ފުއްގިރި މައްސަލާގައި ހެކި ބަލައިނުގަތުމުގެ ހުށަހެޅުންތައް ބަލައެއްނުގަތް

ޔާމީން: ފުއްގިރި މައްސަލާގައި ހެކިތަކެއް ބަލައިނުގަތުމަށް އެމަނިކުފާނުގެ ފަރާތްޕުޅުން ހުށަހެޅުއްވި ހުށަހެޅުންތައް ބަލައިނުގަތުމަށް ވަނީ ނިންމާފައި --- ފޮޓޯ/މިހާރު

04 ޖޫން 2023 - 16:55

8 comments

ރ. ފުއްގިރި މައްސަލާގައި ކުރީގެ ރައީސް އަބްދުﷲ ޔާމީންގެ މައްޗަށް ކުރާ ދައުވާގެ ޝަރީއަތުގައި ބައެއް ހެކިތައް ބަލައިނުގަތުމަށް އެމަނިކުފާނުގެ ފަރާތްޕުޅުން ހުށަހެޅުއްވި ހުށަހެޅުންތައް ބަލައިނުގަތުމަށް ކްރިމިނަލް ކޯޓުން މިއަދު ނިންމައިފި އެވެ.

ފުއްގިރި ކުއްޔަށް ދިނުމުގެ މުއާމަލާތުގައި ރިޝްވަތު ގަބޫލު ކުރައްވައި، އެ ފައިސާ ލޯންޑާ ކުރެއްވި ކަމަށް ބުނެ ޔާމީންގެ މައްޗަށް ކުރާ ދައުވާގެ ޝަރީއަތުގައި ބައެއް ހެކިތައް ބަލައިނުގަތުމަށް އެމަނިކުފާނުގެ ފަރާތްޕުޅުން ހަތް ހުށަހެޅުމެއް ހުށަހެޅުއްވި އެވެ.

އޭގެ ތެރޭގައި އެ މައްސަލާގައި ދައުލަތުގެ ހެކިންގެ ތެރޭގައި ހިމެނޭ ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ހެކިންގެ ގޮތުގައި ބަލައިނުގަތުމަށާއި ދައުލަތުން ހުށަހެޅި ބޭންކް ސްޓޭޓްމަންޓްތައް ބަލައިނުގަތުމަށާއި ރިޔާސީ ކޮމިޝަން ފިޔަވައި އެހެން އިދާރާތަކުން ހޯދި ހެކިތައް ބަލައިނުގަތުމަށް ހުށަހެޅުއްވި ހުށަހެޅުންތައް ވެސް ހިމެނެ އެވެ.

ޔާމީންގެ އިތުރުން އެ މައްސަލާގައި ދައުވާލިބޭ އަހުމަދު ކްރިކް ރިޒާގެ ފަރާތުން ވެސް ފަސް ހުށަހެޅުމެއް ހުށަހެޅި އެވެ.

ކްރިމިނަލް ކޯޓުގައި މިއަދު ބޭއްވި އަޑުއެހުމުގައި އެ މައްސަލަ ބައްލަވާ ގާޒީ އަލީ ނަދީމް ވިދާޅުވީ އެ ހުށަހެޅުންތަކަކީ ޝަރީއަތުގެ ކުރީގެ މަރުހަލާގައި ވެސް ހުށަހެޅި ހުށަހެޅުންތަކެއް ކަމަށެވެ. އަދި އެ ހުށަހެޅުންތަކަކީ ޝަރީއަތް މަޑުޖައްސާލަންޖެހޭ ފަދަ ހުށަހެޅުންތަކެއް ނޫން ކަމަށް ގާޒީ ވިދާޅުވި އެވެ.

އެހެން ނަމަވެސް ގާޒީ ނަދީމް ވިދާޅުވީ އެ ހުށަހެޅުންތައް ބަލައިނުގަތުމަށް މި މަރުހަލާގައި ނިންމިޔަސް، ހެއްކާ ބެހޭގޮތުން ވާހަކަ ދައްކާ މަރުހަލާގައި އެކަންކަން ފާހަގަ ކުރަން ފުރުސަތު ލިބޭނެ ކަމަށެވެ. އަދި މައްސަލާގެ ހުކުމް ކުރާއިރު އެކަންކަމަށް ރިއާޔަތް ކުރައްވާނެ ކަމަށް ގާޒީ ނަދީމް ވިދާޅުވި އެވެ.

ޔާމީނާއި ކްރިކް ރިޒާގެ އިތުރުން ސަން އިންވެސްޓްމަންޓާއި ސަން ކޮންސްޓްރަކްޝަން ކުންފުނީގެ މައްޗަށް ވެސް އެ މައްސަލާގައި ދައުވާކުރެ އެވެ.

