މާލެ ސިޓީ ކައުންސިލްގެ ފަރާތުން އަލަށް އިންތިހާބުވި މެމްބަރުންނާ ބައްދަލުކުރުމަށް ބޭއްވި ރަސްމިއްޔާތު.-- ފޮޓޯ: މާލޭ ސިޓީ ކައުންސިލް
16 މެއި 2021 - 10:42
8 comments
މާލޭ ސިޓީ ކައުންސިލްގެ ހަތަރު ވަނަ ދައުރަށް އިންތިހާބުވެފައިވާ މޭޔަރައި ކައުންސިލަރުން އަދި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ މެމްބަރުންގެ ހުވާކުރުމުގެ ރަސްމިއްޔާތު މާދަމާ ސަލްޓަން ޕާކުގައި ބާއްވަން ނިންމައިފި އެވެ.
މި ރަސްމިއްޔާތު އޮންނަނީ މާދަމާ ހެނދުނު 9:00 ގަ އެވެ.
ކޮވިޑް-19 ފެތުރޭތީ، ރައްކާތެރިކަމުގެ ފިޔަވަޅެއްގެ ގޮތުން މި ރަސްމިއްޔާތު ކުރިއަށް ގެންދާނީ އާންމުންނަށް ނުވަދެވޭ ގޮތަށް ކަމަށް މާލޭ ސިޓީ ކައުންސިލުން ނެރުނު އިއުލާނެއްގައި ބުނެފައިވެ އެވެ. ނަމަވެސް މި ރަސްމިއްޔާތު ޓީވީއެމް އާއި ސިޓީ ކައުންސިލުގެ ފޭސްބުކް ޕޭޖުން ވަގުތުން ދައްކާ ގޮތަށް ވަނީ ހަމަޖެހިފަ އެވެ.
މި ފަހަރުގެ ލޯކަލް ކައުންސިލް އިންތިހާބުގައި އެމްޑީޕީގެ ކެންޑިޑޭޓު، އަނަސް އަބްދުއްސައްތާރާ ވާދަކުރައްވައި ޕީޕީއެމްގެ ކެންޑިޑޭޓް، ޑރ. މުއިއްޒު މޭޔަރު ކަމަށް އިންތިހާބުވެވަޑައިގަތީ ވޯޓުލީ މީހުންގެ 61 ޕަސެންޓުގެ ތާއީދާ އެކުގަ އެވެ.
މާލެ ސިޓީ ކައުންސިލްގެ ފަރާތުން އަލަށް އިންތިހާބުވި މެމްބަރުންނާ ބައްދަލުކުރުމަށް ބޭއްވި ރަސްމިއްޔާތު.-- ފޮޓޯ: މާލޭ ސިޓީ ކައުންސިލް
މިއީ މާލޭގެ މޭޔަރު ކަމަށް އެމްޑީޕީ ފިޔަވައި އެހެން ޕާޓީއެއްގެ ކެންޑިޑޭޓަކު އިންތިހާބުވި ފުރަތަމަ ފަހަރެވެ. އަދި މާލެ ސިޓީ ކައުންސިލުގެ މެޖޯރިޓީ ވެސް މިފަހަރު ލިބުނީ ޕީޕީއެމަށެވެ. އެ ޕާޓީން ޖުމްލަ 11 ގޮނޑިއެއް ކާމިޔާބުކޮށްފައިވެ އެވެ.
މިހާރު މާލެ ސިޓީ ކައުންސިލްގެ މެޖޯރިޓީ އޮތް އެމްޑީޕީއަށް މި އިންތިހާބުގައި ކާމިޔާބުކުރެވުނީ އެންމެ ފަސް ގޮނޑި އެވެ. އަދި ޖޫމްހޫރީ ޕާޓީން ވެސް ވަނީ އެއް ގޮނޑި ހޯދައިފަ އެވެ.
