ކޮވިޑް ކޮންޓްރޯލްކުރުމަށް ކާފިއު ހިންގުމުން ބަންދުކޮށްފައިވާ ފިހާރައެއް. -- ފޮޓޯ: މިހާރު
07 މެއި 2021 - 01:35
14 comments
ކޮވިޑް ޖެހޭ މީހުންގެ އަދަދު ރެކޯޑް އަދަދަކަށް އިތުރުވެފައި ވާތީ އެ ބަލި ކޮންޓްރޯލްކުރަން، މާލެ ސަރަހައްދުގައި ހިންގާ އަމިއްލަ އޮފީސްތައް ވެސް ބަންދުކުރުން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އަންގައިފި އެވެ.
ޑިރެކްޓާ ޖެނެރަލް އޮފް ފަބްލިކް ހެލްތު މައިމޫނާ އަބޫބަކުރު ސޮއިކުރައްވައި ނެރުނު އިއުލާނެއްގައި ބުނީ މިއަދުން ފެށިގެން ވަކި ގޮތެއް އަންގަންދެން މާލެ ސަރަހައްދުގައި ހުންނަ ދައުލަތުގެ އޮފީސްތަކުގެ އިތުރުން، އަމިއްލަ ވިޔަފާރިތަކާއި ކުންފުނިތަކާއި އޮފީސްތަކަށް މުވައްޒަފުން ހާޒިރުކޮށްގެން މަސައްކަތް ނުކުރުމަށް އަންގާ ކަމަށެވެ.
މި އިއުލާނުގައި ބުނެފައި ވަނީ ކޮންމެހެން ނުކުމެގެން ކުރަންޖެހޭ ޒަރޫރީ ބޭނުންތަކަށް ފިޔަވައި، މުވައްޒަފުން މަސައްކަތައް ނުނެރުމަށް އަންގާ ކަމަށެވެ. ގޭގައި ތިބެގެން މަސައްކަތް ކުރެވޭނެ އިންތިޒާމު ހަމަޖެއްސުމަށް ވެސް އަންގާފައިވެ އެވެ. އަދި އޮންލައިންކޮށް ހިދުމަތްތައް ދިނުމަށް ވެސް އެދިފައިވެ އެވެ.
ކޮވިޑް ޖެހޭ މީހުންގެ ރިކޯޑް އަދަދަކަށް އިތުރުވެ، ސަރުކާރު އޮފީސްތައް ބަންދުކޮށް ގޭގައި މަސައްކަތް ކުރާ ގޮތަށް ރައީސް އޮފީހުން ނިންމީ މިދިޔަ ބުދަ ދުވަހު އެވެ. ރައީސް އޮފީހުގެ އެންގުމުގައިވާ ގޮތުން، ރައީސް އެންގެވީ ސަރުކާރުގެ މުވައްޒަފުން ގޭގައި ތިބެގެން ކުރެވެން ހުރި މަސައްކަތް ކުރުމަށާއި ސަރުކާރުގެ އިދާރާތަކުން އޮންލައިންކޮށް ދެވެން އޮތް ހުރިހާ ހިދުމަތެއް އެ ގޮތަށް ދިނުމަށެވެ.
ކޮވިޑުން ރައްކާތެރިވުމަށް ރާއްޖޭގައި އަނެއްކާވެސް ޚާއްސަ ފިޔަވަޅުތަކެއް އެޅީ އެ ބަލި ޖެހޭ މީހުންގެ އަދަދު ވަރަށް ބޮޑަށް އިތުރުވުމުންނެވެ. އެޗްޕީއޭ އިން ރޭ އާއްމު ކުރި މައުލޫމާތަށް ބަލާއިރު، މިއަދު ވެސް 703 މީހަކު މި ބައްޔަށް ޕޮޒިޓީވްފެއިވެ އެވެ. އެންމެ ގިނަ ބަޔަކަށް ބަލި ޖެހުނީ މާލޭންނެވެ. އެގޮތުން މާލޭން 526 މީހުންނަށް ބަލި ޖެހުނު ރަށްރަށުން ޕޮޒިޓިވްވީ 167 މީހެކެވެ.
