ހއ. ބާރަށް: އެ ރަށުން 36 މީހަކު މިހާރަނަށް ކޮވިޑަށް ޕޮޒިޓިވްވެފައިވޭ -- ފޮޓޯ: އަލިފްސް ގްރަފީ
22 މާޗް 2021 - 00:57
9 comments
މީގެ ކުރިން ނުފެންނަ ވަރަށް ރަށްރަށުން މި ވަގުތު ކޮވިޑް-19ގެ އެކްޓިވް ކޭސްތައް ފެންނަ ކަމަށާއި އެ އަދަދު އިތުރުވެފައި ވަނީ ކަރަންޓީން އުސޫލާ ހިލާފުވާތީ ކަމަށް ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) އިން މިރޭ ބުނެފި އެވެ.
އެޗްއީއޯސީން ބޭއްވި މީޑިއާ ބްރީފިންގައި އެޓޮލް ޕްރިޕެއަޑްނެސް ޓީމުގެ ފަރާތުން އަބްދުﷲ މައުރޫފް ވިދާޅުވީ މި ވަގުތު މާލެ ސަރަހައްދުން ގިނަ ކޭސްތަކެއް ފެންނަމުންދާ އިރު، އަތޮޅުތެރޭގައި ވެސް ގިނަ ކޭސްތަކެއް ފެންނަ ކަމަށެވެ. އަދި ރަށްރަށުން ކޭސްތައް އިތުރުވެގެން ދިޔައީ މާލެއާ އެކުއެކީގައި ކަމަށް ފާހަގަކުރެވޭ ކަމަށެވެ.
"އޭގެ ނަތީޖާއަކަށް ވުން އެކަށީގެންވާ އެއް ސަބަބަކީ ފުރަބަންދަށް ދަތުރުކުރާ ފަރާތްތައް، ދަތުރުކުރުމުގައި ނުވަތަ ފުރަބަންދު ކަރަންޓީން މުއްދަތުގައި، އަޅުގަނޑުމެން އެޗްޕީއޭ އިން ހަދާފައިވާ އުސޫލްތަކާ އެއްގޮތަށް ނުވަތަ ގައިޑްލައިނާ އެއްގޮތަށް އަމަލުތައް ބެހެއްޓިފައި ނުވުން،" އޭނާ ވިދާޅުވި އެވެ.
މިވަގުތު ރަށްރަށުގައި ކޮވިޑަށް ފަރުވާ ހޯދާ 207 މީހުން ތިބި ކަމަށް މައުރޫފް ވިދާޅުވި އެވެ. އެކްޓިވް ކޭސްގެ ޖުމްލަ އަދަދަކީ 2،436 އެވެ.
މާލޭގެ އިތުރުން 10 ރަށަކުން ބޮޑެތި ކްލަސްޓާތައް ފާހަގަކުރެވިފައިވާ ކަމަށް މައުރޫފް ވިދާޅުވި އެވެ. އެއީ ހއ. ބާރަށާއި ހއ. ދިއްދު އާއި ހދ. ކުޅުދުއްފުއްޓާއި ނ. ޅޮއްސާއި ނ. ފިލަންދު އާއި ރ. އުނގޫފާރާއި އއ. ތޮއްޑު އާއި އދ. ފެންފުށީގެ އިތުރުން ދ. ކުޑަހުވަދޫ އަދި ދ. މީދޫ އެވެ.
އެންމެ ބޮޑު ކްލަސްޓާއެއް އޮތީ ބާރަށުގައި އެވެ. އެ ރަށުން މިހާތަނަށް 36 މީހަކު ކޮވިޑަށް ޕޮޒިޓިވްވެފައިވެ އެވެ. ކުޑަހުވަދޫގެ އެއާޕޯޓު މުވައްޒަފުންތަކެއް ޕޮޒިޓިވްވުމާ ގުޅިގެން ކޮންޓެކްޓް ޓްރޭސިން މަސައްކަތް ކުރުމަށްޓަކައި، އެ ރަށުން ދަތުރުކުރި ފަރާތްތައް އެޗްޕީއޭ އަށް އަންގަން އެ އިދާރާ އިން ވަނީ މިދިޔަ ބުދަ ދުވަހު އެދިފަ އެވެ. ކުޑަހުވަދޫން ދަތުރުކުރި މީހަކު އެ އަތޮޅު މީދޫން ކޮވިޑަށް ޕޮޒިޓިވްވި ކަމަށާއި އޭނާގެ 60 ކޮންޓެކްޓުން ތިބި ކަމަށް ފާހަގަކުރެވުނު ކަމަށް ވެސް މައުރޫފް ވިދާޅުވި އެވެ.
