ނާގޯށި: މި ރަށުގެ މަސައްކަތް ވަރަށް އަވަހަށް ފެށޭނެ ކަމަށް އެމްޓީޑީސީން ބުނޭ-.
08 މެއި 2021 - 16:37
8 comments
ހދ. ނާގޯށި ތަރައްގީ ކުރާނީ ދުބާއީ ކުންފުންޏަކުން ކަމަށާއި އެ ރަށުގެ އަމަލީ މަސައްކަތް ހަތަރު މަސް ދުވަހުގެ ތެރޭގައި ފަށާނެ ކަމަށް އެމްޓީޑީސީން ބުނެފި އެވެ.
އެމްޓީޑީސީގެ މެނޭޖިން ޑިރެކްޓަރު ތަޒްމީލް އަބްދުއްސަމަދު "މިހާރު" އަށް ވިދާޅުވީ ނާގޯށީގައި ރިސޯޓެއް ތަރައްގީކޮށް ހިންގާނީ ދުބާއީގެ ކުންފުންޏަކާއި އެމްޓީޑީސީ ގުޅިގެން ޖޮއިންޓް ވެންޗާއެއްގެ ގޮތުގައި ކަމަށެވެ. މިއީ މިގޮތަށް އެ ކުންފުނިން ޕްރޮޖެކްޓެއް ހިންގާ ފުރަތަމަ ފަހަރެވެ. މީގެ ކުރިން އެމްޓީޑީސީން ރަށްތައް ދޫކުރަނީ ލީސް އަށެވެ.
ތަޒްމީލް ވިދާޅުވިގޮތުގައި، ސަރުކާރުން ނާގޯށި އެ ކުންފުންޏާ ހަވާލު ކުރުމާއެކު އިންވެސްޓަރުން ހޯދުމުގެ މަސައްކަތް ފެށި އެވެ. އަދި މިހާރު ހުރިހާ ކަމެއް ފައިނަލްވެ 3-4 މަސް ދުވަހުގެ ތެރޭގައި އަމަލީ މަސައްކަތް ފެށޭނެ ކަމަށް އޭނާ ވިދާޅުވި އެވެ. ނަމަވެސް މި ޕްރޮޖެކްޓް ހަވާލު ކުރާ ކުންފުނީގެ ނަމެއް ހާމަ ނުކުރައްވަ އެވެ.
"މިހާރު އިދާރީ ގޮތުން ކުރަންޖެހޭ ހުރިހާ މަސައްކަތެއް ނިމެނީ. ބޭރުގެ ގިނަ ޕާޓީތަކަކާ މަޝްވަރާ ކުރުމަށް ފަހު ޕާޓީ ވެސް މިހާރު ވަނީ ފައިނަލް ވެފައި. އެއީ ދުބާއީގެ ޕާޓީއެއް،" ތަޒްމީލް ވިދާޅުވި އެވެ.
ދުބާއީގެ ކުންފުންޏަށް ނާގޯށި ދެނީ 50 އަހަރުގެ މުއްދަތަކަށެވެ.
ތަޒްމީލް ވިދާޅުވިގޮތުގައި މި ރިސޯޓު ތަރައްގީ ކުރަނީ ދެ ކެޓަގަރީއަކަށެވެ. އެއީ ފަސްތަރީގެ އަދި ހަ ތަރީގެ ކޮޓަރިތަކަށް ބަހާލައިގެންނެވެ. އެގޮތުން 500-600 އެއްހާ ކޮޓަރި ހަދާނެ ކަމަށް އޭނާ ވިދާޅުވި އެވެ.
"އެނދުގެ އަދަދުން ބެލީމާ ވެސް މިއީ ބޮޑު ރިސޯޓަކަށް ވާނެ،" ތަޒްމީލް ވިދާޅުވި އެވެ.
ނާގޯށި އަކީ އެމްޓީޑީސީ އުފައްދައި އެންމެ ފުރަތަމަ އެ ކުންފުންޏާ ހަވާލު ކުރި ރަށެވެ. ނަމަވެސް އެކި ސަބަބުތަކާ ހުރެ ކުރީގެ ސަރުކާރުތަކަށް މި ރަށް ތަރައްގީއެއް ނުކުރެވުނެވެ. ނަމަވެސް އެ ރަށް ތަރައްގީކޮށް މި ދައުރުގައި ހުޅުވުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެއިބޫ
13 May 2021
ކޮބާ އެމް ޓީ ޑީސީ އިން ޑޮޮލަރު މާރުކުރަން އަދީބުނެގި މިލިޔަން ޑޮލަރު.
