މި އަހަރު މާލޭގައި ހިންގި މާރާމާރީއެއްގައި ޒަހަމްވި ޒުވާނަކު އޮތް ސަރަހައްދުގައި ފުލުހުން ހަރަކާތްތެރިވަނީ: މާލޭގައި އަަނެއްކާވެސް މާރާމާރީ ހިންގަން ވަނީ ފަށާފައި
14 ނޮވެމްބަރ 2016 - 09:57
16 comments
ރޭ އިސްލާމިކް ޔުނިވަސިޓީ ކައިރިން ހަމަލާދީ ޒަހަމްކޮށްލި ޒުވާނާގެ ހާލު ސީރިއަސް ކަމަށް އޭނާއަށް ފަރުވާ ދެމުން އަންނަ އޭޑީކޭން މިއަދު ބުނެފި އެވެ.
އެނގިފައިވާ ގޮތުގައި ރޭ 8:30 ހާއިރު ތޫނު އެއްޗަކުން ހަމަލާދީ ޒަހަމްކޮށްލާފައިވަނީ 18 އަހަރުގެ ޒުވާނެކެވެ.
އޭޑީކޭން ބުނީ އޭނާގެ ބޮލަށް ލިބިފައިވާ ގެއްލުމުގެ ސަބަބުން ހާލު ސީރިއަސް ކަމަށެވެ. އެކަމަކު އޭގެ އިތުރު ތަފްސީލެއް ނުދެ އެވެ.
މި މައްސަލައާ ގުޅިގެން 20 މީހަކު ހައްޔަރުކޮށްފައިވާ ކަމަށް ފުލުސް އޮފީހުން ބުންޏެވެ.
މިދިޔަ އަންގާރަ ދުވަހުގެ ރޭ ވެސް މަޖީދީ މަގުގައި މާރާމާރީ ހިންގައި ދެ މީހަކު ވަނީ ޒަހަމު ކޮށްލައިފަ އެވެ. އެ މާރާމާރީ ހިންގީ މަރުތޭލާއި ލަކުޑިފަތި އާއި ތޫނު ހަތިޔާރު ބޭނުން ކޮށްގެންނެވެ.
އެ މާރާމާރީއާ ގުޅިގެން ފުލުހުން ބޮޑު އޮޕަރޭޝަނެއް ހިންގައި 25-30 މީހަކު ހައްޔަރުކުރި އެވެ. އެކަމަކު 15 މީހަކު ފިޔަވައި ބާކީ ތިބި މީހުން ވަނީ ދޫކޮށްލާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންކަމަނަ
15 November 2016
ތިޔަބައި މީހުނެގެ ފައިގަ "ޓެގެއް" ނާޅުވާނެބާ؟ ޢެކަން ކުރުން އުމަރު ވަކިވީމަ ހުއްޓުނީތަ؟
ޙަސަން
15 November 2016
ކޮބާ ހޯމްމިނިސްޓަރ މާލެއަމާން ވެއްޖެތަ؟މިވީކިހިނެއް؟
އަލިބެ
14 November 2016
ހާދަ ފަސޭހައިން ހައްޔަރުކުރެއޭ. އަދި އެހާމެ ފަސޭހައޭ ދޫކޮށްލަންވެސް. އުދަނގުލުންވެސް ނުކުރެވިގެން މިއުޅޭކަމަކީ ކަމެއް ސާބިތު ކުރުން. މިއީވެސް ވަކިބައެއްގެ މައްޗަށް އުދަނގޫވާކަމެއް. އަނެއްބަޔަކު ހިނގާލާފަ ދާގޮތަކުންވެސް ސާބިތުކޮށް އެކަނޑާލަނީ 10 ން 11 އިން 12 އިން 13 އަށް.
ނަލަ އަހައްމަދު
14 November 2016
ފޫނެއް ފަޔައް ފެންފުރާ ބައެއް. ﷲ ގެ ޙުކުމް ތައް މިބިންމަތީ ތަންފީޒު ނުކުރާހައި ހިނދަކު ތިކަމުން ލިބޭނެ ހިތްހަމަޖެހުމެއް، ހުއްޓުމެއް، އަމާންކަމެއް ނޯންނާނެ. ކަލޭމެންނައްވެސް މިކަން އެނގޭ އެކަމަކު ކަލޭމެންގެ ހިތުގައި ވަޙްމް އުފެދިފައިވާލެއް ބޮޑުކަމުން މިގޮތައް ކަންތައް ކުރަން ޖެހިލުންވަނީ. އަހަރެމެން ހުރިހައި އެންމެންނަކީ ﷲ ގެ އަޅުން، އަހަރެމެން އިސްލާހުވާނީ ކޮންގޮތަކުންކަން އެކަލާންގެ މޮޅަށް ދެނެވޮޑިގެންވޭ. ގާނޫނު ހަދާ މަޖިލީހުގަ ތިބޭބަޔަކަށް އެކަންނޭގެނީ ކަމަށް ވެދާނެ.
