ގާނޫނުއަސާސީއާ ހަވާލާ ދެއްވައި ދީދީ ވިދާޅުވީ، މަޖިލީހަށް ޖަވާބުދާރީ ވާނީ ޑިފެންސް މިނިސްޓަރުކަމަށް.
ކުރީގެ މެމްބަރު އިބްރާހިމް ދީދީ: މަޖިލީހަށް ވަކިވަކި ސިފައިން ޖަވާބުދާރީ ނުކުރެވޭނެ ކަމަށް އޭނާ ވިދާޅުވޭ --- ފޮޓޯ/މިހާރު
04 ޖޫން 2021 - 16:41
62 comments
ރައްޔިތުންގެ މަޖިލީހަށް ވަކިވަކި ސިފައިން ގެންގޮސް، ތަހުގީގު ނުހިންގޭނެ ކަމަށް ރައްޔިތުންގެ މަޖިލީހުގެ ހިތަދޫ މެދު ދާއިރާގެ ކުރީގެ މެމްބަރު އަދި ސިފައިންގެ ކުރީގެ ބްރިގޭޑިއާ ޖެނެރަލް އިބްރާހިމް މުހައްމަދު ދީދީ މިއަދު ވިދާޅުވެއްޖެ އެވެ.
ރައްޔިތުންގެ މަޖިިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލާއާ ގުޅިގެން މަޖިލީހުން ހިންގާ ތަހުގީގަށް ވަކިވަކި ސިފައިން ޖަވާބުދާރީ ނުވާނެ ކަމަށް އެމްއެންޑީއެފުން ބުނުމުން އެމްޑީޕީގެ ބައެއް މަޖިލިސް މެމްބަރުން ގެންދަވަނީ އެކަމަށް ފާޑު ވިދާޅުވަމުންނެވެ. އަދި މަޖިލީހުުގެ ރައީސް ނަޝީދު ވެސް ވަނީ އެކަމަށް ފާޑުވިދާޅުވެފަ އެވެ.
ކުރިން އެމްއެންޑީއެފްގައި މަސައްކަތް ކުރެއްވި ކުރީގެ ބްރިގޭޑިއާ ޖެނެރަލް ދީދީ ކުރެއްވި ޓްވީޓެއްގައި ވަނީ ސިފައިންގެ ގާނޫނު އޮންނަ ގޮތުން ސިފައިންނާ ގުޅޭ ކަންކަމުގައި މަޖިލީހަށް ޖަވާބުދާރީވާނީ ޑިފެންސް މިނިސްޓަރު ކަމަށެވެ. އަދި މަޖިލީހަށް މީހުން ހާޒިރު ކުރުމުގެ ބާރު ގާނޫނު އަސާސީގެ ދަށުން ލިބިފައި އޮތަސް، އެ ބާރަކީ ވަކިވަކި ސިފައިން މަޖިލީހަށް ގެންގޮސް ތަހުގީގު ހިންގުމުގެ ބާރު އޮތުން ނޫން ކަމަށާއި އެ ޒިންމާ އޮތީ ޑިފެންސް މިނިސްޓަރަށް އެކަނި ކަމަށް ދީދީގެ ޓްވީޓްގައިވެ އެވެ.
"ސިފައިންގެ ގާނޫނުގެ 10 ވަނަ މާއްދާގައި އެ ތަކްލީފް އެ ވަނީ މިނިސްޓަރަށް މަތިކޮށްފައި،" ސިފައިންގޭގައި 22 އަހަރަށް ވުރެ ގިނަ ދުވަސް ވަންދެން މަސައްކަތް ކުރެއްވި ދީދީ ވިދާޅުވި އެވެ.
