ލަކްޝަދީޕްގެ މަސް ދޯންޏެއް: ޓޫރިޒަމް ތަރައްގީކުރާތީ ރައްޔިތުންގެ ކަންބޮޑުވުންތަކެއް އެބަހުރި. -- ފޮޓޯ: ޓްރިޕްއެޑްވައިޒަ
02 އޯގަސްޓް 2021 - 08:54
19 comments
މަލިކު ހިމެނޭ ގޮތަށް، އިންޑިއާގެ ލަކްޝަދީޕްގެ ތިން ރަށެއްގައި ރާއްޖޭގެ ސްޓައިލަށް ވޯޓާ ވިލާ ހަދައިދޭނެ ބަޔަކު ހޯދަން އިންޓަނޭޝަނަލް ބިޑަށް ހޮނިހިރު ދުވަހު ހުޅުވާލައިފި އެވެ.
ރާއްޖެއާ އެއްގޮތަށް ލަކްޝަދީޕްގައި ޓޫރިޒަމް ތަރައްގީކުރުމުގެ ޕްލޭނެއް ލަކްޝަދީޕް އެޑްމިނިސްޓްރޭޝަނުން ގެންގުޅެ އެވެ. ނަމަވެސް އެތަނުގެ އާންމުން ގެންދަނީ މިއީ އެތަނާ ގުޅޭ ގޮތެއް ނޫން ކަމަށް ބުނެ ދެކޮޅަށް އަޑު އުފުލަމުންނެވެ.
ރާއްޖޭގެ އުތުރުން އެންމެ ކައިރީގައި އޮންނަ މަލިކުގެ އިތުރުން ވޯޓާ ވިލާ އަޅަން ނިންމާފައި ވަނީ ސުހޭލީ އާއި ކަދްމަތުގަ އެވެ. މި ތިން ރަށުގައި ވޯޓާ ވިލާ އަޅަން 800 ކްރޯޑް (10 މިލިއަން ޑޮލަރު) ހޭދަކުރަން ވަނީ ކަނޑައަޅައިފަ އެވެ.
މިއީ މަތީ ފެންވަރުގައި އިންޑިއާ އަދި ލަކްޝަދީޕްގައި މިގޮތަށް ވޯޓާ ވިލާ ހަދާ ފުރަތަމަ ފަހަރެވެ.
ލަކްޝަދީޕް އެޑްމިނިސްޓްރޭޝަނުން ނެރުނު ބަޔާނެއްގައި ބުނީ ވޯޓާ ވިލާތައް ހަދާނީ ފަރުތަކާއި މުޅި ތިމާވެއްޓަށް ގެއްލުން ނުވާނެހެން އަދި ރަށްތަކުގެ ރައްޔިތުން ދިރިއުޅުމަށް ކުރާ މަސައްކަތަށް ވެސް ނޭދެވޭ އަސަރެއް ނުކުރާގެ ގޮތްތައް ސައިންޓިފިކް ގޮތުން ބަލައި ދިރާސާކުރުމަށް ފަހުގައި ކަމަށެވެ.
"އިންޑިއާގައި ޕްރިމިއަމް ވޯޓާ ވިލާ ހަދަން ފުރަތަމަ ފަހަރަށް ހިންގާ މި މަޝްރޫއުގައި މަލިކުގައި 4.2 މިލިއަން ޑޮލަރު ހޭދަކޮށްގެން 150 ވޯޓާ ވިލާ، ސުހޭލީގައި 3.3 މިލިއަން ޑޮލަރަށް 110 ވޯޓާ ވިލާ އަދި ކަދްމަތުގައި ވެސް 110 ވޯޓާ ވިލާ އަޅަން 3.2 މިލިއަން ޑޮލަރު ހޭދަކުރާނެ. މި މަސައްކަތް ކުރާނީ އެކަމަށް އެންމެ އެކަށީގެންވާ ސަރަހައްދުތައް ބެލުމަށް ފަހު މާލީ ގޮތުން އެންމެ ފީޒިބްލް ގޮތަށް،" ބަޔާނުގައި ބުނެފައިވެ އެވެ.
