ޚަބަރު / ބޯހިޔާވަހިކަން

ގެދޮރު އެޅުމަށް ރަށްރަށުގެ މީހުންނަށް ލޯނު ދޫކުރުމުގެ ސިޔާސަތު މާދަމާ ރޭ އިއުލާނު ކުރަނީ

މާދަމާ ރޭ 9:30 ގައި ބާއްވާ އެ ރަސްމިއްޔާތު، ގަވަމަންޓް އޮފް މޯލްޑިވްސްގެ ފޭސްބުކް/ ޓްވީޓަ އެކައުންޓުންނާއި ޓީވީ ޗެނަލްތަކުން ލައިވްކުރާނެ.

ޮޕްލޭނިން އެންޑް ހައުސިން މިނިސްޓަރު މުހައްމަދު އަސްލަމް-- މިހާރު ފައިލް ފޮޓޯ

މާއިދާ މުހައްމަދު ރަޝާދު، މިހާރު

13 ޖޫން 2021 - 21:04

43 comments

މި ސަރުކާރުގެ ގެދޮރުވެރިކަމުގެ ސިޔާސަތުގެ ދަށުން ރަށްރަށުގެ މީހުންނަށް ގެދޮރު އެޅުމަށް ބޭނުންވާ ލޯނު ދޫކުރުމުގައި އަމަލުކުރާނެ ގޮތްތައް މާދަމާ ރޭ އިއުލާނު ކުރަން ނިންމައިފި އެވެ.

މާދަމާ ރޭ 9:30 ގައި ބާއްވާ އެ ރަސްމިއްޔާތު، ގަވަމަންޓް އޮފް މޯލްޑިވްސްގެ ފޭސްބުކް/ ޓްވީޓާ އެކައުންޓުންނާއި ޓީވީ ޗެނަލްތަކުން ލައިވްކުރާނެ އެވެ.

އެނގިފައިވާ ގޮތުގައި މިއީ "ރަށްވެހި ފަތިސް" ކެމްޕެއިންގެ ދަށުން މި ސަރުކާރުން ވެފައިވާ ވައުދެއް ކަމަށްވާ، ރަށްރަށުގެ މީހުންނަށް ގެދޮރު އެޅުމަށް ބޭނުންވާ ލޯނު ދޫކުރުމުގެ ސްކީމު އިއުލާނު ކުރުމަށް ބާއްވާ ރަސްމިއްޔާތެކެވެ.

ރާއްޖޭގެ ހުރިހާ ރަށެއްގެ ރައްޔިތުންނަށް ހާއްސަކޮށް، މި އަހަރުގެ ދެވަނަ ކުއާޓަރުގައި ހައުސިން ލޯނު ދޫކުރަން ފަށާނެކަން ޕްލޭނިން މިނިސްޓަރު މުހައްމަދު އަސްލަމް ވަނީ މިދިޔަ ފެބްރުއަރީ މަހު ވިދާޅުވެފަ އެވެ.

އެޗުޑީއެފްސީ މެދުވެރިކޮށް ލޯނު ދޫކުރުމުގެ ފުރުސަތު ދޭނެ ކަމަށާއި މިހާރު އޮތް ގޮތުން ލޯނު ލިބެނީ މާލެ އާއި އިތުރު 11 ރަށެއްގައި ގެ ހެދުމަށް ނަމަވެސް އަލުން ލޯނަށް ހުޅުވައިލާނީ ހުރިހާ ރަށެއް ވެސް ހިމެނޭ ގޮތަށް ކަމަށް އަސްލަމް އެ ދުވަހު ވިދާޅުވި އެވެ.

އެ ލޯނުތަކުގެ އަގު ހުންނާނީ ބައި މިލިއަނާއި އެއް މިލިއަނާ ދެމެދުގަ އެވެ. އިންޓްރެސްޓް ރޭޓު ވެސް ކުޑަވާނެ ކަމަށް އަސްލަމް ވިދާޅުވި އެވެ. މި ޕްރޮގްރާމުގެ ދަށުން މެދުފަންތީގެ މީހުންނަށް ވެސް ލޯނު ލިބޭނެ އެވެ.

ރަށްރަށުގައި ދިރިއުޅޭ މީހުންނަށް ގެދޮރު އަޅަން 500 މިލިއަން ރުފިޔާގެ ލޯނު ހަމަޖައްސާފައިވާ ކަމަށް ސަރުކާރުން ބުނެފައި ވެ އެވެ.

ދިވެހި ސަރުކާރު ފްލެޓް ހައުސިން ޔުނިޓް ނޭޝަނަލް ޕްލޭނިން މިނިސްޓްރީ ބޯހިޔާވަހިކަން ހައުސިން، ލޭންޑް އެންޑް އާބަން މިނިސްޓްރީ

43 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޑޫ ކޮއިޔާ

15 June 2021

އަނެއްކާ އަނެއްހެޑްލައި ހަދާލީދޯ. ކޮބާހޭ އައްޑޫގެ މަގުހަދަން ތާރު ހިފައިގެން އައި ދަބަރުބޯޓު. ކޮބާހޭ ވިލިމާލޭ ބްރިޖް2 ހަފްތާތެރޭގައި ބަޔަކާއި ހަވާލުކުރުން.ކޮބާ ހޭތިލަފުށީގައި އަޅާ ވިޔާފަރި ޕޯޓް.ކޮބާ ހޭ މާލޭސަރަހައްދުގައި އަޅާ 7000 ފުލެޓް. މިހުރިހާ ކަމެއް ބޮޑުކޮށް ނޫސްތަކުގެ ފަލަސުރުހީއަށް ފާއިތު ވި ދެތިންހަފްތާގައި އަރުވާއިފި. ރާއްޖޭގެ ކަންތައް ދޯގޮތަށް ބަލާނަމަ ސަރުކާރުން މިވަރު އަރުވާނީ ކޮންމެވެސް ގަނޑެއް ގަންނަން. އިންޑިއާތުން 1 ބިލިއަނޯކިޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންއޮތްގޮތް

15 June 2021

ރަނގަޅަށްދާނަމަ، ތިލޯނުވެސް ލިބޭނީ މިހާރުވެސް މާލެއޭކިޔާ ހުރިހައި ސަރަހައްދެއްގައިވެސް ގެދޮރާއި ފުލެޓާއި ގޯތިހުރި މާލޭގައިއުޅޭ އެކަމަކު ރާއްޖެތެރޭގެ ސިޔާސީ އެކްޓިވިސްޓުންނާއި ވޯޓުހޯދައިދޭމީހުނަށް. ރަށުގައި ގެނުއެޅި ގޮތެއްނެތިފައިތިބިމީހުންޖެހޭނީ ސިޔާސީވެ، އަޅުވެތިވެ، ކުޑަކަކޫޖަހައި އާދޭސްކުރަން. ދުނިޔޭގައި ލަހައްޓަވާތިބިއްޔާ މިބުނިތަން ފެންނާނެ. ގޯއްޗަކީ އަބަދުވެސް ސިޔާސީވެރިންގެ މުށުގައިއޮންނަ ބޭނުންކުރަންބޭނުންކުރަންއޮންނަ ހަތިޔާރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

15 June 2021

ތިޔަ ލޯނަށް ވާނީ މިހާރު ބޭންކް އޮފް މޯލްޑިވްސްގެ ލުއިލޯނައް ވީގޮތައް! ރަށްރަށުގެ މީހުން އެނަގާފައި ފައިސާ ނުދަައްކާ ފިލާފައިވަނީ ކިތައް މީހުން! މިއަށްވެސް ވާނީ މިހެން. ފުރަތަމަ ލޯނަށް ލިބޭ ފައިސާ ކޮޅު ނަގާފާނެ! ދެން އެއަށް ވާގޮތް ނުވެސް އިގޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީވީގޮތޭ

14 June 2021

ބަލަ މިއުޅެނީ އަދި ސްޓުޑެންޓް ލޯން ނުދެއްކިގެން. ލޯން ނަގާނެގޮތް ނުކިޔަދީ ކިޔަވައިގެން އައިސްތިބި މީހުންނަށް ވަޒީފާ ދީބަލަ. ކިހާބޮޑުވެއްޖެކަމެއް! ޢަހަރެއްވެއްޖެ ވަޒީފާއެއް ނެތި ތެޅިބާލާތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިހްލަތުލް އަގަބާ

14 June 2021

ނޫސްވެރިންނާ ބައްދަލްކޮށް، ހެޑްލައިން ހަދަން ގެންގުޅޭ ދެތިން ވާހަކަ ކޮންމެ މިނިސްޓަރެެއް އަތުގައި އޮވޭ. ދުވަހަކުވެސް އަމަލީ ބައި ކުރިއަކަށް ނުދޭ. ކުރިންވެސް ކައުންސިލްތަކުން މިފަދަ ސްކީމެއް ހިންގަނީ އޭ ކިޔާ އެތައް ބަޔަކު ލައްވާ ފޯމު ފުރުވާފަ، އަހަރެއް ވާން އުޅެނިކޮށް މީނަ އަރާ ބުނީ އެއީ އަޖުމަ ބެލުމުގެ ޕްރޮގްރާމެކޭ. ތަފާސް ހިސާބު ހޯދަނީއޭ. މިއީ ރައްޔިތުންނަށް ގައްދާރުވުން. ޖެއްސުން ކުރުން. ހެޔޮވެރިކަމެކޭ ކިޔައިގެން ކަނޑަނީ ފޮނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

14 June 2021

އަނެއްކާވެސް ގޮހޮރު ތެރެއަށް އައްބާނާފަ ކެވޭ އެތިކޮޅު ނެރޭ ވާހަކަ ތިޔާ ދައްކަވަނީ . މިއުޅެނީ އެއްފަހަރު ކާނެކާ އެތިކޮޅު ނުލިބިގެން މިއުޅެނީ . ވަޒީފާއެއް ނެތި އާމްދަނީ ހޯދާނެގޮތެއްނެތި ރައްރަށުގައި އުޅޭ މީހުން ތިޔާ ލޯނުދައްކަނީ ކިހިނެއްް؟ ބިޑި ހަދަނީ ނޫންތޯ ތިޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސްވަކު

14 June 2021

ރައްޔިތުން ހޭއަރާ! އެއުޅެނީ އިންޑިއާ އާއިއެކު މިމީހުން ހިންގަމުންދާ ނުރައްކާތެރި ޑީލްތައް އެއްޗަކަށްފަހު އެއްޗެއް ފަޅާ އަރަމުންދާތީ އެކަމުން އެހެންދިމާލަކަށް ފޯކަސް ބަދަލުކޮށްލުވަން ހިންގާ ޑްރާމާތަކެއް.