ވެކްސިން ޖަހަން ގޮސް ތިބި ބަޔަކު އާޓް ގެލަރީ ކައިރީގައި މީގެ ކުރިން ހަދާފައިވާ ކިއުއެއް -- ފޮޓޯ: ނިޝާން އަލީ/ މިހާރު
04 މެއި 2021 - 12:09
13 comments
ރާއްޖޭގައި މިވަގުތު ހުރި ކޮވިޑް ވެކްސިން ސްޓޮކް މަދުކަމަށް ސަރުކާރުން ރޭ ބުނެފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބޭއްވި ނޫސްވެރިންގެ ބައްދަލުވުމުގައި ރައީސް އޮފީހުގެ ތަރުޖަމާނު މަބްރޫކް އަޒީޒް ވިދާޅުވީ، ވަނީ މިވަގުތު ރާއްޖޭގައި ވެކްސިންގެ ސްޓޮކް ހުރި މިންވަރު މަދު ކަމަށް އެޗްޕީއޭ އާއި ހެލްތު މިނިސްޓްރީން ފާހަގަކޮށްފައިވާ ކަމަށެވެ. އެކަމަކު ބާކީ ހުރީ ކިހާ އަދަދެއްކަން ސާފު ނުވާ ކަމަށް އޭނާ ވިދާޅުވި އެވެ.
އެކަމަކު، ނޫސްވެރިން ކުރިން އެ ސުވާލުތައް ތަކުރާރުކޮށް ކުރިމަތިކުރުމުން އެޗްއީއޯސީ އާއި ހެލްތު މިނިސްޓްރީން ވެސް ބުނަމުން އައީ ރާއްޖެ ވެކްސިނަށް ނުޖެހޭނެ ކަމަށެވެ. އެގޮތުން މި ފަހުން ބޭއްވި އެޗްއީއޯސީގެ ޕްރެސް ކޮންފަރެންސެއްގައި ހެލްތު މިނިސްޓްރީގެ ސްޓޭޓް މިނިސްޓަރު ޑރ. ޝާހް މާހިރު ވިދާޅުވީ ރާއްޖެ އަށް ބޭނުންވާ ވެކްސިން ހޯދުމަށް މަސައްކަތް ކުރަމުންދާ ކަމަށެވެ.
ޑރ. ޝާހު ވިދާޅުވީ ކޮވެކްސް ފެސިލިޓީގެ ދަށުން ވެކްސިން ގަތުމަށް ކުރަން ޖެހޭ މަަސައްކަތް ވެސް ކުރަމުން އަންނަ ކަމަށެވެ.
ކޮވިޑު-19 އިން ދިފާއުވުމަށް ރާއްޖެއިން ގަންނަ ވެކްސިންގެ 700،000 ޑޯޒް އަންނަ މަހު ލިބެން ފަށާނެ ކަމަށް ހެލްތު މިނިސްޓަރު އަހުމަދު ނަސީމް ވެސް މި ހަފުތާގައި ވިދާޅުވި އެވެ.
ރާއްޖޭގެ ވެކްސިނޭޝަން ޕްރޮގްރާމު މެދުނުކެނޑި ކުރިއަށް ގެންދެވޭނެ ކަމުގެ ޔަގީންކަން ސަރުކާރުން ދިން ނަމަވެސް، ރާއްޖެއިން ވެކްސިން ހުސްވާ ކަމުގެ އަޑުތައް ގަދަވީ އިންޑިއާގެ ކޮވިޑްގެ ހާލަތު ގޯސްވެ، އެ ގައުމުން، އެހެން ގައުމުތަކަށް ވެކްސިން އެތެރެކުރުން ހުއްޓާލުމާ އެކު އެވެ.
މި ރޯދަމަސް ފެށުން ފަހުން، މާލޭގައި ވެކްސިން ކިއުތަކަށް ވެސް ވަނީ ބާރުބޮޑުވެފަ އެވެ. ބައެއް މީހުން ރޯދަވީއްލާ ގޮތަށް ކިއުގައި ޖެހެމުން އަންނައިރު އަނެއް ބަޔަކު ރޯދަވީއްލަނީ ވެސް ކިއުގައި ތިބެގެންނެވެ. އަވަހަށް ވެކްސިން ޖެހުމަށް އެޗްޕީއޭ އިން ބާރު އެޅިޔަސް، ވެކްސިން ސެންޓަރުތަކުގެ އިންތިޒާމުތައް ރަނގަޅު ނޫން ކަމަށް ބުނެ އާންމުން ޝަކުވާ ކުރާތާ ދުވަސްކޮޅެއް ވެއްޖެ އެވެ.
ރާއްޖެ އިން މިހާތަނަށް 297،639 މީހަކު ވެކްސިން ޖަހާފައިވެ އެވެ. އޭގެ ތެރެއިން 108،494 މީހުންނަކީ ދެ ޑޯޒް ފުރިހަމަކޮށްފައިވާ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓާރ. ބަނާނާ
04 May 2021
ވެކްސިން ހުސްވީމާ މިދޯހޮޅި ސަރުކާރުން ރައްޔިތުނަށް އެކަން އަންގާލަން ނުކުރެނުތާ ކިޔުގައި ނިތިބެންވެސް އަންގާނުލެވުނު. އަދިވެސް ގައިމުގައި ތިބި ހުރިހާ ބަންގާޅިން އެއްކޮށް ވެކުސިންދީ!
