އައިޕީއެސްއެލްއީގައި ބައިވެރިވި ބައެއް ދަރިވަރުން-- ފޮޓޯ: ބްރައިޓްވޭ ސްކޫލު
11 މެއި 2021 - 12:40
6 comments
އިންޓަނޭޝަނަލް ޕްރައިމަރީ ސްކޫލު އެގްޒަމިނޭޝަން (އައިޕީއެސްއެލްއީ) އިމްތިހާނުން ބްރައިޓްވޭ އިންޓަނޭޝަނަލް ސްކޫލުގެ ދަރިވަރުން ބޮޑު ކާމިޔާބީއެއް ހޯދައިފި އެވެ.
މިއީ ސިންގަޕޫރު އެގްޒަމިނޭޝަން އެންޑް އެސެސްމަންޓް "ސިއެބް" ގެ އިމްތިހާނެއްގައި ރާއްޖޭގެ ސްކޫލަކުން ބައިވެރިވި ފުރަތަމަ ފަހަރެވެ.
މިދިޔަ ނޮވެމްބަރު މަހު ބޭއްވި އިމްތިހާނުން ބްރައިޓްވޭގެ ކުދިން ހޯދި ބޮޑު ކާމިޔާބީއާ ގުޅޭ ގޮތުން، އެ ސްކޫލުގެ ޕްރިންސިޕަލް މުހައްމަދު ރަޝީދު "މިހާރު" އަށް މިއަދު ވިދާޅުވީ މިއީ ކޮވިޑްގެ ދަތި ދުވަސްވަރު ކަމަށް ވާއިރު ވެސް އެއީ ވަރަށް ރަނގަޅު ކާމިޔާބީއެއް ކަމަށެވެ.
އޭނާ ވިދާޅުވީ، އިމްތިހާނުގައި ބައިވެރިވި 29 ދަރިވަރުންގެ ތެރެއިން އިނގިރޭސި އާއި ހިސާބު އަދި ސައިންސްގެ މާއްދާ އިން 83.7 ޕަސެންޓް ކުދިން ފާސްވި ކަމަށެވެ. އޭގެ ތެރޭގައި ހަތަރު އޭ ސްޓާ އަދި 21 އޭ ގްރޭޑް ހިމެނޭ ކަމަށް ވިދާޅުވި އެވެ.
"ފުރަތަމަ ފަހަރަށް ހެދި އިމްތިހާނަކަށް ބަލައި އަދި ދަރިވަރުން ސްކޫލަށް ނުގެނެވި ގިނަ ދުވަސް ވަންދެން އޮންލައިންކޮށް ކިޔަވައިދީގެން މި ލިބުނު ނަތީޖާއަކީ ވަރަށް ރަގަޅު ނަތީޖާއެއް،" މުހައްމަދު ރަޝީދު ވިދާޅުވި އެވެ.
"ސިންގަޕޫރުގެ މި އިމްތިހާނަކީ އުނދަގޫ އިމްތިހާނެއް. ނަމަވެސް މުދައްރިސުންނާއި ދަރިވަރުން ކުރި މަސައްކަތުގެ ނަތީޖާ ވަރަށް ފޮނި."
އައިޕީއެސްއެލްއީގައި އެންމެ ރަނގަޅު ނަތީޖާއެއް ހޯދި ޔަޒާން-- ފޮޓޯ: ބްރައިޓްވޭ ސްކޫލު
އިމްތިހާނުގައި ބައިވެރިވި ދަރިވަރުންގެ ތެރެއިން އެންމެ ރަނގަޅު ނަތީޖާއެއް ހޯދީ ގްރޭޑު 6 އޭގެ ދަރިވަރު ޔަޒާން އަބްދުﷲ ސާއިދެވެ. އޭނާ ބައިވެރިވި ތިން މާއްދާގެ ތެރެއިން ސައިންސުން އޭ ސްޓާ އަދި އިނގިރޭސި އާއި ހިސާބު މާއްދާ އިން އޭ ހޯދައި މެރިޓް ސެޓްފިކެޓް ހާސިލްކުރި އެވެ.