އެހެން ވީ ހިނދު ގއ99 ގަ އެ ބުނާ ބުނުމަކީ ސިފައިން މަޖްލިސް އަށް ގެންގޮސް ސިފައިންގެ ކަން ކަމުގަ ތަހްޤީޤް ކުރުމުގެ ބާރެއް ކަމަކަށް ނުފެނޭ ސިފައިންގެ ޤާނޫން ގެ 10 ވަނަ މާއްދާގަ އެ ތަކްލީފް އެވަނީ މިނިސްޓަރ އަށް މަތި ކޮށްފަ .2 https://t.co/Ia2lyErIzn
— Ibrahim M Didi (@ibrahimmdidi) June 4, 2021
ކުރީގެ ބްރިގޭޑިއާ ޖެނެރަލް ޑީޑީގެ ޓުވީޓް
ވަކިވަކި ސިފައިން މަޖިލީހަށް ގެންގޮސް، ޖަވާބުދާރީ ކުރުވޭނެ ކަމަށް ސުޕްރީމް ކޯޓުން ކުރިން ނެރެފައިވާ އިސްތިޝާރީ ލަފައެއްގައިިވެ އެވެ.
ނަޝީދަށް އަމާޒުކޮށް އެފަދަ ހަމަލާއެއް ރާވަމުންދާ ކަމުގެ މައުލޫމާތު ޑިފެންސް މިނިސްޓަރު މާރިޔާ އަހުމަދު ދީދީ އަށް މަޖިލީހުގެ މެމްބަރަކު ކުރިން އޮތީ ދެއްވައިފަ އެވެ. ނަމަވެސް ފުލުހުން ބުނާގޮތުން އެފަދަ މައުލޫމާތެއް ފުލުހުންނާ ހިއްސާ ކޮށްފައެއް ނުވެ އެވެ. އެހެންވެ، އިންޓެލިޖެންސް މައުލޫމާތު ބަދަލު ކުރާ ގޮތުގެ އޮޑިޓެއް ހަދަން ރައީސް އިބްރާހިމް މުހައްމަދު ސޯލިހް މިހާރު ވަނީ އަންގަވައިފަ އެވެ.
ނަޝީދަށް އަމާޒުކުރި ހަމަލާއާ ގުޅިގެން ހަ މީހަކު ހައްޔަރު ކޮށްފައިވާއިރު، އެ މީހުންގެ މައްޗަށް ތަހުގީގު މިހާރު ދަނީ ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޭބަލް ކާރ ކޮބައިތަ!
06 June 2021
ޖަވާބުދާރީ އަކީ އެއްއިރެއްގަވެސް ދިވެހިން ދަންނަ ކަމެއް ނޫން. ބީރައްޓެހި ކަންކަން ދެކެ ވަރައް ބިރުގަންނާނެ! ދިވެހިންނައް ކަމުދާނީ ޝާހީ ރަސްކަމެއް. ވެރިން ބުނި ކަމެއް ބުނިގޮތަކައް ކޮއްލައިގެން، އަމިއްލަ ފަރުދީ ޒިންމާ ނެތް ގޮތައް އުޅެން. ފަސޭހަކޮއް. ލުއި ކޮއް. އިތުރުކަންކަމާ ނުވިސްނާ!
ސިޓިޒަން އޮފް މާލެ
05 June 2021
ސިޔާސީ މީހުންގެ ކިބައިގައި ތަހުގީގް ކުރުމުގެ ގާބިލްކަމެއް ހުންނާނެކަމަށް ގަބޫލްކުރަން ވަރަށް ދަތި! ވަކި ވަކި ސިފައިން މަޖްލީހުގެ ކޮމެޓީއަކަށް ހާޒިރުކޮށް ލައިވް ޓީވީގައި އެމީހުންގެ މަސައްކަތާގުޅޭގޮތުން ސުވާލުކުރުމަކީ ކޮށްގެން ހެޔޮވާނޭ ކަމެއް ކަމަކަށް ނުދެކެން!
