އަދުހަމަށް 23 އަހަރުގެ ހުކުމެއް އަންނަ ގޮތަށް ދައުވާކުރަން އެއްބަސްވީ އޭނާ ތަހުގީގަށް އެއްބާރުލުންދޭން އެއްބަސްވެފައި ވާތީ. އެއްބަސްވުމެއް ނެތް ނަމަ 37 އަހަރުގެ ހުކުމެއް އަންނާނެ.
މަޖިލީހުގެ ރައީސް މުހައްމަދު ނަޝީދަށް ހަމަލާދޭން އައިއީޑީ ގޮއްވާލަން އަދުހަމް ތައްޔާރުވެގެން
03 އޯގަސްޓް 2021 - 14:01
23 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން އައިއީޑީ ގޮއްވާލި އަދުހަމް އަހްމަދާ އެކު ދައުލަތުން އިއުތިރާފު އެއްބަސްވުމެއް ހަދައި 23 އަހަރުގެ ހުކުމަށް އެއްބަސްވެއްޖެ އެވެ.
އަދުހަމަށް ދައުލަތުން ކުރާ ދައުވާތަކަކީ ޓެރަރިޒަމްގެ އަމަލެއް ކުރުން، ޓެރަރިޒަމްގެ އަމަލެއް ކުރަން ރޭވުން، ތޫނު އެއްޗެއް ނުވަތަ ނުރައްކާތެރި ހަތިޔާރެއް ބޭނުންކޮށްގެން ގަސްތުގައި މީހަކު މަރާލަން އުޅުން އަދި ޓެރަރިސްޓް ޖަމާއަތަކަށް ތާއީދުކުރުމުގެ ދައުވާ އެވެ.
އޭނާ އަށް މި ދައުވާތައްކުރާ ސަބަބުތަކުގެ ތެރޭގައި ނަޝީދު އަވަހާރަކޮށްލަން ސައިކަލެއްގައި އައިޑީއެއް ހަރުކޮށް، ރިމޯޓެއް ބޭނުންކޮށްގެން އެ އައިއީޑީ ގޮއްވާލާފައި ވާތީ އާއި އެކަމުގެ ސަބަބުން ނަޝީދަށް ބޮޑެތި ޒަހަމްތަކެއްވެ އެ ވަގުތު އެ ތަނުގައި ތިބި އެހެން ބައެއްގެ ފުރާނައަށް ނުރައްކަލެއް ކޮށްފައިވުން ހިމެނެ އެވެ. އަދި މައްސަލައިގައި ތަހުގީގުގައި ސުވާލުކުރުމުން، ޓެރަރިސްޓް ޖަމާއަތެއްކަމަށްވާ އައިސިސް އަށް ތާއީދުކުރާ މީހެއް ކަމަށް އިއުތިރާފް ވެފައިވެ އެވެ.
މި ދައުވާތައް އޭނާއަށް ސާބިތުވެއްޖެ ނަމަ 37 އަހަރުގެ ހުކުމެއް އަންނާނެ އެވެ. އެކަމަކު ޖިނާއީ އިޖުރާއާތުގެ ގާނޫނުން ދޭ އިހްތިޔާރުގެ ދަށުން، ކުށަށް އިއުތިރާފުވެ ތަހުގީގަށް އެއްބާރުލުން ދިނުމުން އޭނާގެ އަށް ކުރަން ނިންމާފައިވަނީ 23 އަހަރުގެ ހުކުމެއް އަންނަވަރުގެ ދައުވާތަކެވެ.
މިހާރު ކުރިއަށްދާ ޕްރެސް ކޮންފަރެންސްގައި ޕްރޮސިކިއުޓާ ޖެނެރަލް ހުސެން ޝަމީމް ވިދާޅުވީ އިއުތިރާފް އެއްބަސްވުމުގައި އިއްޔެ ސޮއިކޮށްފައިވާ ކަމަށެވެ. މި އެއްބަސްވުމުގައި ސޮއިކުރުމުން ދައުލަތުން ވަނީ ޓެރަރިޒަމްގެ އަމަލެއް ކުރުމުގެ ކުށަށް 20 އަހަރުގެ ހުކުމަކަށް އަދި ޓެރަރިސްޓް ޖަމާއަތަކަށް ތާއީދުކުރުމުގެ ކުށަށް ތިން އަހަރުގެ ހުކުމަކަށް އެއްބަސްވެފަ އެވެ. އަދި ހަމަލާ ރޭވުމުގެ ދައުވާ އަނބުރާ ގެންދާނެ އެވެ.
