ސަން ޓްރެވަލްސް އިން ހިލްޓަން އަށް ދޭން ޖެހޭ 24 މިލިއަން ޑޮލަރުގެ މައްސަލަ ބެލޭނީ ހައި ކޯޓަށް: ސިވިލް ކޯޓު

އިރުފުށި ރިސޯޓް: އެތަން ހިންގުން ހިލްޓަން ކުންފުނި އަތުން އަތުލި މައްސަލާގައި ބަދަލު ދޭން ވަނީ އަންގާފައި

މުއިއްޒު އިބްރާހިމް، މިހާރު

30 ނޮވެމްބަރ 2016 - 11:16

ނ. އިރުފުށި ރިސޯޓް ހިންގަން ހިލްޓަން އިންޓަނޭޝަނަލާ އެކު ހަދާފައިވާ އެއްބަސްވުން އުވާލި މައްސަލާގައި 24 މިލިއަން ޑޮލަރު އެ ކުންފުންޏަށް ދޭން ސަން ޓްރެވަލްސް އެންޑް ޓުއާސްގެ މައްޗަށް ސިންގަޕޫރު އާބިޓްރޭޝަނުން އެންގި އެންގުން ތަންފީޒު ކުރުމުގެ މައްސަލަ ބެލޭނީ ހައި ކޯޓަށް ކަމަށް، ސިވިލް ކޯޓުން އިއްޔެ ހުކުމްކޮށްފި އެވެ.

ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަދި އެމްޑީއޭގެ ލީޑަރު އަހުމަދު ސިޔާމް މުހައްމަދުގެ އިރުފުށި ރިސޯޓް ހިންގުން ދުނިޔޭގެ މަޝްހޫރު ހިލްޓަން އިންޓަނޭޝަނާ 2009 ގައި ހަވާލުކުރުމަށް ފަހު މުއްދަތު ހަމަނުވަނީސް 2013 ގައި ސަން ޓުއާސް އިން ވަނީ އެއްބަސްވުން އުވާލައިފަ އެވެ.

އެ މައްސަލާގައި ސިންގަޕޫރުގެ އާބިޓްރޭޝަނުން ނިންމާފައިވަނީ ގެއްލުމުގެ ބަދަލަށް 24 މިލިއަން ޑޮލަރު (370 މިލިއަން ރުފިޔާ) ސަން ޓްރެވަލްސް އެންޑް ޓުއާސްއިން ހިލްޓަނަށް ދޭން ޖެހޭނެ ކަމަށެވެ.

އާބިޓްރޭޝަންގެ އެ ނިންމުން ތަންފީޒުކޮށްދޭން ހިލްޓަން ކުންފުނިން ސިވިލް ކޯޓަށް ހުށަހެޅުމުން އެ ކޯޓުން ނިންމީ އާބިޓްރޭޝަންގެ ނިންމުން ތަންފީޒުކޮށްދެވޭނީ އެ މައްސަލަ ހައި ކޯޓަށް ހުށަހަޅައި، އެ ކޯޓުން ކުރާ ހުކުމަށް ފަހު ކަމަށެވެ.

އާބިޓްރޭޝަން ގާނޫނު ބުނާ ގޮތުން ރާއްޖެއިން ބޭރުގައި ހިންގާފައިވާ އާބިޓްރޭޝަނެއްގައި ކަނޑައަޅާ އާބިޓްރަލް އެވޯޑެއް ރާއްޖޭގައި ތަންފީޒު ކުރެވޭނީ ރާއްޖޭގެ ކަމާ ބެހޭ ކޯޓަކަށް ހުށަހަޅައިގެންނެވެ. އެ ގާނޫނުގައި ކޯޓު މާނަކޮށްފައިވަނީ ހައި ކޯޓަށެވެ.

ސިވިލް ކޯޓް ހައި ކޯޓް މެމްބަރު އަހުމަދު ސިޔާމް މުހައްމަދު (ދ. މީދޫ)

5 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަކުނި

10 March 2017

އިން ެސްޓަތުން ގެނެސްގެން ފެލަނީ ތާއެވެ. ޞަލާބަލަ ކުރި ކަންތަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާމް

30 November 2016

މާކެޓް ކުރުވާފަ ފޭރިގަތީ... ހެހެހެހެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

30 November 2016

ހިޔާބޮޑު ގަހެއްގެ ހިޔަލަށް ވަނަސް ހިލްޓަންއަކާ ނުކުޅެވޭނެ. ފައިސާ ޖެހޭނީ ދަންކަން. އެހެންނޫނީ ވަކި ވަރަކަށް ފުރުސަތު ދިނުމަށްފަހު އެމެރިކާ ސަރުކާރު މިކަމުގެތެރެއަށް ވަންނާނެ.