ގެއަށް ބަދަލުކުރުމަށް އެ މަނިކުފާނުގެ އާއިލާ އިން ހޯމް މިނިސްޓްރީއަށް ސިޓީއެއް ފޮނުވާފައިވޭ. އެކަމަކު އެކަމާ މެދު އަދި ވަކި ގޮތެއް ނުނިންމާ.
ހައި ކޯޓުގައި އޮތް ޝަރީއަތަށް ފަހު، ޔާމީން އަނބުރާ ދޫނިދު އަށް ގެންދަނީ.---ފޮޓޯ: އަހުމަދު އައުޝަން/މިހާރު
28 އެޕްރީލް 2021 - 11:26
20 comments
މަނީ ލޯންޑަރިންގެ ކުށުގައި ފަސް އަހަރަށް ޖަލަށްލާފައިވާ ކުރީގެ ރައީސް އަބްދުﷲ ޔާމީން ގެއަށް ބަދަލުކުރުމުގެ މަޝްވަރާ އަދި ނުނިމޭ ކަމަށް މޯލްޑިވްސް ކަރެކްޝަނަލް ސާވިސް އިން މިއަދު ބުނެފި އެވެ.
މާފުށީ ޖަލުގައި ހުކުމް ތަންފީޒު ކުރައްވާ ޔާމީންގެ ސިއްހީ ހާލަތު ހުރި ގޮތުން ގެއަށް ބަދަލުކުރުމަށް އެ މަނިކުފާނުގެ އާއިލާ އިން ހޯމް މިނިސްޓްރީ އަށް ސިޓީއެއް ފޮނުވާފައި ވެ އެވެ. އިދިކޮޅު ޕީޕީއެމް/ޕީއެންސީން ވެސް މި މަހުގެ ކުރީކޮޅު ރައީސް އިބްރާޙިމް މުހައްމަދު ސޯލިހާ ބައްދަލުކޮށް، ޔާމީން ގެއަށް ބަދަލުކޮށްދިނުމަށް އެދިފައި ވެ އެވެ.
އެކަމާ ގުޅިގެން ކަރެކްޝަނަލް ސާވިސްގެ މީޑިއާ އޮފިޝަލަކު "މިހާރު" އަށް ވިދާޅުވީ، ޔާމީން ގެއަށް ބަދަލުކުރުމާ މެދު އަދި އެއްވެސް ގޮތެއް ނުނިންމާ ކަމަށެވެ. އެކަމުގެ މަޝްވަރާ އަދިވެސް ދަނީ ކުރިއަށް ކަމަށް އޭނާ ވިދާޅުވި އެވެ.
ހޯމް މިނިސްޓަރު އިމްރާން އަބްދުﷲ މީގެ ކުރިން ވިދާޅުވެފައިވާ ގޮތުގައި ޔާމީންގެ ހާލުކޮޅު ހުރިގޮތުން ލުއިތަކެއް ދޭން އެ މަނިކުފާނަށް ސަރުކާރަށް ހުށަހެޅި އެވެ. ރާއްޖޭގައި ހެދެން ނެތް ޓެސްޓެއް ބޭރުން ހެދުމަށާއި ސްޓްރެސް ފްރީ މާހައުލެއްގައި ބެހެއްޓެވުމަށް ޑޮކްޓަރު ލަފާ ދެއްވާފައި އޮތުމުން، އެ ލަފައާ އެއްގޮތަށް ޓެސްޓު ހައްދަވަން ބޭރަށް ވަޑައިގަތުމަށް ދެންނެވިޔަސް ޔާމީން އެ ފުރުސަތު ބޭނުން ނުކުރެއްވީ ކަމަށް އިމްރާން ވިދާޅުވެފައި ވެ އެވެ.
މި މަހުގެ 12 ވަނަ ދުވަހު ރައީސް އޮފީހުގައި ބޭއްވި ނިއުސް ކޮންފަރެންސެއްގައި ރައީސް އިބްރާހިމް މުހައްމަދު ސޯލިހު ވިދާޅުވީ ޔާމީނަށް ދެރަގޮތެއް ނުވާނެ ކަމަށެވެ.
