އީދު ބަންދަށް މޯލްޑިވިއަންގެ ފްލައިޓްތަކަށް ބާރު ބޮޑުވެއްޖެ

މާލެ: ޖުލައި 17، 2019- ވެލާނާ އިންޓަނޭޝަނަލް އެއާޕޯޓުގެ އާ ރަންވޭގެ ފުރަތަމަ ފޭސް ހުޅުވުން.---ފޮޓޯ: ހުސައިން ވަހީދު/މިހާރު

ފާތިމަތު ޝަނާ މުހައްމަދު، މިހާރު

15 ޖުލައި 2021 - 14:03

2 comments

އީދު ޗުއްޓީއަށް ގިނަ ބަޔަކު ރަށްރަށަށް ދަތުރު ކުރަން ފެށުމުން ޑޮމެސްޓިކް ފްލައިޓްތަކަށް ބާރު ބޮޑުވެއްޖެ އެވެ.

މޯލްޑިވިއަން އިން ބުނީ އެންމެ ބާރު ބޮޑުވީ އުތުރެގެ ރަށްތަކަށް ދަތުރުކުރާ ފްލައިޓްތަކަށް ކަމަށެވެ. އެގޮތުން ހއ. ހޯރަފުއްޓާއި ހދ. ހަނިމާދުއަށް ދަތުރުކުރާ މީހުން ވަރަށް ބޮޑަށް އިތުރުވެފައިވާ ކަމަށް ބުންޏެވެ.

ގައުމީ އެއާލައިން މޯލްޑިވިއަން ހިންގާ އައިލެންޑް އޭވިއޭޝަންގެ ޕަބްލިކް ރިލޭޝަންސް މެނޭޖަރު މޫސާ ވަސީމް ވިދާޅުވީ ހުރިހާ ޑޮމެސްޓިކް މަންޒިލްތަކަށް ވެސް ފްލައިޓްތައް އިތުރުކޮށްފައިވާ ކަމަށާއި ގިނަ ފްލައިޓްތައް މިހާރު ވެސް ފުލްވެފައިވާ ކަމަށެވެ.

ކޮވިޑް ފެތުރޭތީ މިދިޔަ އަހަރުގެ އީދުގައި މާލެ ސަރަހައްދު އޮތީ ލޮކްޑައުންކޮށްފަ އެވެ. އަދި ދަތުރުކުރުމުގައި ފިޔަވަޅުތައް ވަރުގަދަކޮށްފައިވެ އެވެ. ކޮވިޑް ކޮންޓްރޯލްކުރަން އެޅި ފިޔަވަޅުތަކަށް ފަހު ފަސޭހައިން ރަށްރަށަށް ދަތުރުކުރެވޭ ގޮތް ވުމުން އެތައް ބަޔަކު މިހާރު ވެސް ރަށްރަށަށް ގޮސްފައިވެ އެވެ.

އަތޮޅުތެރޭގެ 15 މަންޒިލަކަށް މޯލްޑިވިއަން އިން ދަތުރުކުރެ އެވެ.

ކޮވިޑްގެ ސަބަބުން ދަތުރުތައް ވަރަށް ބޮޑަށް މަދުވެފައި އޮތުމަށް ފަހު މިއީ މިހާ ބޮޑަށް ޑިމާންޑް އުފުލުނު ފުރަތަމަ ފަހަރެވެ.

އީދު އައިލެންޑް އޭވިއޭޝަން

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

15 July 2021

އުތުރުގެ ރަށްރަށަށް ދަތުރު ކުރާމީހުންގެ އަދަދު ކުއްލިއަކަށް މައްޗަށް ދިޔައީ ހޯރަފުށި އެއަރޕޯޓާއިއެކު އެސަރަޙައްދުގެ އާބާދީ އެތައް ގުނައަކަށް އިތުރު ވެގެންތޯ ނުވަތަ ފަތުރުވެރިންގެ ސަބަބުންތޯ. # މޯލްޑިވިއަންގެ ޓްރެފިކް ނުވަތަ ދަތުރު ކުރާ ބޯޓްގެ އަދަދު ގިނަވިކަމުގައިވިޔަސް ދަރަވަންދޫ ފަދަ ބައެއް މަންޒިލް ތަކަށް 4 ގެސްޓުން ގޮވައިގެން ޝެޑިއުލް ދަތުރުގެ ގޮތުގައި ދަތުރު ކުރަމުން އެބަދޭ.