ނައިފަރު ދާއިރާގެ މެންބަރު އަހުމަދު ޝިޔާމް: ނަޝީދަށް އިންސާފު ހޯދައިދެއްވާނެ ކަމަށް ވިދާޅުވި-- ފޮޓޯ/މަޖިލިސް
08 ޖޫން 2021 - 12:09
18 comments
ކުރީގެ ރައީސް އަދި ރައްޔިތުން މަޖިލީހުގެ ރައީސް މުހައްމަދު ނަޝީދަށް ދިން ޓެރަރިސްޓް ހަމަލާ އާ ގުޅިގެން އެ މަނިކުފާނަށް އިންސާފު ހޯދައިދޭން މި ސަރުކާރު ފެއިލް ވެފައިވާ ކަމަށާއި އެކަން ކުރެވޭނީ ކުރީގެ ރައީސް އަބްދުﷲ ޔާމީން ވެރިކަމާ ހަވާލުވެވަޑައިގަތުމަށް ފަހު އެކުލަވާލައި ސަރުކާރަކަށް ކަމަށް ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެ އެވެ.
ފަނޑިޔާރުންގެ ގާނޫނަށް ހުށަހަޅާފައިވާ އިސްލާހަށް ރައްޔިތުންގެ މަޖިލީހުގައި މިއަދު ބަހުސް ކުރައްވަމުން ޝިޔާމް ވިދާޅުވީ އެމްޑީޕީގެ ސަރުކާރަށް، ނަޝީދަށް އިންސާފު ހޯދައި ނުދެވޭ ކަމަށް އެ ޕާޓީގެ މެންބަރުން ގަބޫލުކުރާ ކަމަށާއި މި ސަރުކާރަށް ރައްޔިތުންނަށް ވެސް އިންސާފު ހޯދައިނުދެވޭނެ ކަން ޔަގީން ކުރެވެނީ އެ ސަބަބާ ގުޅިގެން ކަމަށެވެ.
މި ސަރުކާރު ނިމިގެންދާއިރު ވެސް ނަޝީދަށް އިންސާފު ލިބޭނެ ކަމަށް ގަބޫލެއް ނުކުރައްވާ ކަމަށާއި 2023 ގައި ޕީޕީއެމް އިން، މިހާރު ޓެރަރިޒަމްގެ ކުށުގައި ޖަލު ހުކުމް ތަންފީޒުކުރާ ޔާމީނާ އެކު އެކުލަވާލައި ސަރުކާރުން އިންސާފު ހޯދައިދޭނެ ކަމަށް ޝިޔާމް ވިދާޅުވި އެވެ.
"ﷲ އިރާދަފުޅުން 2023 ގައި ރައީސް ޔާމީނާއެކީގައި އަޅުގަނޑުމެން އެކުލަވާލައި ސަރުކާރުން ރައީސް ނަޝީދަށް ވެސް އަޅުގަނޑުމެން އިންސާފު ހޯދައިދޭނަން،" ޕީޕީއެމްގެ ނައިބު ރައީސްގެ މަގާމުގައި ވެސް ހުންނެވި ޝިޔާމް ވިދާޅުވި އެވެ.
ފަނޑިޔާރުންގެ ގާނޫނަށް ސަރުކާރު ފަރާތުން ހުށަހަޅާފައި ވަނީ އުއްތަމަ ފަނޑިޔާރަށް ވެސް ހާއްސަ ގެއެއް ހަމަޖެއްސުމަށެވެ. އެ ބިލު ހުށަހަޅާފައި ވަނީ ނަޝީދު ދިން ހަމަލާއާ ގުޅިގެން، އެމަނިކުފާނު ދިރިއުޅުއްވާ ގެކޮޅުގެ ސެކިއުރިޓީއާ މެދު ކަންބޮޑުވުން ފާޅު ކުރަމުންދާ ދަނޑިވަޅުގަ އެވެ.
ނަޝީދު މައްސަލައިގެ ތަހުގީގު ރަނގަޅަށް ހިނގާ ކަމާއި އިންސާފު ހޯދައިދެވޭނެ ކަމަށް ސަރުކާރާއި ފުލުހުން ވެސް ބުނެ އެވެ. މިހާތަނަށް އެ މައްސަލައާ ގުޅުން ހުރި ފަސް މީހަކު ހައްޔަރު ކޮށްފައިވީ ނަމަވެސް އެކަމާ ގުޅޭ ގިނަ މައުލޫމާތުތަކެއް ހާމަ ނުކުރާތީ އެމްޑީޕީގެ ސަޕޯޓަރުން ފާޑު ކިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެހެ
09 June 2021
ވަޓް އަ ޖޯކް.