މާލޭ ސިޓީ ކައުންސިލުގެ އިތުރުން އެހެން ސިޓީ ކައުންސިލްތަކާއި އަދި ރަށު ކައުންސިލުތަކަށް އަލަށް އިންތިހާބުވި މެމްބަރުންގެ ހުވާކުރުން ވެސް މާދަމާ އޮންނާނެ އެވެ. މި ރަސްމިއްޔާތުތައް ކުރިއަށް ގެންދިއުމަށް ނިންމައިފައި ވަނީ އޮންލައިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާމާމާސްޓަރ
16 May 2021
މޮޅެއްނު. ރާއްޖެތެރޭ މީހުންނަށް ކޮވިޑުއާ ހެދި އޮފީހުން ބޭރަށް ނިކުންނަންވެސް ހުއްދަ ނުދިން. މާލޭ ބޭފުޅުންނަށް ވަކި އުސޫލެއް.
ހައިރާން
16 May 2021
ދެއްކުމާއި ބޮޑެތިޢަދަދުން ޚަރަދުކުރުން! މިއޮއްފަދަ ޙާލަތުގަ ކޮންފަދަޚަރަދެއް!
ލޯނު
16 May 2021
މީ މާސްކު ވެސް އަޅަން ނުޖެހޭ ބަޔަކީ އުތަ؟
އަލީ ހަމީދު
16 May 2021
އަދިވެސް މަދު > ކޮންމެ ދާއިރާ އަކައް 10 ކައުންސިލަރުން އާއި 20 އަސިސްޓަންޓުން ނަގަންވީ..... ދެން މިފަހަރު ވެރިކަން ނިމޭއިރު ކިޔާނީ ކޮން ލަވަ އެއްބާ؟؟؟
ކޮރަލް
16 May 2021
މުސާރަ ދޭން ލޯން ނަގަން ވީ އެވެ. އަންނި ބޭނުންވާ ގޮތެވެ. މަޖްލިސް އަދި ކައުންސިލް މެމްބަރުންގެ އަދަދު ގިނަ ވަނީ އެވެ.
ކޮތަރު
16 May 2021
ކައުންސިލަރުންނޭ ކިޔާފަ ބޮޑެތި މުސާރަދީފަ ބަޔަކު ބައިތިއްބުމުގެ ބޭނުމެއްނެތެވެ. މި ދަތި ދުވަސްވަރު ތިހާ ބޮޑު މުސާރައަކާއެކު ފައިދާއެއްނެތްކަމެއްގަ ވަޒީފާ ދޭނެކަމެއްނެތެވެ. ކައުންސިލަރުންނަކީ ފުލްޓައިމް ބައެއްގެ ބަދަލުގައި ބައްދަލުވުންތަކުގަ ބައިވެރިވާ ބަޔަކަށް ހަދާ ސިޓިން އެލަވަންސެއް ކަނޑައަޅާށެވެ. ކައުންސިލްތަކު މަސައްކަތް މެނޭޖްކުރަން ޓެކަނިކަލް ސިވިލްސަރވަންޓުން ބައިތިއްބުމުން ފުދޭނެއެވެ.
އެހެންތަ
16 May 2021
މިހާރު ތިދަނީ ރަނގަޅަށް. ޕީޕީއެމްގެ މެޖޯރިޓި ކައުންސިލަށް އެމްޑީޕީ ސަރުކާރުން މާލެސިޓީ ތަރައްޤީކޮށް ކުރިއަރުވަން އެއްބާރުލުން ނުދޭ ވާހަކަ ދައްކާ އަދި މާލެސިޓީ ތަރައްޤީ ނުކުރެވުނީ މާލެސިޓީ ކައުންސިލް މެޖެންޓާ ކުލަޖެހިފަ ތިބީމަ ކަމަށް އެމްޑީޕީ ސަރުކާރުން ބުނެ އެއްބަޔަކު އަނެއް ބައެއްގެ ބޮލުގަ އިލްޒާމް އަޅުވަން ތިއްބަ ދައުރު ނިމިގެން ދާތަން ބަލަން މިހިރީ. ރައްޔިތުން ތިބޭނީ ހުސް އަތާ އަތްޖަހަން.
މާމއެދުރުބެ
16 May 2021
ރައްޔިތުން ބޭނުންވީ އެގޮތް. މީ ޑި މޮކްރަސީ.