ޓޫރިޒަމާއި މެރިޓައިމް ވިޔަފާރި ފުޅާކޮށް އިގްތިސާދު ހަރުދަނާ ކުރުމުގެ ގޮތުން މިފަދަ ޕްރޮޖެކްޓަތެއް ހިންގަން ނިންމައި ލަކްޝަދީޕް އެޑްމިނިސްޓްރޭޝަނުން އިއުލާނުކޮށްފައި ވިޔަސް މިކަމުގެ ފަހަތުގައި ވަނީ ލަކްޝަދީޕްގެ އާދަކާދަ އާއި ސަގާފަތް ނައްތާލުމުގެ ވިސްނުން ކަމަށް ބުނެ އާންމުން ކަންބޮޑުވުން ފާޅުކުރެ އެވެ. މީގެ ދުވަސްކޮޅެއް ކުރިން އެތަނުގައި ވަނީ އިންޑިއާ ސަރުކާރާއި ލަކްޝަދީޕްގެ ވެރިންނާ ދެކޮޅަށް ބޮޑެތި މުޒާހަރާތައް ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަނަނަ
02 August 2021
10 މިލިއަން ޑޮލަރަށް ހެދޭނީ އެންމެ ކޮޓަރިއެއް.. ހެހެހެ.. އިންޑިއާގެ ފެންވަރު މިފެންނަނީ.
އިބްރ
02 August 2021
ކިތަންމެ ވަރަކަށް ވޯޓާވިލާސް އަޅައި ޓުއަރިޒަމް ތަރައްޤީކުރިޔަސް މައްސަލައެއްނެތް. އަޅުގަނޑުމެންގެ ކަންބޮޑުވުމަކީ ރާއްޖޭގައި އިންޑިއާ ސިފައިން ބައިތިއްބުން. އިންޑިއާ ސިފައިން ރާއްޖެއިން ބާލައި އިންޑިއާއަކީވެސް ދުނިޔޭގެ އެހެނިހެން ޤައުމުތަކެކޭ އެއްގޮތަށް ކަންކޮށްދޭ ވެރިޔަކު ބޭނުންވަނީ.
ހިތަދޫ ހުސެން
02 August 2021
ވޯޓާ ވިލާ ހުރޭ ކިތައްމެ ތަނެއްގަ... އެކަނި ރާއްޖެ އެއްނޫން. މޮޔަވެގެންތަ ތިއުޅެނީ؟ ތި އަދި ރަނގަޅުވާނީ ރާއްޖެ ކުންފުންޔަކަށް ޑެވެލޮޕް ކުރަން ލިބުން ރާއްޖެއަށް ފައިސާ ވަންނާނެ އެއްނުން. ޑޯންޓް ބީ ޓޫ ސްމޯލް މައިންޑެޑް!
ޙިނި
02 August 2021
ޙަހަ އަދިވެސް ބިދޭސީން އުންގައް އަރުވާ އެމީހުނައް ބަރޯސާވޭ. ދުވަސްކޮޅަކުން ފެންނާނެ ވަގައްް އެެތެރެވެެ ވަގުވިޔަފާރިކުރާ ބޮންދުންތައް ބަންގުޜޫޓުވާ މިމީހުންގެ ރިސޯޓުތައް ގަންނަތަން
ތެދު
02 August 2021
މިމީހުން ހއ އާ 70 ކިލޯމީޓަރ ކައިރީގައި ފަތުރުވެރިކަން ފަށަން ހަމަބޭނުންވާއިރަށް ފަށަންވީ. އަދި އެތެރެ ނުބައިކަމުން ގައުމުގެ ހާއިނުން ރުއްސައިގެން ދައްޕަރު ކަޓުވާލަންވީ. އަދި އަހަރެމެން ހއ.ގައި ޓްރާންޝިޕްމަންޓް ބަނދަރެއް ހެދިޔަނުދީ ހިފަހައްޓަންވީ. ޢިންޑިޔާ ނުރުހޭތީ. މިއީ ބިޔަބޮޑު އިންޑިޔާގެ ނުބައި ނުލަފާ ކަން. އިންޑިޔާއަކީ ދިވެހިންގެ މިތުރެއްނޫން. އެއީ އޮޅު މިނިކާވަގެއް. ހަމަ ރިއައީ ނުވަތަ ބަނޑުހައިވާއިރަށް ކާލާނެ.
