ސޯޝަލް މީޑިއާގައި އާންމުންގެ ހިތް ނުތަނަވަސްކަން އުފެދޭ ގޮތަށް ހިޔާލު ފާޅުކުރާތީ، ފަހުގެ އިންޒާރު ދިނުމަށްފަހު ޑރ. އިޔާޒު ވަނީ އެމްއެންޔޫގެ ވަޒީފާއިން ވަކިކޮށްފައި.
މަޖިލީހުގެ ކޮމިޓީއެއްގައި ހޯމް މިނިސްޓަރު އިމްރާން އަބްދުﷲ ވާހަކަދައްކަވަނީ.-- ފޮޓޯ: ރައްޔިތުންގެ މަޖިލިސް
01 ޖުލައި 2021 - 21:09
32 comments
މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ އެސިސްޓެންޓް ޕްރޮފެސަރުގެ މަގާމުން ޑރ. މުހައްމަދު އިޔާޒު ވަކިކުރުމަކީ އިންސާފުވެރި ނިންމުމެއް ނޫން ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުﷲ މިއަދު ވިދާޅުވެއްޖެ އެވެ.
އާންމުންގެ ތެރޭގައި ހިތް ނުތަނަވަސްކަން އުފެދޭ ގޮތަށް ހިޔާލު ފާޅުކުރުމުގެ އިތުރުން ސޯޝަލް މީޑިއާގައި ހަރުކަށި ފިކުރަށް ތާއީދުކުރާ މޭރުމުން ވާހަކަ ދައްކަވާ ކަމަށް ބުނެ، ފަހުގެ އިންޒާރު ދިނުމަށް ފަހު، އަދާލަތު ޕާޓީގެ އިލްމުވެރިންގެ ކޮމިޓީގެ ނައިބު ރައީސް ޑރ. އިޔާޒު މިއަދު ވަނީ އެމްއެންޔޫގެ ވަޒީފާއިން ވަކި ކޮށްފަ އެވެ.
އެ ޔުނިވާސިޓީގެ ވައިސް ޗާންސެލާ ޑރ. މުހައްމަދު ޝަރީފު ވިދާޅުވީ ޑރ. އިޔާޒްގެ މައްސަލަ ބެލުމަށް އެމްއެންޔޫގެ ކޮމިޓީ އަށް ހުށަހެޅި އިރު ވެސް އާންމުންގެ ފަރާތުން އޭނާއާ ގުޅޭ 190 ޝަކުވާގެ ސިޓީ ލިބިފައިވާ ކަމަށެވެ.
ތިޔަބައިމީހުންނަށް ޙުކުމްކޮށް އަދަބު ދެވޭނީ މިދުނިޔެމަތީގައެވެ. الله އިރާދަކުރެއްވިއްޔާ އަޅުގަޑަށް ނިކަމެތި ކަމެއް ނުލިބޭނެ. @MoShareef
— Dr.Mohamed Iyaz (@dr_iyaz) July 1, 2021
އެއަށްފަހު، އެކި ފަހަރު މަތިން ވާހަކަ ދެއްކެވި، ހައްލެއް ނައުމުން އިންޒާރު ދިނުމަށްފަހު މަގާމުން ވަކިކުރީ އެވެ. މައްސަލަ އިތުރަށް ގޯސްވީ އަންހެންކުދިން ހިތާނު ކުރުމާ ބެހޭ ގޮތުން ސޯޝަލް މީޑިއާގައި އޭނާ ފާޅު ކުރެއްވި ހިޔާލުތަކެއްގެ މައްސަލަ ފެންމަތިވުމުންނެވެ. އެ މައްސަލަ އިސްލާމިކް މިނިސްޓްރީން ވެސް ދަނީ ބަލަމުންނެވެ.
Dheenee khilaafthakaamedhu ilmee muassasaathakugai minivankamaaeku ilmeegothun reethi akhlaaqaaekee bahuskoh halluhodhenvaane. Raajjeyge emme bodu University in edhoru bandhukoh harukashikan iskurumakee balaiganevey kameh noon. Nimmun muraajaa kurumah govaalan.
