުގައި ހަދާ މިހާރު ކުރާ އިސްރާފު ކުޑަކުރެވި ކުންފުންޏަށް ފައިދާ ވާގޮތަށް ދަތުރު ރޭވިދާނެ.
އޮނަރަބްލް އަފީފު ދީދީ
19 March 2021
މޯލްޑިވިއަންގެ ގެއްލުން ކުޑަކުރުމަށާއި، ޑޮމެސްޓިކް ހުރިހާ އެއަރޕޯޓް ތަކެއްގެމެދުގައި ޑެއިލީ ޝެޑިއުލް ދަތުރު ކުރާން ފުރުސަތުހޯދަން ހަމައެކަނި މާލެއިން އެތެރޭގެ ދަތުރު ތަކަށް ޝެޑިއުލް ދަތުރު ކުރާނީ (މުލައް ފިޔަވާ) ހަނިމާދުއާއި ގޭން އަށް ކަމުގައި ކަޑައަޅާންޖެހޭ. # އަދި އުތުރުގެ އެހެން މަންޒިލްތަކަށް ދަތުރު ކުރާނީ ހަނިމާދޫއިން ކަމަށާއި، މުލައް ފިޔަވާ ތިމަރަފުއްޓާއި އައްޑުއާއި ދޭތެރޭ ހުރި އެއަރޕޯޓްތަކަށް ދަތުރު ކުރެވޭނީ ގޭން އިން ކަމުގައި ނިންމަވާ.
އޮނަރަބްލް އަފީފު ދީދީ
19 March 2021
އެމްޑީ މިހާދު އަލުންއެކުލަވާލާ އާ ސްޓަރަކްޗަރ އާއި ފްލައިޓް އޮޕަރޭޝަންތަކަށް ގެންނަވާބަދަލުތަކާއިއެކު ޕައިލެޓް، ކުރޫސެޓް، އަދި އޮޕަރޭޝަނަލްކޮސްޓް ތިރިކޮށް "ޑޮމެސްޓިކްދަތުރުތަކުން ކުންފުންޏަށްލިބޭގެއްލުން ކުޑަކުރުމަށްޓަކާ" މާލެއިން ޑޮމެސްޓިކް ހުރިހާމަންޒިލްތަކަށް ޑައިރެކްޓް ޝެޑިއުލް ދަތުރުކުރުމުގެބަދަލުގައި ހަމައެކަނި މާލެއިން ދަތުރުކުރެވޭނީ ގޭން އަދި ހަނިމާދުއަށް ކަމުގައިހަދާ އެ 2 އެއަރޕޯޓަށް އެއަރބަސް ދަތުރު ޝެޑިއުލް ކުރައްވާނެކަމަށް ދެކެން.
ނުކުރާނެ.
19 March 2021
އަލަސް ބަލަސް މިތަނަށް އަންނަ އެމްޑީއަށްވުރެން ބާރު ގަދަ ރޯނު އެދުރުން ތަކެއް މިތަނުގެ ވެރިންގެ ގޮތުގައި އެބަތިބި. އެމީހުން ތިކަން ކުރާން ފުރުސަތު ނުދޭނެ. ސަބަބަކީ ތިހެން ތިކަން ކުރަން ފައްޓައިފިނަމަ އެމީހުންގެ އަތުގައިއޮތް ބާރު އެހެން ބަޔަކާއި ޝެއަރކުރަން ޖެހުމަކީ އެމީހުން ޤަބޫލު ކުރާ ކަމަކަށް ނުވުން. މިހާރު ކުރާ ގޮތަށް ދަތުރު ކުރުމުން ކުންފުންޏަށް ނުލާހިކު ބޮޑު ގެއްލުންވޭ. ތިޔަ ބަދަލު ކިތަންމެހާވެސް ރަނގަޅު.
