އެންޑީއޭ ހިންގާ އިމާރަތް.-- ފޮޓޯ: އަހުމަދު އަވްޝަން/ މިހާރު
22 ޖޫން 2021 - 19:57
13 comments
ނޭޝަނަލް ޑްރަގް އެޖެންސީ (އެންޑީއޭ) ގެ ބޯޑަށް ވަރަށް އަވަހަށް ބަދަލުތަކެއް ގެންނާނެ ކަމަށް، އެ އެޖެންސީ ހިންގާ ހެލްތު މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ފަރާތުން އެންޑީއޭގެ ކަންކަމުގައި އިސްކޮށް އުޅުއްވާ ސްޓޭޓް މިނިސްޓަރު އައިޝަތު ރަޝީދު "މިހާރު" އަށް ވިދާޅުވީ މިދިޔަ މަހުގެ ކުރީކޮޅު ހެލްތުގެ ދަށަށް އެ އެޖެންސީ ބަދަލުކޮށް ބޯޑުގެ ރިވިއުއެއް ހަދާފައިވާ ކަމަށެވެ. އެ ރިވިއުއިން ފާހަގަވި ކަންކަމަށް ރިއާޔަތްކޮށް ބޯޑަށް ބައެއް ބަދަލުތައް ގެންނާނެ ކަމަށް ވިދާޅުވިޔަސް އޭގެ ތަފްސީލެއް ނުދެއްވަ އެވެ.
މަސްތުވާތަކެތީގެ ގާނޫނުގައިވާ ގޮތުން އެންޑީއޭ ބޯޑުގެ މަސައްކަތަކީ އެކި ކަންކަމުގައި ލަފަ އާއި އިރުޝާދު ދިނުމެވެ. އެ ކަންކަމަށް ރިއާޔަތްކޮށް ތަން ހިންގުމުގައި އިސްކޮށް ހަރަކާތްތެރިިވާނީ ސީއީއޯ އެވެ.
ނަމަވެސް ރަނގަޅު ނަތީޖާއެއް ނެރެދެވިފައިނުވާ ކަމަށް ބުނެ މިދިޔަ މަހުގެ 16 ގައި ސީއީއޯ މުހައްމަދު ހަބީބް ވަކިކުރަން ބޯޑުން ނިންމާފައި ވެ އެވެ. އޭގެ ފަހުން އެ ތަން ހިންގުމާ ހަވާލުވެވަޑައިގެން ހުންނެވީ އެންޑީއޭގެ ޒިންމާދުވެރިޔާ އައިޝަތު ވަހީދާ އެވެ. އެ ތަން ހިންގުމުގައި އެންމެ މުހިއްމު އެއް މަސައްކަތްކުރާ އެންޑީއޭގެ ބޯޑަށް ބަދަލު ގެންނަން ނިންމިއިރު، އެ ބޯޑާއި އެންޑީއޭގެ މެނޭޖްމަންޓާ ދެމެދު ބޮޑެތި ހިޔާލުތަފާތުވުންތަކެއް ވަނީ އުފެދިފައި ވެ އެވެ. އެ ހަމަނުޖެހުންތަކުގައި އެންޑީއޭއިން މި ފަހުން މުވައްޒަފުންތަކެއް ވެސް ވަކިވިކަން އެނގިފައި ވެ އެވެ. އެހެންވެ، އެކަންކަމަށް ހައްލެއް ގެނެސްދެއްވާނެ ކަމަށް ހެލްތު މިނިސްޓަރު އަހުމަދު ނަސީމް ވިދާޅުވި ކަމަށް، އެންޑީއޭއިން ވާހަކަދެއްކެވި ބައެއް ބޭފުޅުން ވިދާޅުވި އެވެ.
އައިސްތު ވިދާޅުވީ އެންޑީއޭ ބޯޑުގެ އިތުރުން މަސްތުވާތަކެއްޗާ ބެހޭ ގާނޫނަށް ވެސް ބަދަލުތައް ގެނައުމާ ގުޅޭ މަޝްވަރާކުރަމުން އަންނަކަމަށެވެ. އޭގެ ތެރޭގައި، އެ ވަގުތަކު އެންޑީއޭ ހިންގާ ތަނެއްގެ ބެލުމުގެ ދަށުން މަސައްކަތް ކުރުމުގެ ފުރުސަތު ދިނުން ހިމެނެ އެވެ.