ޝަމީމް ވިދާޅުވި ގޮތުގައި އަދުހަމް ވަނީ ތުހުމަތުތަކަށް އިއުތިރާފުވެ ބަންދުގެ މަޖިލީހުގައި، ކޯޓުގައި ވެސް ބަޔާން ދީފަ އެވެ.
އަދުހަމްގެ އިތުރުން މުޖާޒް މުހައްމަދާއި ތަހްމީން އަހްމަދާއި އަލީ ހައިޝަމަށް ވެސް ވަނީ ބޮޑެތި ދައުވާތަކެއް ކޮށްފަ އެވެ. ހަމަލާގެ ތުހުމަތުގައި ހައްޔަރުކުރި އަހްމަދު ފާތިހަށް ދައުވާކުރެވޭ ވަރަށް އަދި ހެކި ލިބިފައި ނުވާތީ އޭނާގެ މައްޗަށް އަދި ދައުވާއެއް ނުކުރެ އެވެ. އެނގިފައިވާ ގޮތުގައި އޭނާ އަކީ ހަމަލާގެ ބައިވެރިޔަކު ތަނަކަށް ގެންގޮސްދިނުން ފިޔަވައި އެހެން ކަމެއް ކުރިކަން އަދި އެނގެން ނެތް މީހެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރުކެހި
03 August 2021
މަހިތައް އަރަނީ އަންނިޔަކައް ނޭގުންބާ ވެރިކަން ހޯދަން މިނޫން ދަންތުރައެއްޖަހަން މިފަދަ ދަނޑިވަޅެއްގާ ތިސޮރު ތީ ބުއްދިހަމަ ސޮރަކައްނުވީތާ؟؟
ކަރުނުކެހޭ
04 August 2021
ހަސަދަވެރިވިޔަސް ތީ ބޮޑުވަރު.
ކަރުކުރު
03 August 2021
ތިއޮތީ އެސޮރު ބޯކާލާފައި އެއްބަސް ނުވިނަމަ އެއްވެސް ހުކުމެއް ނާންނާނެ ދައުވާކުރެވޭނެ ގޮތެއް ނެތިގެން ޕީޖީއާއި ޕޮލިސް ޖެހި ރޮކެޓް ގައި ތިއޮތީ ރަނގަޅަށްވެސް ބެދިފައި
ކުޗީ
03 August 2021
އެސޮރު އެވިސްނީ އާހިރަތަށް. މިދުނިޔޭގަ ދޮގުހަދާފަ ފަސާދަ ކުރަން އުޅެވިދާނެ. ތައުބާ ގަބޫލު ކުރެވޭނެ ސިފަތަކެއް ހުރޭ.
ޑައިރީ
03 August 2021
12 އަހަރުގެ ޑިސްކައުޓެއް،،
ރިހާކުރުފުޅި
03 August 2021
ރިހާކުރުފުޅި ވަގަށް ނެގިމީހާއޭ ސެންޓުފުޅިވަގަށް ނެގި މީހާއޭ ކިޔާއިރު ޓެރަރިޒަމްގެ ހަމަލާއެއްދީ މީހެއްގެ ފުރާނަދުއްވާލުމުގެ އަމަލު ހިންގިއިރު އެކަމުގައި އެތައްބައެއްގެ ފުރާނަވެސް ނުރައްކަލަށް ހުށައެޅުން، އެންމެ މީހަކަށް ނޫން އަނިޔާލިބި އަސަރުކުރީ، ވިޔާނުދާ އަމަލެއް އެތައަބައެއްގެ ހައްގުހިމެނޭ އެކަމުވެސް މިދެނީ އެންމެ ކުޑަ އަދަބެއް؟ ބޯހަލާކު!
ސޯކުލީން
03 August 2021
އެމީހަކު އެއްބަސްވާވަރުގެ ހުކުމެއްތަ އަންނަނީ.މަޖާކަމެއްް.
ޢިބޫ
03 August 2021
މަގާމާހެދި މޮޔަވިޔަސް މިވަރު ތަންކޮޅެއްބޮޑު، އަދިވެސް މަހުލޫފު މައްސަލައަށް ވީގޮތެއް އެއްވެސް. އިންސާނަކަށް ނޭނގޭދޯ.