"މިއީ ވަރަށް ހިތާމަވެރި ކަމެއް، އެންމެ ފަރުދެއް އިހުމާލު ވުމުން މުޅި ރަށް އެބަދޭ ބިރުވެރިކަމެއްގެ ތެރެއަށް،" މައުރޫފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިޖަންޕު
24 March 2021
އުސޫލުތިއޮތީވަކިބަޔަކުއެކަނިއަމަލުކުރަންޖެހޭގޮތައް އެހެންވެކޭސްތަށް ގިނަވަނީ.
މޫސަބޭ
22 March 2021
ދިއްދޫގައި ކޮވިޑް ފެތުރެންފެށީ ދިއްދޫ ރައްޔިތަކު ކަރަންޓީނު އުސޫލާ ހިލާފުވެގެންނެއްނޫން. ޖެންޑަރ މިނިސްޓްރީން ކުރިކަމަކުން. މިދަޑިވަޅުގައި މާމޮޅުކަމެއް ކޮށްދޭނަމޭހިތާ ގެނައި 15 ކުދިންގެ ތެރޭގައި ބަލި ފެތުރި އެންމެފަހުން އެވޭނުގައި ރަށުގައި ދިރިއުޅޭ އެހެންމީހުން މިޖެހުނީ ކިހާދެރަ
ލޮލްސްސް
22 March 2021
ހެލްތް މިނިސްޓްރުގެ ވާހަކަ ތޯ ދި ދައްކަނީ؟ https://mihaaru.com/news/88563
މަޑިކޯރު
22 March 2021
ހާދަ ސަޅި މަގެކޭ
ސުވާލު
22 March 2021
ކަމާއިބެހޭފަރާތުންކުރާ ދެކޮޅުނުޖެހޭ އަދި ޤަބޫލުކުރަންދަތި ކަންތައްތަކާއިހުރެ، މާލޭގައިއުޅޭ ރައްޔިތުން މިހާރުތިބީ އެއްގޯސްވެ، ބޯގޮވާފަ. އެހެންވީމަ އިތުރަށް ރައްޔިތުން މައިތިރިކުރެވެންއޮތީ ރާއްޖެތެރެއަށް ފަތުރައިގެން. ކަރަންޓީނަށްދާމީހުނަށް ފަރުވާކުޑަކުރެވޭނީ ބަލަންވާވަރަށް ނުބަލާތީ. ބޮޑުން ދަތުރުކުރަންވީމަ، ކަރަންޓީނުވާކަށްނުޖެހޭ! ކިހާޙައިރާންކަމެއް؟
ޅަބޭ
22 March 2021
ބޯހަރު ރައްރައްތަކައް ވާނެއެއްޗެއް ވާން ދޫކޮއްލާ.
ޖުރުމޫނާ
22 March 2021
ކޮން ކަރަންޓީނެއް. ހަމަ ސިޔާސީ ކޮވިޑެއް މިއީ. ކަލޭމެންގެ ހަރުކަށި އުސޫލްތަކާއެކު މީހުން ކައިބޮއެ އުޅެން މަސައްކަތެއް ކުރެވޭކަށް ނެތް. ދެން މިޖެހެނީ އެ އުސޫލްތައް ބްރޭކް ކުރަން. އޭރުން ކަލޭމެންގެ ސަރުކާރަށް ލިބޭ ލާރި ގިނަވޭ. ކަލޭމެން ބޭނުންވާ ގޮތް.
ފުލޫ
22 March 2021
ކަރަންޓީނަށް ފަރުވާ ކުޑަ ކުރަނީ އެޗް ޕީ އޭ އިން. ޑައިރެކްޓް ކޮންޓެކްޓް ވެ އަލާމާތްތައް ހުންނަ މީހުން ވެސް ސާމްޕަލް ނަގަން ފްލޫ ކްލިނިކަށް އަންނަން އެޗު ޕީ އޭ އިން އަންގަނީ. ބޮޑަށް ބެލެވެނީ ބަލި ފަތުރަން ކުރާ މަސައްކަތެއް ކަމަށް.
މައިމޫ
22 March 2021
އިތުބާރެއް ނެތް