އެންޑީއޭ ބޯޑުގައި ހިމެނެނީ އެކި އިދާރާތަކުން ރައީސް އައްޔަންކުރައްވާ 10 މެމްބަރުންނެވެ. އޭގެ ތެރޭގައި ޖެންޑާ މިނިސްޓްރީ އާއި ހެލްތު މިނިސްޓްރީ އާއި އެޑިއުކޭޝަން މިނިސްޓްރީ އާއި ހޯމް މިނިސްޓްރީ އާއި ޕޮލިސް އަދި ކަސްޓަމްސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުނޭރާ ފާތިމަތު
23 June 2021
ޢަޅުގަޑުވަރުބަލިވެއްޖެެ ތިތަނަކައްގުޅާގުޅާ އެއްވެސްކަމެއްވާތަނެއްނޫ އަޅުގަޑުގެދަރިއެއް ވިއާނުދާކޮއްއުޅޭތީ ގެދޮރުހަލާކު ކުރާތީ އަޅުގަޑައްގެވެށިއަނިޔާލިބޭތީ މަސްތުވާތަކެތިބޭނުންކުރާތީ ހިސާބުގަޑުމީހުންނައްއުދަގޫވާތީ އޭނާއައްމީހުންގެފަރާތުން އަނިޔާލިބޭތީ އަޅުގަޑު ގެއައްނުވަދެވި މިހާލެއްގަ އުޅޭތާ 20 އަހަރުވެދާނެ އަޅުގަމިހާރުގޮތްހުސްވެފަ މީހުގެފަރާތުން އޭނާއައް ކޮންމެފަދަކަމެއްވެސް ކޮއްފާނެ އޭގެކުރިން އޭނާއައްފިޔަވަޅުއަޅާދިނުމައް އެދުނީމެ
ާފަހްރިއްޔާ
23 June 2021
މި ސަރުކާރުގެ ސްޓްރެޓެޖިކް އެކްޝަން ޕްލޭނުގައި ވާ އެއްވެސް ކަމެއް ނުކުރޭ.. ބޯޑު އޮތީ ބޯޑުގެ ޗެއަރ ހަމީދު ހައިޖެކް ކޮށްފައި. ބޯޑުގެ މެމްބަރުންނަށް އެނގުމެއް ނެތި ، ހަމީދު އަމިއްލައަށް ކަންކަން ނިންމަނީ. ނުވިތާކަށް ހަމީދު އިދާރީ މަސައްކަތުގެ ތެރެއަަށްވެސް ވަންނަމުން ދިޔައީ.ބޯޑުގެ ޗެެއަރ އަށް އޭނާގެ ދައުރު އޮޅުމުގެ ނަތީޖާ މިވީ އަހަރެެއްހާ ދުވަހު ތެރޭ ފެނުނީ..
ސައީދާ
23 June 2021
ސަމަދު އަަލީ ޝަރީފް ރަމީޒު މި3 ޑީޑީޖީ އިން ބޭރު ނުކޮށް ތިތަނެއް ރަނގަޅެއް ނުވާނެ.
އިންސާފު ބޭނުން މުވައްޒިފެއް
23 June 2021
ޑްރަގް އެޖެންސީގައި އެބައުޅޭ ސިއްރުން މުވައްޒަފުންގެ ވާހަކަތައް ރެކޯޑު ކުރާ މުވައްޒަފެއް. ޕްރިވެންޝަން ގަ އުޅެނީ. އޭނަ ރެކޯޑިންގް ތައް ފޮނުވަނީ އެންޑިއޭ އިން ކަނޑާލި މީހަކަށް. މީނަ ފެންނައިރު ވަރަށް މަޑުމައިތިރި ކަމަށް ދައްކާނެ. މީނައަށް ރެކޯޑިންގ ތައް ފޮނުވީމަ މި އެއްޗިހި އަދި ބައެއް މުވައްޒަފުންގެ ފޮޓޯ ލާނެ މީނަ ހަދައިގެން އުޅޭ ވައިބަ ގުރޫޕަކަށް. މުވައްޒަފުންނާ ދިމާ ކުރަން މީހުން ފޮނުވުމުގަ މި 2 މީހުންގެ އަތެއް ވާނެޔޭ އަބަދުވެސް ހިތަށް އަރާ.
