09 މެއި 2021 - 09:31
ވަޓްސްއެޕް ބޭނުންކުރާ މީހުންގެ ޒާތީ މައުލޫމާތު އެ އެޕް ހިންގާ ފޭސްބުކާ ހިއްސާކުރަން ޖެހޭ ގޮތަށް ނިންމައި އެ އުސޫލަށް ފެބްރުއަރީ މަހުގެ ކުރީކޮޅު އަމަލުކުރަން ނިންމުމާ އެކު އާންމުންގެ ފަރާތުން ކުރިމަތިވި ފާޑުކިޔުންތަކާއި ޕްރެޝަރުތަކާ ހެދި އެކަން ފަސްކޮށް ދިން ސުންގަނޑި މި މަހުގެ 15 އަށް ހަމަވާނެ އެވެ.
ސުވާލަކީ އެ ހިސާބުން ކަންބޮޑުވާން ޖެހޭ ހެއްޔެވެ؟ މި ސުވާލުގެ ޖަވާބު ވަޓްސްއެޕުން މިހާރު ވަނީ ދީފަ އެވެ. އެތަނުން ނެރުނު ބަޔާނެއްގައި ބުނީ އާ އުސޫލު ކަސްޓަމަރުން ބަލައިނުގަތަސް، އެ މީހުންގެ އެކައުންޓް ޑިލީޓްކޮށް ނުވަތަ ބޭނުންކުރުމުގައި ދައްޗެއް ދިމާނުވާނެ ކަމަށެވެ.
އެކަމަކު އާ އުސޫލު ދޫކޮށްނުލާ ކަމަށާއި ހަނދާންއާކޮށް ދިނުމުގެ ގޮތުން ޕާސިސްޓަންޓް ރިމައިންޑާ ފޮނުވާނެ ކަމަށް ބުންޏެވެ. އެއާ އާ އުސޫލު ބަލައިގަންނަންދެން ވަޓްސްއެޕް ބޭނުންކުރުމުގައި ލިމިޓޭޝަންތަކެއް އަންނަން ފަށާނެ ކަމަށް ބުންޏެވެ.
އޭގެ ތެރޭގައި ޗެޓް ލިސްޓް އެކްސެސް ނުވުން ހިމެނެ އެވެ. އެކަމަކު ވަޓްސްއެޕުން ލިބޭ އޯޑިއޯ/ވީޑިއޯ ކޯލްތަކަށް ޖަވާބު ދެވޭނެ އެވެ. އެކަމަކު ހަފުތާތަކެއް ފަހުން އެ ފުރުސަތު ގެއްލި، ނޮޓިފިކޭޝަނާއި މެސެޖްތައް އަދި ކޯލްތައް ވެސް ލިބުން ހުއްޓޭނެ އެވެ.
WhatsApp relaxes deadline for accepting its new privacy policy https://t.co/qP9O79EueN pic.twitter.com/ioYkZcet1s
— The Verge (@verge) May 8, 2021
ވަޓްސްއެޕުން ބުނެފައިވާ ގޮތުގައި އާ އުސޫލުގައި ކަންބޮޑުވާން ޖެހޭ ވަރުގެ ކަމެއް ނެތެވެ. އެކަމަކު މިކަން ބޮޑު މައްސަލައަކަށްވީ ހަގީގަތް އޮޅޭ ގޮތަށް ގިނަ ވާހަކަތަކެއް ފެތުރިގެން ދިއުން ކަމަށް ބުންޏެވެ. ދެހާސް ސާދައިގެ ފަހުން ފޭސްބުކްގެ ދަށުން ހިންގާ ވަޓްސްއެޕުން ބުނިގޮތުގައި އާ އުސޫލުގެ މައިގަނޑު މަގުސަދަކީ އެފްބީގެ ދަށުން ހިންގާ އެހެން ޕްލެޓްފޯމްތައް ވެސް އެއާ ގުޅުވާފައި އޮންނަ ގޮތަށް ގުޅުވުމުގެ މަސައްކަތްކުރުމެވެ.
ނަމަވެސް ވަޓްސްއެޕް ބޭނުންކުރާ ވަރަށް ގިނަ ބަޔަކު ވަނީ ފޭސްބުކާ އެ މީހުންގެ މައުލޫމާތު ހިއްސާކުރަން ޖެހުމަކީ ވަރަށް ބޮޑު މައްސަލެއް ކަމަށް ބުނެ ކަންބޮޑުވުން ފާޅުކޮށް، އާ އުސޫލަށް އެއްބަސްވާން ފޮނުވާ ނޮޓިފިކޭޝަނަށް ވެސް އިޖާބަ ނުދީފަ އެވެ.
އާ އުސޫލުގެ ދަށުން، ވަޓްސްއެޕް ބޭނުންކުރާ މީހުންގެ ފޯނު ނަމްބަރު ފަދަ ޒާތީ މުހިއްމު މައުލޫމާތުތައް ފޭސްބުކަށް ދޭންޖެހޭނެ އެވެ. މީގެ އިތުރުން ބޭނުންކުރާ ޑިވައިސްއާ ގުޅުން ހުރި ބައެއް މައުލޫމާތުތައް ވެސް ހިމެނެ އެވެ.
އޭގެ ތެރޭގައި ޑިވައިސްގެ ބެޓެރީ ލެވެލް، ސިގްނަލް ސްޓްރެންތު، އެޕް ވާޝަން، ބްރައުޒާ އިންފޯ، މޮބައިލް ނެޓްވޯކް، ކަނެކްޝަނާ ބެހޭ މައުލޫމާތު (ފޯނު ނަމްބަރު، މޮބައިލް އޮޕަރޭޓަރު/އައިސްޕީ)، ބަހުރުވަ، ޓައިމް ޒޯން، އައިޕީ އެޑްރެސް ޑިވައިސް އޮޕަރޭޝަނާ މައުލޫމާތު ހިމެނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ބަގުޑި
10 May 2021
މިހާރު އެންމެ މަގްބޫލު ވަމުން އަންނަ އެޕް އަކީ ޓެލެގްރާމް. ވަރަށް ފީޗަރރިޗް، އަވަސް އަދި ސެކުރިޓީގެގޮތުންވެސް އެހާމަ ފުރިހަމަ އެޕެއް. މިއެޕް ގައި އިސްތިހާރު ނުކުރިޔަސް ކުރިޔަށް އޮތްތަނުގައި މަދުމިންވަރަކަށް އިސްތިހާރު އައިސްދާނެކަމަށް މިހިންގާ ކުންފުނިން ބުނޭ. އެއީވެސް ހަމައެކަނީ މިއެޕް ގެ ޙަރަދުތަށް ދަމަހަންޓާ ވަރަށް ފައިސާ ހޯދަންކަމަށް އެމީހުން ބުނޭ. އަދި ދުވަހަކުވެސް ވިޔަފާރި އުސޫލުން ޓެލެގްރާމް ބޭނުން ނުކުރާނެ ކަމަށް އެމީހުން ވަނީ ބުނެފަ.