ޔާމީންގެ ފަރާތުން ބުނީ ރިޝްވަތު ކަމަށް ބުނާ ފައިސާއަކީ ސައްހަކޮށް ގަތް ޑޮލަރު ކަމަށް

ކުރީގެ ރައީސް އަބްދުﷲ ޔާމީން އަހުމަދު ސިޔާމް މުހައްމަދު (ސަން ސިޔާމް)އާއެކު ޖަލްސާއެއްގައި --

01 އޯގަސްޓް 2021 - 17:18

ރ. ފުއްގިރި ދޫކުރުމުގެ މުއާމަލާތާ ގުޅިގެން ކުރީގެ ރައީސް އަބްދުﷲ ޔާމީންގެ މައްޗަށް ކޮށްފައިވާ ރިޝްވަތު ގަބޫލުކުރުމުގެ ދައުވާ އާއި މަނީ ލޯންޑަރިންގެ ދައުވާއިން ދިފާއުވުމަށް، އެ މުއާމަލާތަކީ ޑޮލަރު ގަތުމުގެ ސައްހަ މުއާމަލާތެއް ކަމަށް އެ މަނިކުފާނުގެ ފަރާތުން ކޯޓުގައި ބުނެފި އެވެ.

ފުއްގިރި ދޫކުރުމަށް 1.1 މިލިއަން ޑޮލަރުގެ ރިޝްވަތުގެ ގޮތުގައި ސަން ކޮންސްޓްރަކްޝަން އިން ނަންގަވައި، އެ ފައިސާ އަމިއްލަ އެކައުންޓަށް ޖަމާކޮށް، ޖެނެރަލް އިންވެސްޓްމެންޓް އެކައުންޓެއްގައި މަންފާވާނެ ގޮތަށް ބެހެއްޓި ކަމަށް ދައުލަތުން ޔާމީނަށް ތުހުމަތު ކުރެ އެވެ.

އެ މައްސަލައިގައި ދައުވާކޮށްފައިވާއިރު ކުރިން ޔާމީން ވަނީ ދައުވާތަކަށް އިންކާރު ކުރައްވައިފަ އެވެ. މިއަދު އެ މައްސަލައިގައި އޮތީ ހެކި ހާމަކުރުމަށް ބޭއްވި އަޑުއެހުމެކެވެ.

ޔާމީންގެ ފަރާތުން ހެކި ހުށަހެޅުއްވީ ވަކީލު އާދަމް ޝަމީމެވެ. ޝަފަވީ ފަސް ހެކިވެރިން ހިމެނޭހެން 30 ހެއްކެއް ޔާމީންގެ ފަރާތުން ހުށަހެެޅުއްވި އެވެ.

ހެކި ހުށަހަޅުއްވަމުން ޝަމީމް ވިދާޅުވީ، ބޭންކް ރޭޓުގައި ޑޮލަރު ގަތުމަށް އަހުމަދު ސިޔާމް މުހައްމަދު (ސަން ސިޔާމް) އަށް 17.2 މިލިއަން ރުފިޔާ ދެއްވި ކަމަށެވެ. އަދި އެ މުއާމަލާތަކީ ޑޮލަރު ގަތުމުގެ ސައްހަ މުއާމަލާތެއް ކަމަށް ވިދާޅުވި އެވެ. ޔާމީންގެ ފަރާތުން ހުށަހެޅުއްވި ޝަފަވީ ހެކިންގެ ތެރެއިން ހަތަރު މީހުންނަކީ އެކަން ސާބިތުކުރަން ހުށަހެޅުއްވި މީހުންނެވެ.

އެ މުއާމަލާތަކީ ޑޮލަރު ގަތުމުގެ ސައްހަ މުއާމަލާތެއްކަން ސާބިތުކުރުމަށް ރައީސް ޔާމީންގެ ފަރާތުން ހެކިވެރިއެއްގެ ގޮތުގައި ސިޔާމް ހުށަހަޅާފައިވެ އެވެ.

ޑޮލަރު ގަތުމަށް ސިޔާމްއާ ފައިސާ ހަވާލުކުރެއްވި ކަމަށް ބުނާ މީހަކާއި އެ މުއާމަލާތް ހިނގި އިރު ހެކިވެރިންގެ ގޮތުގައި ތިބި ކަމަށް ބުނާ މާލޭގެ މިހާރުގެ ޑެޕިއުޓީ މޭޔަރު އަހުމަދު ނަރީޝް އާއި ގއ. ކޮލަމާފުށި ޝުއާއުﷲ ސައީދު ހެކިންގެ ގޮތުގައި ހުށަހަޅައިފައިވެ އެވެ.

