15 އެޕްރީލް 2021 - 08:53
65 comments
މާލޭގެ އެކި ސަރަހައްދުތަކަށް ޖަމާކޮށްފައިވާ ކުންޏަކީ ގޭބިސީތަކަށް ފޯރުކޮށްދޭ ދުވަހު ކުނި ނެގުމުގެ އުސޫލަށް ނުފެތޭ ބަރު އަދި ބޮޑެތި ކުނި ކަމަށް ވެމްކޯ އިން އިއްޔެ ބުނެފި އެވެ.
މާލޭގެ މަގުތަކުގައި ބަހައްޓާފައިވާ ގިނަ އަދަދެއްގެ ކުނި ނުނަގާ ކަމުގެ ޝަކުވާތަކާއެކު، މިދިޔަ ދެ ތިން ދުވަހު ސޯޝަލް މީޑިއާގައި ވެމްކޯ އަށް ވަރަށް ބޮޑަށް ފާޑުކިޔާފައި ވެ އެވެ. އާއްމުކޮށްފައިވާ ވީޑިއޯ އާއި ފޮޓޯތަކުން ފެންނަނީ ބޮޑެތި ފޮށިގަނޑުތަކުގައި ކުނި ބަހައްޓާފައި ތަނެވެ.
އެކަމާ ގުޅިގެން ނެރުނު ބަޔާނުގައި ވެމްކޯ އިން ބުނީ މިދިޔަ ހޯމަ އާއި އަންގާރަ ދުވަހުން ފެށިގެން މާލެ ސަރަހައްދުގެ އެކި މަގުތަކަށް ގިނަ އަދަދެއްގެ ކުނި ޖަމާކޮށްފައިވާ މައްސަލަތަކެއް ލިބިފައިވާ ކަމަށެވެ. އެއީ ވެމްކޯ އިން ގޭބިސީތަކަށް ފޯރުކޮށްދޭ ދުވަހު ކުނި ނެގުމުގެ އުސޫލަށް ނުފެތޭ ކުނި ކަމަށް ބުންޏެވެ.
ރޯދަމަހަކީ އެހެން މަސްތަކާ ހިލާފަށް ކުނި ގިނަވާ މަހަކަށް ވުމުން އެ މުއްދަތުގައި ގޭބިސީތަކަށް ފޯރުކޮށްދޭ ހިދުމަތްތައް ރާވާފައި ވަނީ ކަސްޓަމަރުންނަށް ފަސޭހަވާނެ ގޮތަކަށެވެ. ކުނި ބޭރުކުރަން ހަމަޖައްސާފައިވަނީ ރޭގަނޑު 10:00-11:00 އަށެވެ.
ވެމްކޯ އިން ބުނިގޮތުގައި، ގޭބިސީތަކުގެ ތިރީ ފަންގިފިލާއިން ކުނި ނަގަނީ މާލެ ސަރަހައްދުގައި ކޮވިޑު ފެތުރުމާ ގުޅިގެން އާއްމުންގެ ރައްކާތެރިކަމަށް ބެލުމަށް ފަހު އެވެ. އެކަމަކު ހިދުމަތަށް ރަޖިސްޓަރީނުކުރާ ގޭބިސީތަކާއި ވިޔަފާރިވެރިން އޭގެ ނާޖައިޒު ފައިދާ ނަގަމުންދާ ކަމަށް ފާހަގަކުރި އެވެ.
"މިފަދަ އަމަލަކީ މި ކޯޕަރޭޝަނުން ނުހަނު ކަންބޮޑުވެ އަދި ހަރުކަށި އިބާރާތުން ކުށްވެރިކުރާ ކަމެކެވެ،" ބަޔާނުގައި ބުންޏެވެ.
އެހެންވެ، ވެމްކޯގެ މަސައްކަތަށް އުޖޫރަ ދެއްކުމަށް ހަނދާންކޮށްދީ އަދި ރަޖިސްޓަރީވެ، ބަރާބަރަށް ފީ ދެއްކުމަށް ވެސް އެ ކުންފުނިން އެދެ އެވެ.