— Imran Abdulla (@ShimranAb) July 1, 2021
އިމްރާން ކުރެއްވި ޓްވީޓުގައި ވިދާޅުވީ ޑރ. އިޔާޒަކީ ރާއްޖޭގެ އިސްލާމީ ޝަހުސިއްޔަތު ހަރުދަނާކުރުމަށް ދީނީ އިލްމުވެރިއެއްގެ ހައިސިއްޔަތުން ގިނަ ހިދުމަތްތަކެއް ކުރައްވާ ބޭފުޅެއް ކަމަށެވެ. އެކަމަކު، އޭނާގެ ބައެއް ފިގުހު ރައުޔާ އެއްބަސް ނުވެވުނަސް ޑރ. އިޔާޒަށް އެމްއެންޔޫ އިން އެޅީ އިންސާފުވެރި ފިޔަވަޅެއް ކަމެއް ނުދެކޭ ކަމަށް އިމްރާން ވިދާޅުވި އެވެ.
"ދީނީ ހިލާފުތަކާމެދު އިލްމީ މުއައްސަސާތަކުގައި މިނިވަންކަމާއެކު އިލްމީގޮތުން ރީތި އަހުލާގާއެކީ ބަހުސްކޮށް ހައްލު ހޯދެންވާނެ. ރާއްޖޭގެ އެންމެ ބޮޑު ޔުނިވާސިޓީން އެ ދޮރު ބަންދުކޮށް ހަރުކަށިކަން އިސްކުރުމަކީ ބަލައިގަނެވޭނެ ކަމެއް ނޫން. ނިންމުން މުރާޖާ ކުރުމަށް ގޮވާލަން،" އިމްރާންގެ ޓްވީޓުގައި ވިދާޅުވި އެވެ.
ވަޒީފާއިން ވަކިކުރުމުން، އެމްއެންޔޫގެ ވައިސް ޗާންސެލާ ޑރ. ޝަރީފް ޓެގްކުރައްވައި ޑރ. އިޔާޒު ކުރެއްވި ޓްވީޓުގައި ވިދާޅުވީ "ތިޔަބައިމީހުންނަށް ހުކުމްކޮށް އަދަބު ދެވޭނީ މި ދުނިޔެމަތީގައި" ކަމަށެވެ.
"މާތްلله އިރާދަކުރެއްވިއްޔާ އަޅުގަނޑަށް ނިކަމެތި ކަމެއް ނުލިބޭނެ،" ޑރ. އިޔާޒުގެ ޓްވީޓުގައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބެ
03 July 2021
އިޔާޒުއެއް ނޫން ކޮބާ މިމުޖްތަމަޢުގެ އިސްލާހުކުރަން ހަވާޅުވެހުރި ޒިންމާ ފިލާ ކަބިއްޔެއް ހެން އިނަކައސް ނުވާން ނާރުނަގާ ހަޅޭއް ފަޅޭއްޖެހިއިރު ހަނދާންވޭބާ... ވައްކަންކުރަނީ... މީހުންނައް އަނިޔާކޮސް އިހާނެތިކޮސް އޮރިޔާންކޮށް މަގުމަތިވެ ލަދުގަނޭބާ އަގަހުޅުވާ ރަެއްޔިތުންގެ ފައިސާއިން އަބިދަރިންނައް ކާންދޭން މަޤާމްގެ ޒިންމާ ކޮބާ ޤާބިލްނޫންކަން އެބައިންގޭ ފައިބާގެން ދޭ... މިވެރިކަން މިގަޢުމު އިނދަޖައްސައިފި ތިޔަބުނާ ސިސާސީ ކޯލިޝަން
އުމަރުބެ
02 July 2021
އިޔާޒް ވަކިކުރުން އެއީ ކުރަންޖެހޭކަމެއް. އިޔާޒްގެ ފަރާތުން އިސްލާމް ދީނާމެދު ނުބައި ތަސައްވަރެއް މީހުންގެ ތެރެޔަށްފެތުރި، ދީނީ ބައިބައިކަމެއް އުފެދުން އެއީ ބަލައިގަނެވޭނެކަމެއްނޫން. އިޔާޒްގެ ކިބައިން ފެންނަމުންދިޔަ އެވަރުގެ ދީނީ އިލްމްވެރިއެއްގެ ކަބައިން ފެންނަންޖެހޭ ކަންތައްތަކެއްނޫން. އިޔާޒް ނޫނަސް ރާއްޖޭގައި ދީނީ އިލްމް ހާސިލްކޮއްފަތިބި އެތައް ބައިވަރު ޝައިޚުން އުޅޭއިރު. ކެނޑިނޭޅި ޓްވިޓަރގަ ޖަދަލްކުރަމުން ދިޔައީތިމާވަރު ދަންނަ މީހަކު ނެތޭހީވ
މަޑު ކަށި
02 July 2021
ސެކިއުލާ ހަރުކަށި ފިކުރުގެ މީހުންގެ ވަބާ ވަނީ މި ކުޑަ އިސްލާމީ ގައުމަށް ބޮޑުތަނުން ޖެހިފަ. 190 މީހުންނަކީ ދީނުން އެދުރުފަ ތިބި ބައެއް ކަންނޭންގެ. ހަމަ ގާމުވެސް މަޖިލީސްގަ ތިބި ގިނަ މީހުންނަކީ އެދުރުވެފަ ތިބި ބައެއް. ދީނުގަ އަސްލު އޮންނަގޮތް ގިނަ ސެކިއުލަރިސްޓުން ނަށް ހަޖަމެއްނުވޭ. ހަގީގަތަކީ އިސްލާމް ނަމުގަ ތިއްބަސް ގިނައީ ދީނުގެ އަދުއްވުން.
