ހަރުކަށި ފިކުރާ ދެކޮޅަށް ހިންގި އޮޕަރޭޝަނެއްގައި ހުޅުމާލެއިން މީހަކު ހައްޔަރުކޮށްފި

މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ހަމަލާއާ ގުޅިގެން ޕޮލިހުން ހިންގި އޮޕަރޭޝަނެއްގެ ތެރެއިން--. ފޮޓޯ: ނިޝާން އަލީ/މިހާރު

މާއިދާ މުހައްމަދު ރަޝާދު، މިހާރު

20 މެއި 2021 - 16:23

13 comments

ދީނީގޮތުން ހަރުކަށި ފިކުރާ ދެކޮޅަށް ހުޅުމާލޭގައި ހިންގި އޮޕަރޭޝަނެއްގައި ދިވެއްސަކު މިއަދު ހައްޔަރުކޮށްފި އެވެ.

އެ އޮޕަރޭޝަނުގައި އުމުރުން 27 އަހަރުގެ ފިރިހެނަކު ހައްޔަރުކުރުން ފިޔަވައި އިތުރު އެއްވެސް މައުލޫމާތެއް ފުލުހުން އަދި ނުދެ އެވެ.

ހުޅުމާލެއިން ހަރުކަށި ފިކުރުގެ މީހަކު ހައްޔަރުކުރިއިރު ރޭ ބ. ދަރަވަންދޫން ވެސް ޓެރަރިޒަމްގެ ތުހުމަތުގައި މީހަކު ހައްޔަރުކުރި އެވެ. އެއީ ލ. ގަން ތުނޑީއަވަށަށް ނިސްބަތްވާ އަހުމަދު ފާތިހު 23، އެވެ. އޭނާ ބަންދުގައި ބަހައްޓައިގެން ތަހުގީގު ކުރަން 15 ދުވަސް ކްރިމިނަލް ކޯޓުން މިއަދު ދީފައިވާއިރު، އެއީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލައާ ގުޅުން ހުރި މީހެއް ކަމަށް ފުލުހުން ބުނެ އެވެ.

އެނގިފައިވާ ގޮތުގައި އެއީ ދީނީގޮތުން ހަރުކަށި ފިކުރުގެ ވިސްނުމުގެ މީހެކެވެ. ނަޝީދު އަވަހާރަ ކޮށްލަން ދިން ޓެރަރިސްޓް ހަމަލައަށް ފަހު، ދީނީގޮތުން ހަރުކަށި ފިކުރު ކުރިއަރުވާ މީހުން ހޯދައި، އެ މީހުންނާ މެދު ފިޔަވަޅު އެޅުމުގެ ހާއްސަ އޮޕަރޭޝަނެއް ސަލާމަތީ ބާރުތަކުން ވަނީ ފަށައިފަ އެވެ. އެގޮތުން، ހަރުކަށި ފިކުރު ފެތުރުމުގައި އިސްކޮށް ހަރަކާތްތެރިވާކަމުގެ ތުހުމަތަށް މާލެ އިން ވެސް އިއްޔެ ރޭ ވަނީ މީހަކު ހައްޔަރުކޮށްފަ އެވެ.

އއ. ހިމަންދޫގައި ހަރުކަށި ފިކުރު ފަތުރައި ސަލާމަތީ ބާރުތަކާ ދެކޮޅަށް ހަމަލާ ދިނުމުގައި އިސްކޮށް އުޅުނު މައްސަލާގައި 2007 ވަނަ އަހަރު ހައްޔަރުކޮށް 10 އަހަރަށް ޖަލަށް ލި، އަބްދުﷲ އަލިމަނިކު އަލުން ހައްޔަރުކޮށް، ތަހުގީގުގެ ބޭނުމަށް 15 ދުވަހުގެ މުއްދަތަށް ބަންދުގައި ބަހައްޓަން ކްރިމިނަލް ކޯޓުން ފުލުހުންނަށް އެންގިއިރު އައްޑޫން ވެސް ހަރުކަށި ފިކުރު ބަޔަކު ހައްޔަރުކޮށްފައިވެ އެވެ.

ފުލުހުން ޓެރަރިޒަމް ހައްދުފަހަނައެޅުން ހުޅުމާލެ

13 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިވަރެއްނެތް

20 May 2021

ހުޅުމާލޭގެ މިސްތަކުގައި ވަކިން ޖަމާއަތްހަދާއިގެން ނަމާދުކުރާ މަންޒަރާއި އަދި ބައެއް މިސްތަކަކީ ސީރިޔާ އަދި އަފްގާނިސްތާނު ފަދަ ގައުމުތަކަށް "ޖިހާދު" އަށް ރިކުރޫޓުކުރާތަންތަން ކަމަށްވި ނަމަވެސް ސަރުކާރާއި ސަލާމަތީބާރުތަކަށް އެމަންޒަރެއް ނުފެނޭދޯ؟ މިހާރު ނަޝީދަށް ހަމާލަދިނީމަ މީހުއްޔަރުކޮށްފަ އަނެއްކާވެސް ސަރުކާރާއި ސަލާމަތީ ބާރުތަކުން ދާނީ ހައިބަނޭޝަނަށް. މިވެރިން ގާނޫނު ތަންފީޒުކުރަނީ ސީޒަން ސީޒަނަށް ހެންދޯ ހީވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންޑަކު

