ވިސާ ފީތަކަށް ގެނައި ބަދަލާ އެކު ސްޓޫޑެންޓް ވިސާ އާއި މެޑިކަލް ވިސާ އަދި އެމްޕްލޯއިމަންޓް ވިސާގައި ލަންކާ އަށް ދާ މީހުންގެ އަތުން އަހަރަކަށް ނުވަތަ އެ ގައުމުގައި ހުންނަ މުއްދަތަކަށް 200 ޑޮލަރުގެ ފީއެއް ނަގަން ވެސް ވަނީ ނިންމައިފައި
ބަންޑާރަނަޔަކަ އިންޓަނޭޝަނަލް އެއާޕޯޓް: ލަންކާގެ ވިސާގެ އުސޫލަށް ވަނީ ބަދަލުތަކެއް ގެނެސްފައި--
29 އޯގަސްޓް 2021 - 11:50
31 comments
އޮންއެރައިވަލް ފީގެ ގޮތުގައި ބޮލަކަށް 25 ޑޮލަރު ދައްކައިގެން ނޫން ގޮތަކަށް ލަންކާ އަށް އެތެރެވުން އެ ގައުމުން އިއްޔެ އިން ފެށިގެން މަނާކޮށްފި އެވެ.
ލަންކާގެ އިމިގްރޭޝަން އެންޑް އެމިގްރޭޝަނުން ކަނޑައަޅާފައިވާ އާ އުސޫލުގެ ދަށުން ސާކު ގައުމުތަކުން 30 ދުވަހުގެ އޮންއެރައިވަލް ވިސާއަކަށް 25 ޑޮލަރުގެ ފީއެއް ނަގާނެ އެވެ. އެކަމަކު އޮންލައިންކޮށް ވިސާ ނަގާ ނަމަ ދައްކަން ޖެހޭނީ 20 ޑޮލަރެވެ. ރާއްޖެ ވެސް ހިމެނެނީ ސާކުގެ ގައުމުތަކުގެ ތެރޭގަ އެވެ. އެހެންވެ މީގެ ކުރިން އެއްވެސް ފީއެއް ދެއްކުމަކާ ނުލައި އެތެރެވެވުނަސް، ދިވެހިންނަށް ވެސް ދެން ޗުއްޓީ އަށް އެ ގައުމަށް ދެވޭނީ ބޮލަކަށް މަދުވެގެން 20 ޑޮލަރުގެ ފީއެއް ދެއްކުމަށް ފަހު އެވެ.
މިގޮތަށް ބަދަލު ގެނަޔަސް، 30 ދުވަހުގެ ވިސާ ހަމަވެ، އެ މުއްދަތު 90 ދުވަހަށް އިތުރު ކުރިޔަސް އިތުރު ފީއެއް ދައްކާކަށް ނުޖެހޭނެ އެވެ.
ވިސާ ފީތަކަށް ގެނައި ބަދަލާ އެކު ސްޓޫޑެންޓް ވިސާ އާއި މެޑިކަލް ވިސާ އަދި އެމްޕްލޯއިމަންޓް ވިސާގައި ލަންކާ އަށް ދާ މީހުންގެ އަތުން އަހަރަކަށް ނުވަތަ އެ ގައުމުގައި ހުންނަ މުއްދަތަކަށް 200 ޑޮލަރުގެ ފީއެއް ނަގަން ވެސް ވަނީ ނިންމައިފަ އެވެ.
އާ ބަދަލުތަކާ އެކު، ވިސާ ނެތި އުޅޭ މީހުންގެ ޖޫރިމަނާތަކަށް ވެސް ވަނީ ބަދަލު ގެނެސްފަ އެވެ. ވިސާގެ މުއްދަތު ހަމަވެ، ވިސާ އާނުކޮށް، ނުވަތަ ވިސާ ނެތި އެ ގައުމުގައި އުޅޭ މީހުން 500 ޑޮލަރުގެ ޖޫރިމަނާއެއް ކުރަން ވެސް ގަވާއިދުގައި ވަނީ ހިމަނައިފަ އެވެ. މިއީ ވިސާ ފީގެ އިތުރުން ދައްކަން ޖެހޭ ޖޫރިމަނާއެކެވެ.
