އިމިގްރޭޝަން ކޮންޓްރޯލާ މުހައްމަދު އަހުމަދު ހުސައިން ވާހަކަދައްކަވަނީ. އޭނާ މިއަދު ވަނީ އިގްތިސާދީ ކޮމިޓީގައި މެންބަރުންގެ ސުވާލުތަކަށް ޖަވާބުދެއްވާފައި
25 މެއި 2021 - 17:38
17 comments
ވޯކް ވިސާ އަށް ހުށަހެޅުމުގެ ބަދަލުގައި އޮޅުވާލައިގެން ބިޒްނަސް ވިސާ ހޯދާކަން ފާހަގަކުރެވިފައިވާ ކަމަށް އިމިގްރޭޝަން ކޮންޓްރޯލަރު މުހައްމަދު އަހުމަދު ހުސައިން (ހަނަފީ) މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ އިގްތިސާދީ ކޮމިޓީގައި ކޮންޓްރޯލަރު ވިދާޅުވީ، ބިޒްނަސް ވިސާ އަށް ގިނަ ބަޔަކު ހުށަހެޅި ނަމަވެސް އެޕްލިކޭޝަން ބަލައިގަންނަނީ ވަރަށް ބޮޑަށް ބެލުމަށް ފަހު ކަމަށެވެ.
އޭނާ ވިދާޅުވީ، ބިޒްނަސް ވިސާ ދިނުމުގައި އެހާ ބޮޑު ބެލުންތަކެއް ބަލަނީ އޭގެ ނާޖައިޒް ފައިދާ ހޯދަން މަސައްކަތް ކުރާތީ ކަމަށެވެ.
އުސޫލެއްގެ ގޮތުން ބިޒްނަސް ވިސާ ހައްދަން ޖެހޭނީ އެ މީހަކު ރާއްޖެ އަށް އެތެރެވުމުގެ ކުރިންނެވެ. ނަމަވެސް ގިނަ ބަޔަކު ބިޒްނަސް ވިސާ އަށް ހުށަހަޅަނީ އެއާޕޯޓުގައި އިމިގްރޭޝަން ކައުންޓަރުގައި ހުރެގެން ކަމަށް ހަނަފީ ވިދާޅުވި އެވެ.
އެފަދަ ހާލަތުތަކުގައި ވެސް ވީހާ ވެސް ރަނގަޅަކަށް ކަންކަން ހަމަޖެއްސޭތޯ ބަލާ ކަމަށް އޭނާ ވިދާޅުވި އެވެ.
"ގިނައިން ބިޒްނަސް ވިސާ އެކްސްޓެންޝަން އަޅުގަނޑުމެން ރިޖެކްޓް ކުރަން ޖެހެނީ. އެ ވާ ގޮތަކީ ބިޒްނަސް ވިސާ ތިން މަހަށް ދިނުމަށް ފަހު، އަނެއްކާ ވެސް އިތުރު ތިން މަހަށް އެދުން ފަދަ ޕެޓާނަކަށް އެކަން ކުރާތަން ފެނިއްޖެއްޔާ އަޅުގަނޑުމެން ރިޖެކްޓް ކުރަނީ،" ކޮންޓްރޯލަރު ވިދާޅުވި އެވެ.
ބިޒްނަސް ވިސާ ނެގުމުގައި ގިނަ ބަޔަކު އޮޅުވާލައިގެން އެކަން ކުރާކަން ފާހަގަކުރެއްވޭ ކަމަށް އޭނާ ވިދާޅުވި އެވެ. މިގޮތަށް ކަންކަން ކުރަނީ ވޯކް ވިސާ އަށް ވުރެ ފަސޭހައިން ބިޒްނަސް ވިސާ ނެގޭތީ ކަމަށް ވިދާޅުވި އެވެ.
ބިޒްނަސް ވިސާއަކީ ރާއްޖޭގައި މަސައްކަތް ކުރުމަށް ނޫން ގޮތަކަށް އަންނަ ބިދޭސީންނަށް ދޭ ހުއްދަ އެކެވެ. ބިޒްނަސް ވިސާގެ މުއްދަތަކީ 90 ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިންގެދޫ
26 May 2021
ދެން ވެރިން ތިބީ ނިދާފަތޯ ސަރުކާރުގެ ބާރެއް ގަވައިދެއް ބިދޭސިންނަކަށް ނުހިގާ ގައުމަކީ ދިވެހިރާއްޖެ .
އަރުތަ
26 May 2021
90 ދުވަހަށް ކޮންޒާތެއްގެ ބިޒިނަހެއް ކުރަން އަންނަ ބައެއްބާތީ، ހަމަ ބިޒިނަސްވިސާއަށް އެދޭއިރަށް ބިޒިނަސް ވިސާ ދޭންޖެހޭތަ، ބިޒިނަސްވިސާ 90 ދުވަހަށް ޖަހައިގެން ފަސޭހައިން އެތެރެވެ ދެން އެހިސާބުން ދާއިމީ ވިސާއަކަށް ބަދަލުވެގެން ރާއްޖޭގަ ފިލައިގެން އުޅޭ މީހުން ގިނަވެގެން ސަލާމަތް ވާކަށްނެތް، ތިޔަ ގޮތަށް ބިޒިނަސްވިސާ ދިނުން މުޅިން ހުއްޓާލަން ގޮވާލަން.
