ފުވައްމުލަކަށް ކަރަންޓު ދޭން އައްޑޫން ގެނައި ޓްރާންސްފޯމަރު-- ފޮޓޯ: ފެނަކަ
05 އޯގަސްޓް 2021 - 18:27
1 comments
ފުވައްމުލަކަށް ހައި ވޮލްޓޭޖުގައި ކަރަންޓު ދިނުމަށް ބޭނުންކުރާ ޓްރާސްފޯމަރު ހަލާކުވުމުން، އެ ރަށުގެ ކަރަންޓަށް ދިމާވި މައްސަލަ ހައްލުކޮށް ކުރިއެކޭ އެއްގޮތަށް މިއަދު ކަރަންޓު ދޭން ފަށައިފި އެވެ.
ފެނަކައިން ބުނީ ކަރަންޓުގެ މައްސަލަ ހައްލު ކުރުމަށް އައްޑޫން 4،500 ކިލޯވޮޓުގެ ޓްރާންސްފޯމަރެއް ގެންގޮސް އިންސްޓޯލްކޮށްފައިވާ ކަމަށެވެ. މިއާއެކު ފުވައްމުލަކުގެ ކަރަންޓުގެ މައްސަލަ އަށް ދާއިމީ ހައްލެއް ލިބޭނެ ކަމަށް އެ ކުންފުނިން ބުންޏެވެ.
Fuvahmulakah dhimaavi karantu massala hahlu kurumah gendhevunu 4500KVA ge transformer install kurumah fahu mulhi rashah karantuge hidhumai mihaaru vany dhevifai.
— Fenaka Corporation Ltd (@TeamFenaka) August 5, 2021
Rayyithunge faraathun dhevvi ehbaarulumaai keiytherikan faahagakoh shukuru dhannavameve. pic.twitter.com/SPEvjIlA5G
ފުވައްމުލަކަށް ކަރަންޓުދިނުމަށްފަހު އެ ކުންފުނިން ކުރި ޓްވީޓު--
ފުވައްމުލަކުން ކަރަންޓު ކެނޑުނީ މިދިޔަ އާދީއްތަ ދުވަހުގެ ރޭ ފަތިހު 4:00 ހާއިރުގަ އެވެ. ހިދުމަތް މެދުކެނޑުނީ އެ ސިޓީގައި ބޭނުންކުރަމުންދިޔަ 2،500 ކިލޯވޮޓުގެ ޓްރާންސްފޯމަރު ހަލާކުވެގެންނެވެ.
މައްސަލަ އެއްކޮށް ހައްލު ވަންދެން ވެސް ފެނަކަ އިން އައީ ވަގުތީ ހައްލެއް ހޯދައިގެން މިދިޔަ ތިން ދުވަހު ވެސް ފުވައްމުލަކަށް ކަރަންޓު ދެމުންނެވެ.
އެ ކުންފުނިން ވަނީ އެ ތިން ދުވަހު ފުވައްމުލަކު ރައްޔިތުން އެ ކުންފުންޏަށް ދިން އެއްބާރުލުމާއި ކެތްތެރިކަމަށް ޝުކުރު އަދާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ.
05 August 2021
ކ.އަތޮޅު މާލޭގައިހުންނަ ޓްވީޓް ކުރާބަޔަކުތިބޭ އޮފީހެއްގެ ދަށުން ކަރަންޓްގެ ހިދުމަތްހޯދަން ތިބޭކަށްނުޖެހޭ. # އައްޑޫ، މުލައް، ހުވަދޫ، ލާމް އަދި ތ.އަތޮޅު ކައުންސިލް ތަކުގެ ޙިއްސާ ހިމެނޭގޮތަށް މިސަރަޙައްދުގެ ރައްޔިތުނަށް ކޮންމެ މީހަކަށް ގިނަވެގެން 100 ޙިއްސާ ގަނެވޭ ޕަބްލިކް ކުންފުންޏަކުން ދެކުނުގެ 5 އަތޮޅަށް ކަރަންޓްގެ ހިދުމަތް ދިނުމުގެ ސިޔާސަތެއް މިސަރަޙައްދުގެ ކައުންސިލް ތަކުން ގުޅިގެން ކުރާން ވެއްޖެ. އެހެން ނޫނީ ދުވަހަކު ތިކަމުން ސަލާމަތް ނުވާނެ.