އައިޝަތު ޒާކް ޒަރީރް ބައިވެރިވި ތިން މާއްދާ އިން އޭ އަކާއި ބީއެއް އަދި ސީ އެއް ހޯދާފައި ވެ އެވެ
ޕްރީ ސްކޫލުން ފެށިގެން ގްރޭޑު 12 އަށް ކިޔަވައިދޭ ބްރައިޓްވޭ އަކީ ދެކުނު އޭޝިއާގައި "ސިއެބް" އިން އެކްރެޑިޓްކޮށްފައިވާ ހަމައެކަނި ސްކޫލެވެ. ހުޅުމާލޭގައި ހިންގާ އެ ސްކޫލުގައި 800 އަށް ވުރެ ގިނަ ދަރިވަރުން ކިޔަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުދުބެއްޔާ
11 May 2021
ބެއްޔާމެން މުސްކުޅިވީދުވަހު ތިކުދިންނަށް ތަނަވަސްވެފައިވާ ފުރުސަތުތަކުގެ ބޭނުން ރަގަޅަށް ހިފާށެވެ. ދެން އެޑިއުކޭޝަން މިނިސްޓަރަށް ދަންނަވާލަން ބޭނުންވަނީ އިންޓަނޭޝަނަލް ނުކިޔަސް ދިވެހި ދަރިވަރުންގެ ހުނަރު އިތުރުކުރެވޭނީ މިފަދަ ފުރުސަތުތައް ހުރިހާ ދަރިވަރުންނަށްވެސް ހޯދާދިނުމުންނެވެ. ސަރުކާރު ސްކޫލްތަކުންވެސް ބޭނުނަވާ ދަރިވަރުންނަށް މިފަދަ އިމްތިހާންތަކުން ޖާގަ ހޯދާދެއްވާށެވެ.
އިގިރޭސިމީހާ
11 May 2021
މިދިޔަ މަހު އިގިރޭސިވިލާތުގެ ޔުނިވާސިޓީ ކޮލެޖް ލަންޑަން އިން ވަރަށް އިންޓަރެސްޓިން ރިޕޯޓެއް ނެރުނު. އޭގައިވާގޮތުން، ސާނަވީ ތައުލީމުން ދުނިޔޭގެ ރޭންކިން އިން ކުރި ހޯދަން، އިގިރޭސިވިލާތުންވަނީ މަކަަރު ހަދާފަ، އެއީ ހަމައެކަނި މޮޅެތި ކުދިން އިމްތިހާނުގައި ބައިވެރިކޮށްގެން. ނަތީޖާއަކީ އިގިރޭސިވިލާތަށް އަސްލު ލިބެންވާ ރޭންކިންއަށްވުރެ، 11 ދަރަޖައިގެ ކުރިއެރުމެއް ލިބުން، އެވަރުންވެސް، ސިންގަޕޫރާ ގާތްކޮށްލެވޭ ވަރުވެސް ނުވި
އިބްރާހިމް6684
11 May 2021
އާމީން
މަނާހު
11 May 2021
ބްރައިޓްވޭއަށާއި އަރުތަ ޙާޞިލުކުރި ހުރިހާ ދަރިވަރުންނަށް މަރުޙަބާ! ދުޢާއަކީ ސްކޫލަށް އަދަށްވުރެ ފަހި ފެހި އުޖާލާ މާދަމާއެއް ﷲ މިންވަރު ކުރެއްވުން.
މަނާލްޝިހާބް
11 May 2021
އަސްލު ފިންލެންޑުވެސް ސިންގަޕޫރަށް ދުލެއް ނުކުރޭ. މިދިޔަ 3 އަހަރުވެސް ދުނިޔޭގެ 5 ވަނަ ފިންލެންޑުން ހޯދި
ޑރ. އިބްނިސީނާ
11 May 2021
ޕްރައިމަރީ ތައުލީމާ ސާނަވީ ތައުލީމުގައި ދުނިޔޭގެ 1 ވަނަ އަށް ރޭންކް ކުރެވިފައިވާ ގައުމަކީ ސިންގަޕޫރު ކަމަށް ލިޔެލިނަމަ، މި އާޓިކަލް އިތުރަށް ފުރިހަމަ ވީހެވެ.