އޮނަރަބްލް އަފީފު ދީދީ
08 May 2021
ހއ އަދި ހދ ގައި ރިސޯޓްހަދާންޖެހޭ ހުރިހާރަށްރަށެއް 90 އަހަރަށް ކުއްޔަށްދިނުމަށް ސަރުކާރުންކަޑައަޅާ އެކަން ކުންފުންޏަށް އަންގާންޖެހޭ. # އަދި މިރަށްތައް ޖޮއިންޓްވެންޗަރ އުސޫލުން ބައިވެރިވާކުންފުންޏަށް 50 އަހަރު ވަންދެން ފައިދާޙިއްސާކޮށް އެމީހުން ރަށް މެނޭޖްކޮށްހިންގާގޮތަށް އިންވެސްޓަރ ފައިނޭންސް އުސޫލުން ރަށްތައްތަރައްޤީކޮށް 50 އަހަރުގެ ލީޒަށްއެއްބަސްވެ ރަށް ހިންގާނެ ބަޔަކު ކުންފުނިންހޯދާ. އޭރުން ބާކީ 40 އަހަރު ކުންފުންޏަށް ލިބި އެސަޓް ބޮޑުކުރެވޭނެ.
އޮނަރަބްލް އަފީފު ދީދީ
08 May 2021
ކުންފުނީގެ ހާލަތު ބަދަލު ކުރާން ފުރަތަމަ ކަމަކަށް ސަރުކާރު ޙިއްސާގެ ތެރެއިން ބޮޑުބައެއް ވިއްކާލާ މިހާރު ޙިއްސާނެތް ދިވެހިންނަށް މަދުވެގެން 5 އަދި ގިނަވެގެން 100 ޙިއްސާ ގަތުމަށް 6 މަސް ދުވަހަށް ފުރުސަތު ހުޅުވާލަންޖެހޭ. # ބޭނުމަކީ ކުންފުނި ހަދައި "އައްޑޫ ހެރެތެރެ ހެދުމުގައި އިސްކޮށްދިބި މަހުޖަނުން" ރައްޔިތުންގެ މިކުންފުނި ހިންގުމަށް ހުރަސްއަޅާން ކުންފުނީގެ މެޖޯރިޓީ ޝެއަރ ގަނެ ބަނޑުދަށުލައިގެން ތިބި ތިބުމަށް ނިމުން ގެނެސް ބޯޑް މިނިވަންކުރުން.
މާސިދު
08 May 2021
އެންމެ ގިނަވާނީ ޗަމްޕާ ޤާސިމް އަދި ދަމާސް ސޯލިޙްގެ ޙިއްސާ.
ދިމްނާ ޖަމީލު
08 May 2021
ދިމީގެ ނަޒަރުގައި މިއީ ހދ އަތޮޅަށް ވަރަށް ގިނަ ތަރައްޤީ އަންނާނެކަމެއް.
ނުއަތް
08 May 2021
ތަރައްގީކޮށް ނިންމާފަ މިތާ އުޅޭ މަހުޖަނަކަށް ވިއްކާލާ ނުއަގުގަ. އޭރުން ހިއްސާދާރުންނަށް 1ލރ ދޭންލިބޭނީ. އެކަންވެސް ވާނީ ކަލޭމެންނަށް ކުރެވޭ މޮޅުކަމަކަށް. ކަންމަތީ ފިހާރައިން ލިބޭ ވަރުގެ ފައިދާކޮޅެއްވެސް ކަލޭމެންނަށް ނުލިބޭ. ދެއިރު ދެދަޅައަށް ގޮވާނެ ލިބުނު ގެއްލުންކުޑަ ކުރެވިއްޖޭ. ކުންފުނި އޮތީ ރަނގަޅު މިސްރާބުގައޭ. ހީވަނީ ތީ ގެއްލުމުގަ ހިންގަން އުފެއްދި ކުންފުންޏެއްހެން
މޯޑު10
08 May 2021
ކިހާ ވަރަކުން ދާނެބާ މިފަހަރު. ތި ރަށް ތަރައްގީ ކުރަން އަނެއްކަވެސް ތި ހަވާލު ކުރީ އެމްޓީޑީސީ އާ. ހދ ލުގައި ރިސޯޓެއް ނެތީ ތިކަހަލަ ފޭކު މީހުންނާ ހަވާލު ކުރާތީ. ހަވާލު ކުރިތާ 10 އަހަރު ފަހުން ހޮޑާފުށި ހުޅުވުނީ، އެވެސް އެންމެ 30 ރޫމް އާއި އެކީ.
ށއިނީ
08 May 2021
ޢެއްޓީސީގެ ހިއްސާދާރުންނަ ރަގަޅު އެއްޗެއް ލިބޭނެކަމަ އުންމީދު ކުރަން.