ހަސީބު
14 November 2016
އިސްލާމް ދީނުގަ އޮތީ ހުރިހައި ކަމެއްގެ ހައްލު، މައްސަލައަކީ ބާރު ލިބިގެންވާ މީހުންވެސް އަދި އެހެން މީހުންވެސް އެދީނުގެ އުސޫލުތަކަށް ފުރިހަމައަށް ބޯނުލަބާތީ. ކިތަންމެ މޮޅު ގާނޫނެއްހަދައި ކިތަންމެ ބޮޑު އަދަބެއް ދިނަސް، އިސްލާމްދީނުގެ އުސޫލުތަކުގެ ކުރިމަތީގައި އެގާނޫނު ވާނީ ބޭކާރު އެއްޗަކަށް، އެއަށް އަމަލުކޮށްގެންގެން ދުވަހަކުވެސް ކާމިޔާބެއް ނުވާނެތާ ކާމިޔާބު ވުމާ ގާތައްވެސް ނުދާނެ. އެހެންވީމާ މިކަމަށް އޮތް ހައްލަކީ އިސްލާމީ އުސޫލުން ދަރިން ތަރުބިއްޔަތުކޮށް އިސްލާމީ ޝަރީޢަތް ތަންފީޒުކުރުން. މިއީ އޮތް ހަމައެކަނި ގޮތަކީ.
އަހުމަދު
14 November 2016
އެއްފަހަރު މީހަކު މަރާ މީހަކު ދެވަނަ ފަހަރު މީހަކު މަރަން ޖެހިލުމެއް ނުވާނެއެވެ. އެފަދަ މީހުން ހައްޔަރުގައި ބަހައްޓަން ޖެހެއެވެ. ސިޔާސީ ފައިދާ ނަގަން އެމީހުން ބޭނުން ކޮށްގެން ނުވާނެއެވެ.
މިރައީސް
14 November 2016
15 ދުވަސް ޖަހާލާފަ ދޫކޮއްލާ ނަސީދު މިފަދަ ފަނޑިޔާރަކު ގައުމީސަލާމަތައް ނުރައްކާވެގެން އެކަހެރި ކުރީމަ ޓެރެރިޒަމުގެ ދައުވާ ހަވާ ސްޕީޑުގަ ނިންމާލާފަ 13 އަހަރައް ޖަލައް ކޮބާ އިންސާފެއް
ހަސްނު
14 November 2016
އެހެންވެގެންނޭ އެބުނަނީ ޒުވާނުން ރުޅިނާރުވާށޭ......
އަލީ އާދަމް
14 November 2016
ކޮބާ، މުޖުތަމައު އަމާންވެއްޖެއޭ އިއްޒަތްތެރި ޑިފެންސް މިންސްޓަރ ވިދާލުވާއިރު މަގުމަތިން މިފެންނަނީ އެހެންމަންޒަރުތަކެއް. އަޅުގަނޑުމެންނަކީވެސް ތަންދޮރުދަންނަ ޒުވާނުން އިއްޒަތްތެރި މިންސްޓަރ.
ދެރަމީހަ
14 November 2016
ޙަޤީގަތުގަވެސް އިޚްލާޞްތެރިން ވަރަށްމަދު. ތިޔަ އިސްލާމިކް ޔުނިވަރސިޓީ ހުންނަ ގޯޅިއަގީ ހިނގާ މީހުން ބިރުގަންނަފަދަ ގޮތަކަށް ޒުވާންކުދިންކޮޅު އުޅޭ ގޯޅިއެއް. އެ ހިސާބުގައި ވެސް ކިހާގިނަ ރައްޔިތުންނެއް އުޅޭ. އެ މީހުންގެ ޙައްޤުގައި ނަމަވެސް ތިޔަ އެންމެންނަށް ޙައްޤުވާ އަދަބު ދީބަލަ