ރާއްޖެ އިން ފުރާ ފްލައިޓުތަކަށް ބޭނުންވާ ވަރަށް ތެޔޮ ފޯރުކޮށްދެވޭނެ: އެމްއޭސީއެލް

ވެލާނާ އެއާޕޯޓްގައި ބޯޓުތަކެއް ޕާކްކޮށްފައި-- ފައިލް ފޮޓޯ: މިހާރު

އިދުހާމް ނައީމް، މިހާރު

02 ސެޕްޓެމްބަރ 2021 - 18:12

ޖެޓް ފިއުލް ސްޓޮކް ގެނައުމުގައި ލައްސަތަކެއް ދިމާވި ނަމަވެސް، ރާއްޖެ އިން ފުރާ މަތިންދާބޯޓުތަކަށް ބޭނުންވާ ވަަރަށް ތެޔޮ ލިބޭނެ ކަމަށް އެމްއޭސީއެލުން މިއަދު ބުނެފި އެވެ.

އެ ކުންފުނިން މިހެން ބުނީ، ތެޔޮ ލިބުމުގައި ދަތިތަކެއް ހުރުމުން، ތެޔޮ ވިއްކާ އަގު ބޮޑުކުރަން އެމްއޭސީއެލުން ނިންމާފައިވާ ކަމަށް ބައެއް މީޑިއާތަކުގައި ރިޕޯޓު ކުރުމުންނެވެ.

ނަމަވެސް ތެލުގެ އަގަށް ބަދަލު އައުމާއި ތެލުގެ ޝިޕްމެންޓް ލިބުން ލަސްވުމާ އެއްވެސް ގުޅުމެއް ނެތް ކަމަށް އެ ކުންފުނިން ބުންޏެވެ.

އެމްއޭސީއެލުން ބުނިގޮތުގައި، ތެލުގެ އެންމެ ފަހުގެ ޝިޕްމެންޓް ރާއްޖެ ގެނައުމުގައި ލަސްތަކެއް ކުރިމަތިވި އެވެ. މިފަދަ ހާލަތަކަށް ތައްޔާރުވުމަށް ތެޔޮ ރައްކާ ކޮށްފައި ހުންނަ ކަން ފާހަގަކޮށް، އެމްއޭސީއެލުން ބުނީ ރާއްޖޭން ހިދުމަތް ދޭ ބޯޓުތަކަށް ބޭނުންވާ ވަރަށް ތެޔޮ ލިބޭނެ ކަމުގެ ޔަގީންކަން ދޭ ކަމަށެވެ.

ތެޔޮ ނުލިބި އެއާޕޯޓުގެ އޮޕަރޭޝަނަށް ދަތިވިޔަ ނުދޭނެ ކަމަށް ވެސް އެމްއޭސީއެލުން ބުނެ އެވެ.

އެމްއޭސީއެލް ތެޔޮ

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

02 September 2021

ކ.އަތޮޅު މާލޭ އެއަރޕޯޓްގައި އެކަނި ޖެޓްފިއުލް ސްޓޯރޭޖް ހުރެގެން ރާއްޖެއަށް ބޭނުންވާ ތޮޔޮ ރައްޖާ ނުކުރެވޭނެ. # ގޭން އެއަރޕޯޓްގައި 80 މިލިޔަނެއްހާ ޖެޓްފިއުލް ފާމެއް ހަދާލެވޭނެ ސަރަހައްދު އެބައޮތް. އެސްޓީއޯ ނުވަތަ އެސްޓީއޯގެ ތެލުގެ ވިޔަފާރީގެ ބައިވެރިއެއްގެ އެހީގައި ނޫންނަމަ 50 އަހަރަށް އިންވެސްޓަރ ފައިނޭންސް އުސޫލުން މި ފެސިލިޓީޒް ގޭން އެއަރޕޯޓްގައި ޤާއިމް ކުރާނެ ބަޔަކަށް ފުރިސަތުދީގެން ނަމަވެސް ޖެޓްފިއުލް ރިޒާވް ބޮޑުކުރާން އެބަޖެހޭ ނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީނު.

04 September 2021

އައިޑިއާ ކިތަންމެހާ ވެސް ރަނގަޅު. އެކަމަކު ހީއެއްނުވޭ ތިކަން ކުރާނެ ހެނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމަލު

02 September 2021

ތިކަން ރަނގަޅުވާނެ އަނެއްކާވެސް އެތެރެ ކޮއިލުން މީހަކު ބޮޑު މުސާރައާއި އެކު ސިޔާސީ މަގާމެއް ހަދާފަ ދީގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

02 September 2021

އެމްސީއެލް ބޭރު ބައެއްގެ އަތްމައްޗަށް ދޫކޮއްލުމަކީ މިސަރުކާރުން އަޅަމުންދާ ޅައެތީގެ ތެރެއިން އެއްޅައެތި. މެނޭޖް ކުރަން ނޭގުމުގެ ސަބަބުން ބޭރު ޤައުމުތަކުގެ ކުރިމަތީގަ އެއަރޕޯޓްގެ އަގު ވެއްޓެމުން އެދަނީ... ރާއްޖެއަށް ހުތުރު ނަން އެލިބެނީ ބޭރު މީހަކު ގެނެސް ސީއޯ އަކަށްލާ އޭނަގެ ގާތްރަޙްމަތް ތެރިންނަށް މަތީ މަޤާމުތަށް ދިނުމަކުން ޤައުމަށް އަދި އެއަރޕޯޓަށް ވަމުން ދާފައިދާއެއް ނުފެނުނު. ކޮބާތޯ ދިވެހިންގެ އެއަރޕޯޓް ދިވެހިންނަށް ކިޔަމުން ދުވި ބައިގަޑު