ހުޅުމާލޭގެ ފުރަތަމަ ފިޔަވަހީގައި 1،200 ދަރިވަރުންގެ ޖާގައިގެ ސްކޫލު އަޅައި ހިންގުމަށް އެޑިއުކޭޝަން މިނިސްޓަރު ޑރ. އައިޝަތު އަލީ އަދި ކުވެއިތުގެ އަލްޖެރީ ހޯލްޑިން ގްރޫޕުގެ ޗެއާމަން ތަލާލް ހަލީފާ އަލްޖެރީ އެއްބަސްވުމުގައި ސޮއިކުރެއްވުމަށްފަހު ފޮޓޯއަކަށް ހުއްޓިވަޑައިގެން.-- ފޮޓޯ: އެޑިއުކޭޝަން މިނިސްޓްރީ
25 އޯގަސްޓް 2021 - 15:52
11 comments
ހުޅުމާލޭގައި ބައިލިންގުއަލް އިންޓަނޭޝަނަލް ސްކޫލެއް އިމާރާތްކޮށް ހިންގުމަށް ކުވެއިތުގެ ކުންފުންޏަކާ އެކު އެޑިއުކޭޝަން މިނިސްޓްރީން މިއަދު އެއްބަސްވުމުގައި ސޮއިކޮށްފި އެވެ.
އެ މިނިސްޓްރީގައި ބޭއްވި ރަސްމިއްޔާތުގައި، ހުޅުމާލޭގެ ފުރަތަމަ ފިޔަވަހީގައި 1،200 ދަރިވަރުންގެ ޖާގައިގެ ސްކޫލު އަޅައި، ހިންގުމަށް އެޑިއުކޭޝަން މިނިސްޓަރު ޑރ. އައިޝަތު އަލީ އަދި ކުވެއިތުގެ އަލްޖެރީ ހޯލްޑިން ގްރޫޕުގެ ޗެއާމަން ތަލާލް ހަލީފާ އަލްޖެރީ ވަނީ އެއްބަސްވެފަ އެވެ.
އިންގްލިޝް މީޑިއަމަށް ކިޔަވައިދޭ ސްކޫލުގައި ފައުންޑޭޝަން ސްޓޭޖުން ފެށިގެން ގްރޭޑު 12 އާ ހަމައަށް ކިޔަވައިދޭނެ އެވެ. އަދި އެ ސްކޫލުގައި އަރަބި ބަސް ކިޔަވައިދޭން ހަމަޖައްސާފައިވާ ކަމަށް ބުންޏެވެ.
ހުޅުމާލޭގެ ފުރަތަމަ ފިޔަވަހީގައި ސްކޫލު އަޅައި ހިންގުމަށް އެޑިއުކޭޝަން މިނިސްޓަރު ޑރ. އައިޝަތު އަލީ އަދި ކުވެއިތުގެ އަލްޖެރީ ހޯލްޑިން ގްރޫޕުގެ ޗެއާމަން ތަލާލް ހަލީފާ އަލްޖެރީ އެއްބަސްވުމުގައި ސޮއިކުރައްވަނީ-- ފޮޓޯ: އެޑިއުކޭޝަން މިނިސްޓްރީ
ދެ ފިޔަވައްސަކަށް ބަހާލައިގެން ކުރިއަށްގެންދަން ހަމަޖައްސާފައިވާ ސްކޫލުގެ ފުރަތަމަ ފޭސްގައި އަންނަ އަހަރުގެ އޮގަސްޓް މަހު ފަށާ ދިރާސީ އާ އަހަރު ކިޔަވައިދޭން ފަށާނެ އެވެ. ދެ ވަނަ ފޭހުގައި 2023 ވަނަ އަހަރުގެ ދިރާސީ އަހަރާއެކު ކިޔަވައިދޭން ފަށާނެ ކަމަށް ވެސް މިނިސްޓްރީން ބުނެ އެވެ.
އެ ސްކޫލް އިމާރާތް ކުރާނީ ރާއްޖޭގެ ކުންފުންޏަކާ ހަވާލު ކޮށްގެންނެވެ. އެކަން ކުރާނީ ކުވެއިތުގެ ކުންފުނިންނެވެ. އެ މަޝްވަރާތައް މިހާރު އަންނަނީ ކުރިއަށެވެ.
