ކާޑެއްދޫ އެއާޕޯޓް ހިންގަން 50 އަހަރަށް ދީފައި ވަނިކޮށް އެއްބަސްވުން ބާތިލްކޮށް އަތުލީ 2017 ގައި. ހުކުމް ކުރީ ގެއްލުމުގެ ބަދަލު ހޯދަން ދައުވާ ކުރުމުގެ ހައްގު ވިލާ އަށް އޮންނާނެ ކަމަށް.
ވިލާގެ ޗެއާމަން ގާސިމް: ކާޑެއްދޫ އެއާޕޯޓް ވިލާ އެއާއަށް އަނބުރާ ދޭންޖެހޭނެ ކަމަށް ސުޕްރީމް ކޯޓުން ވަނީ ނިންމާފައި --- ފޮޓޯ/މިހާރު
10 މެއި 2021 - 12:44
33 comments
ގދ. ކާޑެއްދޫ އެއާޕޯޓް ހިންގަން ވިލާ އެއާއާ އެކު ހެދި އެއްބަސްވުން ސަރުކާރުން އުވައިލީ ގޯސްކޮށް ކަމަށް ކަނޑައަޅައި، އެތަން ވިލާ އެއާ އަށް އަނބުރާ ދޭން ސުޕްރީމް ކޯޓުން ވެސް މިއަދު ހުކުމްކޮށްފި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ އެއާ ކުންފުންޏަށް 2013 ގައި ކާޑެއްދޫ އެއާޕޯޓް ހިންގަން 50 އަހަރަށް ދީފައި ވަނިކޮށް، ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ގައި ސަރުކާރުން އެ އެއްބަސްވުން ބާތިލްކޮށް، އެތަން އަތުލީ ސިވިލް އޭވިއޭޝަން އޮތޯރިޓީގެ މިންގަނޑުތަކާ ޚިލާފަށް އެއާޕޯޓް ހިންގި ކަމަށް ބުނެ އެވެ. ވިލާ އެއާ އިން ދައުވާ ކުރުމުން ސިވިލް ކޯޓާއި ހައި ކޯޓުން ވެސް ނިންމާފައި އޮތީ އެ އެއްބަސްވުން އުވައިލީ ގޯސްކޮށް ކަމަށާއި އެހެންވެ އެތަން އަނބުރާ ދިނުމަށެވެ. ގެއްލުމުގެ ބަދަލު ހޯދަން ދައުވާ ކުރުމުގެ ހައްގު ވިލާ އެއާ އަށް އޮންނާނެ ކަމަށެވެ.
އެ މައްސަލަ ދައުލަތުން ސުޕްރީމް ކޯޓުގައި އިސްތިއުނާފު ކުރުމުން އެ ކޯޓުން މިއަދު ކުރި ހުކުމުގައި ވަނީ ކާޑެއްދޫ އެއާޕޯޓާ ގުޅޭ ބައެއް ކަންކަން އިސްލާހު ކުރަން ވިލާ އެއާ އަށް ސިވިލް އޭވިއޭޝަން އޮތޯރިޓީން ފުރުސަތު ދީފައި ވިޔަސް، އެއާޕޯޓް ހިންގުން ހުއްޓާލަން އެ އޮތޯރިޓީން އަންގާފައި ނުވާ ކަމަށެވެ. އެ އިންސްޕެކްޝަން ހެދިި ފަހުން ވެސް އެއާޕޯޓް ހިންގުމުގެ ލައިސަންސް ސިވިލް އޭވިއޭޝަން އޮތޯރިޓީން އާ ކޮށްދީފައިވާ ކަމަށް އެ ހުކުމުގައިވެ އެވެ.
ހުކުމުގައިވަނީ ސިވިލް އޭވިއޭޝަންގެ މިންގަނޑުތަކާ ޚިލާފަށް ކާޑެއްދޫ ހިންގިިކަން ސާބިތު ކުރަން މޯލްޑިވިއަން ކުންފުނީގެ އެސެސްމަންޓް ރިޕޯޓެއް ދައުލަތުން ހުށަހެޅިޔަސް، އެ ރިޕޯޓަށް ބިނާކޮށް އެއްވެސް ކަމެއް ސާބިތެއް ނުވެ އެވެ.
މޯލްޑިވިއަން އަކީ ވިލާ އެއާގެ ވާދަވެރިއަކަށް ވާތީ، އެ ރިޕޯޓް ބަލައިގަންނަން ވިލާ އެއާ އިން ދެކޮޅު ހަދާއިރު އަދި އެ ރިޕޯޓު ހެދި ބަޔަކު ކޯޓަށް ހާޒިރުކޮށް، އެ ރިޕޯޓާ ބެހޭގޮތުން ސުވާލު ކޮށްފައި ނުވާތީ އެ ރިޕޯޓަކީ ކަމެއް ސާބިތު ކުރުމަށް ފުދޭ ލިޔުމެއް ނޫން ކަމަށް އެ ހުކުމުގައިވެ އެވެ.