އަރުތަ
09 June 2021
ޝިޔާމޫ، ނަސީދުއަށް އިންސާފު ނުހޯދާށޭ އަހަރުމެން އެބަކިޔަމުތަ، ހޯދަބަލަ އެންމެނަށްވެސް އިންސާފު ހޯދާދީބަލަ، ބައެއްގެ އިހުމާލުން ފުރާނަ ގެއްލިގެން ދިޔަ މިޝްކާއަށް އިންސާފު ހޯދަދީބަލަ، އެންމެ ފަހަރަކުވެސް އެހެން ބުނާކަށް ކަލެއަކަށް ނުކެރުނުދޯ، ކީއްވެ އެކަމާ މުޒާހަރާކުރަން ނުނިކުމެ ތިހުރީ، އެކަމަކު ޖަލުގަ ހުރި ޤައުދީއަކު މިނިވަން ނުކޮށްގެން އުޅޭއިރެއްގަ ހީވަނީ އޮށަނި ކެވިގެން ތެޅޭހެން.
ރަހަލާވަރުގެބޮނޑި
08 June 2021
ޔާމީނުގެ އިންސާފު ދިވެހިރައްޔިތުންނަށްވަނީ ފެނި ދަސްވެފަ އެ އިންސާފުގެ މަތިން ދިވެހިން ދުވަހަކުވެސް ހަނދާން ނުނެތޭނެ
ށަޒަން
08 June 2021
ޢޭރުން އަނެއްކާވެސް 23:23:23 މިގަޑިބަލާފަ ޖަލައްލާނީ ކަންކޮށްފައޮތީ އެގޮތައް! ކަލެއަށް އޭނާ ރަނގަޅުވާނެ މާލޭން 6 ރުފިޔާއަސް ޑީސަލް ގަނެ ޅ އަތޮޅަށް 76 ރުފިޔާއަށް ފެނަކައަށް ވިއްކާ ފައިދާނެގި ނެގިމީހާނުންތީ
ޖޯކްކް
08 June 2021
ޙަ ހަ ހާ! ނެސްޓް ޖޯކް ޕްލީޒް!
މަހޭބެ
08 June 2021
ތިޚިޔާލަކީ ޝިޔާމުގެ ޚިޔާލެއްނޫން ތިއީ ސީދާ ޔާމީނުގެ ހުށަހެޅުމެއް އަދި ނަޝީދު ހިތުގެ އަޑިން ތިކަން ގަބޫލުވެސް ކުރާނެ... ޔާމީނާ ނަޝީދަކީ ވަރަށް ގާތްގުޅުމެއް އޮންނަ ދެބޭފުޅުން... 2012 ފެބްރުއަރީ 7 ވަނަދުވަހުގެ ހާދިސާގާވެސް ނަޝީދު ލަފާހޯދީ ސީދާ ޔާމީނުގާތުން... މިއީ މިދެމީނުންނަކީވެސް ބަރުލަމާނީ ނިޒާމަށް ތާއިދުކުރާ ދެމީހުން އެހެން ވަރަށް ގިނަ ކަންކަންވެސް މިދެމީހުންގެ ހުންނާނެ ހަމައެކަނި ތަފާތަކީ ޔާމީން ފުކެއް ހުޝިޔާރުވާނެ
ޑިސްއޮނަރަބަލް ޑީޑީ
08 June 2021
ޝިޔާމޫ ކޮބާހޭ ކަލޭމެންގެ ލަދު އަދި ހަޔާތް. ކޮބާ ކަލޭމެންގެ ސަރުކާރުގާ ފުރާނަދުއްވާލެވުނުމީހުން. އެމީހުންނަށްވެސް ތިޔަކުރެވެނީ މަލާމާތް. ކޮބާހޭ ލަދު ޝިޔާމޫ!
ނަސީމް
08 June 2021
މީހަކު އެބައެބައުޅޭތަ ޔާމިން ވެރިކަމަށް ގެންނަން އެހެންނަމަތާ އޭނާގެ ވެރިކަމެއް އަންނާނީވެސްދޯ؟
ޔަސީމް
09 June 2021
ޔާމީން ވެރިކަމަށް އައުމަކީ އެއްގޮތަކަށްވެސް ރަގަޅު ކަމެއް ނޫން މިހާރު. މިހާރު ރާއްޖެ މިއޮތީ އިންޑިއާގެ ދަށުވުމުގެ އެންމެ ފަހު މަރުހަލާގައި. އެކަން ރަސްމީކުރާނެ ދެން އަންނަ ދައުރަކަށް މިވެރިކަމުގަ ތިބި މީހުން ހޮވުނީމަ.
ބޮކި
08 June 2021
ހަމަ އަންނަނީ ހިނި..................
ހުސޭނުބެ
08 June 2021
މީހަކު ހޭބަލިވެދާނެ.ޔާނޫ ޖަލުގަ ހުރީ ޓެރަރިސްޓަކަށްވެގެންނެއްނޫން. ނަޒާހަތްތެރިވެގެން. އިންސާފު ތި މާނަކުރަނީ އިތުރު 13 އަހަރަށް ޖަލަށްލުންތަ