އަލްޖެރީ ހޯލްޑިންގ ގްރޫޕުން ކުވެއިތުގައި އިންޓަނޭޝަނަލް 20 ސްކޫލެއް ހިންގަ އެވެ. އެ ކުންފުނީގެ ޗެއާމަން ތަލާލް ހަލީފާ އަލްޖެރީއަކީ އަރަބި ދުނިޔޭގައި ނަން މަޝްހޫރު ވިޔަފާރި ޝަހުސިއްޔަތެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ މޫސާ
26 August 2021
މިއީ ކަނޑައެޅިގެން ކޮރަޕްޝަން. އިއުލާނެއް ނުކުރޭ، ބިންދިން ރޭޓެއް ނެއެނގޭ. ހުށަހެޅި ޓިއުޝަން ފީއެއް ނެއެނގޭ. އެމީހުންގެ އިންވެސްޓްމަންޓް ނެއެނގޭ، ޤާނޫނާ އެއްގޮތަށްތޯ ބޭރު މީހަކަށް ބިމެއް ދިނީ؟ ކިހާ ދުވަހަކަށްތޯ ބިންދިނީ؟ ކުލި ނަގާނެތޯ؟ ހަމަ ބަޔަކު ޕްރޮޕޯސަލެއް ލާއިރަށް ހުޅުމާލެއިން ބިންދޭންޖެހޭތޯ؟ ކިހާބޮޑު ބިމެއްތޯ ދެނީ؟
ބަލީ މޫސާ
27 August 2021
ނޫސްތަކުން ހާމަކުރާ ޚބާރާއި ސަރުކާރުގެ ޕޮލިސީ ޑޮކިއުމެންޓްތައް ނޭގެނީ! އާއްމުކޮށް މީޑީއާއަށް މައުލޫމާތު ދީފައިވަނީ ހުޅުމާލޭގައި އިތުރު ސްކޫލްތައް އަޅަން ހުޅުވާލާފައިވާ ކަމަށް! ޝައްކުއުފެދޭ ކަމެއް އޮވެއްޖެއިޔާ ސާފުކުރަން މިނިސްޓްރީއަށް އަދި އެނޫންވީ އޭސީސީއަށް ސިޓީ ލާންވީނުން! ވާނުވާ ނޭނގި ހިތައ ްއައިއެއްޗެއް ކިޔުމުގެ ބަދަލުގައި އިހަށް މައުލޫމާތު ރަނގަޅަށް ސާފުކޮށްބަލަ!
އަމީޒޭސް
25 August 2021
މިނިސްޓަރޫ ކޮބައިތޯ މިސްކޫލް ހިންގަން ކުރި އިޢުލާން؟؟ ހަމަ އަޑިއަޑިން ދުއްވާލަނީތޯ؟
ޙަސަން ހަލީމު
25 August 2021
ރާއްޖޭގެ ގާނޫނުތައް އޮންނަގޮތުން ބޭރުކުންފުންޔަކަށް ތައުލީމީދާއިރާގެ 100% ބޭރު ހިއްސާދާރުންލާގެން ވިޔަފާރިއެއް ނުކުރެވޭނެ.75% ބޭރުކުންފުންޔަށް ލިބޭނީ. 25% ހިއްސާދާރަކަށް ވާންޖެހޭނެ ދިވެއްސެއް. އަލް ޖެރީގެ ލޯކަލް ޕާޓްނާ އަކީ ކާކުކަން އެނގޭ ދުވަހަކުން މި ޑީލު މިހާ ސިއްރުކޮށް މިނިސްޓްރީއިން ބިޑުވެސް ނުކޮށް މި ނިންމާލި ސަބަބު ސާފުވެގެންދާނެ. ވަރައްސަލާމް!
ދިވެހިދަރިން
25 August 2021
އިންޓަނޭޝަނަލް މިވަނީ ސްލޫލްގެ ނަމާއި ފީ؟
މިހާރުގެ ދަރިން
25 August 2021
ފެންވަރު ބަލާލީމަ އިނގޭނެ އިންޓަނޭޝަނަލް ވާގޮތް
ޢަބުދު
25 August 2021
ދިވެހި ސުކޫލަކަށްވެސް ތިކަހަލަ ފުރުސަތުތަށް ދޭން ފެނޭ. ހުޅު މާލޭގައި ރަނގަޅު ސުކޫލެއްނެތް. ދަރިން މިޖެހެނީ މާލޭ ސުކޫލަށް ފޮނުވަން.
އަލީމު
27 August 2021
ދިވެހި ބަޔަކަށް ނުވެގެން އެހެން ގޮތެއް ހޯދަން މިޖެހެނީ!
ލަވްލީން
25 August 2021
ޝުކުރިއްޔާަ ރައީސް!!!!
އަހުމަދުވަގާރު
25 August 2021
އަރަބި އިސްލާމީ ތައުލީމު
މިކަން
25 August 2021
ކިހިނެއް ނިންމާލާ ކަންތައްތަކެއް މިއީ. ތިޔަކަހަލަ ފުރުސަތެއް އިއުލާންކުރެވުނުތޯ؟ ދިވެހިންނަށް މިކަން އެގިފަބާއޮތީ؟ ތިޔަ މިނިސްޓްރީއިން ރައްޔިތުންނަށް ކަމެއްކޮށްދޭނެ މުއައްޒަފަކު ނުވޭ. މުއައްޒަފުން އަބަދު ޗުއްޓީގައި.