"އިރާދަކުރެއްވިއްޔާ ދެރަގޮތެއް ރައީސް ޔާމީނަކަށް ނުވާނެ،" ޔާމީން ގެއަށް ބަދަލުކުރުމުގެ މަޝްވަރާތައް ކުރަމުން އަންނަކަން ފާހަގަކުރައްވައި ރައީސް ވިދާޅުވި އެވެ.
ޔާމީން، މިނިވަންކުރުމަށް ނުވަތަ ގެއަށް ބަދަލުކުރުމަށް ގޮވާލައި މާލޭގައި އިދިކޮޅުން މުޒާހަރާތަކާއި އެއްވުންތައް ބާއްވަމުން ގެންދާތާ ދުވަސްތަކެއް ވަނީ ވެފަ އެވެ. އަދި އެ މަނިކުފާނުގެ އާއިލާ އާއި ވަކީލުން ވެސް އެ މަސައްކަތް ހުއްޓުމެއް ނެތި ކުރިޔަސް ސަރުކާރުން މިހާތަނަށް އެދެވޭ ޖަވާބެއް ނުދޭ ކަމަށް އެ ބޭފުޅުން ވިދާޅުވެ އެވެ.
ޔާމީނަށް އިއްވާފައިވާ ފަސް އަހަރުގެ ހުކުމް ހައި ކޯޓުން ވަނީ ދަމަހައްޓައިފަ އެވެ. އެ މައްސަލަ އިސްތިއުނާފުކުރަން ސުޕްރީމް ކޯޓަށް ހުށަހަޅާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައް ލަ ބާ
28 April 2021
މަޝްވަރާ ނުނިމިގެން އުޅެނީ ޓިނު ނުޖަހާއި ގެންތަ؟
ރަދީފްއޮފިޝިއަލް.
28 April 2021
އޮސްލޯ ޕީސް އެކޯޑް އެކުލަވާލަން ވެސް މިވަރަށް މަޝްވަރާނުކުރޭ.މިދައްކަނީ ފަލަސްތީން އަދި އިޒްރޭލް ސުލްހަ ކުރުމަށް ބިލް ކްލިންާޓަން އިސްނަގައިގެން އެކުލަވާލި ސުލްހައިގެ ވާހަކަ.މިމީހުންގެ ލަދު ކޮބާ؟ ވ.ވެދުން
ތިޔާއީ
28 April 2021
ދުވަހަކުވެސް ނުނިމޭނެ މަޝްވަރާއެއް. އެމީހުން ބޭނުންވާހާ ގޮތްތަކަކަށް ޔާމީން އެއްބަހެއްނުވާނެ. އެއްބަސްވާކަށްވެސް ނުޖެހޭ. ދެން ކޮޅެއްގައި ނުޖެއްސޭނެ.
އެރަށުމީހާ
28 April 2021
ގެއްށް ދޯކޮށްފިބަޔަކަށް ދުވަހަކުވެސް ދެ އިތުރައް ތާއީދެއް ކީއްކުރަނތޯ ދުވަހަކުވެސް އިނތިހާބެއްގައި ވޯޓެއްވެސް ޙަރާމް. އޭނާ ގެއަށް ފޮނުވުމަކީ އޭނާގެ ވެރިކަމުގައި ބޮޑެތި އަނިޔާލިބުނު މީހުން ގަިއގާ މިސަރުކާރުން އަޅާ ވަރުގަދަ އެތިގަހަރެއް ކަމުގައި ނޫނީ ނުވާނެ!
ޢަބްދްލާހި
28 April 2021
ސިޔާސީ މީހުން ޖަލަށް ވައްދާއިރަށް ސިއްހީ ހާލަތު ގޯސްވާނެ.. ޖަލުން ނެރޭއިރު އެބުނާ ސިއްހީ ހާލަތު ޖަލުގަ ބާއްވާފައި ނިކުންނަނީ.. ޔާމީނަށް ހުކުމް ކުރިއިރު ފައިސާތަކެއް ދައުލަތަށް ދައްކަން މުހުލަތެއް ދިން ހަނދާނެއް ވޭ. އެ ފައިސާ ދެއްކިބާ؟ އަހަރެން ކުންފުނީގެ އަހަރީ ފީ 1 މަސް ލަސް ވީއިރު ދެބައިކުޅޭ އެއްބައި އިތުރުވެއްޖެ.