ނާގަބާޑީ
05 June 2021
ޑިމޮކްރަސީގެ ކަންފުޅެއް ހުރި ބައެއް ނަމަވެސް ބަރުލަމާނީ އޭ ނުކިޔާނެ , ރާއްޖޭގެ ރައޔިތުންގެ ވޯޓަކުން ނިންމާފައިވާ ކަމެއް , އެކަމާއި ދެކޮޅު ހަދާ ބަޔަކު ގާނޫނަކަށް ތަބާނުވާނެ, މައުމޫނު މާރިޔާމެނަށް ކޯސް ދީގެން ބޭރުން ކިޔައްވައި ދިނީމަ , އެމީހުން ހައްލުވައިގެން ވެރިކަން ލިބުނީމަ އޭނަވެސް މިހާރު ގޯސް, ެއެމްޑީޕީ ރިފޯމް,
ހައިތަމްސް
05 June 2021
މަޖްލިސް މީހުން ހަމައިން ނެއްޓުނީމަ އަރަނީ މޭޒު މައްޗަށް.ސިފައިން ހަމައިން ނެއްޓުނީމަ ނަތީޖާ ތަފާތުވާނެ.
ދިޔޭ
05 June 2021
ޖަވާބުދާރީ ކުރުވުމާއި މަޢުލޫމާތެއް ސާފުކުރުމަކީ މުޅިން ދެކަމެއް ޖަވާބުދާރީ ކުރުވާ ޒިންމާ ކުރުމަކީ މަޢުލޫމާތު އޮޅުން ފިލުވުމަށް ފަހު ހުރި ކަންކަން
ރައްޔިތުސޮރު
04 June 2021
ސިފައިންނަކީ ޗެއިންއޮފްކޮމާންޑަކަށް އަމަލުކުރެވޭ މުއައްސަސާއެއް. ތަޚްޒީބުމުޖުތަމަޢުތަކުގަ ސުވާލުކޮށް ޖަވާބުދާރީކުރުވަން ގެންދާނީވެރިން. އެތެރޭގެ މައްސަލަތައްބަލާނީ މިލިޓަރީޓްރިބިއުނަލް/ކޯޓަކުން. އާދައިގެ ރޭންކުތަކުގަތިބޭކުދިން ގެންދެވެންޏާ އެކުދިންކޮމާންޑުތަކަށް ތަބާވުމާ،ނަގާޑެޝިޝަން ޑިޕެންޑުވާނީ މަޖިލީހުގެ އަގުލަބިއްޔަތު އެއިރެއްގައޮންނަ ސިޔާސީޕާޓީރުހޭގޮތަށް އެއީ އަމިއްލަމަޤާމު ދިފާޢުކުރުމަށްޓަކައި. މިއަށްވުރެބޮޑަށްސިފައިން ސިޔާސީކުރުމަކީކޮބާތޯ؟
މިހާފީ
04 June 2021
މަޖިލީހަކީ ވަރަށް ބާރުގަދަ ތަނެއް. އެކަމަކު ދައުލަތް ހިންގާ އުސޫލަކީ އެބާރުތައް އެކި މުވައްސަސާތަކަށް ދެވިފައިވާ ނިޒާމެއްގައި، މުވައްސަސާތައް ޖަވާބުދާރީ ކުރުވުން. މާނައަކީ އަލީއާއި އަައިމިނާގެ ކައިވެނީގައި އައިސްތު 1 ރުފިޔާގެ ރަނެއް ކިޔުމަކީ އާމިނާ އިހުތިޔާރުގައި އޮންނާނެކަމޭ. ޝަރީއަތުގެ ނިޒާމުގައި އޮންނަނީ އަގުހުރި އެއްޗެއް. އާމިނާ 10،000 ރުފިޔާގެ ރަނެއް ނުކީ މައްސަލަ ބެލިދާނެ. އެކަަމަކު މަޖިލީހަކަށް ރަނެއް ނުކިޔޭނެތާ!
