މި މަހުގެ 10 ވަނަ ދުވަހު ބޭއްވި ލޯކަލް ކައުންސިލް އިންތިހާބުގައި ވޯޓުލުމުގެ ގަޑި ހަމަވުމުން ވޯޓުލާ މަރުކަޒެއްގައި އޮފިޝަލަކު ކިޔު ބަންދުވީ ކަމުގެ ބޯޑު އަޅުވަނީ.-- ފޮޓޯ: ނިޝާން އަލީ /މިހާރު
20 އެޕްރީލް 2021 - 11:47
1 comments
ލޯކަލް ކައުންސިލްތަކުގެ އިންތިހާބުގެ ދާއިމީ ނަތީޖާ އިއުލާނުކުރަން މިރޭ ފަށާނެ ކަމަށް، އިލެކްޝަންސް ކޮމިޝަން (އީސީ) ގެ ރައީސް އަހުމަދު ޝަރީފް ރޭ ވިދާޅުވެއްޖެ އެވެ.
އެ ކޮމިޝަނުގައި ބޭއްވި ނިއުސް ކޮންފަރެންސްގައި ޝަރީފް ވިދާޅުވީ، މި މަހުގެ 10 ގައި ބޭއްވި އިންތިހާބުގެ ވަގުތީ ނަތީޖާ އިއުލާނުކޮށް ނިންމާފައިވާ ކަމަށެވެ. އެ އަށް ފަހު ދާއިމީ ނަތީޖާ އިއުލާނުކުރަން މިރޭ ފަށާނެ ކަމަށް ވިދާޅުވި އެވެ.
އޭނާ ވިދާޅުވީ ދާއިމީ ނަތީޖާގެ 90 ޕަސެންޓް ވެސް ކަށަވަރުކޮށްފައިވާ ކަމަށެވެ. ކުރިއަށް އޮތް ތިން ދުވަހުގެ ތެރޭގައި އިންތިހާބުގެ ފަހު ނަތީޖާ އިއުލާނުކޮށް، ނިމޭނެކަން ފާހަގަކުރެއްވި އެވެ.
އިންތިހާބުގެ ވަގުތީ ނަތީޖާ އިއުލާނުކުރާނެ ވަކި މުއްދަތެއް ގާނޫނަކު ނޯވެ އެވެ. އެކަމަކު، ވޯޓުލާތާ 14 ދުވަހުގެ ތެރޭގައި ދާއިމީ ނަތީޖާ އިއުލާނުކުރަންޖެހެ އެވެ. އެ މުއްދަތު އަންނަ ހޮނިހިރު ދުވަހަށް ހަމަވާނެ އެވެ.
ދާއިމީ ނަތީޖާ އިއުލާނުކުރަން ފަށާއިރު، އީސީން ވަނީ ދެ ދާއިރާއެއްގައި އަލުން ވޯޓުލާން ނިންމައިފަ އެވެ. އެއީ ތ. ގާދިއްފުށްޓާއި ލ. މާވަށުގަ އެވެ.
އީސީން ބުނީ އެ ދެ ދާއިރާގައި ވެސް ވޯޓުގެ ދެ ވަނަ ބުރެއް ބާއްވަނީ ދާއިރާއިން ބޭރުން ދެ މީހަކު ވޯޓުލާފައިވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަލަން
22 April 2021
މިހާރު ލޯކަލް ކައުންސިލް އިންތިޚާބެއް މިރާއްޖޭގައި ބޭއްވިކަން ހަނދާންހުރި މީހަކު ހުރިހެނެއް ހިޔެއްނުވޭ. އެންމެންވެސް ނިޒާމަކާ އަޅައިގަނެއްޖެ. ރަސްކަލަކުތޯ/ރައީސަކުތޯ/ބޮޑުވަޒީރަކުތޯ ކިޔަކިޔާ ތިއްބާ އާބެރު ޓޮއްޓޮއް ބާބެރު ޑަންޑަން ވަނީ. މިއިންވެސް އެބަ އެނގޭ ނޫންތޯ އަދި އަހަރުމެން ސިޔާސީ ގޮތުން ތަޞައްރަފު ނުފުދޭކަން. އެޅިހާ ބަތަކަށް ރިހަ ވެފަ ޖެހިހާ ބެރަކަށް ނަށާފަ ދެބޯގެރި ދުއްވުމުގައި އަވަދިނެތި އުޅެގެން ކޮން މުސްތަގުބަލެއް ކޮންފައިދާއެއް އޮތީ؟