އޮނަރަބްލް އަފީފު ދީދީ
19 March 2021
ސްރީލަންކަން ޝެޑިއުލްދަތުރު ގޭންއެއަރޕޯޓަށްކުރުމަކީ އެއްވެސްޙާލެއްގައި މޯލްޑިވިއަން ޙަސަދަވެރިވެ ކުންފުންޏަށްއޮތް ދައްޗެއް ނުވަތަ ކޮމްޕެޓިޓާރސް އެއްގެގޮތުގައި ނެގަޓިވްކޮށް ދެކޭންޖެހޭކަމެއްނޫން. # ޙަޤީގަތުގައި މޯލްޑިވިއަނަށް މިކަމުގެއެޑްވާންޓޭޖް ވަރަށްބޮޑަށްނެގިދާނެ. ގޭން ސީޕްލޭންބޭސް މަތީދަރަޖައަކަށް އޮޕަރޭޓްކުރުމުގެ އިތުރަށް ތިމަރަފުއްޓާއި ގޭންއާއި ދޭތެރޭހުރި ހުރިހާ ޑޮމެސްޓިކް މަންޒިލްތައް ގުޅާލާ މާލެ-ގޭން-ހޮންގކޮންގް ދަތުރު އަވަހަށް ފައްޓާންވީ.
މޫސާފުތާ.
19 March 2021
މޯލްޑިވިއަން ހިންގާން ތިބި ކުދިން ހީކުރަނީ އެހެން ބަޔަކު އެމީހުން ދަތުރު ކުރާ ތަނަކަށް ދަތުރު ކުރުމަކީ ގޯހެއްކަމަށް. މިފަދަ ވިސްނުން ހުރި ބަޔަކު މިޒަމާނުގައި ޤައުމީ އެއަރލައިން ހިންގާން ތިބުމަކީ ޖޯކް ކަމެއް. ސްރީލަންކަން ގަމަށް ދަތުރު ކުރާއިރު ދެކުނުގެ ހުރިހާ އެއަރޕޯޓް ތަކަށް ގަމުން ޝެޑިއުލް ދަތުރު ބާއްވާފަ އަދި ސީޕްލޭން ޓްއަރިސްޓުންނަށް އޮޕަރޭޓް ކޮށްގެން މާލެ ސަރަހައްދުން ހޯދޭ އާމްދަނީއަށްވުރެން ފައިދާ ބޮޑު އާމްދަނީއެއް ހޯދިދާނެ.
އެއްކަލަ މީހާ ދޯ
19 March 2021
މި ދަނޑިވަޅުގައި ކުއްލިއަކަށް ސްރީލަންކާ އެއަރލައިންސް ގެ ފްލައިޓްތައް މިފަށަނީ ހަމަ އެއްކަލަ ދަތުރު ހުއްޓާލުމަށްފަހު ސަރުކާރުން އެއްބާލުމެއް ނުލިބެޔޭ ބުނި މީހުން. މިހާރު ކިހިނެއް މިވީ؟ އޭރުވެސް ދުނިޔޭގެ އިގްތިސާދަށް އައި ބަދަލާއި އެކު ތިމަންނަމެން ބޭނުންވާ ފައިދާ ނުލިބޭތީ ހުއްޓާލަނީއޭ ބުނެލިނަމަ ރައްޔިތުނަށް ސާފުވީސް. އަދި މިހާރު މާކޭޓް ލިބޭތީ އަލުން ފަށަނީއޭ ބުނެލިނަމަ ތާހިރުވީސް!