ހީހީހަލާކު
04 June 2021
ސިފައިންނަކީ ރޫހާނީ ބައެއްތަ ކަލޯ ބޯގޯސް... ދެނަހުރިންތަ ސިފައިންގެތެރެއިން ބައެކާއި, ފުލުހުންގެތެރެއިން ބައެއް ބޮޑު ބަޢާވާތެއްކުރިކަން ތިބުނާގޮތުންވިއްޔާ 2 މުއައްސެސާ އެއްކޮށްނުން އެހަޑިހޭވީ.. އެމީހަކާއިހަވާލުކޮއްފައޮންނަ ޒިންމާ އަދާނުކުރުމުން މުޅި މުއައްސެސާ ޒިންމާވާން ޖޭނަމަ ތިވާނީ އަރަތެކަށް... ބަލަސިފައިން ކުރަނީ, އެހެންމީހުން ނުކުރާވައްތަރުގެ ހުވައެއްތަ... ތިކުރާހުވައިގެވައްތަރު އަހަރުމެން މިތިބީ (ވައްކަޅަށް ނާސްތާ އެގުނުގޮތަށް) އެގިދަސްވެފަ...
ފަޒީނާ ހުސައިން
04 June 2021
ކަލޯ ހަމަހޭގަ ހުރެގެެން ކޮމެންޓް ކޮށްބަލަ. އެ ބޭފުޅުން ޙަވާލާ ދެއްވަނީ ޤާނޫނާއި ޤާނޫނު އަސާސީއަށް. ޤާނޫނާއި ޤާނޫނު އަސާސީއާ ޚިލާފަށް ސިފައިންނެއް ކަމަކު ޢަމަލެއް ނުކުރެވޭނެ. ކޮށްފި ނަމަ އެވަނީ ކުށެއްކަމަށް ޤާނޫނުގައި ބަޔާކޮށްފައިވޭ. ދެންވެސް ހޭވެރިކަން ވެބަލަ ތަނެއްގައި ކޮމެންޓް ކުރެވެން އޮތީމަ ކޮމެންޓް ނުކޮށް
ފަރޭ2513
04 June 2021
ބަލަ ވަކި ވަކި ރައްޔިތުންނަށް އެމީހުން ބޭނުންވާ ބަހެއް ތިޔަ މަޖިލީހަކުވެސް ނީންވޭ ނޫންތޯ. ފާޑެއްގެ 19 އެއްގެ ދަށުން ހޮވާފައި ހުންނަ މެންބަރަކު ބޭނުން އެއްޗެއް ކިޔާ ނަގާއިރު ރައީތުމީހާގެ ބަހަކީ ކޮބައިތޯ ބަލަންތޯ. އެމެންބަރަކު ދާއިރާގެ މީހުންގެ ނުރުހުމުގައި ކަންކަން ނިންމާއިރު ކުރެވޭނެ ކަމެއް އެބަ އޮތްތޯ. އެންމެކުޑަމިނުން ހޮވި ބަޔަކަށް ބޭރުކުރެވޭނެ ގޮތެއް ހަދާދޭނަމޭ ކިޔާފަ އެކަން ކުރަން މަސައްކަތް ކުރާތަނެއްވެސް ނުފެނޭނޫންތޯ؟
ރީލޯޑް
04 June 2021
ކުރީގަ އެމްޑީޕީ އަކީ ކޮންކަހަލަ ބައެއްކަން ދިވެހިންނަ ސިފަކޮއްދިން މީހުން ރިސްވަތު ނަގައިގެން އެމްޑީޕީ ވެރިކަމަ ގެނެސްދިނީ. މީގެ ޒިމްމާ ނަގަންޖެހޭނީ އެމީހުން
ސްޕުރީމަ
04 June 2021
ދީދީ ޤާނޫނާއި ޤާނޫނު އަސާސީ މާނަކުރުމުގަ ފަހު ބަސް ބުނާނި ދިވެހިރާއްޖޭގެ ސުޕުރީމްކޯޓުން.. އެ ކޯޓުގެ ލަފާއަކީ ތިޔާ އިދިކޮޅަށް.. ސުޕުރީމު ކޯޓުގެ ނިންމުމަކަށް ދެކޮޅު ހެދުމަކީ ދުސްތޫރީ ބާރު ކަނޑުވާލުމެއް.. ޑީޑީއަކަށްވެސް އެ ހައްޤެއް ނޯންނާނެ