ވަރުގަދަ ކެރެކްޓާއެއް ކަމަށްވާ "ވުލްވުރީން" ގެ ރޯލުން ފެންނަ ހޮލީވުޑްގެ އެކްޓަރު ހިއު ޖެކްމަން ހަމުގެ ކެންސަރަށް ފަރުވާ ހޯދަމުން އަންނައިރު މި ބައްޔާ މެދު މެދު ސަމާލުވެ ޓެސްޓްކުރުމަށް ފޭނުންގެ ކިބައިން އެދެފި އެވެ.
އޮސްޓްރޭލިއާ އަށް އުފަން 52 އަހަރުގެ އެކްޓަރު އަންނަނީ 2013 އިން ފެށިގެން ހަމުގެ ކެންސަރަށް ފަރުވާ ހޯދަމުންނެވެ.
މި ބައްޔާ ދެކޮޅަށް ކުރަމުން އަންނަ މަސައްކަތުގެ ބައެއް އަޕްޑޭޓްތައް ވެސް ދޭތެރެދޭތެރެ އިން އޭނާ ސޯޝަލް މީޑިއާގައި ވެސް ހިއްސާކުރެ އެވެ.
ކާމިޔާބު ފިލްމުތަކެއް ކުޅެފައިވާ ހުނަރުވެރި އެކްޓަރު މި ހަފުތާގައި ވެސް ވަނީ ބަލީގެ ހާލަތު ވަޒަންކުރުމަށް ބައޮޕްސީއެއް ހަދައިފަ އެވެ. އެ ޓެސްޓަށް ފަހު އޭނާ އެދެނީ ހަމުގެ ކެންސަރުން ރައްކާތެރިކަން ހޯދަން އެންމެން ވެސް ފާރަވެރިވެ ތިބުމަށެވެ.
ޓްވިޓާގައި އާންމުކުރި ވީޑިއޯއެއްގައި އޭނާ އެދުނީ ހަމުގެ ކެންސަރުން ރައްކާތެރިކަން ހޯދަން ގަވައިދުން ޗެކަޕްތައް ހެދުމަށާއި އަވީގައި އުޅޭ އިރު ސަންސްކްރީން ބޭނުންކުރުމަށެވެ.
މި މަހުގެ 13 ގައި ރިލީޒްކުރާ ރަޔަން ރޭނޮލްޑްސްގެ ސައިންސް ފިކްޝަން ކޮމެޑީ ފިލްމު "ފްރީ ގާއި" ގެ ހާއްސަ ފެނިލުމަކުން ފެންނާނެ ޖެކްމަން ލީޑުން ފެންނަން ކުރިއަށް އޮތް ފިލްމަކީ މި މަހުގެ 20 އަށް ތާވަލުކޮށްފައި ސައިފައި ފިލްމު "ރެމިނިސެންސް" އެވެ.
އޭނާ ބުނި ގޮތުގައި ފިލްމީ މަސައްކަތުގައި އުޅެމުން ވެސް ފަރުވާގެ ކަންކަމަށް އަބަދު ވެސް ވަރަށް ބޮޑަށް ސަމާލުވެ އެވެ.