އެކްޓިވް ކޭސްތަކުގެ އަދަދު ވެސް މިހާރު ވަނީ މިއިން ދުވަހަކު މައްޗަށް ނުދާ ވަރަށް މަތިވެފަ އެވެ. އެގޮތުން ބަލި ޖެހިފައި ތިބި މީހުންގެ އަދަދު މިހާރު ވަނީ 7،607 އަށް އަރައިފަ އެވެ. އަދި ހޮސްޕިޓަލުގައި އެޑްމިޓްކޮށްގެން 203 މީހަކަށް އަންނަނީ ފަރުވާ ދެމުންނެވެ. އެއީ އިއްޔެއަށް ވުރެ ފަސް މީހުންގެ އިތުރު އަދަދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަކޭ
07 May 2021
ބޭންކުތަކުން އާއްމު ރައްޔިތުން ފަހާ ދުވަނީ. ލޯނުތައް ރީސްޓްރަކްޗަރ ކުރަން އަންގަދީ
އިޙްސާސް
07 May 2021
މީރާއަށް ތިކަން ފަހުމް ވާނަމަ ކިހާ ރަގަޅު. އޮޑިޓަރުން ވިޔަފާރިތައް އޮޑިޓްކުރަނީ ކިހިނެއްބާ؟ 30 ޖޫން އެއީ އޮޑިޓް ހުށައެޅުމުގެ ސުންގަޑި.
އިޔާސް
07 May 2021
އަޖައިބެއް. އޮފީސްތަކުގެ މާނައިގެ ތެރޭގައި ޖުޑީޝަރީ ނުހިމެނޭ. އަނެއްކާ އެމީހުންގެ ސަރކިއުލަރ އޮތް ގޮތުން ކޮވިޑް ޖެހުނަސް މަސައްކަތް ކުރަންޖެހޭ. ޑީޖޭއޭ
ޒައީމު
07 May 2021
ކޯޓު ތައް ބަންދު ނުކުރަނީ ކީއްވެތަ... ކޮވިޑް ވެސް ބިރު ގަންނަނީތަ ކޯޓު ތައް ދެކެ..
އަލީޝަރީފު
07 May 2021
އޮފީސްތައް ބަންދުކުރަން އެންގިނަމަވެސް އެގޮތަށް ބައެއްތަންތަނަކުން އަމަލުނުކުރޭ އިނގޭތޯ! ސިވިލް ކޯޓާއި މާލޭ އޭރިޔާގެ ގިނަ ކޯޓުތަކަށްވެސް ބަރާބަރަށް މުވައްޒަފުންހާޒިރުކޮށްގެން މަސައްކަތް އެބަކުރުވާ. އެތަންތަނުން ބުނަނީ ގޭގައި ނުކުރެވޭ ކޮންމެ ކަމަކީ (މިސާލަކަށް ފައިލް ކުރުން) މިއީ "ޒަރޫރީ" ކަމެކޭ އެހެންވީމާ އޮފީހަށް އަންނާށޭ! މިކަމާއި މެދު ފިޔަވަޅެއް އަޅައިދިނުމަށް ރައީސް އޮފީހާއި އެޗް.ޕީ.އޭއަށް ގޮވާލަން. ގޭގައި މުސްކުޅި މައިންބަފައިން އެބަތިބި
ކިހިނެތް
07 May 2021
އޮފީސްތައް ބަންދުކުރަން އޯކޭ.. އެއާއިއެކު ރެސްޓޯރެންޓްތަކާ ކެފޭތައްވެސް ބަންދު ކުރަންޖެހޭ. ހަމައެކަނި ޑެލިވަރީއާ ޓޭކްއަވޭ ހިދުމަތް ދޭގޮތަށް. ބަންދު ނުކުރަންޏާ ކިތަންމެ ހާލަތު ގޯސްވިޔަސް ގޮސް އެތަންތަނަށް ޖަމާވެ އެކަކު އަނެކަކު އުނގަށް އަރައިގެން ތިބޭނެ.
އެމްސް
07 May 2021
ތިހުރިހާތަނަކަށްވުރެވެސް މާރުކޭޓުތަކުގަ/ބިދޭސީންގެ އުޅުން މާގޯސް!
