މުއްދަތު ހަމަވެފައިވާ އައިޑީކާޑުތައް އޮގަސްޓް މަހުގެ ނިޔަލަށް ބޭނުން ކުރެވޭނެ: ޑީއެންއާރު

މަރިޔަމް ޝަހުދާ، މިހާރު

10 ޖޫން 2021 - 14:19

މުއްދަތު ހަމަވެފައިވާ އައިޑީ ކާޑުތައް އޮގަސްޓް މަހުގެ ނިޔަލަށް ބޭނުން ކުރެވޭނެ ކަމަށް ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) އިން މިއަދު ބުނެފި އެވެ.

އެ އިދާރާއިން މިއަދު ނެރުނު ނޫސްބަޔާނެއްގައި ބުނީ، މި ނިންމުމަކީ ކޮވިޑް 19ގެ ހާލަތު ގޯސްވެފައިވާ މި ދަނޑިވަޅުގައި ގިނަ ބަޔަކު އެއްވެ އުޅުމަކީ ރަނގަޅު ކަމެއްކަމުގައި ނުފެންނާތީ، އަދި ސަރުކާރުން އަޅާފައިވާ ފިޔަވަޅުތަކާ އެކު ހިދުމަތް ހޯދުމުގައި ދަތިތަކެއް މެދުވެރިވެދާނެ ކަމަށް ފެންނާތީ ނިންމި ނިންމުމެއް ކަމަށެވެ.

އެހެންވެ، ކާޑުގެ މުއްދަތު ހަމަވެ، ކާޑު އާކުރަން ޖެހިފައިވާ އެންމެންގެ ކާޑުގެ މުއްދަތު މި އަހަރުގެ އޮގަސްޓްގެ ނިޔަލަށް އިތުރުކުރީ ކަމަށް ޑީއެންއާރުން ބުންޏެވެ. އަދި ރައްޔިތުންނަށް ހިދުމަތް ދިނުމުގައި ހުރިހާ މުއައްސަސާއަކުން ވެސް، އައިޑީކާޑުގެ މުއްދަތު ބެލުމުގައި މިގޮތަށް އަމަލުކުރުމަށް ވަނީ އެދިފަ އެވެ.

ކާޑުގެ މުއްދަތު އިތުރު ކުރި ނަމަވެސް މާލެ ސަރަހައްދުގައި ދިރިއުޅޭ މީހުންނާއި ރިސޯޓުތަކުގައި މަސައްކަތްކުރާ މީހުންނަށް އޮންލައިންކޮށް ކާޑު ހެދުމަށް ހުށަހެޅުމުގެ ފުރުސަތު އޮންނާނެ އެވެ.

އައިޑީ ކާޑް

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުއްދަތު

11 June 2021

ބައެއް ބޭންކުތަކުން އެކައުންޓް ހުޅުވަން ދިޔައީމަ އެބަބުނޭ އައިޑީ ކާޑުގަ ފެންނަން އިންނަ ތާރީޚަށޭ ބަލާނީ. އަޅުގަނޑުމެންގެ ޕޮލިސީއޭ. ޤާނޫނީ ލިޔުމެއް އެލިޔުން ދޫކުރާ ފަރާތުން މުއްދަތު އިތުރު ކޮށްދީފަ އޮއްވަ މިހެން ވެސް ހެދޭ. ޕާސްޕޯޓު ގެނަޔަސް ނުވާނެ އޭ ވެސް އެބަބުނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއްދަތު

11 June 2021

ކާޑު ހިފައިގެން ބައެއް ތަންތަނުން ބައެއް ޚިދުމަތް ހޯދަން ދިޔައީމަ ބުނޭ ކާޑުގަ އިންނަ ތާރީޚަށޭ ބަލާނީ. ބައެއް ބޭންކުތަކުން އެކައުންޓް ހުޅުވައިދޭން ދެކޮޅު ހަދާފަވެސް އެބަހުރި އެހެން ބުނެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްމާރޓް

10 June 2021

އިލެކްޓްރޯނިކް ސްމާޓް ކާޑު ދޫކުރަން ފަށާބަލަ.މިހާރު ދޫކުރާކާދު ބެންކޮކުންވެސް 100 ބާތައް ހަދާލެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

10 June 2021

ޑީއެންއާރ ގެ ނިންމުމަކީ މިފަދަ ހާލަތްތަކުގައި ހުރިހާ އިދާރާތަކުން ވެސް ކަންތައް ކުރަންޖެހޭ ގޮތެވެ. ކައުންސިލްތަކުގެ މުއްދަތު ހަމަވުމުން ވެސް ބަލި ރަނގަޅުވަންދެން މުއްދަތު ދަންމާލިނަމަ މިދިޔަ މަހު ފެނުނު މަންޒަރު ނުފެނުނީސްކަން ކަށަވަރެވެ. މިފަދަ ހާލަތްތަކުގައި މިފަދަ ކަންކަން ނިންމުމުގެ ބާރު އޮންނަންޖެހެނީ ރައީސަށެވެ. މިގައުމުގައި ކޮވިޑް މިހާ ގޯސްވީ މިހެން ނުވުމުންނެ. ރައީސުގެ މަތިން ބަސްބުނާ ރާވެރިން ތިބީމައެވެ.