ޔާމީން، މިއަދު ހެނދުނު ކޯޓަށް ވަޑައިގަތުމުގެ ކުރިން ގެކޮޅުން ނުކުމެވަޑައިގެން ސަޕޯޓަރުންނާ ސަލާމް ކުރައްވަނީ.---ފޮޓޯ: ނިޝާން އަލީ| މިހާރު
25 ޑިސެމްބަރ 2022 - 18:00
123 comments
ވ. އާރަށް މައްސަލާގައި ކުރީގެ ރައީސް އަބްދުﷲ ޔާމީން 11 އަހަރަށް ޖަލަށްލައި، ފަސް މިލިއަން ޑޮލަރުން ޖޫރިމަނާ ކުރަން ކްރިމިނަލް ކޯޓުން ދެންމެ ހުކުމްކޮށްފި އެވެ.
އާރަށް ކުއްޔަށް ދޫކޮށްގެން ރިޝްވަތުގެ ގޮތުގައި އެއް މިލިއަން ޑޮލަރު ގަބޫލު ކުރައްވައި އަދި އެ ފައިސާ ލޯންޑާ ކުރެއްވިކަން ސާބިތުވި މައްސަލާގައި އިދިކޮޅު ލީޑަރު ޔާމީންގެ މައްޗަށް އައި މި ހުކުމް ދެމިއޮތްހާ ހިނދަކު، އަންނަ ރިޔާސީ އިންތިޚާބުގައި ވާދަކުރުމުގެ ފުރުސަތު އެ މަނިކުފާނަށް ގެއްލޭނެ އެވެ.
އެ މައްސަލާގައި ދައުލަތުން އެދުނީ 19 އަހަރުގެ ޖަލު ހުކުމަކަށެވެ. އެއީ ރިޝްވަތުގެ ކުށުގައި 8 އަހަރުގެ ޖަލު ހުކުމެއް އަދި މަނީ ލޯންޑްރިންގެ ކުށުގައި 11 އަހަރުގެ ޖަލު ހުކުމެއް އިއްވުމާ އެކު ފަސް މިލިއަން ޑޮލަރުގެ ޖޫރިމަނާއެއް އިއްވުމަށެވެ.
ނަމަވެސް އެ މައްސަލަ ބެއްލެވި އިސްގާޒީ އަހުމަދު ޝަކީލް ނިންމެވީ ރިޝްވަތުގެ ކުށުގައި ހަތަރު އަހަރަށް ޖަލަށްލުމާއި މަނީ ލޯންޑްރިންގެ ކުށުގައި ހަތް އަހަރަށް ޖަލަށްލުމަށެވެ.
އިސް ގާޒީ ވިދާޅުވީ ރިޝްވަތުގެ ކުށުގެ އަސާސީ އަދަބަކީ ތިން އަހަރާއި ދެ މަހަށް ޖަލަށްލުން ކަމަށް ވިޔަސް، ޔާމީން ކުށް ކޮށްފައިވަނީ ރައީސްގެ މަގާމުގައި ހުންނަވައިގެން ކަމަށް ވާތީ އާއި އޭގެ ސަބަބުން ރައްޔިތުންނަށް ގެއްލުންތަކެއް ވެފައިވާތީ އަދަބުގެ މިންވަރު އެއް ދަރަޖަ ބޮޑުކުރަންޖެހޭ ކަމަށެވެ.
ޔާމީން މައްޗަށް މިއަދު ހުކުމް އިއްވާއިރު، އެ މަނިކުފާނާއި ތިން ވަކީލުން އަރިހުގައި.
މަނީ ލޯންޑްރިންގެ ގާނޫނުގެ ދަށުން އެ ކުށުގެ އަދަބަކީ ފަސް އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުން ކަމަށްވާތީ ކުށްކުރި ގޮތަށް ބަލައި، އިސްގާޒީ ނިންމެވީ ހަތް އަހަރުގެ ޖަލު ހުކުމަކާއި ފަސް މިލިއަން ޑޮލަރުގެ ޖޫރިމަނާއެއް ކަނޑަައެޅުމަށެވެ. ޖޫރިމަނާ ފައިސާ ހަ މަސް ތެރޭގައި ދައްކަން އެންގެވި އެވެ.
ޔާމީނަށް ރިޝްވަތު ދިންކަން ސާބިތުވި ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެމްބަރު ޔޫސުފް ނައީމްގެ މައްޗަށް އިއްވީ ތިން އަހަރާއި ދެ މަހާއި 12 ދުވަހުގެ ޖަލު ހުކުމެކެވެ. އޭނާގެ ކުށުގެ ރެކޯޑާއި ސިއްހީ ހާލަތާއި ދިރިއުޅުމުގެ ހާލަތަށް ބެލުމަށްފަހު އަދަބު ލުއިކުރަން އެދިފައިވެ އެވެ.
އެކަމަކު، ރޭވިގެން ކުށް ކޮށްފައިވާތީ އާއި އޭރުގެ ރައީސުލް ޖުމްހޫރިއްޔާ ބޭނުންކޮށްގެން ކުށް ކޮށްފައިވާތީ ޔޫސުފް ނައީމްގެ އަދަބު ލުއި ނުކުރެވޭނެ ކަމަށް އިސްގާޒީ ކުރެއްވި ހުކުމުގައިވެ އެވެ.
އަދަބާ ބެހޭގޮތުން ޔާމީންގެ ފަރާތުން ވާހަކައެއް ނުދެއްކެވި އެވެ. ސަބަބެއްގެ ގޮތުގައި ވަކީލުން ވިދާޅުވީ އަދަބާ ބެހޭގޮތުން ވާހަކަ ދެއްކުން އެހެން ދުވަހަކަށް ފަސް ނުކުރާތީ އެވެ.
