ފެރީ ޓާމިނަލްގެ ޕާކިން ޒޯން ހުސްކުރަން އެމްޓީސީސީން ނޯޓިސްދީފި

މާލޭގައި ހުންނަ ހުޅުމާލޭގެ ފެރީޓާމިނަލްގެ ޕާކިން ޒޯންގައި ވެހިކަލްތަކެއް މިއަދު ޕާކްކޮށްފައި: އަންނަ ބުދަދުވަހުގެ ކުރިން މި ޕާކިން ޒޯން ހުސްކުރުމަށް އެމްޓީސީސީން ވަނީ އަންގާފައި.---ފޮޓޯ: ނިޝާން އަލީ/މިހާރު

އަބްދުﷲ ޖަމީލު، މިހާރު

27 ނޮވެމްބަރ 2016 - 16:54

8 comments

ހުޅުމާލެ އަށް ދަތުރުކުރާ ފެރީތަކަށް ހާއްސަ ޓާމިނަލްގެ ޕާކިން ޒޯން ހުސްކުރަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ން ނޯޓިސް ފޮނުވައިފި އެވެ.

ޕާކިން ޒޯން ކުއްޔަށް ހިފާފައިވާ ފަރާތަކަށް އެމްޓީސީސީން ފޮނުވި ސިޓީއެއްގައި ބުނެފައި ވަނީ އަންނަ ޑިސެމްބަރު އެއްވަނަ ދުވަހުން ފެށިގެން އެ ކުންފުނީގެ "ފެންނާ ގިމަތަ" އިގެ ޕާކިން ޒޯނު ސަރަހައްދުގައި ތަރައްގީގެ މަޝްރޫއެއް ފެށުމަށް ހަމަޖެހިފައިވާތީ މި މަހުގެ 30ގެ ކުރިން ޕާކިން ޒޯން ހުސްކުރުމަށް އަންގާ ކަމަށެވެ. އަދި އެ ތާރީހުން ފެށިގެން ޕާކިން ޒޯނު އުޅަނދު ޕާކުކުރުމަށް މުއްދަތު އިތުރުކޮށްދެވެން ނެތް ކަމަށް ވެސް އެ ސިޓީގައި ބުނެފައިވެ އެވެ.

މާލޭގައި ހުންނަ ހުޅުމާލޭގެ ފެރީޓާމިނަލްގެ ޕާކިން ޒޯންގައި ވެހިކަލްތަކެއް މިއަދު ޕާކްކޮށްފައި.---ފޮޓޯ: ނިޝާން އަލީ/މިހާރު

އެމްޓީސީސީން ފޮނުވި ސިޓީގައި ވަނީ އަންނަ މަހުގެ އެއްވަނަ ދުވަހުގެ ކުރިން އެ ސަރަހައްދުގައި ޕާކުކޮށްފައިވާ އުޅަނދު ނެގުމަށް ވެސް އަންގައިފަ އެވެ.

ފެރީ ޓާމިނަލް ސަރަހައްދުގައި އެމްޓީސީސީން ފަށަން ނިންމާފައި ވަނީ ކޮން ޕްރޮޖެކްޓެއް ކަމެއް ސާފުވާ ގޮތެއްނުވި އެވެ.

އެމްޓީސީސީ ހުޅުމާލޭ ފެރީ ޓާމިނަލް ހުޅުމާލޭ ފެރީގެ ހިދުމަތް

8 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމަދު އާދަމް

28 November 2016

ބަޔަކު ތިންމުގޯލި ކުޅެން ބިންކޮޅެއް ކުއްޔަށް ހިފައިގެން ތިއްބަސް، ނުވަތަ އެއަށްވުރެ އާދައިގެ ކަމެއްގަ ތަނެއް ހިފައިގެން ތިއްބަސް، އެތަނެއް ހުސްކޮށް ދާން އަންގަންވާނީ އެއް ހަފުތާގެ މުއްދަތެއް ދީފައެއްނޫން. ހިތާމަ ހުރި ކަމެއް. އެންމެ ރަގަޅުގޮތް ނެހެދި ދައުލަތުގެ އެންމެ ބޮޑެތި މުއައްސަސާތަކުން މިހާރު ދަމާކަނޑާ މީހުންގެ ދަރަޖައިގަ އަމަލު ކުރާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Huseyna

28 November 2016

ޒަމާނީ ފެރީޓަރމިނަލް އެއް އެޅުމަށް ތައްޔާރުވަނީ، މީ ވާދަވެރި ވިޔަފާރީގެ ނަމޫނާއެއް. ބްރިޖް ހަދާނިމެންވާއިރަށް ފެރީތަކުގެ ވިޔަފާރި ދައްވެދާނެކަމަށްބަލާ. ޒަމާނީ ފެރީޓަރމިނަލްއަކާ އެންމެޒަމާނީ ފެރީތަކެއް ތައްޔާރުކޮށް ޚިދުމަތްދިނުމަކީ ރައްޔިތުމީހާ އުފާވާނެކަމެއް. އަޑުއިވިފާވާގޮތުން ތިޔަ ބްރިޖުން ދަތުރުކުރުމުގެ ކުޅަދާނަކަމެއް އާދައިގެ ރައްޔިތުންގެ ނުހުންނާނެ. ދުވާލަކު ތިން ހަތަރުބުރަށް ގޮސްއައިސްވާ މީހުންނަށް ފައިސާގެ ގޮތުންބަލާއިރު ފެރީގައި ދަތުރުކުރުންނޫންގޮތެއްނޯންނާނެ......