ބޭރުގެ ސިޓީއެއްގައި ބޭނުންކުރާ އީބައިކްތަކެއް އޭގެ ސްޓޭޝަނުގައި ޑޮކް ކޮށްފައި --
09 އޯގަސްޓް 2021 - 10:10
10 comments
ތިމާވެއްޓާ ރައްޓެހި އިލެކްޓްރިކް ބައިސިކަލް ނުވަތަ އީބައިކް ނިޒާމެއް ވިލިމާލޭގައި ގާއިމްކޮށް ޓެސްޓުކުރުމުގެ ހިޔާލު މާލޭ ސިޓީ ކައުންސިލުން ހުށަަހަޅައިފި އެވެ.
ރޭ ބޭއްވި ވިލިމާލޭގެ ރައްޔިތުންގެ ހިޔާލު ހޯދުމުގެ ބައްދަލުވުމުގައި މޭޔަރު ޑރ. މުހައްމަދު މުއިއްޒު ވަނީ ވިލިމާލެއަށް ރާވާފައިވާ ބައެއް މަޝްރޫއުތަކާ ބެހޭ މައުލޫމާތު ދެއްވައިފަ އެވެ.
އޭނާ ވިދާޅުވި ގޮތުގައި މާލޭ ސަރަހައްދުގައި އީބައިކް ނިޒާމެއްގެ ގާއިމްކުރުމުގެ ވިސްނުން ކައުންސިލުގައި އެބަ ހުއްޓެވެ. އީބައިކް ނިޒާމަކީ ދުނިޔޭގެ ކުރިއަރަމުން އަންނަ ސިޓީތަކުގައި ވެސް ހުންނަ ހިދުމަތެއްކަން އޭނާ ފާހަގަކުރެއްވި އެވެ.
"އަޅުގަނޑުމެން ކުރިއަށްގެންދަން ވިސްނާފައި އޮތް ކަމެއް އީބައިކް ނިޒާމު މާލޭ ސިޓީގައި ގާއިމް ކުރަން،" މުއިއްޒު ވިދާޅުވި އެވެ.
އީބައިކް ނިޒާމެއް މުޅި މާލޭގައި ގާއިމްކުރުމުގެ ކުރިން ޓެސްޓު ކުރުން އެންމެ ރަނގަޅީ ވިލިމާލޭގައި ކަމަށް ވާތީ ވިލިމާލޭގައި އެކަމުގެ ޕައިލެޓް ޕްރޮޖެކްޓެއް ރައްޔިތުން އެދޭ ނަމަ ހިންގަވާނެ ކަމަށް މުއިއްޒު ވިދާޅުވި އެވެ.
"މިކަން ޓެސްޓުކުރަން އެންމެ ރަނގަޅު ތަނަކީ ވިލިމާލެ ކަމަށް ވާތީ އެކަހަލަ ޕައިލެޓް ޕްރޮޖެކްޓެއް ވިލިމާލޭގައި ގެންދިޔުމަކީ ތިބޭފުޅުން އެކަމަށް ތާއީދު ކުރައްވާ ނަމަ އަޅުގަނޑުމެން ކުރަން ވިސްނާ ކަމެއް،" މުއިއްޒު ވިދާޅުވި އެވެ.
ހިޔާލު ހޯދުމުގެ ބައްދަލުވުމުގައި މުއިއްޒު ވިދާޅުވީ، ކައުންސިލުން ރާވާ ކަންކަން ކުރެވޭނީ އެކަމަށް ރައްޔިތުން އެއްބަސްވާ ނަމަ ކަމަށެވެ.
މި ހިޔާލާ ދެކޮޅަށް ރޭގެ ބައްދަލުވުމުގައި އާންމުންގެ އެއްވެސް މީހަކު ވާހަކައެއް ނުދައްކަ އެވެ. އެކަމާ ގުޅޭ ގޮތުން ވާހަކަ ދެއްކި ބައެއް މީހުން އެއީ ރަނގަޅު ކަމެއްކަން ފާހަގަކޮށް ،އެކަމަށް މަރުހަބާ ކިޔެވެ.
އާންމު ތަންތަނުގައި ބަހައްޓާފައި ހުންނަ އީބައިކް ހާއްސަ އެޕްތައް ބޭނުންކޮށްގެން ނަގައިގެން އަމިއްލައަށް ދަތުރު ކުރެވޭނެ ގޮތްތައް ދުނިޔޭގެ ބޮޑެތި ގިނަ ސިޓީތަކުގައި ހުރެ އެވެ. އަދި އެފަދަ ނިޒާމުތައް ގާއިމްކުރާ ސިޓީތައް އަންނަނީ އިތުރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާސް
09 August 2021
މުއިއްޒު ތި ހުރިހާ ކަމެއް ބަހައްޓާފަ މާލޭގެ މަގުތައް ރަގަޅު ކޮށްބަލަ. އަޑި ގުޑަންވެ ވަޅު ހެދިފައި ހުރި މަގުވެސް މަދެއް ނޫން. ކަންކަން ކުރަން ވާނީ ތަރުތީބުން.