ކޮރަލް
25 May 2021
ރާއްޖޭގެ އާންމުންގެ ހާލަތު ވަރަށް ބ ދަށައް ހިނހައްޖެ އެވެ. ބަންގްލަދޭޝް ދަނޑުވެރީންބތަކެއް އައިސް ވިޔަފާރި ތައް ގަނެފިއެވެ. ދިވެހި މީހާ އަށް ދެނީ މަހަކު 1500 ރިފޮޔާ އެވެ. ތިޔަ ގިނަ ވިސާ ތައް ލިބެނީ ކަޓެއް ދިނީމައެވެ.
ޕާރމިޓްސް
25 May 2021
ނަހަމަ ގޮތުގައި ވިސާކަންކަންހަމަޖައްސައި ދެމުންއައި މުއައްސަސާއަކުން މިކަހަލަ ވާހަކަ ދެއްކުމުން ހައިރާނެއް ނުވޭ! ތިގޮތައް ބިޒްނަސް ވިސާ ހަމަޖެހެނީ ތިތަނުގައި ތިބި މީހުންނަށް ރުފިޔާދީގެން ޑީލްހަދައިގެން މާނޭންގޭ ކަމަށް ހެދިގެން އުޅޭނެކަމެއްނެތް!
ނަސްރު45
25 May 2021
ބޭރު މީހުންނަށް ވިސާ ކިޔާ އެއްޗެއް މިގަވްމުގަ އުޅެން ބޭނުން ވޭތޯ؟
އޮނަރަބްލް އަފީފު ދީދީ
25 May 2021
އީޔޫގެ ޤައުމުތަކާއި، ސްވިޓްޒަލެންޑް، އެމަރިކާ، ކެނަޑާ، ޗައިނާ، ޖެޕާން، ސިންގަޕޯރ، ކޮރެއާ، ސައުދީ، ޤަޓަރ، ކުވެއިތު، ޔޫއޭއީ، ސައުތުއެފްރިކާ، އޮސްޓްރޭލިއާ، ނިއުޒީލަންޑް، ރަޝިޔާ، އަދި އިންޑިޔާ އާއި ސްރީލަންކާގެ އޯލްޑިނެރީ ޕާސްޕޯޓްހޮލްޑަރުންނަށްމެނުވީ އެޑްވާންސްވީސާނެތި ނާދެވޭގޮތްހަދާ އެހެންޤައުމުތަކުގެރައްޔަތުން ވީސާނަގާންޖެހޭގޮތަށް ޤަވާއިދުބަދަލުކުރޭ. # މިއީ ތިކަމުގެހައްލު. މަނިކުފާނުގެ ޤާނޫނީމަސްއޫލީއްޔަތު އަދާނުކޮށް ދެން ކޮންވާހަކައެއް ދައްކާކަށް.
މިވަރެއްނެތް
25 May 2021
މަމެން ރައްޔިތުން ތިބޭފުޅާއަށް މަގާމުދީ މުސާރަދެނީ އެފަދަ ކަންކަން ހުއްޓުވާކަށްނޫންތަ؟ އެވާހަކަ މަމެންކާރީ ބުނަނީ ކީއްކުރަންތަ؟ އެކަންކޮށްފަ އެކަންކުރިގޮތާއި އެއިން ކުރި ފައިދާ މަމެން އަޑުއަހަން ބޭނުންވަނީ. ތިބޭފުޅައަށް މުސާރަދެނީ ހައްލުހޯދަން. ދުކްބަރީދާސްތާން އަޑުއަހާކަށްނޫން އިނގޭތޯ!
އަލިކޮބެ
25 May 2021
ހަމަ ގޮތުގަ ބޭނުންކުރާކަމެއް ބުނެލަދީބަލަ. ދެން ފިޔަވަޅުނާޅާ ކޮންއެއްޗެއް މިކިޔަނީ. ހަމަ އެއްވަރެއްގެ މީހުން. ބޮޑު ޔުނީފޯރމެއްލައިގެން މުސާރަކެއުން ކަމަކީ
ބޮޑުމީހާ
25 May 2021
ކަންކަން ރަގަޅު ކުރަން އައި ބަޔަކަށް ކުރެވުނު ކަމަކީ ހެޑްލައިން މޭކްކުރުން. ދެން މަސް ނިމުނީމަ ބޮޑު މުސާރަ ނެގުން
ނެކްސްޓް
25 May 2021
މިޤައުމުގައި އުޅޭ ބިދޭސީންނަށް ވިސާބޭންނުންވޭތަ؟