އޮނަރަބްލް އަފީފު ދީދީ
19 March 2021
ސްރީލަންކާގެ ޤައުމީއެއަރލައިން ކާމިޔާބުކަމާއިއެކު ހަފުތާއަކު 4 ފްލައިޓް ގޭންއެއަރޕޯޓަށް ޝެޑިއުލް ދަތުރިކުރިއިރުވެސް އޭގެސަބަބުން ރާއްޖެއަށާއި ދެކުނުގެއިޤްތިސޯދަށް އަންނާނެކުރިއެރުން އިތުރުކޮށްދިނުމަށް މާލޭސަރުކާރާއި ދިވެހި ޤައުމީއެއަރލައިން ކުރާންޖެހޭ އެއްވެސްކަމެއް ކޮށްނުދިން. # ގޭންއެއަރޕޯޓަށް ބޭރުގެ އެއަރލައިންތައް ކާމިޔާބުކަމާއިއެކު ދަތުރުކުރާން ތިމަރަފުށި، ކައްދޫ، ކޫއްޑޫ އަދި ކާޑެއްދޫދިން ގޭން އަށް ޑޮމެސްޓިކް ޝެޑިއުލް ފްލައިޓް ބާއްވަންޖެހޭ.
ހަސަންކަލޯ.
19 March 2021
ފަތުރު ވެރިކަމުގެ އިތުރުން އަހަރުމެންގެ އާއިލީ މީހުން ހުވަދޫ އަތޮޅުގައި ދިރިއުޅޭ. މިހާރު އަހަރުމެނަށް ޖެހެނީ އެމީހުން ކާރިއަށް ދިއުމަށް ގަމުން ފުރައިގެން މެދުރާއްޖެތެރޭގައި އޮތް ކ.އަތޮޅު މާލެއަށް ގޮސްފައި ކޫއްޑޫއަށް ދާން. އަދި އެބުރި އަންނާން ޖެހެނީ ވެސް ކ.އަތޮޅު މާލެއަށްގޮސްފަ. މިކަން ބަދަލުކޮށް ގަމުން ދެކުނުގެ ހުރިހާ އެއަޕޯޓް ތަކަށް ދަތުރު ކުރެވޭނެގޮތް ހަދާދޭންޖެހޭ.
ތެދު ބަސް
18 March 2021
ގާމަތީ ރަޝަކައް ނުދާނެ ޓުވަރިސްޓުން
ޖޯން އެޑަވްޑު.
19 March 2021
ވަޅެއްގައި އޮންނަ ބޮކަކަށް ވިސްނޭނީ އޭނާ އޮތް ވަޅުގެ ސައިޒުން. އެއަރޕޮޓަކާއި އެއަރލައިނެއް އޮޕަރޭޓް ކުރުމުގައި ރިސޯޓެއްގެ އެނދު ގަންނަ މީހާއަށް އެކަނި ވިސްނައިގެން އެކަމެއް ނުކުރެވޭނެ. އައްޑޫގައި ރިސޯތެއް ގެސްޓް ހައުސް އެއް ދުވަހަކު ނެތް ކަމުގައިވިޔަސް ގަން އެއަރޕޯޓް އޮތް ތަން ކޮއްކޮއަށް އިގޭނެ ނަމަ ގާމައްޗެކޭ ބނޑ މައްޗެކޭ ނުކިޔާނެ. ކޮސް ނުގޮވާ އަނގަމަޑުން ލައިގެން ހުރޭ.
ޙައްޤުބަސް
20 March 2021
ތެދުބަސް ގެ ނަމުގައި ކޮމެންޓް ކުރިއަކަސް ނުފުދޭނެ. ތެދުބަހަކީ ކޮންމެވެސް ވަރެއްގެ ތައުލީމެއް ލިބިގެން ނޫނީ ރަނގަޅަށް ބުނާން އިގޭނެ ބަހެއްނޫން. ރަށާއި ޜަޝަކައް ހުރި ތަފާތު ބޭގޭ މީހަކު ކިހިނެއް ތެދުބަސް ބުނާނީ ؟
ޑރފަލަޑޭ
18 March 2021
ކުއްލިއަކަށް ފްލައިޓް ނުފެށުނަސް ކުއްލިއަކަށްވާ ކަންތައް ހުންނާނެ. މިސާލަކަށް އޮފީހުގަ އުޅޭކުދިންނަށް މެސެޖްކުރުން