ބަނބޫ
03 August 2021
ރިހާކުރި ފުޅި ވަގައްނެގި ވާހަކަ ދެއްކެވި ބޭފުޅާ ގައުމެއްގެ ރައީސްކަންކުރެއްވި ބޭފުޅެއް އަވަހަރާކޮށް ލައްވަން ދިން ޓެރަރިޒަމް ހަމާލާ ހިންގި ޓެރަރިސްޓަކާއި އެކު ޑީލްހަދާއި ލުއި ދައުވާއެއް އުފުލަން ނިންމުމުން މިޖެހުނީ ކޮންތާކު؟ އަހަރަމެން ނުކިޔާވާތިބި މީހުން ވީމަ އެއްޗެއް ނޭނގެނީތަ؟
ޛޭސަ
03 August 2021
ނުކިޔަވާ ހުރީމައެއްނޫން. ޤާނޫނުގަ ލިޔެފަ އޮތް އެއްޗެއް ނޭނގެނީ ނޫނީ ޤަބޫލުކުރަން ބޭނުންނުވާތީ ވިސްނޭގޮތް ތީ
އުންސުރުބެ
03 August 2021
އޭރަކު ނެތޭ އެކިޔާ ޖިނާއީ އިޖުރާތު ގާނޫނެއް އެކޮއި
އަބްޑޫޅް
03 August 2021
ބޯނަސް އެއްގެ ގޮތުގަ، އޭނާ ތިޔަ ހޯދީ ޖަލުގަ ދީނަށް ދަޢުވަތު ދިނުމުގެ ފުރުސަތު. އެއް ވައްތަރެއްގެ ދައުވާ އެ ބަދަލުކުރީ އެހެން ވައްތަރެއްގެ ދައުވާ އަކަށް. ބޮޑު މަންޒަރަށް ފުންކޮށް ވިސްނާފަ ކުރިކަމެއްހެން ހީވަނީ. އެ ލިބިގަތީ ދެދުނިޔޭގެ ހެޔޮ ރަހުމަތް. މި ދުނިޔޭގަ ޖަލުގަ ދީނަށް ގޮވާލުމުގެ ފުރުސަތު. އަނެއް ދުނިޔޭގެ ހޫރައްލީނު ބޭކަނބަލުންނާއި ޣިލްމާނު ބޭކަލުންނާއި އެކު މަޖާނެގުމުގެ ފުރުސަތު. ދެން ފަހެ، ކޮންފަދަ ފޯރި އާއި މަޖާހުރި ކަމެއް!!!
ބަައިރޯ
03 August 2021
މިއޮތީ އާފިލާވަޅެއް އދީބު ދަސްކޮށްދީފަ، އާ މައެއްބަސް،، ތަހުގީގަތް އެއްބާރު ލުން ދޭނަން، މަގޭ އަދަބު ކުޑަ ކުރޭ، ދެން ރއްޔަތުންގެ ޓެކުސް ކައިގެން އެސޮރުވެސް ޖަލުގަ އޮވޭ، އެހެން ނޫނީ ހޮޅި ގުޅަންގެހޭތީ ގޭގަ އޮވޭ!! ވަރުގަދަ ކަމެއް
ޖޭސަން
03 August 2021
ކަލޯ އަދީބު ދަސްކޮށްދިން ކަމެއްނޫން! ކަލޭވެސް މަވެސް ހިމެނޭގޮތަށް ވޯޓު ލައިގެން ހޮވާފަތިބޭ ނަމުން އިއްޒަތްތެރި ބަޔަކު ލިޔެފަ ހަދާފައޮތް ޤާނޫނުގަ އޮތް ފުރުސަތެކޯ!
ނެތީމޭނެތީމޭ
03 August 2021
ޕީޖީ އަކީ މިހާރު އެއީ ސަރުކާރަށް ޑީލް ހަދައިދޭން ހުންނަން އެޖެންޓަކާއި ވަރަށް ވައްތަރު މީހެއްތޭ މަމެން ޕީޖީ ގާތުން ސާފުކޮށްލަން ބޭނުންވެއޭ ބުނަން މަމެން ނެތީމޭ ނެތީމޭ...