ވިޔަފާރި / ސައުދީ އެއާލައިން

ސައުދީ އެއާލައިންގެ ދަތުރުތައް ރާއްޖެ އަށް އަލުން ފަށައިފި

ސައުދީގެ ބޯޓެއް ވެލާނާ އިންޓަނޭޝަނަލް އެއާޕޯޓުގައި ޕާކުކޮށްފައި-- ފޮޓޯ: ވީއައިއޭ

އިދުހާމް ނައީމް، މިހާރު

20 މެއި 2021 - 20:57

1 comments

ސައުދީ އަރަބިއާގެ އެއާލައިންއެއް ކަމަށްވާ ސައުދީ އެއާލައިންސްގެ ދަތުރުތައް އަލުން ރާއްޖެ އަށް ފަށައިފި އެވެ.

އެ އެއާލައިނުން ދަތުރުތައް މެދުކަނޑައިލީ ކޮވިޑް-19 ގެ ސަބަބުން އެ ގައުމުން ބައިނަލްއަގްވާމީ ދަތުރުތައް ވަގުތީ ގޮތުން ހުއްޓައިލުމާ ގުޅިގެންނެވެ. ނަމަވެސް ސައުދީން މިހާރު ވަނީ މިދިޔަ ހޯމަ ދުވަހުން ފެށިގެން ބައިނަލްއަގްވާމީ ދަތުރުތައް އަލުން ފަށައިފަ އެވެ.

ސައުދީ އެއާލައިނުން ދަތުރުތައް އަލުން ފެށުމާއެކު ރާއްޖެ އަށް ހަފުތާއަކު ހަތަރު ދުވަހު ފްލައިޓް ބާއްވާނެ އެވެ. އެއީ އާދީއްތަ، ބުދަ، ބުރާސްފަތި އަދި ހޮނިހިރު ދުވަހު އެވެ.

Always exciting to see our airline partners back with us 😃 ✈️ 🇸🇦 🇲🇻
أهلا و سهلا @Saudi_Airlines
Now flying four times a week ☀️ 🏝 #VisitMaldives #ReDiscoverMaldives pic.twitter.com/L5BhadZxWA
— VelanaAirport (@VelanaAirport) May 20, 2021

ސައުދީ އެއާލައިނަަށް މަރުހަބާ ކިޔައި ވީއައިއޭއިން ކުރި ޓްވީޓް--

ޓޫރިޒަމް މިނިސްޓްރީގެ ތަފާސްހިސާބުތައް ކޮވިޑުން ރައްކާތެރިވުމަށް އެޅި ފިޔަވަޅުތަކުގެ ތެރެއިން ރާއްޖޭގެ ބޯޑަރު ބަންދުކުރުމަށް ފަހު، އަލުން ހުޅުވައިލި ފަހުން 30 އެއާލައިނަކުން ވަނީ އަލުން ދަތުރުތައް ފަށައިފަ އެވެ. މީގެ ތެރޭގައި 22 އެއާލައިނަކުން ޝެޑިއުލް ދަތުރުތައް ކުރާއިރު އަށް އެއާލައިނަކުން ކުރަނީ ޗާޓަރު ދަތުރުތަކެވެ.