ޔާމީންގެ ފަރާތުން ހުށަހެޅުއްވި ފަސް ވަނަ ޝަފަވީ ހެއްކަކީ ޔާމީން އެ މީހަކު މެދުވެރިކޮށް ރިޝްވަތު ހޯއްދެވި ކަމަށް ދައުލަތުން ބުނާ މއ.ކުރިކީލަހިޔާ ކްރިކް ރިޒާ އެވެ. އޭނާ ހެއްކެއްގެ ގޮތުގައި ހުށަހެޅީ ދައުލަތުން ބުނާ ފަދަ އެއްވެސް މުއާމަލާތެއް ޔާމީނާ އެކު ނުހިނގާކަން ސާބިތު ކުރަން ކަމަށް ވަކީލު ޝަމީމް ވިދާޅުވި އެވެ.

ޔާމީންގެ ހެކިންގެ ތެރޭގައި ސަން ސިޔާމް ހިމެނޭ އިރު، އެ ދެ ބޭފުޅުންނަކީ ކުރިން ސިޔާސީީ ގޮތުން ވަރަށް ގާތް ބޭފުޅުންނެވެ. ސިޔާމްގެ އެމްޑީއޭ ޕާޓީއާއި ޕީޕީއެމް ކުރިން މަސައްކަތް ކުރީ ކޯލިޝަނެއްގެ ގޮތުގަ އެވެ. ނަމަވެސް، 2018 ގެ ރިޔާސީ އިންތިހާބާ ކައިރިކޮށް، ސިޔާމް ވަނީ ސިޔާސީ ގޮތުން ޔާމީނާ ދުރަށް ވަޑައިގެންފަ އެވެ.

މި މައްސަލައިގައި ދައުލަތުން 86 ހެކި ހުށަހަޅާފައިވެ އެވެ. އޭގެ ތެރޭގައި ސަން ސިޔާމާއި އެމްއެމްޕީއާރްސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު، ކުރީގެ ނައިބު ރައީސް އަހުމަދު އަދީބު، ކެނދިކުޅުދޫ ދާއިރާގެ ކުރީގެ މެމްބަރު އަލީ މައުރޫފް ހިމެނެ އެވެ.

Yameen ge shareeaiy: Dhaulathuge 86 hekeege thereygai Siyam, Adheeb, Ziyath adhi Mauroof

The most trusted news source in the Maldives

Mihaaru

ކްރިމިނަލް ކޯޓް ކޮރަޕްޝަން ރިޝްވަތު މެމްބަރު އަހުމަދު ސިޔާމް މުހައްމަދު (ދ. މީދޫ) މަނީ ލޯންޑްރިން ރައީސް އަބްދުﷲ ޔާމީން

15 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަނެވިއްކާ

02 August 2021

އެވެރިކަމުގައި މުޅިން ކުރެވުނީ ޑޮލަރު ގަތުމުގެ މުއާމަލާތްތައް. ޑޮލަރު ވިއްކާފައި ފައިސާ ވަންތަނެއް އެފައިސާއަށް ވީގޮތެއް ނޭނގޭ. ޑޮލަރު ކޮޅުތައް ހުރީ ބޭބޭފުޅުންގެ އެކައުންޓަށް ވަދެފައި. މިއީދެން އަރަތެއް ނޫންތަ؟ ސައްހަ މުއާމަލާތެއް ނަމަ ބޮޑެތި އަދަދުން ގަނެވިއްކާ ނަމަ އެކަން ކުރަންވާނީ ބޭންކުތައް މެދުވެރިކޮށް. ދެން ދައްކާނެ އިތުރު ބަހަނާތަކެއް ނުހުންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުކުރީޒް

02 August 2021

ގައުމެއްގެ ރައީސްކަން ކުރަމުން ދިޔަ މީހެއް.. އަމިއްލަ އިތުރު ވިޔަފާރިތަކެއް ކުރާކަމެއް ނެތް އެގިފައެއް... ދެން އެހެންވީއިރުން ކީއްކުެަން ގަންނަ ޑޮލަރެއްތަ؟ އާންމުކޮށް ޑޮލަރު ގަންނަނީ ވިޔަފާރި ކުރާ މީހުން ބޭރުން މުދާ އެތެރެކުރުމަށް. ޔާމީން ރާއްޖޭގެ ރައީސްއަކަށް ހުރެގެން ޑޮލަރު ގަންނަން ޖެހޭ ސަބަބެއް ތި ވަކީލުންތައް ކައިރީގައި ނިކަން އަހާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޝްރަފް

02 August 2021

އަދި ޑޮލަރު ގަތުމަށް ވިޔަސް ގައުމުގެ ވަލިއްޔުލް އަމުރަށް ހުރެގެން ކުރީމަ ތިހުންނަނީ ލަދު ކަންތައް. ފައިސާ ފައިސާ ފައިސާ. އެ ފައިސާ މި ފައިސާ. އިންތި ބުނީ ހަމަ ތެދެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫނޭވާ ކައްވާލާފަ އެބަހުރި......

