ފާރުފުށި ރިސޯޓު: މި ރިސޯޓު ވިއްކާލާތީ ދަރަންޏެއް ވާނަމަ އެކަން އަންގަން ޓޫރިޒަމް މިނިސްޓްރީން ވަނީ އިއުލާން ކޮށްފައި--
15 ސެޕްޓެމްބަރ 2021 - 13:33
3 comments
ރ. އަތޮޅުގައި ތަރައްގީކޮށްފައިވާ ފާރުފުށި ރިސޯޓު ވިއްކާލަން ނިންމައިފި އެވެ.
ޓޫރިޒަމް މިނިސްޓްރީން ވަނީ ފާރުފުށި ވިއްކާލަން ވެރިފަރާތުން ބޭނުންވާތީ އެއްވެސް ދަރަންޏެއް ނުވަތަ މައްސަލައެއް އޮތްތޯ ބަލަން އިއުލާން ކޮށްފަ އެވެ. އެ އިއުލާނުގައި ބުނެފައިވަނީ ފާރުފުށި ކުއްޔަށް ހިފާފައިވާ ފަރާތަށް ލިބިދީފައިވާ އެންމެހާ ހައްގުތައް، އެހެން ފަރާތަކަށް ބަދަލުކުރުމުގެ ހުއްދަ އަށް އެދި އެ ފަރާތުން ހުށަހަޅާފައިވާ ކަމަށެވެ.
ފާރުފުށި ރިސޯޓުގެ އިންފިނިޓީ ޕޫލް-- ފޮޓޯ: ފާރުފުށި
ފާރުފުށި ރިސޯޓު ހުޅުވީ 2019 ވަނަ އަހަރުގެ މާޗު މަހުގެ ތެރޭގަ އެވެ. އެ ރިސޯޓަކީ ލަގްޒަރީ ޓޫރިޒަމަށް ހާއްސަކޮށްގެން ތަރައްގީކުރި ރިސޯޓެކެވެ.
މި ރިސޯޓުގައި 80 ވިލާ ހުންނައިރު މީގެ ތެރޭގައި ބީޗް ބަންގްލޯ އާއި ބީޗް ރިޓްރީޓާއި އޯޝަން ރިޓްރީޓް އަދި އޯޝަން ސުއީޓުތައް ހިމެނެ އެވެ. އަދި އެކި ގައުމުތަކުގެ ކެއުންތަކަށް ހާއްސަ ފަސް ރެސްޓޯރެންޓާއި ބާ މި ރިސޯޓުގައި ހުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
15 September 2021
މިގޮތަށް މިކަންކުރާން ދައުލަތުގެ މުދަލާއި މުއްސަނދިކަން އަމިއްލަ މީހުންގެ ތަކެތިކަމަށް ހެދުމަށް ސަރުކާރު ހިންގާ މީހުނާއި މަޖިލީހުން ފުރުސަތު ދީގެން ނުވާނެ. # އުދަގޫކަމެއްނެތި ފަސޭހަކަމާއިއެކު މިކަން މިގޮތަށް ކުރާންވެގެން އަދި މާލޭގެ ހައެއްކަ މަހުޖަނުންނާއި އެމީހުންގެ އާއިލާތަކަށް އެތައްޒަމާނެއްވަންދެން ދިވެހިންގެ ފަޅޔރަށްތައް ދީގެން އެމީހުން ނުފެންނަ ހިސާބަށް ދުރަށް ޓްއަރިޒަމް ގެންދާން ސަރުކާރުން ފުރުސަތުނުދެނީވެސް މިކަން ދަމަހައްޓާންވެގެން.
ކޮރަލް
15 September 2021
ރާއްޖޭގަ ހަދާފަ ހުރި ބައެއް ރިސޯޓް ބިދޭސީން ވިއްކަ އެވެ. އެއީ ދިވެހީންނަށް ވެސް ކުރެވިދާނެ ކަމެކެވެ. ރާއްޖޭގަ ރިސޯޓް ހަދަން ރަށް ނަގާފެ ރާއްޖެ އިން ބޭރުން ލޯން ހޯދައިގެން ޖީބުން ހަރަދު ނުކޮށް ރިސޯޓް ހަދަ އެވެ. އެއީ ދިވެހީންނަށް ވެސް ކުރެވި ދާނެ ކަމެކެވެ.
އުދުހޭ
15 September 2021
ފާރުފުށީގެ އާކިޓެކްޓަރ ކަމަކުނުދޭ. ހަތަރެސްކަން ނުވަތަ ތިނެސްކަން ހުންނަ ޝޭޕްތަކަށްވުރެ މީހުން ގަޔާވަނީ ގުދުރަތީ ބައްޓަންތަށްކަމުގައިވާ ވަށް، ކުކުޅުބިސްބުރު ނުވަތަ ނަންނުގަތި ކަހަލަ ޝޭޕްތަކަށް. ފާރުފުށި ވިއްކާލާފައި ރަގަޅަށް މާކެޓްވެފަ ހުރި ކުރަމަތި ކަހަލަ ރިސޯޓްތަކުގައި އިތުރު ރޫމް އެޅީމަ ކުންފުންޏަށް ފައިދާބޮޑުވާނެ.