ރެވެނިއު ސްޓޭމްޕް ޖެހުން 51 އަހަރަށް ފަހު ނިމުމަކަށް

ރައީސް އިބްރާހިމް މުހައްމަދު ސޯލިހް. މިއަދު ތަސްދީގު ކުރެވުނު މި ބިލާއި އެކު ދެން ރެވެނިއު ސްޓޭމްޕް ޖަހާކަށް ނުޖެހޭނެ -- ފޮޓޯ: ރައީސް އޮފީސް

އަހުމަދު އިޔާދު، މިހާރު

11 ޖުލައި 2021 - 15:11

11 comments

ސަރުކާރަށް ހުށަހަޅާ އެކިއެކި ލިޔުންތަކުގައި ރެވެނިއު ސްޓޭމްޕް ޖަހަމުން އައި އައުން މިއަދުން ފެށިގެން ނިމުމަކަށް ގެނެސްފި އެވެ.

އެކަން ނިމުމަކަށް އައީ ރެވެނިއު ސްޓޭމްޕް ޖެހުން އުވައިލުމާ ބެހޭ ބިލް ރައީސް އިބްރާހިމް މުހައްމަދު ސޯލިހު މިއަދު ތަސްދީގު ކުރެއްވުމުންނެވެ.

ސަރުކާރަށް ހުށަހަޅާ އެކިއެކި ލިޔުންތަކުގައި ރެވެނިއު ސްޓޭމްޕް ޖަހަން ލާޒިމްކޮށް، މީގެ އެތައް އަހަރެއް ކުރިން ފެށިގެން ހަމަޖައްސާފައިވާ އުސޫލުގެ ސަބަބުން އެތައް ބަަޔަކަށް ފަހަކަށް އައިސް ދަތިތަކާ ކުރިމަތިވެގެން އެކަމުގެ ޝަކުވާ ކޮށްފައި ވެ އެވެ. ރެވެނިއު ސްޓޭމްޕް ގަތުމަށާއި އެ ހޯދަން އެތައް ވަގުތެއް ހޭދަކުރަން ޖެހޭއިރު، ޒަމާނަށް އައި ބަދަލާއެކު ބައެއް މީހުން އެކަން ނަގަނީ ބޮޑު ޖޯކެއްގެ ގޮތުގަ އެވެ.

ދައުލަތުގެ ގިނަ ލިޔުންތަކުގައި ރެވެނިއު ސްޓޭމްޕް ޖެހުމުގެ ނިޒާމަށް އަމަލު ކުރަން ފެށީ އެކަމާ ބެހޭ ހާއްސަ ގާނޫނެއް އެކުލަވައިލުމަށް ފަހު 1970 ވަނަ އަހަރުން ފެށިގެންނެވެ.

ރެވެނިއު ސްޓޭމްޕް ޖެހުން އުވާލުމާއި ބެހޭ ބިލު ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅުއްވީ މެދުހެންވޭރު ދާއިރާގެ އެމްޑީޕީގެ މެމްބަރު އަލީ އާޒިމެވެ. މި ބިލު މަޖިލީހުގެ މުޅި މަޖިލިސް ކޮމިޓީން ފާސްކޮށްފައިވަނީ މިދިޔަ މަހުގެ ދެވަނަ ދުވަހު، ބައްދަލުވުމުގައި ބައިވެރިވެ ވަޑައިގަތް ހުރިހާ މެމްބަރުންގެ އިއްތިފާގުންނެވެ.

މި ގާނޫނު އުވާލަން ހުށަހަޅުއްވައި، އާޒިމް ވިދާޅުވީ ރެވެނިއު ސްޓޭމްޕް ޖެހުން އުވައިލަން ނިންމީ އެ ނިޒާމް ހިންގުމަށްޓަކައި ހިނގާ ހަރަދަށް ވުރެ ލިބޭ އާމްދަނީ އަކީ އެކަށީގެންވާ އާމްދަނީ އެއް ކަމަށް ނުވާތީ އެވެ.

އެވަރުގެ އާމްދަނީ އެއް ދައުލަތުގެ އެހެނިހެން އިދާރާތަކުން ފޯރުކޮށްދޭ އެހެން ހިދުމަތްތަކުން ވެސް ހަމަޖެހޭނެ ކަމަށާއި ރެވެނިއު ސްޓޭމްޕް ޖަހަން ޖެހުމުގެ ސަބަބުން ވިޔަފާރިތަކަށް ދަތިތަކާ ކުރިމަތިވާ ކަމަށް އެ ބިލުގައިވެ އެވެ.

ރައީސް އޮފީސް ރައީސް އިބްރާހިމް މުހައްމަދު ސޯލިހް ރައްޔިތުންގެ މަޖިލިސް

11 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށަވިޔަނި

12 July 2021

ވައްކަން ކުރަން ފަސޭހަވާނެ. ރެވެނިއު ސްޓޭމްޕް ފަސޭހައިން ލިބޭގޮތް ހެދިދާނެ. ރެވެނިއު ސްޓޭމްޕް ޖަހާ ލިޔުންތައް ހުށަހަޅަންޖެހޭ އިދާރާތަކުން ލިބޭގޮތް ހަމަޖެއްސުމުން ދައްޗެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯޖް

12 July 2021

ޚުރީގެ ސަރުކާރުން ދައުލަތުގެ ހަޒާނާ ލޫޓުވީ ތިސްޓޭމްޕް ޖަހަމުނއ ދަނިކޮއް ނުހަނު ފަސޭހަކަމާއެއކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

12 July 2021

ފިޒިކަލް ސްޓޭމްޕްތާ ނުޖަހަނީ. ދުވަސްކޮޅެއް ވެއްޖެ މިއޮންލައިން ކުޅިގަނޑު ފެށުނު ފަހުން ފިޒިކަލީ ސްޓޭމްޕް ނުޖަހާތާ. ޢެކަމަކކ ފައިސާ ނަގާ. މިހާރު ރެވެނިއު ސްޓޭމްޕަށް ފައިސާވެސް ނުނަގަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމްހަމް

12 July 2021

ތިޔަ ނިންމާލީ އެމްޑީޕީގެ ނަޒަ ރުގައި މެގަ ޕު ރޮޖެކްޓެއް ތޯ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމާކަލޯ

11 July 2021

މި ޒަމާނުގަ ނުޖެހޭ ސްޓޭމްޕް ޖަހާ ރަޖިސްޓްރީ ހެދުމާ އައިޑީ ކާޑް ހެދުމަށް ބޮޑު ކިއުގަ ތިބެގެން ސަކަރާތްޖަހާކަށް. ހުރިހާ އެއްޗެސް ހުންނަންވީ ޑިޖިޓަލް ވޮލެޓް ތަކުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮށި

11 July 2021

ރެވެނިއު ސްތލޓޭމްޕް ނަމުގަ ކަސްޓަމްސް އިންމިހާރު ނަގަނީ އެތަކެއް ގުނަ މަތީ އަދަދެއް. ކޮންމެ މިލިޔަނެކަށް ކުރިންނަގަނީ 1000 ރުފިޔާ. މިހާރު 10000 ހަހާސް.