ހުޅުމާލޭ ފޭސް ދޭއްގައި އިމާރާތްކުރާ ފްލެޓްތަކެއް-- މިހާރު ފައިލް ފޮޓޯ
15 ޖޫން 2021 - 16:24
24 comments
އަންނަ އަހަރުގެ މެއި މަހުގެ ތެރޭގައި ނިންމަން އަމާޒު ހިފާފައިވާ "ވިނަރެސް" ފްލެޓްތައް ގަތުމަށް ބޭނުންވާ މީހުންނަށް އަންނަ މަހުގެ ތެރޭގައި އެ ފުރުސަތު ހުޅުވައިލާނެ ކަމަށް އެޗްޑީސީން މިއަދު ބުނެފި އެވެ.
ހުޅުމާލޭގައި އިމާރާތްކުރާ 1،000 ހައުސިން ޔުނިޓް އިފްތިތާހު ކުރުމަށް ބޭއްވި ރަސްމިއްޔާތުގައި އެ ކުންފުނީގެ މެނޭޖިން ޑިރެކްޓަރު ސުހައިލް އަހުމަދު ވިދާޅުވީ، ވިނަރެސް ފްލެޓްތަކުގެ ގާތްގަނޑަކަށް 45 ޕަސެންޓް މަސައްކަތް މިހާރު ނިމިފައިވާ ކަމަށެވެ.
މި ޕްރޮޖެކްޓްގައި ހިމެނެނީ މެދު ފަންތީގެ 1344 އެޕާޓްމަންޓް. މި ފްލެޓްތައް ވިއްކުމުގެ ކަންކަން އަޅުގަނޑުމެން ކުރިއަށް އޮތް ޖުލައި މަހުގެ ތެރޭގައި ފައްޓާނެ ވާހަކަ ދަންނަވާލަން -- ސުހައިލް
އެޗްޑީސީން ކުރިން ބުނެފައިވާ ގޮތުގައި އެ ތަންތަނުގެ މަސައްކަތް އެއްކޮށް ނިމޭނީ އަންނަ އަހަރުގެ މެއި މަހުގަ އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ހިއްކާފައިވާ ހުޅުމާލޭގެ ދެވަނަ ފިޔަވަހީގައި ތަރައްގީ ކުރަމުން އަންނަ "ވިނަރެސް" މަޝްރޫއުގައި 13 ބުރީގެ 10 ޓަވަރުގައި ހުންނާނީ 1،344 ފްލެޓެވެ. މިއީ ތިން ކޮޓަރީގެ އެޕާޓްމަންޓްތަކެކެވެ. އެއީ ހަތަރު ވައްތަރެއްގެ އެޕާޓްމަންޓްތަކެކެވެ. އެގޮތުން އެތަނުގައި ހިމެނެނީ މެރީނާ ވިއު އާއި އިނާ ވިއު އަދި އައުޓާ ވިއުގެ އިތުރުން ސްޓޭންޑާޑް ވިއު އެވެ.
އިނާ ވިއު، އައުޓާ ވިއު އަދި މެރީނާ ވިއު އެޕާޓްމަންޓްތަކުގެ ބޮޑުމިނުގައި 902 އަކަފޫޓު ހުންނާނެ އެވެ. އެ ތަންތަނުގައި ތިން ކޮޓަރި އާއި ތިން ފާހާނާ އަދި ބެލްކަންޏެއް ވެސް ހުންނާނެ އެވެ. ސްޓޭންޑާޑް ވިއު އެޕާޓްމަންޓްތަކުގެ ބޮޑުމިނުގައި ހުންނާނީ 883 އަކަފޫޓެވެ. މި ތަންތަނުގައި ވެސް ތިން ކޮޓަރި ހިމެނޭ ގޮތަށް ތިން ފާހާނާ އާއި ބެލްކަންޏެއް ހުންނާނެ އެވެ.
އެޕާޓްމަންޓްތަކުގެ އަގުތައް:
މެރީނާ ވިއު: 172 އެޕާޓްމަންޓް ހުންނާނެ.
- އަގު: 2.6 - 2.73 މިލިއަން ރުފިޔާ. އައުޓާ ވިއު: ޖުމުލަ 372 އެޕާޓްމަންޓް ހުންނާނެ.
- އަގު: 2.6 - 2.7 މިލިއަނާ ދެމެދުގައި.
އިނާ ވިއު: 352 އެޕާޓްމަންޓް ހުންނާނެ.
- އަގު: 2.6 މިލިއަނުގައި.
ސްޓޭންޑާޑް ވިއު: 448 އެޕާޓްމަންޓް.
- އަގު: 2.52 - 2.59 މިލިއަން ރުފިޔާއާ ދެމެދުގައި.