މަރިއްކޮ
09 August 2021
ީތީއްޗިހިތަށް ރޫޅައިގެން ބައިބައި ވިއްކަން އެއްބަޔަކު ތިބޭނީ. މިއުޅެނީ ބޯޓެއްގަ އިންޖީނުގަނޑެއްވެސް ހަރު ނުލައިގެން ވަގުން ގެ ތުރާލާ ހެދި
3ވަނަދުނިޔެ
09 August 2021
ތިފަދަ ކަންކަމަކީ އެއްވަނަ ދުނިޔޭގެ ކަންކަން، ބަޔަކަށް ލައްކައެކޭ ހީވިޔަސް ކަލޭމެންގެ ސައިޒަކީ 3ވަނަ ދުނިޔޭގެ ފަޤީރު ޤައުމެއް!! އަމިއްލައަށް ކުރެވޭ އެއްވެސް ކަމެއް އޮތްބަޔެއްނޫން، ސަލާން ޖަހާގެން އުޅެމުން ދާބަޔެއް!! އެންމެ ތަރައްޤީ މާލޭގަވެސް ޕަބްލިކް ޓޮއިލެޓްގަޑެއްނެތް، "ލަގްޒަރީ ޝޮޕިންގ ސެންޓަރ" ނޫނީ ޝޮފިންގ ސެންޓަރެއްނެތް، ޕަބްލިކް ޓްރާންސޕޯރޓެއް ނެތް، ސިޓީ ސެންޓަރގަޑެއް ނެތް އެކަމު ކޮންމެމީހަކަށް ހީވަނީ ލައްކައެކޭ.
ސަލީމު އިދުރީސް
09 August 2021
ކޮންގޮތަކުން ތޯ ކިލޯމީޓަރެއް ހަމަނުވާ ތާކު އީބައިކު ތިމާވެއްޓާ ރައްޓެހީ! ބެޓެރިތައް ހާކުވެން ގޮނޑައް އަޅާލަން އަހަރުދުވަސްނުގާނެ! އާދާގެ ބައިސް ކަލެއްވެސް މާލެކަލަ އުސްގަނޑުތައް ނުހުންނަތާކު ލުއިލުއިކޮން ގަޑިއަކު 20ކިލޯމީޓަރުދުއްވޭން 20 ނުދުއްމޭހަޔައް 12 ކިލޯމީޓަރު ދުއްވޭނެ އޭގެމާނައަކީ 15 މިޓުން ނުދެވޭތަނެއް މާލެޔަކު ނޯންނާނޭ! އެއައްވުރެ ފަސޭހާގަ ދަތުރު ކުރަން ތިމާވެއްޓާ ރައްޓެހި ގޮތަކީ ބަހުގެ ނިޒާމު
ކޮރަލް
09 August 2021
ރަނގަޅު ކަމެކެވެ. އާ ކަމެއް ވީމަ މީހުންގެ ނެގަޓިވް ހިޔާލު ހުންނާނެ އެވެ.
ހުސައިން
09 August 2021
މާލޭގައި އެލިވޭޓެޑް ޓްރެއިން ސިސްޓަމެއް ވެސް ހަދަންވީ ނޫންތޯ?
މަރިޔަބު.
09 August 2021
އަސްލުވެސް ދޯ ؟ މާލޭ މީހުން އުޅެނީ މޮޔަވެގެން. އެމީހުނަށް ހީވާކަހަލަ މިދައުލަތުގެ ޙަޒާނާ އަކީ ތިމާމެންގެ އމ ބފ ގެ މުދާހެން. ބޮޑު ބލ އެއް.
ހޮޅި މުޒިއްލު
09 August 2021
އާކުކުޅަކަށް ގާބިހެއް އެޅިގެން މިހާރު މިއުޅެނީ
އުދުހޭ
09 August 2021
ބަޖެޓުގަ ނެތް ކަންކަން ކުއްލިއަކަށް ފަށަން ބަޖެޓް ލިބެނީ ކިހިނެތްބާ؟ ހަމައެކަނި ކައުންސިލެއްނޫން. މައިސަރުކާރުވެސް ހަމަ އެހެން. 3 ބާރުގެ ވެރިންނަށް ގެކޮޅު ހެދުމުގެ ކަންކަން އެއީ ބަޖެޓްގަ ނެތް ކަންކަން.
ސަރުކާރ
09 August 2021
ބަޖެޓްގަ ނެތުމުން އަދި އޮތަސް ކައުންސިލަށް ކަންކަންވުން އަދި އޮންނާނީ ސަރުކާރުން ބޭނުން ގޮތަކަށް އެކަމު ބަޖެޓްގާނެތަސް ސަރުކާރުން ބޭނުންވާ ކަންކަން ކުރެވޭނެ. ސަރުކާރާ މަޖިލިސް އޮތީ އެއް ބަޔެއްގެ އަތުގާ، އެމީހުން ބޭނުން އެއްޗެއް ހެދޭނެ.