ވެކްސިން ޖެހުމަށް ސޯޝަލް ސެންޓަރު ކައިރީ ބަޔަކު ކިއުގައި-- ފޮޓޯ: ނިޝާން އަލީ/ މިހާރު
02 އޯގަސްޓް 2021 - 10:10
9 comments
ކޮވިޑުން ދިފާއުވުމަށް ވެކްސިން ފުރިހަމަކޮށްފައިވާ މީހުންނަށް، ސަރުކާރުގެ އޮފީސްތަކުން ހިދުމަތް ދިނުމުގައި ލުއިތަކެއް ދިނުމުގެ މަޝްވަރާ ކުރަން ފަށައިފި އެވެ.
ސަރުކާރުގެ އިސް އޮފިޝަލަކު "މިހާރު" އަށް އިއްޔެ ވިދާޅުވީ، ވެކްސިންގެ ސަބަބުން ލިބޭ ރައްކާތެރިކަމާ އެކު އާންމު ހާލަތަށް ދިއުމަށް މަސައްކަތް ކުރަމުން އަންނައިރު ވެކްސިން ފުރިހަމަކޮށްފައިވާ މީހުންނަށް ލުއިތައް ލިބޭނެ ކަމަށެވެ. އެކަމަކު ވެކްސިން ނުޖަހައި ތިބި މީހުން އެ ލުއިތަކުން އިސްތިސްނާވާނެ ކަމަށް އޮފިޝަލް ވިދާޅުވި އެވެ.
ނަމަވެސް ލުއި ދޭން ފަށާނީ ކޮން އިރަކު ކަމެއް، ކޮން ހިދުމަތްތަކެއް ހޯދުމުން ކަމެއް އަދި ނުނިންމާ ކަމަށް އޮފިޝަލް ވިދާޅުވި އެވެ.
ވެކްސިން ޖެހޭ އާބާދީގެ 90 ޕަސެންޓަށް މި މަހުގެ ނިޔަލަށް ރާއްޖޭގައި ވެކްސިން ދިނުމަށް ސަރުކާރުން އަމާޒު ހިފާފައިވާ އިރު މި ވަގުތު ވެކްސިން ފުރިހަމަކޮށްފައި ވަނީ 268،244 މީހެކެވެ. މިއީ ފަސް ލައްކައެއްހާ މީހުން ދިރިއުޅޭ ރާއްޖޭގެ އާބާދީގެ 50 ޕަސެންޓަށް ވުރެ އިތުރު އަދަދެކެވެ.
ވެކްސިން ފުރިހަމަކުރި މީހުންނަށް ސަރުކާރުގެ އޮފީސްތަކުން ހިދުމަތް ދިނުމުގައި ލުއިތަކެއް ދިނުމުގެ މަޝްވަރާ ފަށާފައިވާއިރު، އަންނަ މަހުގެ 1 އިން ފެށިގެން ސްކޫލުތަކަށް ވަދެވޭނީ ކޮވިޑް ވެކްސިން ފުރިހަމަ ކޮށްފައިވާ މީހުންނަށް އެކަންޏެވެ. އޭގެ ތެރޭގައި ސްކޫލުތަކުގައި ކިޔަވާ ކުދިން ނުހިމެނޭނެ އެވެ.
ވެކްސިން ފުރިހަމަކޮށްފައިވާ މީހުންނަށް މި ވަގުތު ލިބެމުންދާ އެންމެ ބޮޑު ލުޔަކީ ކަރަންޓީނުވުމެއް ނެތި، މޮނިޓަރިންގައި ނެތް ރަށްރަށަށް ދަތުރުކުރުމުގެ ހުއްދަ ލިބުމެވެ. ވެކްސިން ނުޖަހާ މީހުން ރަށްރަށަށް ދާއިރު އަދިވެސް 14 ދުވަހުގެ ކަރަންޓީނުގެ މުއްދަތެއް ފުރިހަމަ ކުރަންޖެހޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާމަ333
02 August 2021
ވެކްސިން ނުޖެހިޔަސް ކޮވިޑްޖެހިއްޖެ ނަމަ ލުއިދޭނެ ކަމަށް ކުރިން މައިމޫނާ ބުނެފައިވޭ...
ހާމަ333
02 August 2021
ވެކްސިން ޖަހާ ކޮންމެ މީހަކަށް ދައުލަތުން އެލަވަންސެއްދޭންވެސް ނިންމައިފި....ބަލަ ކުރިންޖެހި ވެކްސިނެއްނޫން މިހާރުޖަހަން މަޖުބޫރު މިކުރަނީ...މީކިހާބޮޑުވެއްޖެ ކަމެއް...
