އޮގަސްޓް 28، 2021: ތާލިބާންގެ ހަނގުރާމަވެރިންތަކެއް ކާބުލް ވައިގެ ބަނދަރުގެ މައި ދޮރޯށީގައި ސަލާމަތީ ކަންތައް ބަލަހައްޓަނީ. --އޭއެފްޕީ
29 އޯގަސްޓް 2021 - 14:22
54 comments
އަފްޣާނިސްތާނުގައި ހާލުގައި ޖެހިފައިވާ މީހުންގެ ސަލާމަތާއި ރައްކާތެރިކަން ކަށަވަރުކުރަން ރާއްޖެއިން ކޮށްދެވެން ހުރި ހުރިހާ މަސައްކަތެއް ކޮށްދިނުމަށް ހިއުމަން ރައިޓްސް ކޮމިޝަން (އެޗްއާރުސީއެމް) އިން ރައީސް އިބްރާހިމް މުހައްމަދު ސޯލިހުގެ އަރިހުގައި އެދިއްޖެ އެވެ.
އެ ކޮމިޝަނުން މިއަދު ނެރުނު ބަޔާނެއްގައި ބުނީ، އެ ގައުމަށް ދިމާވެފައިވާ ހާލަތާ މެދު، އަފްޣާނިސްތާނާއި ރާއްޖެ ހިމެނޭ އޭޝިއާ ޕެސިފިކް ފޯރަމް (އޭޕީއެފް) އިން ކަންބޮޑުވުން ފާޅުކޮށްފައިވާ ކަމަށެވެ.
އެހެންވެ، އަފްޣާނިސްތާނުގެ އިންސާނީ ހައްގުތަކާ ބެހޭ މުއައްސަސާތަކުގެ މުވައްޒަފުންނާއި އެ މީހުންގެ އާއިލާތަކާއި އެ ގައުމުގެ ކުޑަކުދިންނާއި އަންހެނުންނާއި އާއްމުންގެ އިތުރުން އަފްޣާނިސްތާނުގައި ދިރިއުޅޭ ދިވެހިންގެ ސަލާމަތާއި ރައްކާތެރިކަން ކަށަވަރުކުރަން ދިވެހި ސަރުކާރަށް ކޮށްދެވެން ހުރި ހުރިހާ މަސައްކަތެއް ކޮށް، އިންސާނީ ހައްގުތައް ނަގަހައްޓައި ރައްކާތެރި ކޮށްދިނުމަށް ރައީސް އިބްރާހިމް މުހައްމަދު ސޯލިހާއި ފޮރިން މިނިސްޓަރު އަބްދުﷲ ޝާހިދަށް ވަކިވަކިން ފޮނުވި ސިޓީފުޅުތަކުގައި އެދިފައިވާނެ ކަމަށް އެޗްއާރުސީއެމުން ބުންޏެވެ.
"އަފްޣާނިސްތާނުގެ މި ވަގުތުގެ ހާލަތާ ގުޅިގެން ކޮމިޝަންގެ ގިނަ ކަންބޮޑުވުންތަކެއް ހުރިކަން ފާހަގަކޮށް، އަފްޣާނިސްތާނުގެ ހާލަތާ ގުޅިގެން ދިވެހި ސަރުކާރުގެ ފަރާތުން އިންސާނީ ހައްގުތައް ރައްކާތެރިކޮށް ކުރިއެރުވުމަށް ކުރައްވާ މަސައްކަތްތަކުގައި ވެ ދެއްވެން އޮތް އެހީތެރިކަމާއި ފުރިހަމަ އެއްބާރުލުން ފޯރުކޮށްދިނުމަށް ކޮމިޝަނުން ސަރުކާރާއެކު ތިބިކަން ވަނީ ހާމަކޮށްފަ އެވެ،" ބަޔާނުގައިވެ އެވެ.
އަފްޣާނިސްތާނުގައި ތިބި އެމެރިކާގެ ސިފައިން އެ ގައުމުން ފޭބުމުން ތާލިބާނުންގެ ބާރުގަދަވެ، މި މަހުގެ 15 ވަނަ ދުވަހު އެ ގައުމު ހިފުމާ އެކު ސަރުކާރު ވަނީ ވެއްޓިފަ އެވެ. އެކަމާ ގުޅިގެން އަފްޣާނިސްތާނުގެ ގިނަ އަދަދެއްގެ މީހުން ވަނީ ގައުމު ދޫކޮށް ދާން މަސައްކަތް ކޮށްފަ އެވެ. އެ ކަމުގެ ތެރޭގައި، ވެރިރަށް ކާބުލްގެ އެއާޕޯޓު ކައިރީގައި ބޮމެއް ގޮއްވާލުމުން ގިނަ އަދަދެއްގެ އާންމުންނާއި އެމެރިކާ ސިފައިންގެ ބަޔަކު ވަނީ މަރުވެފަ އެވެ.