މީގެ ކުރިން ގއ. ވޮޑަމުލާ ކުއްޔަށް ދިން މައްސަލާގައި ވެސް ޔާމީންގެ މައްޗަށް ފަސް އަހަރުގެ ޖަލު ހުކުމެއް ކްރިމިނަލް ކޯޓުން 2019 ވަނަ އަހަރު އިއްވި އެވެ. އެ ހުކުމް ސުޕްރީމް ކޯޓުން މިދިޔަ އަހަރު ބާތިލްކޮށް، އެމަނިކުފާނު ވަނީ މިނިވަންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފުޅު3
27 December 2022
ކޮބާ ހަވާ އަރުވާކަށް ނުވޭ؟ ބޮޑު ވަގަކު ޖަލަށް ލެވުމަކީ ޑިމޮކްރަސީއަށް ލިބުނު ކުރިއެރުމެއް!
ތާައަބަދު
26 December 2022
ބަޔަކު ހިމާޔަތްކޮށް އަނެއްބަޔަކަށް ބޭއިންސާފުން ހުކުމް ކުރުމަކީ ޢަދުލުން އެއްކިބާވުން. ކޮންމެ އަނިޔާވެރި ހުކުމަކީ އޭގެ އަނދިރިކަން ހާކިމަށް ލިބި ދައްކަވާނެ ދުވަހެއް. އާޚިރުގައި ވޭން ލިބެނިވި ހިތްދަތިކަން ލިބޭނެ. ޓިޔަކޯޓުން ތަނާޒުލްވި ފަނޑިޔާރަކީ މަޙްޝަރަށް ބިރުވެތިވި މީހެއް. ލާދީނިއްޔަތަކަށް ކައްވަޅެއް އިހްސާސެއް ނުވާނެ.
ޣަނީއަ
26 December 2022
ކޮބާތަ އަދީބު އޭނަ މިހާރުހުރީ ދައުލަތުން ހިމާޔަތްދީފަތަ
އެހެ
27 December 2022
އޭނައަށް އިތުރު މިނިވަންކަން ލިބެން އަންނަނީ ޔާމީނު ޖަލުގަ ހަރުލާ ގޮތް ހަދައިދީގެން.
އަލިހަންދްރޯ
26 December 2022
އަމިއްލަ މުސްކުޅި ބޭބެއާ ދެންވެސް ސިޔާސީ ގޮތުން ވާދަކޮށްފާނެހާ އެންމެން ބަންދުކޮށްގެން ނޫނީ އިންތިޚާބުގައި ބަވެރިނުވެވޭނެހެން ހަދައިގެން އިންތިޚާބު ބާއްވަން ދަސްކޮށްދެއްވި ބޭފުޅާ އެއީ! އެހެންވީމާ ހަމަ ރަގަޅު.
މުސާހު
26 December 2022
ތިޖަލައްލީ ތަރައްގީ ގެ ބާނީ
ރަގަޅު
27 December 2022
ތަރައްގީގެ ބާނީ ޖަލަށްލައިގެން ތަރައްގީނުގެނެސް ތިބެވޭނީ. މިގައުމަށް އިތުރަށް ބޭނުންވާ ތަރައްގީއެއް ނެތް.
ޔޫސޭ/
26 December 2022
މަހުލޫފު ކޮބާ؟
ލީލާރު
26 December 2022
ކޮނޑުމަތީ އޮރެންޖު ފޮތިގަނޑު އެޅިމީހުން އެންމެ އުފާވާނީ
ހުސާމު'
26 December 2022
މިހާރު ދައުލަތް ބިލިޔަނުން ދަރާ ކުރާކަމެއް ނުފެނޭ އެކަމަކު ނަން ވާނީ ޔާމީން
އެފެންނަނީ
27 December 2022
ސިޔާސީ ބައިވެރިން އެއްކޮށް އެއްބައިވެފައި ތިބިތަން އެބަފެނެއެއްނު. އެއީ ބިލިއަން ހަރަދުކޮށްގެން ކުރާ ކަމަކީ. އެކަމުން ތަރައްގީ ނަޔަސް ގައުމު އަމާންވެފަޔޯ މިއޮތީ.
މޯޖީ
26 December 2022
އެންބަސީ އެއްގަ މިއަދު ބޮަނޑިބަތް ކެއްކި
ދޯޖީ
27 December 2022
އުފާފާޅުކުރުމުގެ ކިތައް ބަތްޕާރުސަލް ބާ ބެހިގެން ދިއައީ؟
އަސްރަފު
26 December 2022
ސުލޯ މީހާ ނުހޮވޭނެކަން އިނގޭތީ ދެން ފަހަރަކު މީހަކު ޖަލައްލަނީ
ރަސްފޫ
27 December 2022
އެއަށްވުރެ ފަސޭހަ ގޮތެއް ނެތޭ ވެރިކަން ކުރާކަށް. ޔާމީނު އިދިކޮޅު މީހުން މައިތިރިކޮށްފަ ހުޅުމާލެ އިތުރަށް ހިއްކާފަ، ހޮސްޕިޓަލާ ބްރިޖާ އެއަޕޯޓް ރަންވޭއާ ފްލެޓްތަކާ އަޅާ މަހާޖައްރާފް ގެނެސް އެތައް ބައިވަރު ޕްލޭންތަކެއް ރައްޔިތުންނަށްޓަކައި ރޭވީ. އިބޫ އިދިކޮޅުގަ ހުރި އެންމެ މީހަކު ޖަލަށްލުވާފަ އިބޫއާއެކީ ތިބި މީހުން ބައިތިއްބަން ބިލިއަނުން ގައުމު ދަރުވާލަނީ.