ފަރުވާލެއްނެތޭ
07 May 2021
އޮފީސްތައް ބަންދުކުރީ ނަމެއްގައި، އޮފީސްތަކުގެ ވެރިން އެބަ އަންގާ އެހެން އެންގިޔަސް ހާޒިރުވާން. ސެލޫންތަކުންވެސް ދޮރު ލައްޕައިގެން ފޮތިދަމައިގެން މީހުންގެ ބޯ އެބަ ކޮށާ. ދައުލަތުގެ އިދާރާތަކުން ފެށިގެން އާންމު ފަރުދުންވެސް ދައްކަނީ އިންތިހާ ދަރަޖައިގެ ފަރުވާކުޑަކަމާއި ގޮތް ދޫނުކުރުން.
ބޭބެ
07 May 2021
ދެން ފަރައް ބޮލި ހިލަންތާ ދާންވީ. މިމީހުންނަށް ސަރުކާރުން މުސާރަދޭ
އެމްސް
07 May 2021
އެންމެ ގޯހީ ބިދޭސީން ހިންގާ އެކިއެކި މާ ރުކޭޓްތަކުގެ މަސް ރަޙު! އެމީހުން އެހިންގަނީ ދިވެއްސެއްގެ ނަމުގަ، އެހެނަސް އަމިއްލަ ވިޔަފާ ރިކަމުން މިދަނޑިވަޅުގަވެސް އެއްވެސް ކަމަކަށް އެއްވެސް ވަ ރަކަށް އެމީހުން ނުބަލާ!
ނުޖައްސާތި
07 May 2021
އޯކޭ. ނުނެރޭދުވަސްތަކަށް މުސާރަނުދިނަސް ތަންތަނަށް ދަމައިގެން ނުވާނެ. ކޮންމެ ކަމެއްގެވެސް ދެކޮޅު އޮންނަންވާނެ. އެންމެ 5 ސްޓާފުން ލައިގެން މިއުޅެނީ. މުސާރަދެނީ އެމީހުން ކުރާ ސޭލްސް މަސައްކަތުން ކޮންމެ މަހަކު ކުންފުންޏަށް ވަންނަ ފައިސާ އިން. 10 ދުވަސް 14 ދުވަސް އޮފީހަށް ނުނެރެތިބެފިއްޔާ، އެގެއްލެނީ އެ މުއްދަތުގެ ސޭލްސް. އެހެންވީމާ، އެމުއްދަތަށް ފުލްކޮށް މުސާރަދިނުމަކީ އިންސާފުވެރިގޮތެއް ނޫން. އިންސާފުވެރިކަމާއެކު ދެކޮޅަށްވެސް ހަމަހަމަވާންޖެހޭނެ.
އެމްސް
07 May 2021
އިންސާފެއްތޯ ކޮވިޑާއި ގުޅިގެން ރާއްޖެ މިޙާލަތަށް ދިއުން! މުސާ ރަނުދެވޭ ޙާލަތަށް ދިޔައިމަ، މުވައްޒަފުން މަދުކޮށް، ޙާލަތާއި އެއްވަ ރަށް ތަން/ކަން ސައިޒް ކު ރެވިދާނެ!
އާފާތެއް
07 May 2021
މިއީ ކިހާ ބޮޑު އާފާތެއް. ކީއްވެގެންތަ ކުރަންޖެހޭ ކަންކަން ނުކޮށް، ނުކުރަންޖެހޭ ކަންކަން ތިޔަ ކުރަނީ؟ ކޮވިޑް ފެތުރެނީ އޮފީސްތަކަށްވުރެ ގިނައިން ރެސްޓޯރަންޓްތަކާއި، ކެފޭ ތަކުން. ރެސްޓޯރަންޓްތަކުގައި އޮންނަ ބުފޭ ރޯދަވީއްލުންތަކާއި، ކޮފީބޯ ކެފޭތައް ބަންދުކޮށްބަލަ. މުއައްޒަފުންނުނެރެ، އޮފީސް ނުހިންގާ، ވިޔަފާރިނުކޮށް އަހަރެމެން ތިބެންވީ. އެކަމަކު ހަމަ ބަރާބަރަށް މުސާރަދޭންޖެހޭ. ނުދީފިއްޔާ ފައްޔާޒު ބުރޯގެ ނުހޮރުއްޕާން އިންތިހާއަށް ބޮޑު.
އެމްސް
07 May 2021
ބިދޭސީން ޙަ ރަކާތްތެ ރިވާ ދިމަދިމާލުގަ ގައިގޯޅިވުން މާބޮޑު!