ލަންކާއަކީ ޗުއްޓީ ހޭދަ ކުރުމަށް ދިވެހިން އެންމެ ގިނައިން ދާ އެއް ގައުމެވެ. މީގެ އިތުރުން ލަންކާ އަކީ އެކި ބޭނުންތަކުގައި ވަރަށް ގިނަ ދިވެހިން ވެސް ދިރިއުޅެމުން އަންނަ ގައުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާނިމް
30 August 2021
ލައްކާ މީހުންގެ އަތުން ވެސް ދިވެހިން ވިސާ ފީނަގާތި،
އަލް އުސްތާޒު
30 August 2021
ރ ޔާމިން ހުރިނަމަ ވަގުތުން ރައްދުގައި ފިޔަވަޅު އެޅީސް. މަ ހަނދާން ވޭ އިންޑިއާއިން ދިވެހިންނަށް ވިސާ ދިނުމުގަ ދަތި ކުރަން ފެށުމުން ރާއްޖެއިންވެސް ހަމަ އެހެން ހެދި ތަން އެއިރުގަ. އިންޑިއާގެ އެތައް ބަޔަކު މަސައްކަތު ރާއްޖެ ނާދެވިފަ ތިބި. އަހަރުމެން ގޭގަ ގެންގުޅުނު މެއިޑްވެސް އެއިރު ޗުއްޓީއަށް ގޮއްސަ އެނބުރި ނާދެވިގެން އެވާހަކަ ގުޅައިގެން ދައްކަނިކޮށް އަޑުއެހިން.
ޢަރުތަ
31 August 2021
އާނ، އެބޮނޑީގަ ޔާމީނުއެޅި ފިޔަވަޅެއްގެ ސަބަބުން އިންޑިއާ ބަނޑަށް ނުޖެހި ސަލާމަތްވީ ހަމަ ކިރިޔާ، މޯޑީ ލައްކަ އާދޭސްކޮށްގެން ލުއިދިނީމަ ސަލާމަތްވީވެސް.
ހާނިމް
31 August 2021
އަރުތަ ކިތަންމެ މަލާމާތެއް ކުރިއަސް އަހަރުމެން ފަދަ ކުޑަ ގައުމަކަށް އެޅުނީ ވަރަށް ހަރުދަނާ ފިޔަވަޅެއް
ހަސީނާ
31 August 2021
ޔާމީން ޔާމީން ޔާމީން އަބަދު ކިޔަާ ތަސބީހައެއްތަ؟؟؟. ތިބުނާ ޔާމީނަކީވެސް މި ޤައުމަށް ގައްދާރުވެފަ ހުރި މީހެއް
ހޮޓްކިންގ
30 August 2021
ދިވެހިރާއްޖެއަކީ ދުނިޔޭގެ ކޮންމެ ގައުމެއްގެ މީހަކު މިގައުމަށް އެތެރެވިޔަސް އެއްވެސް ވިސާފީއެއް ދައްކަން ނުޖެހޭ ސޭޕްހެވަންއެއް. ލަންކާމީހުންވެސް ޓޫރިސްޓް ވިސާގައި ރާއްޖެ އެތެރެވެ ބައެއް ކުންފުނި ތަކުގައާއި ގަރާޖު ވާރކްޝަޕްތަކުގައި މަސައްކަތް އެބަކުރޭ. ފުރައިގެން ދަނީ އެއްވެސް ފައިސާއެއް ދައުލަތަށް ނުދައްކާ. ލަންކާއިން ދިވެހިން އަތުން ފައިސާ ނަގާނަމަ އެބަޔަކު މިނުނު ނާޅިން މިނެންޖެހޭނެ.