ނޫނު
03 August 2021
ރާއްޖޭގެ ކޮންމެ ތާކު ޓްރާންޝިޕް ބަނދަރެއް ހެދިޔަސް އެވެރިންނަށް އެއްވެސް އަސަރެއް ނުކުރާނެ. އަހަރުމެންގެ ފެންވަރު ނެތީމަ ދެން ކީއްތަ ކުރާނީ. މިއުޅެނީ ގޭދޮށުގައި މަސައްކަތެއް ކޮށްލާން ވެސް ދިވެއްސަކު ނުލިބިގެން. ބަނދަރު ހެދިޔަސް އެތާ ވެސް އުޅޭނީ ހުސް ބޮންދުން. ފުރަތަމަ މީހުން އިސްލާހުވެ ދެން އެހެން ކަންކަމާ އުޅެންވީ. އޭރުން ތިޔާކިޔާ ތަރައްގީއެއް ވެސް ވާނީ.
ސުވައިދީސް
02 August 2021
މަލިކަކީ ދިވެހި ރާއްޖޭގެ ބައެއް މިކަން ނޫސްވެރިން ދިރާސާކުރަންޖެހޭ..
ސަލްމާ ހުސެއިން
02 August 2021
އިންޑިޔާ މީހުންގެ އަސްލު ސޫރަ މި ފެންނަނީ! މިމީހުންނަކީ އަހަރެމެންގެ ކުރިއެރުމާއި ތަރައްގީއަށް ހަސަދަވެރިވާ އަހަރެމެންގެ އަދުއްވުން. މިމީހުން އަހަރެމެންނަށް ހެޔޮ ގޮތެއް ނޭދޭނެ. މާތްﷲ ދިވެހިންނަށް ހެޔޮ ވިސްނުން ދެއްވާށި. އާމީން!
ވޯރާ ދޮލަނގު
02 August 2021
1990 ގެ އަހަރުތަކުގައި ވެސް ރާއްޖޭގެ އެންމެ ރިސޯޓެއް ހަދަން 10 މިލިޔަން ޑޮލަރ އަށް ވުރެ ބޮޑަށް އިންވެސްޓުކުރި، އިނޑިޔާ މީހުން 2021 ގަ 10 އަށް 3 ރިސޯޓު ، މަތީ ފެންވަރޭ ކިޔާއިރު މާފުށި ތުލުސްދޫ ގެސްޓު ހައުސް އެއް ވަރުވެސް ނުވާނެ.
ވޯރާ ސިކުނޑި
03 August 2021
އިންޑިއާގައި ހިލަވެއްޔާ ދަނގަޑާ ތިމެންތިއާ ލަކުޑި އެބަހުރި މަސައްކަތް ކުރާނެ ލޭބަރުން އެބަތިބި. އެމީހުން އެ މުދާ ހޯދަން އަހަރެމެން ހޭދަ ކުރަންޖެހޭ 4 މިލިއަނެއް ހޭދައެއް ކުރާކަށް ނުޖެހޭނެ.
ތިމާވެށި
02 August 2021
ޖާސޫސްކޮ ށް މައުލޫމާތު ހޯދާފަ ތަންތަން ހަދަނީ އެވެ. މިކަމުގައި އެހީވާ ދިވެހިމަދުބަޔަކު އުޅޭ ކަމަށް ބެލެވެ އެވެ. މިއީ ރާއްޖެ އަށް އޮތް އިގްތިސާދީ ނުރައްކަލެކެވެ. މިަކުމްސަލާމަތް ވާން ރާއްޖޭ ގެ ސިއްރުމައުލޫމާތު ތައް ރަނގަޅަށް ރައްކާކުރަން ޖެހެ އެވެ. އަދި އެމައުލޫމާތު ބޭރުގެ ފަރާތް ތަކަށް ދޭމީޙުންނަށް ދައުވާ ކުރަން ޖެހެ އެވެ.