ހަސަނު1
28 April 2021
ހަނދާނަށް އަންނަނީ ތުއްތޮންބެ އެއޮތް މުސްކުޅި ހާލުގައި އޮތްއިރު ރޯދަމަހު ޖަލުގައި ގަނަތެޅުވި ހަނދާން. ވިސްނުމުގައި އޭރު ނެތް ތިމަންނައަށްވެސް މިހާލަތު ކުރިމަތިވެދާނެކަމަށް ބަލައި ހަމްދަރުދީވާކަށް.. ހޭވް ސަމް ގަޓް ބްރޯ.
ހޭވިހަޑި
28 April 2021
ތީ ނިމޭނެ ކަމެއްބާ؟؟ މުޅިންވެސް މަޝަވަރާ. ބައެއްމީހުންގެ ކަންކަމުގާ ރެއްދުވާލެއް ނުބަލާ އަވަހަށް ގޮތްނިންމާ. ރައީސް ޔާމީންގެ ކަންތައް ފުރަތަމަ ފަށާ އެކަން ނިންމާލީވެސް ބާރުސްޕީޑްގާ. އެއެއްމިޔެއްނުބަލާ ވީހާ އަވަހަކަށް ޖަލަށްލި. އެކަމަކު ދެން ރައީސް ޔާމީންއާ ދޭތެރޭ ކަންތައް ތިކުރައްވަނީ ފިނިހަކައިގެ ސްޕީޑްގާ. މިވެސް ދުވަހެއް، މިދުވަސްވެސް ނިމޭނެ. ދެރައީ ބައެއްމީހުނަށް ހަދާނެގޮތެއްހަދާފާ އަނެއްބަޔަކު އުޅޭނެގޮތަކަށްއުޅެން ފުރުސަތުދިނީމާ.
އުމަރުބޭ
28 April 2021
ހޭވި ހަޑި ބަލަ ކޮންނިމޭ ކަމެކޭ ތިކިޔަނީ ކޮންދުވެޔެކޭ ތަތިކިޔަނީ ބަލަ ވައްކަން ސާބިތުވެ ކޯޓްއިން ހުކުމް ކޮއްފާހުރި މީހެއްގެ ވާހަކަ ތިދައްކަނީ ހުކުމް ތަން ފީޒުވެ ނިމުނު ދުވަހަކުން ދޫކޮއްލާނެ ކޮބާތޯ ދައުލަތަށް ދައްކަން ޖެހޭ ލާރި ގަޑު ދައްކާފިބާ ފުރަތަމަ އެ ހަލާސް ކޮއްބަލަ
ހަހަހަ
28 April 2021
ޔާމީންގެ ކަންތައް އެހާ ފާސްޓްކޮށް ގެންދިޔައީ އެމަނިކުފާނުގެވެސް އާދަކާދައަށް ބަލާފަ ދޯ؟ ހެހެ
ބަގުޑި
28 April 2021
ޔާމީނު ގެއަށް ބަދަލުކޮއްފިއްޔާ ކަލޭމެންނަށް ދޭނެ ވޯޓެއް ހަރާން. 1.3 ބިލިޔަން ގެ ހިޔާނާތުން ހަމައެކަނި ކުއްވެރިވީ ޔާމީނު އޭނަވެސް އެއުޅެނީ ގެޔަށް ބަދަލު ކުރަން. ކުރަންޏާ ޖަލު ގައިތިބި އެންމެން ކުރަން ޖެހޭނެ. އަދީބު ، ޒިޔަތު އެހުރީ ގޭގަ ހުންނަ މެށިނު ބޭނުންކުރަންޖެހޭތީޔާ ކިޔާ އެހުރީ ގޭގެ.
ކަކުނިބޯ
28 April 2021
މިއީ ހަމަ ނާޅިއަކުން މިނަން ނޭނގޭ ސަރުކާރެއް... އެމްއެމްޕީއާރުސީ މައްސަލާގައި 200 އެތަށް ފަރާތެއް
މައީޝަތު
28 April 2021
ގައިދީ ޔާމީނު ޙުކުމާއި އެއގޮތަށް ކޯޓަށް ފައިސާ ނުދައްކާތީ ޔާމީނަށް ލުއިދީފިނމަ ގޯސްވާނެ ލުއިދޭންވީ ކިތަންމެ ބަޔަކު ޖަލުގައި އެބަތިބި ކިޔަމަންތެރި މީހުން