އެ ގައުމަށް އެމެރިކާ ސިފައިން އެރީ ސެޕްޓެމްބަރު 2001 ގައި އެމެރިކާގެ ވޯލްޑް ޓްރޭޑް ސެންޓަރަށް ދިން ހަމަލާ އަށް ފަހު ޓެރަރިޒަމާ ދެކޮޅަށް އެމެެރިކާ އިން ހަނގުުރާމަ އިއުލާން ކުރުމާއެކުގަ އެވެ. އެމެރިކާގެ ސިފައިން އަފްޣާނިސްތާނަށް އެރުމާ އެކު އޭރު އޮތް ތާލިބާނުންގެ ވެރިކަން ވެއްޓުނަސް 20 އަހަރު ވަންދެން ކުރި މަސައްކަތުން ވެސް ތާލިބާނުން އެއްކޮށް ބަލިކޮށްލެވިފައެއް ނުވެ އެވެ. އެހެންވެ، އެ ގައުމުން އެމެރިކާ ސިފައިން ފޭބީ ތާލިބާނުންނާ އެކު ހެދި ސުލްހައިގެ އެއްބަސްވުމެއްގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔާޠާޔާޔާ
30 August 2021
ރާޢްޖެއަށް ވަގަށް އެތެރެވެ ރާއްޖޭގެ ސިލްމާ ސަލާމަތާ ކަރާމާތަށް ބަންގާޅީން އަރައިގަންނަމުން ދާއިރު އެޗްއާރު ސީ އެމ،ުން އެކަން ފާހަގަކޮށް އެކަންކަން ވަގުތުތުން ވަގުތައް ދުވަހުން ދުވަހަށް ރަނގަޅު ކުރަން ރައީސަށް ނުދަންނަވަނީ ކީއްވެތޯ އެއކޮޅަށް ގޮސް ހުސްވެފަ އޮތް އެޗްއާރު ސީއެމަކުން ނެރެވޭނެ ނަތީޖާއެއް އޮންނާނެހޭ ނޯންނާނެޔޭ
789754
30 August 2021
ދެން އަފްއާނިސްތާނު މީހުން މިގައުމަށް ގެނޭ. ގެނެސް ގުޅީފަޅުން ގޯތިދީ
ހަސަނު1
30 August 2021
މިކޮޅުގައި އެބަތިބި ބައެއް މީހުން އަފްގާނިސްތާނަށް ރަށްވެހިކަން ރެޖިސްޓީ ކޮށްދޭން ބޭނުންވާވެސް. އެވާހަކަވެސް ތާލިބާނުންނަށް ދަންނަވާލަށްޗޭ.. ރައްޔިތުން އެކްޗްޗޭންޖް ޕްރޮގްރާމެއް.. ހަމަގައިމުވެސް އެމީހުން ބޭނުންވާ ހުރިހާ ކަމެއް ތާލިބާނުންގެ ވެރިކަމުގައި ހަމަޖެއްސޭނެ.
ހުނެވިލު
30 August 2021
މިހާރު އެޗްއާރްއެމްސީ ސިޔާސީ އެކްޓިވިސްޓް ހަރަކާތަކަށް ބަދަލުވީތޯ. ތިމާމެންނާ ހަވާލުކުރެވިފައިވާ ޒިންމާ އަދާނުކޮށް ދައުލަތުން ބޮޑު މުސާރަ ނަންގަވައިގެން މަގުމަތީ ހަރަކާތައް ނުކުތީތޯ. ނުވަތަ ތިޔަ ތާ ކުރާނެ މަސައްކަތެއް ނެތީތޯ
ޒެކް އަލީ
30 August 2021
ހިޖުރަ އޮޅި ސައިޒް އޮޅި މެންޑޭޓް އޮޅުނީމަ ކޮށްފަ ނުކުރާނެ ކަމެއް ނޭގޭނެ. ފޮރިން މިނިސްޓްރީން ކުރަންޖެހޭ ކަންކަން ކުރަން ނޫޅެ ހިއުމަން ރައިޓްސް ކޮމިޝަންގެ ޤާނޫނީ ޒިންމާ އަދާ ކުރެވޭތޯ އެޅުބަލަ ފަލަސްތީނާ ޔަމަނާ ކަޝްމީރުގެ މުސްލިމުންގެ ހައްގުގައި ބަހެއް ނުބުނާ ބަޔަކު އަފްގާނިސްތާނޭ ކިޔައިގެން ތިޔަ އުޅެނީ ކިހިނެތް ވެގެންކަން ވިސްނާ ކޮންމެ ދިވެއްސަކަށްވެސް ސާފު ވާނެ. ޔަހޫދީ ނުބައި އެޖެންޑާ ނުފަތުރާ، ކުރާނެ ކަމެއް ނެތިއްޔާ އިސްތިއުފާ ދީފަ ގެޔަށް ދޭ!!!!