ސަލީމު އިދުރީސް
02 August 2021
ޖާސޫސްކޮ ށް މައުލޫމާތު ހޯދާން ދުނިއޭގަ އެންމެ މައްސޫރީޗައިނާ! ދުނިއޭގެ ފަހުގެ އުދުންތައް ދައްކާލާ ފޭއާތަކައް ޗައިނާމީހުންދަނީ ލަދެންތި އެކަމައް ހާއްސަކެރާޔާ މިންއަޅާނެ ފޫޓު ފީތާފަ އާލާތް ހިފައިގެން! ޗައިނާއިން އޮސްޓިރިއާގެ ކުޑަވިލެޖެއް ކޮޕީކޮއް ޗައިނާގަ ހެދީމަވީގޮތަކީ އޮސްޓިރިޔާ ވިލެޖައް ޗައިނާމީހުން ޒިއާރަތް ކުރާވަރު އިތުވެގެން އެހެންބަޔަކައް އެތަނައް ނުދެވޭވަރުވީ! މަލިކަކީ މިގޮތައް ރާއްޖެ އިސްތިހާރަކައް ވެއްޖެއާ ރަނގަޅު
ހަސަންކާރި
02 August 2021
ކެ ކެ ކެެ... މަސައްކަތް ކުރުވަނީ އިންޑިއާ މީހުންލައްވާ. ޕްރެޖްކްޓް މެނޭޖްކުރަނީ އިންޑިއާ މީހުން... ދެން ކޮން ޖާސޫސެއް އިތުރަށް ކުރަންވީ؟
ކޮރަލް
02 August 2021
ބަޔަކަށް ފައިސާ ދީގެން ނޫނީ ސިޔާސީބަޔަކު މެދުވެރިކޮށް ކަސްޓަމްސް އަދިއިމިގްރޭޝަން ފަދަ ތަންތަނުގެ ހުންނަ ޓޫރިޒަމް އާ ގުޅުން ހުރި މައުލޫމާތު ހޯދައިގެން އޭގެ ނާޖާއިޒު ފައިދާ ނަގާ ފާނެ އެވެ.
އުދުހޭ
02 August 2021
ސަލްމާން މިސްކިތް ކޮޕީކުރީއޭ ކިޔައިގެން އުޅެނިކޮށް ރާޢްޖޭގޭ ވޯޓަރވިލާ ކޮޕީ ކުރާ ވާހަކަ މިއޮތީ. ޝާހިދަށް ކެރޭނެބާ އިންޑިޔާ އދ އަށް ގެންގޮސް ކުޑަކަކޫ ޖައްސަން؟
5.5 ކޮކޮނަޓް
02 August 2021
އަހަރެން ހީކުރީ ދިވެހިންގެ ވިސްނުން ދިޔައީ ތަރައްޤީ ވަމުން ކަމަށް. އެކަމަކު މިޒާތުގެ ކޮމެންޓްތައް ކިޔާލުމުން މިއެނގެނީ އަދި ވެސް ތިބީ ހަސަން ފަރީދު ވިދާޅުވިތާންގައި ކަން. ވޯޓަރ ވިލާއަކީ ރާއްޖެ އަށް ހާއްސަ ޑިޒައިން ޕްރޮޓެކްޝަން ލިބިފައިވާ ކޮޮންސެޕްްޓެއް ނޫން. އިޑޮނީޝިޔާ ފިލިޕީސް އަދި މިނޫން ވެސް އެތައް ގައުމުތަކުގައި ރާއްޖޭގައި ތިކަން ކުރުމުގެ މާކުރިން ވަނީ ވޯޓަރ ވިލާތައް ހަދާފައި. ރާއްޖޭގެ ބައެއް ޑިޒައިންތަކަކީ އިންޑޮނީޝިއަން ޑިޒައިންތަކެއް.