ދޮގުހަދާ
04 May 2021
ވެކްސިން މަދުއިރު ކީއްވެބާ ދުރާލާ ހާމަނުކުރީ. ނެތްއެއްޗެއް ޖައްސަން ދިގުކުއަުތަކުގަ ހާދަބަކު ގަނޑަތެޅުވިއްޖރއޭ. މަބުރޫކުމެން ދައްކާވާހަކަ ހެޔޮނުވާނެ ގަބޫލުކުރާކަށް.. ތިޔަ ނަސީމެއް އައިފަހުން ސިއްހީކަމެއް ރަގަޅުވިތަނެއް ނުފެނޭ. ވެކްސިންކަންތައްހާ ބޮއްސުންލާފަ އޮރްކަމެއް ނުފެނޭ
ދަމް
04 May 2021
މިޔޮއްފަދަ ޒަމާނުގަ ކިޔުނުޖެހި އޮންލައިންކޮށް އެޕޮއިންޓްމަންޓް ހަދާ, ގުރޫޕްތަކަކަށް ބަހާލައިގެން މިކަންވާނެ.ސަރުކާރު މުއައްޒަފުން މަސައްކަތަށް ލޯބިނުހުންނާތީ މިހެންވަނީ. ވަޒީފާއިން ވަކިކުރެވޭކަށްވެސްނޯވެ.
ދަމް
04 May 2021
ވެކްސިން ޖަހައިދޭން ތިއްބަވާ ބޭފުޅުން ރޯދަ ވީއްލަން ބޯކިބާ އަޅަން މެންދުރު ފަހު ގޭގަ ތިބެންޖެހޭނެއެއްނު.ފްރަންޓް ލްއިން އެލްވަންސް ބޭނުންކުރެވޭނީ އެކަހަލަ ގޮތަކައްނޫންތޯ.
ވުނަދާނަ
04 May 2021
އިންޑިޔާ އުޅެނީ ނުފޯރާ ފޮތިން ފޫގަޅަން. އަމިއްލަ ގައުމުގެ ރައްޔިތުން ގަނަތެޅޭއިރު އެކަން ހައްލުނުކުރެވޭ މޯދީގެ ބަހަށް މިގައުމުގެ ބޮޑުން ވިކިހުސްވީމަ ވާނެހައެތި މިވަނީ. ފުރަތަމަ ކަނޑާނީ ފޮނި. އޭގެ ހިތި ފިލުވަންޖެހޭނީ ރައްޔިތުންނަށް.
ބޮޑު ފެއިލް
04 May 2021
ވެކްސިން ޖެހީމަ ރޯދައެއް ނުގެއްލޭ، ދެން ކޮން ކަމެއް ދުވާލު ވެކްސިން ޖެހުން ހުއްޓާލާފަ މިއޮއްފަދަ ރޯދަމަހު ރޭގަނޑު ރައްޔިތުން ގަނަ ތަޅުވަނީ؟ އެންމެ ކަމެއް ދައްކަބަލަ މިސަރުކާރަށް ރަގަޅަށް ކުރަން އެނގުނު! ޕާޓީ ކުދިންނަށް އިންސާފު ހޯދަދިންމަށް ބަދަލު ދިނުން ފިޔަވައި!
ގުދުގުދުބެއްޔާގެ ތެދުބަސް
04 May 2021
މަބުރޫކު އަބްދުލް އަޒީޒަށް އޮތް އިތުބާރު ގެއްލިއްޖެ.
ލ.އަތޮޅު
04 May 2021
ތި ވެކްސިނަކުން ވާކަމެއް ހަމަ ޙަރާން....
ސީޒަން ޖެކުހަން
04 May 2021
ދެން ކީއްވެ ރައްޔިތުންނަށް ދަޅަދައްކުވައިގެން ކިއުޖައްސުވަނީ؟
އަޝްރަފް
04 May 2021
މާމޮޅު ތަކެއް ވާން 2 ވަނަ ޑޯޒް ޖަހަން ނުބަހައްޓާ ހުރި އެތިކޮޅު ހުސްކޮށްލީ! ދެން އިންޑިޔާގެ ހާލަތު ގޯސްވީމާ ނުލިބޭނެކަން އެނގުނީމަ ފެބްރުއަރީ މަހު ވެކްސިން ޖެހި މީހުންނަށް އިސްކަންދެނީއޭ ކިޔައިގެން އޮޅުވާލީ. މިހާރު އެނގޭނެ ބާކީ ބައި މިއިން ޒަމާނެއްގައި ނުލިބޭނެކަންވެސް. އިންޑިޔާއިން ނުދޭނެ ހުއްދައެއްވެސް އެޤައުމުގެ ހާލަތު މިހެންއޮށްވާ އެންމެ ޑޯޒެއްވެސް ބޭރުކުރާކަށް. އެހެން ޤައުމުތަކުގައިވެސް ވެކްސިން ލިބުނީމާ ޖަހަނީ %50.