އެޗްޑީސީން ކުރިން ބުނެފައިވާ ގޮތުގައި އެ އެޕާޓްމަންޓްތައް ގަންނަ މީހުންގެ ކިބައިގައި ވަކި ޝަރުތުތަކެއް ވެސް ފުރިހަމަވާން ޖެހެ އެވެ. އެގޮތުން 18-60 އަހަރާ ދެމެދުގެ މީހުންނަށް އެ ފުރުސަތު ދޭނެ އެވެ. އެޗްޑީސީން ބުނީ، އެޕްލިކެންޓާ ކޯ އެޕްލިކެންޓްގެ މުސާރަ ހިމަނާ ނަމަ، ފާއިތުވި 12 މަސް ދުވަހުގެ ތެރޭގައި ދާއިމީ ވަޒީފާއެއްގައި އުޅުނު ބަޔަކަށް ވުން ފަދަ ޝަރުތައް ވެސް އޭގެ ތެރޭގައި ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބުދުﷲ
16 June 2021
ދިރިއުޅޭނެ އަމިއްލަ ތަނެއްނެތި އުމުރުން 60 އަހަރުވީމަ، ދެން އުމުރުގެ ބާކީ އޮތްބައިގަވެސް އަމިއްލަ ބޯހިޔާވަހި ކަމެއް ލިބުން މަޙުރޫމުވަނީ ދެއްތޯ!
އެމްސް
15 June 2021
އެންމެ މުހިއްމީ ވަޒީފާކަން މިއޮތީ އެނގެން! އެއްވެސް ސަރުކާރަކުން 2 ކޮޅުޖެހޭ އާމްދަނީގެ ވަޒީފާ އުފައްދަން އެއްވެސް ކަމެއް ކުރޭބާ؟ ސިންގަޕޫރޭ ސިންގަޕޫރޭ ކިޔާ ރަޢިއްޔަތުން ގުނބޯ ހެއްދުން ނޫންކަމެއް އެއްވެސް ސަރުކާރަކުން ނުކުރޭ!
ކޮބާފޮޓޯ
15 June 2021
އެތަން ހުންނަ ތަން ތަންކޮޅެއް ރީތިކޮށް ސާފުވާ ކަހަލަ ފޮޓޯއެއް ޖަހާލިނަމަ.
އަމްތު_މުއާޒު
15 June 2021
(2) ޖަހާފަ ފަހަތަށް (.)ޖެހީމަ މިމީހުންނަށް ހީވަނީ ތޯޗެއް މިމީހުންއަތުގަ ހުންނަވަރަށް، އާދޭގެ ރައްޔިތުމީހާ އަތުގަވެސް ލާރިތަށް ހުނާނޭ. މިމީހުނަށް ހީވަނީ އަހަރުމެންކަހަލަ އާދޭގެ ރައްޔިތުމީހާ އަތުގަމިވަރަށް ލާރިހުރެގެންނޭ މިތިބެނީ ގެދޮރުނުހޯދާން! ތިހުރިހާ ވާހަކައެއް ނުދަކާ ރީތިކޮއްބުނެބަލަ މީ މާލޭ ގެދޮރުވެރި މުއްސަދިންނަށް އަޅޭދިން ތަނެކޭ!ކޮންމެހެން ”އަތްނުލާ އައްދޮކިޔުވާކަށް އުޅޭނެކަމެނެތެނު“އަމުދަކުން........ނުވަންޏާ ހުއްޓާލާފަ ގެޔައްދޭބަލަ...
އޮނަރަބްލް އަފީފު ދީދީ
15 June 2021
ގިނަބަޔަކަށް މިފަދަ ޕްރޮޖެކްޓް ތަކުގެ ފުރުސަތު ހޯދާދިނުމަށާއި މުއްސަނދިނާއި އެމީހުންގެ ދަރިންގެ ނަމުގައި 1 ބިން ނުވަތަ ފްލެޓް އޮތްވާ އިތުރު ފްލެޓް ގަންނަނަމަ ދައުލަތަށް ޓެކްސް ނަގާގޮތަށް ހަދާންޖެހޭ. # އެގޮތުން ކޮންމެމީހަކަށްވެސް ފުރަތަމަބިމާއި ފްލެޓް ޓެކްސްފުރީ ކުރިކަމުގައިވިޔަސް 2 ވަނަ ބިމާއި ފްލެޓް %50 އަދި ތިނަކަށްވުރެން އިތުރަށް ގަންނަ ބިމާއި ފްލެޓަށް %100 ޓެކްސް ނަގާން ފައްޓާއިރަށް މަހުޖަނުންގެ އުދަގުލުން އާންމު ރައްޔިތުމީހާ ސަލާމަތްވާނެ.