ނަމަނަމަ
23 June 2021
ލިޔުމުގައި “މަސްތުވާތަކެތީގެ ގާނޫނުގައިވާ ގޮތުން އެންޑީއޭ ބޯޑުގެ މަސައްކަތަކީ އެކި ކަންކަމުގައި ލަފަ އާއި އިރުޝާދު ދިނުމެވެ”މިހެން ބުނާ ބޯޑަކަށް ސީއީއޯ ވަކިކުރެވެނީ ކޮން ގާނޫނަކުންބާ؟ މީ އެއްކަލަ ބުނާ ވައްތަރަށް ނޫސްވެރިޔާ ކިޔުންތެރިންނަށް ވާހަކަ އޮޅުވާލާގޮތް ދޯ.. “ބޯޑުގެ ހަމައެކަނި މަސައްކަތަކީ” މިހެން ނެތް ދޯ ތި ގާނޫނުގަ؟
އަހުމަދް
22 June 2021
ޖީލަަކަށް ފަހު ޖީލެއް ހަލާކުވެ މުޅި ގައުމު އޮޔާ ގޮއްސި. އެން.ޑީ.އޭ ތީ މިކަމުގެ ފުރިހަމަ ޒިއްމާ ނަގަން ޖެހޭ ފަރާތް. ހިންގަން ނޭނގި ދޯދިޔާ ކަމުން މިހިސާބައް ކަންކަން ގޯސްވީ. ތި ތަން ދެންވެސް ރަނގަޅައް ހިންގިދާނެ ކަމަށް ގަބޫލު ކުރަން އުނދަގޫ.
އަނާރުކަލީ
22 June 2021
އެންޑީއޭ އަށް ހެޔޮ ބަދަލެއް ގެންނަންޏާ ފުރަތަމަ ކުރަންވީ ކަމަކީ އެންޑީއޭ ޑުރަގު މީހުންގެ ނުފޫޒުން ސަލާމަތް ކުރުން. އެމީހުންނަށް ސެންޓަރުތައް ހިންގަންދީގެން އެއޮތީ ބޮއްސުން ލާފަ. އެތަންތަން ބެލެހެއްޓުމުގެ ނަމުގަ ތިޔަ އުޅޭ ގުރޫޕްތަކަށް ފައިސާ ދީގެން ވާކަމެއް ނެތް. އެމީހުން އެތަނުގަ ހުއްދަނޫން އެއްޗެތި ބޯން ތިއްބަވެސް ސްޓޭޓް މިނިސްޓަރަށް ފެނިފަވާ ކަމަށް މުވައްޒަފުން ބުނޭ. ފިޔަވަޅު އަޅާކަށް ނުކެރޭ.
ފޯޑު
22 June 2021
ތިޔަ އާއިޝަތު ރަޝީދަކީ އެއްވެސް ކަމެއް ކުރާ މީހެއްނޫން. އޭނަ ޖެންޑަރ މިނިސްޓްރީގައި ސްޓޭޓް މިނިސްޓަރަކަށް ހުރި އިރުވެސް އެންޑީއޭ ބަލަހައްޓާ މީހާގެ ނަމުގަ ހުރީ. އެއްވެސް ކަމެއް ނުކުރޭ. އަނިއްކާ މިހާރު ހެލްތުގެ ސްޓޭޓް މިނނިސްޓަރަކަށް ހަމަ އޭނަ. އޭނަގެ ކަމަކީ އެންޑީއޭ ކާރުގަ ތަންތަނަށް ދިއުމާއި އައްޑޫއަށް އެންޑީއޭ ޚަރަދުގަ އިރުއިރުކޮޅަކާ ދިއުން. ބަދަލު ކުރަންޖެހޭ މީހެއް އެއީ ވެސް. ދައުލަތުގެ ބޭކާރު ޚަރަދެއް
ޒިންދަގީ
22 June 2021
އެންޑީއޭ ހިންގަނީ މޑޕގެ ޕައްޕިއަކާއި ދެތިން އެކްޓިވިސްޓެއްގެ ނުފޫޒުން.. މިމީހުން ބޭނުންވަނީ ހުޅަގުގެ ގައުމުތަކުގަ މީހުން ރިހެބިޓޭޓުކުރާހެން މިތާގަކުރާށޯ!! އެކެމަކު އެފެންވަރެއްނެތް.. އެހެންނޫނަސް އަހަރުމެންނަކީ އިސްލާމުން.. މިކަމަކީ ދީނީގޮތުން ކޮންކަހަލަ ކަމެއްކަންވެސް ފަރުވާގަ އެކުލެވެންޖެހޭ..
ގައްސާނު
22 June 2021
އެންޑީއޭ ގެ ބޯޑް އެކަންޏެއްނޫން ބަދަލްކުރަންވީ، އަލީ ޝަރީފް، ސަމަދު ބަދަލްނުކޮށް ތިތަން ބަދަލެއްނުވާނެ.