އެ ރިޕޯޓް ހެދި ފަހުން ވެސް މޯލްޑިވިއަންގެ ބޯޓުތައް ކާޑެއްދު އަށް ދަތުރު ކުރަމުން ގޮސްފައިވާތީ، އެ ރިޕޯޓްގައި ފާހަގަކުރާ ކަންކަމުގެ ސީރިއަސް ކަމާ މެދު ސުވާލު އުފެދޭ ކަމަށް ހުކުމުގައި ބުނެފައިވެ އެވެ. އޭގެެ ފަހުން ސިވިލް އޭވިއޭޝަން އޮތޯރިޓީން ކާޑެއްދޫ ހިންގަން ހުއްދަ ދީފައި އޮތުމުން ވިލާ އެއާ އިން އެއްބަސްވުމާ ޚިލާފު ވެފައިވާ ކަމާ މެދު ސުވާލު އުފެދޭ ކަމަށާއި އެކަން އިތުރަށް ސާބިތުކުރަން ދައުލަތުން މަސައްކަތް ކޮށްފައި ނެތް ކަމަށް ހުކުމުގައިވެ އެވެ. އާދައިގެ ކަންކަން އިސްލާހު ކުރަން އެންގުމަކީ އެއްބަސްވުމެއް ބާތިލް ކުރެވޭނެ ސަބަބެއް ނޫން ކަމަށް ވެސް ތިން ފަނޑިޔާރުންގެ އިއްތިފާގުން ކުރެއްވި ހުކުމުގައި ބުނެފައިވެ އެވެ.
އެހެންކަމުން ސިވިލް ކޯޓާއި ހައި ކޯޓުގެ ހުކުމަށް ބަދަލު ގެންނަންޖެހޭ ސަބަބެއް ނެތް ކަމަށް ސުޕްރީމް ކޯޓުގެ ހުކުމުގައިވެ އެވެ.
އެ މައްސަލަ ސުޕްރީމް ކޯޓުން ބެއްލެވީ ފަނޑިޔާރު ހުސްނުއްސުއޫދާއި ފަނޑިޔާރު މަހާޒް އަލީ ޒާހިރުގެ އިތުރުން ފަނޑިޔާރު އައިޝާ ޝުޖޫން މުހައްމަދެވެ.
ކާޑެއްދޫ އެއާޕޯޓް މިހާރު ހިންގަމުން ދަނީ ރީޖަނަލް އެއާޕޯޓްސްގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާޑެއްދޫއެއާޕޯޓު
11 May 2021
ކާޑެއްދޫ އަދިވެސް އެއޮތީ މީގެ 25 އަހަރު ކުރިންވެސް އޮތްގޮތަށް. މިވީގޮތުން ދެންވެސް ކާޑެއްދޫއަށް އިތުރުކަމެއް ނުކޮށްއޮވެ ވީރާނާވާތަންް ބަލަންތިބެންޖެހޭނީ. ވ ދެރަވޭ މަމެންގެ އެއަރޕޯޓުތީ. އިންޓނޭޝަނަލެއްވެސްނޫން ކުރާނީ. ގާސިމު މީދެންކާކު އެއާޕޯޓު 50އަހަރަށް މިގޮތަށްދޭން.
ބޮޑުމީހާ
10 May 2021
ސްޕްރީމް ކޯޓަކީ ގާނޫނު ނެގެހެއްޓުމުގެ އެންމެ އިސް އިދާރާ. ބަދަލު ދިނުމުގެ އެތައް ހުކުމެއް ފުލުފުލުން އިއްވާއިރު ބަދަލު ދިނުން ހުއްޓުވޭނެ ނުވަތަ ވާނުވާ ނުބަލައި އެގްރީމަންޓް ބާތިލުކުރާ ދައުލަތުގެ އިސްމަގާމުތަކުގައި ތިބޭ މީހުން ޒިންމާދާރުކުރުވޭނެ ގޮތްތަކެއް ރާވަން ދައުލަތަށް އަމުރުކަންޖެހޭ..މިހާރު މުޅި ދުނިޔޭގަވެސް އޮތް އެންމެ ކާމިޔާބު ފިޔަވާރިއަކަށް ބަދަލު ދިނުން ވެއްޖެ.
ކޮބާ ހީވޭކަމެއްހެން
10 May 2021
ވަކިވަރަކަށްވުރެ ގިނައިން ދައުލަތުގެ ބިމާއި ކަނޑުފަޅުވަކި މީހަކަށް ނުދެވޭ ގާނޫނެއް ފާސްކޮށް ހަމަހަމަ ގޮތެއްގައި ގައުމުގެ މުއްސަނދިކަން ފެތުރިގެންދާނެ ގާނޫނެއް އެބަ ބޭނުންވޭ. އެހެން ނޫނީއްޔާ އެކެއްގެ އަންބޮޑިޔަށް މުޅިގައުމު.