ދޮންބެއަލީ
15 June 2021
ރަގަޅަށް ވިއްޔާ މީވެސް ޔާމިން ސޯސަލް ހައުސިންތެރޭ އެޅިފުލެޓް .ގެއްލިފަ ފެނުނު އިރު ތަނެއް 2.7 މިލިޔަން ..ރައްޔިތުން ޒިންދަޤީ ދުއްވާލައިފި..ހުވާ..
އަސަތާ
15 June 2021
ޔާމީން ހުކުރު މިސކިތް ވެސް އެޅީ.
އަސަތާ އެގޭ
15 June 2021
ޔާމީނު ދައުރުގައި ބިންގާ އެޅި ތަންތަން ތީ އަސަތާ އެގޭތޯ ހިޔާ ފުލެޓް އެކަނި ނޫން ކަން ޔާމީނު ބިންގާ އެޅީ..
ބަސްތާ
15 June 2021
މިސަރުކާރުން ފެންދީގެން އަދި އެންމެ ފްލެޓެއްވެސް ބިމުން ނުފަޅާ. ކުރީ ވެރިކަމުގަ ބިމުން ފަޅާފަ ހުރި ބިޔަ ޓަވަރުތަކަށް ފެން ދީ ދީ މޭވާ ކޮޅެއް ނާޅައިގެން އަދިވެސް އެއުޅެނީ.
ހަމަރުޅިންމިބުނީ
15 June 2021
ބޮލަށް ފިތާލާފަ ދޫކޮށްލާ ތާވަޅައެއް އުޅޭހެން މިސަރުކާރު މިއުޅެނީ. އެއްބައި ފަހަށް އެބުރި ގަންނާނެ. އަނެއްބައި ފަހަރަށް ޗޫސްލާހަ ކުރިއަށް ދެމިގެންފައި ފަހަތަށް ބުރުއަޅާނެ. އެއްކަންފަތްމައްޗަށް ޖެހި އަޑިއަށް ހިގައިދާނެ. މަރުވަންދެކަށް އެހެން ތެޅިތެޅި ހުޅުބު ހިގައިދާނެ. ޙަރާމުން ހަރާމް ވާކަމެއް ވީކަމެއް. ޥައްކަންނޫންކަމެއް.
ކައްދައިދީ
15 June 2021
ހަމައަސްލުވެސް.
ދަންޑެހެހެހެލް
15 June 2021
އަންނަމަސް ދޯ!
ސަންތިބެ
15 June 2021
ތިޔަ ފްލެޓްތަކަކީ، މުއްސަނދިންނަށް ގަނެވޭ ގޮތަށް ފަރުމާ ކޮށްފައިވާ ފްލެޓްތަކެއް! މާލޭގައި ގެދޮރު ތިބި މުއްސަނދިން ތިތަން ގަނެފައި، ނިކަމެތި މީހާ ކުލީގެ ދަންތުރާގައި ޖައްސާނެ! ވީމާ، ތިޔަ ފްލެޓްތަކެއް ވިއްކުމުގައި އަމިއްލަ ބޯހިޔާވަހިކަމެއް ނެތް މާލޭ ތަނަވަސް މީހުނަށް ވިއްކާދެއްވާ! ނޫނީ ނިކަމެތިން ޖައްސާނެ ކުލީގެ ދަންތުރައަށް ހުޅުވާލެވޭ ފުރުސަތަކަށް ތިކަންވެދާނެ!
ކުދުބެއްޔާ
15 June 2021
ފަންނަމީހާ ދިރިއުޅުން ޝަރުތުކޮށްފަ ވިއްކިދާނެ ގޮތެއްވޭތޯ ބައްލަވާތި. ވަރަށް ވެދުން
ޙާލަތު
15 June 2021
މިމީހުން ހީކުރަނީ މިމީހުން އަތުގައި ފައިސާ ހުރީމާ ދެންތިބި އެންމެން އަތުގައި ފައިސާ ހުންނާނެ ކަމަށް މެދުނުކެނޑި 30 އަހަރަށްވުރެން ގިނައިން ވަޒީފާގައުޅެ މިދިޔަމަހު ވަކިވީ ލިބޭ އެއްޗަކުން ޚަރަދު ކޮށްފައި 5000 ރުފިޔާވެސް އަތުގައިނެތް. ކަރަޕްޝަނާނުލާ 30 އަހަރަށްވުރެން ގިނަ ދުވަހު ވަޒީފާ އަދާކުރެވުނީތީ އުފާވޭ އަތުގައި ފައިސާފޮއްޗެއް ނެތަސް.