ބަރު އަދި ބޮޑެތި ކުނި ނެގުމަށް ވެމްކޯ އިން ވަނީ "ކެޕްސް" ގެ ނަމުގައި އަގުހެޔޮ ޕިކަޕު ދަތުރުތައް ފަށައިފަ އެވެ. ހަފުތާގެ ކޮންމެ ދުވަހަކު ވެސް އެ ހިދުމަތް ލިބޭނެ ކަމަށް އެ ކުންފުނިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަކީރާ
16 April 2021
ޚިދުމަތައް ނުފެތޭ ކުންޏެއް ނުހުންނާނެވެމްކޯއައް ފައިސާދައްކަނީ ހަމައެކަނި ނަގައިގެންގޮސް ނީލަންފިހާރަޔައް ވިއްކާލެވޭކަހަލަކުނިގެންދާކައްނޫނެވެ
އެލް
15 April 2021
ވެމްކޯއިން ގެތަކަށް ވަދެ ކުނި ނަގަން ފަށައިގެން ކޮވިޑްގެ އަދަދުތަކަށް އަންނާނެ މާބޮޑު ބަދަލެއް އޮންނާނެހެން ހިއެއްނުވޭ. ކޮވިޑް އައި ފަހުން ވެމްކޯގެ މަސައްކަތުގެ އެއްބައި އާއްމު މީހާ ކުރަނީ ގޭގެ ބޭރަށް ކުނި ނެރެގެން. އެކަމު ވެމްކޯއަށް ބަރާބަރަށް ބިލު ދައްކަންޖެހޭ. އެންމެ ލާރިއެއްވެސް މަދެއްނުކުރޭ. އަސްލު އަގު ކުޑަކުރަންޖެހޭ ޚިދްމަތަށް އަންނަ ބަދަލާއެކު.
ވެމްކޮއްކޮ
15 April 2021
ތިކަން ހައްލުވާނީ ކުރިންވެސް ހެދިހެން ގޭގެޔަށް އަރައި ކުނި ގެންދަން ފަށައިގެން. ބިލް ނުދައްކާ ކުނިތައް ތިރީގައި ބަހައްޓައިގެން ކޮން ފްލޯރއަކުން ކާކު ބޭލި ކުނިތަކެއްކަމެއް އެގަހު ކޭލެއް މިގަހު ކޭލެއް މިހާރު ވަކިނުވޭ.. ދެން އެތައް ހާސް ރުފިޔާ ދީފައި ގަންނަ ފަރުނީޗަރުގެ ފޮށިގަނޑާއި ކުނިތައް އުކާލަން އެންމެ 50 ރުފިޔާ ދައްކަންވީމަ ކޮން ޝަކުވާއެއް ކުރާކަށްތަ
ޙަބީބު.
16 April 2021
މިހާރު ހަދަންވީ ގޮތަކީ ކޮންމެ 100 ފޫޓަކުން 4 އަނގޮޅިޔައްވާ ކަންމައްޗެެއް ހުސްކުރަންވީ އެގޯތި ތަކުން މީހުން ނެރެ ހުޅުމާލެއިން ގޯތިދީފަ އެއީ ކުނި ގެންނަންޖެހޭ ތަންކަމުގަ ކަނޑައަޅަންވީ ކުނިގެންނައިރު ގޭގެ ވެރިފަރަތުގެ އައިޑީކާޑު ގެނެސް ރަޖިސްޓްރީ ވާންޖެހޭނެ ތިގޮތައް ކުނިތައް ތިރިޔައްބާލާފަ ދެވިގެންނުވާނެ އަދި ފުލުހުން ލައްވާ މިކަން ކުރާމީހުންގެ މައްސަލަތައް ސަރީއަތައްފޮނުވަންޖެހޭ
އަޑަފި
15 April 2021
އަޅުގަނޑު ރަޖިސްޓްރީކުރީ އެޕާޓްމަންޓުން ކުނިނަގާ ރޭޓުކަމަށްވާ -/150 ރުފިޔާއަށް، ގްރައުންޑްފްލޯއަށް ކުނިބާލާގޮތައް ރަޖިސްޓްރީ ކުރިމީހުން އަތުން މިހާރުވެސް ނަގަނީ -/100ރ، ނަމަވެސް ގްރައުންޑްފްލޯއަށް ކުނިބާލާ ގޮތައް ވެމްކޯއިން މަޖުބޫރު ކޮށްގަވެސް، ބިލްކުރަނީ -/150ރ އެވެ. މީ އިންސާފުން އެއްކިބާވުން ނޫންތޯއެވެ.
ކަޓޭ
15 April 2021
މިހާރުން މިހާރަށް ވެމްކޯ އުވާލަންފެނޭ. އަހަރެމެން ކުރިން ކުނިއުކަމުން އައިގޮތް މާ ބޮލަށް ފަސޭހަ. މަހަކު 100 ރުފިޔާ ބަންގާލީ ބޭފުޅަކަށް އެރުވީމަ ހުރިހާ ކުންޏެއް އުކާލަދޭ. ތި ވެމްކޯ އުފެއްދީ ބަޔަކު ލާރިތަކެއް ކައްވާލަން. އޭރު ހެދި ގަވާއިދުތައް ހަދާފަހުރީވެސް ވެމްކޯއަށް ގިނަ ލާރިވަންނަގޮތަށް...
ބޮންދުބްރޯ
15 April 2021
ރާއްޖޭގައި މިއޮތް ބިދޭސީންގެ މައްސަލަ ހައްލު ނުވަނީ މިކަހަލަ ވިސްނުމުގެ "ބޭފުޅުން" ގިނަވީމަ
މާޒު
15 April 2021
އަހަރެން ރެޖިސްޓާ އައް ވެސް ހީވަނީ 1000 ހާއްސަ ވެސް ނިންމުން ކުއްޖެެކެވެ.