ސަލީމު އިދުރީސް
02 July 2021
މިސާލަކައް އިސްލާމް ދީނުގަ އޮންގޮތައް ނުވައަހަރުގެ ތުއްކުއްޖަވެސް ހައިލު ވީމަ މީހަކާ ދެވޭ! އެޙެންވީއިރު އެކަމައް ސޭހުން ބާރު އަޅާތި މުޖުތަމައުގެ ހިޔާލު ތަފާތުވާތި ސޭހަކު ވަކިކުރިޔަސް ވާނީ ހައްގުބަސް ބުނާތި ވަކިކުރި ކަމައްތާ! އެކަމަކު ނުވައަހަރުގެ ތުއްކުޖަކު އަފުގާނިސްދާނު؛ ސައުދީ، ދާރުފޫފަދަ އިސްލާމީ ނަމޫނާ ގައުތައްގޮތައް މީހަކާ ދެވަން ބޭނުވާކިތައް މީހުން މިވަގުތު މިގައުމުގަ ތިބިބާ!
އަސްރަފް
02 July 2021
އެޅިހާ ބަތަކަށް ރިހަވެފަ އަދިވެސް. ލާދީނީ މީހުން ބޭނުން އެއްޗެއް ލިޔަނީ. އެޅުނު ފިޔަވަޅެއްނެއް. އިންޑިއާ އައުޓް
އެމްސް
02 July 2021
އިންސާފުގެ ވާހަކަ ދައަކަން ޢިމްރާން އަށް ފުރަތަ އޮތީ، ފެބްރުއަރީ 7 ގެ ބަޣާވާތައް، ރަޢިއްޔަތުންގެ ކިބައިން މަޢާފަށް އެދުން!
މޭޔަރ 2023
02 July 2021
މަބުނީ އަންހެން ކުދިން ހިތާނު ކޮއްފަ ސޭހުން އެކުދިން ނާ އިންނާށޭ.
ރަޝިޔާ
02 July 2021
މޭޑޭ މުޒާހަރާގަ ފާޑެއްގެ ގަޑުތަކެއް ރައްޔިތުންނަ ދައްކަފަ ސިޔާސީ ފައިދާއަށް ދޮގު ތުހުމަތުތަކެއް މީހެއްގެ ބޮލައް ޖަހާފަ އިންސާފޭ ކިޔަން ހެޔޮނުވާނެ
މަންޑޭލާ
02 July 2021
އެމްޑީޕީން ޤައުމީޔަތު ނީލަން ކިޔާއިރު މަގާމުގެ ދަހިވެތިކަމުގަ ބަހެއް ބުނަން ނުކެރިފަ. ޕާޓީގެ މީހަކު ވަޒީފާއިން ވަކިކުރީމަ ކޮމްމެވެސް ބަހެއް ބުނިލީ ތި
ސަޅި
02 July 2021
ބަލަގަ ތިބުނާސަރުކާރު ގެންނަން ކަރުންނާރުނެރެގެން އުޅުނީވެސް އެމީހުނެއްނޫންތަ. ހަރާމެއް ހަލާލެއް ބެލުމެއްނެތި ކެއުމާއި, ލާރިކޮޅެއްދިނީމަ އަންހެނުންވެސް ހިލޭނުވާނެކަމަށްބުނެ ދީނަށްފުރައްސާރަކޮށް އަނިޔާވެރިކަން ހައްދުފަހަނައަޅާ ދިއުމުން އެމީހުންވެސް ނުކުންނަން ޖެހުނީ...