ބަދީހާ
02 August 2021
ކޮވިޑް ޖެހެނީ ވެކްސިން ނުޖެހުމުން ނޫނެވެ. އެހެނަސް ކޮވިޑްގެ ސަބަބުން ސިއްހީ ބޮޑު ނުރައްކަލަކުން ތިމާ ސަލާމަތް ކޮށް ދޭކަން ސައިންޓިސްޓުން ބުނޭ! ކަން މިހެން އޮތްއިރު ތުއްތު ކުދީންނަށް (ސުކޫލަށް ދާ) ވެކްސިންއެއް އަދި ނުހޯދޭ! ދެން ވެކްސިން އެންމެންގެ މައްޗަށް ހުދުމުހުތާރުކޮށް ތައާރަފް ކުރުމީ ވަރަށް އަނިޔާވެރި އަދި ނާތަހުޒީބު ކަމެއް! ކުދީން ސްކޫލަށް ގެންދިއުމާއި ސަރުކާރުގެ ހިދުމަތްތަކުން މަހުރޫމް ކުރުމީ ވަރަށް ވަރަށް އަނިޔާވެރި ނިންމުމެއް!
ކަލީމާ
02 August 2021
ދައުލަތުން ލިބިދޭންޖެހޭ ހިދުމަތްތަކާއި، ދަރިން ސްކޫލްއަށް ބަލާ ދިއުން ފަދަކަންކަން ވެކްސިން އެކިއެކި ސަބަބުތަކާއި އެކު ނުޖެހޭ/ނުޖަހާ މީހުނަށް ދަތިކުރުމަކީ ވަރަށް ނާތަހުޒީބު އަދި ތާކުން ތާކު ނުޖެހޭ ސިޔާސަތެއް! ރައްޔިތުންގެ މައްޗަށް ގަދަކަމުން ކަން ކުރުވުމަށް ވުރެ، ހިއްވަރުދީ، ކިޔާދީ، ކަންކަން ޕުރޮމޯޓް ކުރުން ރަނގަޅީ! އުންމީދު ކުރަން ރައީސް އިބޫ މިކަމާއި ވިސްނާނެކަމަށް! މިއީ ވަރަށް އީބޫ ނޫން ސިޔާސަތެއް!
ސަސި
02 August 2021
ވެކްސިން ނުޖަހާ މީހުން މީރާއަށް ޓެކްސްއެއް ދައްކަން އަނެއްކާ ނުބުނާތިއިނގޭ.
ބިލް ކުލިންޓަން
02 August 2021
މީ ވަރަށް ހުދުމުޚުތާރު ނިންމުމެއް.
އިހޫ
02 August 2021
މިއީ ދެން ތަހުޒީބީ މުޖްތަމައެއްގައި ހުތުރު ވައްތަރެއްގެ ސިޔާސަތުތަކެއް. އަޅުގަނޑާ އާއިލާވެސް ވެކްސިން ފުރިހަމަކޮށްފިން. އެކަމަކުވެސް ވެކްސިން ޖަހަން ބޭނުން ނޫން މީހުންނަށް ސަރުކާރުގެ އިދާރާތަކުން ޚިދުމަތް ފޯރުކޮށް ނުދިނުމާއި ދަތި އުނދަގޫކުރުމާއި، ދަރިން ބަލާ ސްކޫލަށް ނުދެވުން ފަދަ ކަންކަމާއި ކަނޑައެޅިގެން ދެކޮޅު. އިޚްތިޔާރުކުރުމުގެ މިނިވަންކަން އޮންނަންޖެހޭނެ. ވެކްސިން ޖެހި މީހުންނަށް އިމްތިޔާޒުތަކެއް ދެވިދާނެ. ނުޖަހާ މީހުންނަށް ޖެއްސުންނުކޮށް
އަލީ
02 August 2021
ބޭކާރު ވާހަކަ
ކަޜިން
02 August 2021
ވެކްސިން ނުޖަހާ މީހުންނަށް ލިބެންޖެހޭ އެއްވެސް ޙައްޤަކުން މަހުރޫމު ކުރެވިގެން ނުވާނެ އެ ނުޖަހާ އޭ ކިޔާފަ. އެކަމަކު ވެކްސިން ޖެހި މީހުންނަށް އިންސެންޓިވް ނުވަތަ ޑިސްކައުންޓް ދެވިދާނެ. މިއީ ދުނިޔޭގަ ހަމަ ބުއްދިން ވިސްނާ ގައުމުތަކުން ކަން ކުރާ ގޮތަކީ. އެމެރިކާގަ ގަވެސް ވެކްސިން ޖަހަން ބާރު އަޅަން އިންދެންޓިވް އެބަދޭ އަދި ކުރިއަށް އޮތްތާ ވެކްސިންޖަހައިފިއްޔާ 100 ޑޮލަރު ގެ ވައުޗަރ ދޭން ބައިޑަން ސަރުކާރުން އެބަ މަސައްކަތް ކުރޭ