ގަބޭ
15 April 2021
ޢިމާރާތްކޮއްފަ އުކާލާ ގާކުނޑި ޒާތުގެ ތަކެތި ފިޔަވާ އާއްމުކޮށް ދުވަހުކުނީގެ ގޮތުގަ ގޭން އުކާލާ ހުރިކާ ކުނި ވެމްކޯއިން އުކާލަދޭންޖެހޭނެ. ރަށަކުން ހަދިޔާއެއް ފޮނުވާ ކަރުދާސްފޮށިގަޑު ވެސް މިޖެހެނީ އިތުރު ފައިސާދީފަ ޕިކަޕެއްގަ އެއްލާލަން. ތީ ޚިދުމަތް ދެނީކީނޫން ޖެއްސުންކުރަނީ. ތިކަމުގެ ރުޅިވެސް ބާލާނީ ސަރުކާރަށް.
ވެމްކަލޯ
15 April 2021
ފޮށިގަނޑު ރީތިކޮށް މަޅާލާފަ ކޮތަޅަކަށް ލާފަ އެހެން ކުނިތަކާއެކީ ބެހެއްޓީމަ ވެމްކޯއިން ގެންދޭ.. ކަލޭމެންގެ އިއްޒަތާއި ޖާހަތުގައި ހިތަށް އެރިހާ ގޮތަަކަށް ބަހައްޓާ ކުނި ވެމްކޯއިން ނުުޖެހޭނެ ގެންދާކަށް
ކަކުނިބޯ
15 April 2021
ވެމްކަލޯ، ކަލޭ އަދި ޅައީ. ސަރުކާރުގެ ސިޔާސަތަކީ ޕްލާސްޓިކް ކޮތަލު ނައްތާލުން. އެކަމަކު ތިބުނަނީ ޕްލާސްޓިކް ކޮތަޅަކަށް އަޅާ ވާހަކަ. ޕްލާސްޓިކް ކޮތަޅަކަށް ނާޅަ ވާކަށްވެސް ނެތް. ޕްލާސްޓިކް ކޮތަޅަށް އެޅޭކަށްވެސްނެތް. ގޭ ކުރިމަތީގަ ޑަސްބިންގަޑު ބަހަށްޓައިގެން ކުނިތައް އަޅާއިރުވެސް އެތާ ކައިރީގަ ހުންނަ "8×"8 ގެ ފޮށިގަޑު އެ ޑަސްބިނަށް ނުލެވެންވީ ސަބަބެއްނެތް. ދުރަށް ގެންދަން ޖެހޭނަމަ އުދަގޫވެދާނެ.
އުމަރުބެ
15 April 2021
ވެމްކޯވެސް މާލޭ ސިޓީކައުންސިލަށް ހަވާލްކުރަންޖެހިދާނޭ. މާ ޝަކުވާ ބޮޑުނުކޮށް ގޭގޭން ނެރޭކުނި އުކާލަބަލަ. ބިލްދެއްކުން ހުއްޓާލަންޖެހިދާނެ.
އާދަނު
15 April 2021
ބަންގާޅިން ތިކަން ކުރީ އިރު ވެ ތިޔައްވުރެއް ރަންގަޅު
އަސްލު
15 April 2021
މާލޭ ދަފްތަރު ކިޔާ އެއްޗެއްގައި ޖައްސައިގެން ހުރިހާ މޮޅެއް ބައެއް މީހުން އެބަ ހޯދާ. ފްލެޓަށް ޝަރުތު ހަމަވޭ, މާލޭ މީހުންނަށް ޕްލެޓަށްވެސް ޝަރުތު ހަމަނުވޭ. މާލޭ މީހެއްގެ ގެއެއްގެ ކުނިތައް ބެހެއްޓީމަ, ރަޖިސްޓްރީ ނުކުރިޔަސް ލާރި ނުދީ ކުނި އުކާލެވޭ. ކިހާ މޮޅު. ބައެއް ދުވަސް ދުވަހު ހުރޭ ބޮޑެތި ކަޅު ކޮތަޅާއި ގޮދަޑި ބާލީސް ފަދަ އެއްޗެހިވެ ގޭދޮށުގައި ބަހައްޓާފައި. ވެމްކޯ ބޭފުޅުންނަށް ހީވާނީ ކުނި ބަހައްޓާފަ އެހުރީ އެގޭ މީހުންނޭ. މިހާރު މިކަންވެސް އުނދަގުލަކަށްވެއްޖެ. މިގޭ ފާރުބުޑުގައި ކުނި ބަހައްޓާތީ. ހަނދުވަރީހިނގުން. ކުރީގެ ޓޭސްޓީ އަނެއް ކަންމަތި