20 May 2021

ބަޔަކު ހަރުކަށި ފިކުރުގެނަމުގައި ހައްޔަރުކޮށް ލާދީނީ ބައިގަނޑަށް ހިމާޔަތް ދިނުމަކީ ޑަކުޓަރު ދޭސްބޭސް ކަމުން ޒަހަރު ބުއިންފަދަކަމެއް. ރަނގަޅަށްވުރެ ބޮޑަށް ދާނީ ހަލާކަށް ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

20 May 2021

ބޭސްވެރިކަމަށްވެސް މިއަދު އޮތީ "މުންނާ ބާއި އެމްބީބީއެސް" އިން ފެންނަ ކަހަލަ އިންގިލާބެއް އައިއްސަ! މިއަދު ބޮޑަށް ދަނީ ހެލްތުސައިކޮލޮޖީ އާއި ނިއުޓްރިޝަނާއި އެކިއެކި ތެރަޕީތަކަށް! ދިރާސާތަކުން ދައްކަނީ، ޑޮކްޓަރީ ބޭސް މަދުކޮށްފަ ލައިފްސްޓައިލް އަށް ގެންނަ ބަދަލުތަކުން، ދުޅަހެޔޮ ސިއްޙަތެއްގަ މާގިނަދުވަހު ދުނިޔޭގަވެސް އުޅެވޭކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިކީ

20 May 2021

މަޑުކަށްޓަށް ފިޔަވަޅު ނާޅާ ކިތައްމެ ހަރުކައްޓަށް ފިޔަވަޅު އެޅިޔަަސް ކާމިޔާބެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

20 May 2021

މަޑުކަށްޓެއްނުން މާނޫންކަމަށް ހެދިގެން ތިބެ ހަރުކަށި ފިކުރަށް ހިއްވަރުދީ، ޙަރަކާތްތަކަށް ފަންޑް ހޯދައިދިނުމުގައި އިސްރޯލެއް އަދާކުރަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

20 May 2021

ކޮބާހޭ ތިމީހުންނަ ފަންޑު ކުރާމީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

20 May 2021

ތިޔައީ އެމްޑީޕީ އަޑީގައި އޮވެގެން ކުރާ 'ބޭކާރު' ކަމެއް. ހަރުކަށި ފިކުރު އުފެދި އާލާވަނީ މަޑުކަށި ފިކުރު ފެތުރި އެކަމަށް ފިޔަވަޅު ނާޅާތީ. ސަބަބު ނައްތާލުމުގެ ބަދަލުގައި އެހެންކަމަށް ފޯކަސް އަނބުރާލުމަކުން އަދި ނަތީޖާއެއް ނުނެރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

20 May 2021

މަޑުކައްޓެއްނުން މުޅި ސޯޝަލްމީޑިއާގަ، ފަސާދަ އާއި ބައިބައިވުން އުފައްދަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

20 May 2021

ހަރުކަށި ފިކުރުގެ މިންގަނޑަކީކޮބައިތޯ؟؟ އިސްލާމްދީނަށް ފުރައްސާރަކޮށް ފިތުނައުފަެއްދުމަކީވެސް ހަރުކަށިފިކުރުނޫންތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

20 May 2021

ފިތުނަ ފަސާދަ ދީނުގަ ޙަރާމް! އެކަމަކު ދީނީތާކިހާ އަޅައިގެން އުޅޭ މަޑުކަށިތައް އެނޫން ކަމެއްވެސް ނުކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީޒަން ޖެކުހަން

20 May 2021

މިދުވަސްކޮޅު ދެން އިވޭނީ މުޅިންމިވާހަކަ. އަންކާ މިކަން ބޮނޑުނަގުލަށް ވެގެންދާނެ ދުވަސްކޮޅަކުން. ދެންއަނެއްކާ ޒަމާންތަކެއްފަހުން އިވޭނީ އަނެއްކާ ބޮމެއްގޮއްވާލިވާހާކަ. އަނެއްކާވެސް ހަމަ ކުރިން އެފަދަ ހަރަކާތްތަކުގާ އުޅުނުބަޔަކު މުގުލުގާހުރެގެން ކުރިކަމަށްވާނީ. ދެން މިގޮތަށް މިކަން ބުރުއަޅަމުންއަޅަމުންދާނީ. އެއްވެސްކަމެއްގައި ދާއިމީހައްލެއް މިގައުމުގާ ނޯންނާނެ.