01 August 2021

ހަމަ ކޮސްވެއްޖެ! ވަރަކަށް ކަށްވާލާފަ އެބަހުއްޓެއްނު! ވަށައިގެން ތިބި މީހުންވެސް އެމީހަކަށް އަތުޖެހުނު އެއްޗެއް އަތުޖެހުނު ގޮތަކަށް ކަށްވާލީ އެވެ. ވެރިމީހާ 5 އަހަރު ނިމިގެން ދިޔައިރުވެސް ވިދާޅުވަމުން ގެންދެވީ "ޙަރާމެއް ޙަލާލެއް ބަލާނެކަމެއް ނެތޭ، ރަނގަޅު އަދަދެއްގެ ފައިސާ ލިބިއްޖިއްޔާ އޭގަ ހިފާށޭ" އެވެ. ތިމީހުންނަށް ޙައްޤު އަދަބާ ގާތަށް ވެސް އަދި އަދަބެއް ނުލިބެ އެވެ. ކަންބޮޑުވަނީ ތިފަދަ ޚިޔާނާތްތެރިން މުޖުތަމަޢަށް ދޫވެދާނެތީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު2

01 August 2021

ޤައުމުގެ ވަލިއްޔުލްއަމުރަކަށް ހުރެ ހާދަ ޑޮލަރެއް އެކައުންޓަށް ކަހާލާފިޔޭ....!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯރުލާ

01 August 2021

ޔާމީނާ އިދިކޮޅަށް ތިޔަ ހުށަހަޅާ 86 ހެކި ވަގުތުން ދުމަށް ވެގެންދާނީ މާދަމާވެސް ބަރުލަމާނީއަށް ތާއީދުކުރަމޭ ބުނާއިރަށް. އެއީ ބައެއްގެ އިންސާފު އޮންނަ ގޮތް. ކުރެވޭ ހުރިހާ ދައުވާއެއް ވަގުތުން މަޑުޖެހޭނެ. މިހާރު މުޅި ދައުލަތް ހުއްޓިފަ އޮތީ ޔާމީންގެ މައްސަލަތައް އެކަނި ބެލުމުގައި. ރައްޔިތުންނަށް އިންސާފު ހޯދަދޭ ހިތުން ހަމަ އެއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މހމމ

01 August 2021

މައި ޓީޗަރ އިޒް މަހުލޫފް، ލޮލް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލިއަންފުރޭތަ

01 August 2021

ދަރިފުޅު އެޕާޓްމަންޓަށް ކުލި ދައްކާނެ ވަރުނެތިގެން ވައުދުވި ގޮތާ ހިލާފަށް ހަމަ މުސާރަ ނެންގެވި ބޭފުޅާ 17 މިލިއަން ހޯދެއްވީ ކިހިނެއްތޯއެވެ؟ މިއީ މިހާރު ހުކުމްކޮށްފައިވާ މައްސަލާގައި އޭރު އިސްލާމިކް ބޭންކުގައި ބަހައްޓާފައި ހުރި 1 މިލިއަން ޑޮލަރު (15.42 މިލިއަން ރުފިޔާ) ނުލައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

01 August 2021

ޔާމީނު ވިއާފާރިއެއް ނުކޫރާމީހެއް މިހާތަނައް އާދާކުރި ވަޒީތައް ސަތޭކައަހަރު އަދާކުރިއަސް ނުލިބޭވަރު ފައިސާއެއް ޔާމީނައްލިބި، މާލޭރީތި ހިބަކުން ގޯޗެއްގަނެ އެތައް ބުރިޔަކައް ނެގީވެސް މީހުންދޭފައިސާއިންތޯ މީނަ ކޮންމެ އެއްޗެއް ކިއައިގެން ތިކަމުނެއްޓުނަސް މިބުނި ކަންތައްތަކައް ވިސްނާ ޔާމީނަކީ ކާކުކަން ރައްޔިތުން ދެނެގަންނަންޖެހޭ