ދަ ލައުރާ
30 August 2021
އެމެރިކާއިން މިއޮތް ހުރިހާ ދުވަހު ވޯ އޮން ޓެރާ އޭ ކިޔާ އަފްގާނިސްތާނުގެ ކުށެއް ނެތް އެތައް ބަޔަަކު މެރި އިރު ތި އެޗްއާރުސީއެމް އަށް ކަހެރުވަކެކޭވެސް ހީ ނުވި. މިއަދު ފަޔަށް ހިނި އަރައިގެން ތި އުޅެނީ މޮޔަފުޅުވެގެންތޯ؟ ނުބެހޭ ކަންކަމާ ކާޅު ކެޔަސް ސޮއް ނުގުވާ މުސާރަ ހައްގުވާ ވަރަށް މަސައްކަތް ކުރެވޭތޯ އުޅުނިއްޔާ މާތާހިރު ވާނެ. މިސަރުކާރުގެ އިހުމާލުން މަރުވި މިސްކާއާ އިހަކަށް ދުވަހަކު މަރާރި 13 އަހަރުގެ ފިރިހެން ކުއްޖާ، ރިލްވާނާ ޔާމީނުގެ މައްސަލަކޮބާ؟
ޕަޕެޓް ކޮމިސަން
29 August 2021
ލޮލް. ކުރާނެ މަސައްކަތް ހުސްވީތޯ؟ ލައްކަ ޒަމާން ފަހުން ނިދިން ހޭލާފަ ލޯ ހުޅުވާލައިފި. ސަރުކާރުން ހިންގާ ޖަރީމާތައް ފޮރުވައިދޭ ބައިގަނޑެއް މީ. ޕީޕީއެމް މީހެއްގެ ހައްގެއް ގެއްލިގެން އިންސާފު ހޯދަން އުޅުނަސް ލާހިކެއްނޫން ތިޔަ ކަމިސަނަކަށް އެކަން ކުރާކަށް. ސާލިހުގެ ޕަޕެޓުންތީ!
ތޯތާ
29 August 2021
ކޮމިޝަންގެ ސްޓާފުންނަށް ބިރުދެއްކުން ނޫން ކަމެއް ކުރަން އިގޭ ބައެއް ނޫން. ހައްގު ތަކޭ ކިޔަން ހިއުމަން ރައިޓްސް އޮފީހުގެ މެންބަރުން ލަދު ގަންނަން ޖެހޭނެ
84 މާއްދާ
29 August 2021
ހާތްތެރި. 50 ވަރަކަށް މުއައްޒަފުންގެ ކުޑަ އޮފީހެއް ނުހިންގިގެން އުޅޭ ބަޔަކު އެހެން ގައުމެއްގެ ދާހިލީ ކަންކަމަށް ބެހެން ނޫޅޭ. އަމިއްލަ އޮފީސް ހަމަޔަކަށް އެޅުވޭތޯ ބަލަންވީނު.
ބޮލުރޮދި 111
30 August 2021
އެންމެ ގިނައިން މުވައްޒަފުން ބަދަލުވާ ސަރުކާރުގެ އިދާރާ އަކީ ތިއަ ކޮމިޝަން. އެކަން ބަލަން ރައީސް ސާލިހު ރިޔާސީ ކޮމިޝަނެއް އުފައްދަން ފެނޭ
ުޔުމޭ އޮ
29 August 2021
މީ ކީއްކުރަން މުސާރަ ދީފަ ތިބޭ ބައެއްބާ؟ މިމީހުން ކުރާ ކަމެއް އެގޭ މީހަކު މިރާއްޖެގައި އެބަތިބިތަ؟ ބަޔާން ނެރުން ނޫން ކަމެއް ކުރޭތަ؟ ތިބި ކަމެއް ނެތް ކަމެއްވެސް އިގޭ ބައެއް ނޫން. 40000، 50000 އިން ރައްޔިތުންގެ ފައިސާއިން މުސާރަ ދިނީމަ ބަޔާނެއް ނެރެލާފަ ނިދާފަ. އިސްލާމު ދީނުގެ ގޮތްތަކަށް ވެރިކަން ކުރާނެ ބައެއް އަފްގާނިސްތާނަށް އައިމަ މިބައިގަނޑަށް ހަޖަމް ނުވޭ.