ކުމާރު
10 May 2021
3 ކޯޓުން އެއްގޮތަކަށް ނިންމީމާ އޭގެ މާނައަކީ ރަނގަޅޭ. ނަމަވެސް ހިތާމައަކީ ބޮޑުބަދަލެއް ދޭންޖެހިދާނެތީވެ. ހީވަނީ ވިލާއިން ބޭނުންވަނީ ބަދަލެއްނޫންހެން. އިވޭ އަޑުތަކުން ހީވަނީ އަނބުރާ އެތަން ބޭނުންވާހެން. ދައުލަތަށް ގެއްލުންވާހެން މިކަހަލަ ކަންތަން ކުރާ ވެރިންނަށް އަދަބުދޭންޖެހޭނެ. އަތުލަންޏަމުވެސް ޤާނޫނީގޮތުން ރީތިކޮށް އެކަންކުރެވޭނެ.
ދިވެހިމޭން
10 May 2021
ޤާސިމެއް އެހެން މީހެއް ކިޔާނެކަމެއްނެތް. ބޭއިންސާފުން ފޭރިގަނެފައިވާކަން ދަށުކޯޓާއި, ހައިކޯޓާއި, އަދި ސްޕްރީމްކޯޓުން އެވަނީ ނިންމާފައި. މީގެން އެނގިގެންދަނީ ކުރީ ސަރުކާރުން ހިންގާފައިވާ ލާއިންސާނީ ޖަރީމާ. މިކަހަލަ ބައިވަރު ކަންތައް އެކިމީހުންނަށް އިންސާފުން ބޭރުން ކޮށްފައި އެބަހުރި.
ރަދުން999
10 May 2021
ކޮމެންޓް ލިޔަން ތަސައްރަފް ފުދިގެން ލިޔެބަލަ. ކަންހިނގާ ދިޔަގޮތް ބަލަން ޝަރީއަތް އަޑުއަހާފަ އެއްޗެއް ބުނުން ރަނަގަޅުވާނެ. ސަރުކާރުގެ މިނިސްޓަރު ހިތުހުރި ގޮތަކަށް އެއްބަސްވުންތައް ބާތިލުކުރުމުން އެކަމުގެ ގެއްލުމުގެ ޒިންމާ އުފުލަން ޖެހޭނެ. އައިލެންޑް އެވިއޭޝަން އިން އިންސްޕެކްޝަން ހަދުވައި އެކޮލޫ މިކޮޅުނުބަލައި ކަންކުރީމާ ވާނީ މިހެން. ކިތައްމެ ބޮޑު ބަދަލެއްވިޔަސް ދޭން ޖެހޭނީ.
އެދުރުކަލޭގެފާނު
10 May 2021
އަނެއްކާ އަނެއްފަހަރު ސްޕްރީމް ކޯޓް އޮޅާ ލެއްވީތޯ؟ ނޫނީ އަސްލުވެސް ތިޔަ ހުކުމް އިންސާފްވެރީ ތޯއެވެ. މިހެން މިދެންނެވީ ޤާސިމް އިބްރާހީމް ދުނެޔެވީ ހުރިހާކަމެއްވެސް އަގުމަގުކޮށް މުޅި ދުނިޔެ އަކީވެސް ފިހާރައެއް ގޮތަށް ދެކޭތީއެވެ.
bމުހައްމަދު
10 May 2021
މިހިރަ މިހިރަ ކަންތަކުން ސާބިތުވެގެންދަނީ ޔާމީނު ސަރުކާރުގެ ކަމުނުދާކަމާއި އިހުމާލު. ކޮބާތޯ ޒަމީރުމެން ޔާމީނުމެން. ބަދަލެއްދެންޏާމު ޖެހޭނީ ފަރުދީގޮތުން ގޯސްހެދިމީހުން ޒިންމާކުރުވަން ފުރަތަމަ.
ޖަލީލާ ބޭގަމް
10 May 2021
މިވަރުގެ ނުބައި މީހެއް މުގައުމުގަވެސް ނޫޅޭނެ. ބައިތުލްމާލުން އެވަރަށް ދޭންޖެހޭ. ބިންތަކާ ފަޅުރައްތައް ނަގައިގެން އެއްކަމެއްވެސް ނުކުރާތާ 20 އަހަރުވީ.
އެޑްމުންޑޯ
10 May 2021
ތިމައްސަލަ ގާސިމަށް ކާމިޔާބު ވުމަކީ ތިނަދޫ ރައްޔިތުންނަށް ލިބޭނެ ބޮޑު ގެއްލުމެއް ، ކާޑެއްދޫ އިންޓަރނޭޝަނަލް އެައރޕޯޓަކަށް ބަދަލު ކުރުމުގެ ހުވަފެން ފެނައްވީ ، ހޯޑެއްދޫ މަސްފެކްޓަރީ އަށް ވީގޮތަށް ތިތަން ދެން އޮންނާނީ ،
އަލީ ބާބާ
10 May 2021
ގާސިމަކީި ގޯސް މީހެއް ނޫން.