ނަސްރު241
30 August 2021
މިގައުމުގައި އެކަނި ގާނޫން ތަންފީޒް ނުކުރެވެނީ މަގުމަތީގައި ފުނިޖެހިގެން އުޅޭ ބިދޭސީން އެއުޅެނީ ވިސާއަށް ދައްކަންޖެހޭ ލާރިކޮޅުވެސް ނުދައްކާ ބޭނުން ގޮތަކަށް މިކަންފެންނަ އެއްވެސް އިދާރާއެއް މިގައުމުގައި ނެތް މިލިޔުނީ ވަރަށް އަސަރުކުރާތީ
ޢަރުތަ
30 August 2021
ވަރަށް ރަނގަޅު ވާހަކައެއް، އެކަމަކު ބުނަން އަސަރު ކުރީމަ ތިހެން ލިޔެގެން ކަމަކު ނުދާނެ، އަސުރަކުރައްޏާ ޖެހޭނެ މަގުން ފެނިގެން ހަޅޭއް ލަވަން، މިކަހަލަ ކަމަކާ މުޒާހަރާ ކޮއްލާނެ މީހަކު ނެތް، އެކަމަކު ޖަލުގަ ހުރި ގައިދީއަކު މިނިވަން ނުކޮށްގެން އަބަދުވެސް ކޮންމެވެސް އެއްބަޔަކު މުޒާހަރާކުރާތަން މިހާތަނަށް ފެނިފަ އޮތީ.
ކަކުނިބޯ
30 August 2021
މިދަނޑިވަޅަކީ ދިވެހިން އިތުރު ފީތަކެ އް ނަގަންވީ ވަގުތެ އްނޫން މި އީ ޓްރެވަލްހަބަކަށް މިތަން ބަދަލުކުރަންވީވަގުތު
ޙގގޗ×
29 August 2021
ހަހަހަހަ ލަންކާއަށް ތިނޫންގޮތެއްނެތެއްނު. ލަންކާ ޓްއަރިޒަމް ފުނޑި ގައުމު އިދަޖެހިފައޮތީ. އަސްލު ކޮރޯނާ މެނޭޖްކުރަންނޭގުމާ ތާކުންތާކުނުޖެހޭ ލޯނުތަކާހެދި ލަންކާއަށްއެވަރުވީ
ކަކުނިބޯ
30 August 2021
ލަންކާގެ ލޯނުތަށްވެސް ވަނީ ފަސްކޮށްދީފައި ހެހެހެ
ނޫއައިސްއަލަމާރި
29 August 2021
ބައިނަލްއަގުވާމީ ގުޅުންތަކުގައި އޮވޭ ރެސިޕުރޯސިޓީކިޔާ ކަމެއް. ދެގައުމަކުން އެގައުމުތަކުގެ ރައްޔިތުންނަށް ހަމަހަމަ ގޮތެއްގައި ލުއިތައްދޭ. އަހަރުމެން މިއޮންނަ ގޮތަކީ ހުރިޔާ ބިދޭސީންނަކަށް ވެސް މިދަނީ އަންނަ އިރަށް 30 ދުވަހުގެ ހިލޭ ވިސާ. އާނ، ފަތުރުވެރިކަމަށް ބަރޯސާވެފައި އޮތަށް އެބަ ޖެހޭ ކަންނޭނގެ އަހަރުމެންވެސް މިކިޔާ ރެސިޕުރޯސިޓީ ގެންގުޅެން.
ހުސްނުހީނާ
29 August 2021
އަހަރުމެން ނުއުޅެން ތި ލަންކާއަށް ދާކަށް. މުސްލިމުން ދެކެ ހެސްކިޔާފަ ނަފުރަތު ކުރާ ބައެއް. މިގައުމަށް އެތެރެވާ، އެތެރެވެފަ ތިބި ލަންކާ މިނިހާ އަތުންވެސް ތި ޑޮލަރުތަށް ނަގާބަލަ!
ޅަސޮރު
30 August 2021
ދިވެހިރާއްޖެ މީ އެންމެ މާތް ގައުމު.
ހުސެންް
29 August 2021
އަހަރަމެން ތި ހަޑި ލަންކާ އަކައް ނުދާނަން ހިލޭ ޓިކެޓް ދިނަސް... ތިޔައް ވުރެ ރަގަޅު ވާ ނެ ރާއްޖޭގެ ރިސޯޓަކްއަދިޔަސް...
ޖަމަލު
29 August 2021
ރާއްޖެއަށް ވަންނަންޏާ ވެސް ފީ ނަގާ. މިތަނަކީ ކުޅޭކުޅޭ ތަނަކަށް ނުހަދާ.