ޔާމީން މިހާރު ވެސް ގެންދަވަނީ ވ. އާރަށް ކުއްޔަށް ދިނުމުގެ މުއާމަލާތުގައި ރިޝްވަތާއި މަނީ ލޯންޑްރިންގެ ކުށް ސާބިތުވެ، 11 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ. އެ މައްސަލާގެ އިސްތިއުނާފް ޝަރީއަތް އަންނަ ބުދަ ދުވަހު ފަށަން ހައި ކޯޓުން އޮތީ ހަމަޖައްސައިފަ އެވެ.

ކްރިމިނަލް ކޯޓް އިދިކޮޅު ފަރާތްތައް ޕީޕީއެމް ރައީސް އަބްދުﷲ ޔާމީން އެމްއެމްޕީއާރްސީގެ ކޮރަޕްޝަން މަނީ ލޯންޑްރިން ކޮރަޕްޝަން

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިނރުޓޭ

05 June 2023

ޔާމީނު ޖަލަށްލާފަ ވަނީ ދައުލަތުގެ ހަޒާނާ ވައްކަން ކުރި ކަމުގެ މައްސަލައެއްގަ އެންނު! އެއީ އަކީ އެއްވެސް ސިޔާސީ ނިންމުމެއް ކަމަށް ނުދެކެން! އަސްލު ހަގީގަތުގައި ގައުމުގެ ރައީސް ކަން ކޮށްފަ ތިބޭ މީސްމީހުން ވައްކަން ކުރީމަ ލިބެންޖެހޭނީ އެންމެ ބޮޑު އަދަބު ކަމަށް ދެކެނީ! އެހެންވީމަ، ޔާމީނަށްވެސް ލިބެން ޖެހޭނީ އެކުށަށް ކަނޑައަޅާފަ އޮތް އެންމެ ބޮޑު އަދަބު! އަދި އަދަބު ލުއި ކުރެވިގެންވާނެ ކަމަކަށްވެސް ނުދެކެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

05 June 2023

ކީރިތި ﷲގެ ކުޅަދުންވަންތަކަން. ރައީސް ޔާމީން ވައްކަންކުރެއްވީ ގަޓުވެފަ. ޕޯޑިއަމްތަކުގައި ފަޚްރުވެރިކަމާއެކު ބުނަމުން ދިޔައީ “ސާބިތެއް ނުވާނޭ”. ހިސާބުޖެއްސެވީ 2 ދައުރު ފުރިހަމަކުރަން. ވެރިކަމުގެ 4 އަހަރާ 7 މަސް ނިންމާލީ ސިޔާސީ އިދޮކޮޅު އެންމެން ޖަލަށްލައިގެން. މިއަދު އެ ހުރީ 11 އަހަރުގެ ޖަލު ޙުކުމެއްގަ. ވައްކަންކުރުމާ އެ ވައްކަމުގެ ފައިސާގެ ޙަޤީޤަތް ފޮރުވަން މަކަރާ ހީލަތް ހެދުމުގެ ކުށުގަ. އަދި ޤިޔާމަތް ދުވަަސް އޮތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީބާ

04 June 2023

މިކަލޭގެ ސަލާމަތްވާކަށްނެތް ގިރިޔަކައްފަހު ގިރިޔެއް ފަޅަކައްފަހު ފަޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

04 June 2023

ތީ ހަމަ ރަނގަޅަށްވެސް ހިންގާފަ އޮތް ބޮޑު ޖަރީމާއެކޭ، ކޯޓުގަ މޮޅު ވާހަކަ ދައްކައިގެން އަކުރެއްގެ މަތިން ފިއްޔެއްގެ ދަށުން ބޯދަމައިގަތަސް ދައުލަތް ދަވާލިކަން ރައްޔިތުން ދެނަހުއްޓޭ. ހަމަ ސޮރީއޭ ބުނެވޭނީ ދެންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

04 June 2023

ޔާމިންގެ އިސްތިއުނާފުގެ ކަންތަށް ދާނީ ޖަށްވައް ފޮނުވާލެވޭ ސެޓްލައިޓެއް އުދުއްސުމަށް ބޭނުންކުރި ބައިތަށް ބިމަށް ދޫކޮށްދާހެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުދީ

04 June 2023

އެހެންވީމައޭ މިބުނަނީ ޕީޕީއެމް މެމްބަރުން އެހެން ގޮތެއް ހޯދަންހިނގާށޭ. އިބޫ ހޭހުރެ ޔާމީނު މިނިވަން ނުކުރާނެޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

04 June 2023

ކުރާނެކަމެއްނެތޭ ކީއްކުރަން، އަނެއްކާ އަނެއް ދުއްޕާނެއްނު ރައްޔިތުންނަށް ޖެހޭނީ، މިހާރުވެސް މިއުޅެނީ ފޮރުއްޕާ ވަރު ނުވެގެން، ދެން ތިމީހާ މިނިވަން ކޮށްފިއްޔާ ރައްޔިތުންނަށް އަނެއްކާ އަނެއް ހބލ ޖެހުނީނު.