ހަނިމާދޫގައި ހިންގަމުން އަންނަ ގެސްޓް ހައުސެއް-- ފޮޓޯ: ދި އެޑިޝަން
10 މެއި 2021 - 21:26
1 comments
ރާއްޖޭގައި މީހުން ދިރިއުޅޭ ރަށްރަށުގައި ހުރި ޓޫރިސްޓް ފެސިލިޓީތަކުގައި ރައްކާތެރިކަމުގެ ފިޔަވަޅުތައް އަޅާފައި ހުރިތޯ ބަލަން އިންސްޕެކްޝަންތައް ކުރިއަށްގެންދާނެ ކަމަށް ޓޫރިޒަމް މިނިސްޓްރީން މިރޭ ބުނެފި އެވެ.
އެ މިނިިސްޓްރީން ނެރުނު ބަޔާނެއްގައި ބުނީ މި އިންސްޕެކްޝަންތައް މާދަމާ ފަށާނެ ކަމަށެވެ. އަދި މިއީ ޓޫރިސްޓުންނަށް ހިދުމަތް ދޭ ތަންތަނުން މުވައްޒަފުންނާއި ޓޫރިސްޓުންގެ ރައްކާތެރިކަމަށް އަޅަން އަންގާފައިވާ ފިޔަވަޅުތަކަށް އަމަލު ކުރާކަން ޔަގީން ކުރުމަށް ކުރިއަށްގެންދާ އިންސްޕެކްޝަންތަކެއް ކަމަށް އެ މިނިސްޓްރީން ބުންޏެވެ.
ޓޫރިޒަމް މިނިސްޓްރީން ބުނީ ތަންތަން ބަލަމުން ދާނީ ރެންޑަމްކޮށް ކަމަށެވެ.
މި އިންސްޕެކްޝަންތައް މާލެ ސަރަހައްދުގައި ކުރިއަށްގެންދާނީ ޓޫރިޒަމް މިނިސްޓްރީންނެވެ. ރަށްރަށުގައި އިންސްޕެކްޝަން ކުރިއަށްގެންދާނީ އެ ރަށެއްގެ ކައުންސިލްތަކާއި ޓާސްކްފޯސްތައް ގުޅިގެންނެވެ.
ރާއްޖޭގައި ކޮވިޑް-19 ފެތުރުން އަނެއްކާވެސް އިތުރުވުމާއެކު އެޗްޕީއޭއިން ވަނީ ގިނަ ފިޔަވަޅުތަކެއް އަޅައިފަ އެވެ. އެގޮތުން، މިވަގުތު މި ބަލި އެންމެ ބޮޑަށް ފެތުރެމުން އަންނަނީ ދެކުނު އޭޝިއާގައި ކަމަށްވުމުން އެ ސަރަހައްދުން އަންނަ ޓޫރިސްޓުން މީހުން ދިރިއުޅޭ ރަށްރަށަށް ދިއުން ވަނީ މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިވަރެއްނެތް
11 May 2021
ނިކަމެތިން ހިންގާ ގެސްޓްހައުސްތައް ފަހަތުން މިނިސްޓްރީން ދުވާތި. ރާއްޖޭގެ ޓޫރިޒަމްގެ ބޮޑުން އެންމެ ރުޅިއަންނަ އެއްކަމަކީ ރައްޔިތުންނަށް ގެސްޓްހައުސްއިން މަންފާލިބޭތީ. ރަށްފުށުގެ ތިފަދަ ތަންތަން ޗެކްކުރާއިރު މިނިސްޓަރަށް ނުކުރޭނެ ރިސޯޓުތަކުގެ އިންސިނަރޭޓަރު ހިންގާތޯ ބަލަން. އަދި އެރިސޯޓަކުން އުފައްދާ ކިތައް ޕަސެންޓްތޯ ކަނޑައަޅަށްނީ. ސަރުކާރާއި ޓޫރިޒަމް މިނިސްޓްރީ އަބަދުވެސް އުޅޭނީ ޓޫރިޒަމްއިންޑަސްޓްރީގެ ޖީބުގައި ގުޅަވެފަ.