ވެމްކޯއިން ނުނަގާ ހުރި ކުނިތައް ސިޓީ ކައުންސިލުން ނަގަނީ: ވެމްކޯއިން އެއްބަސްވުމާ ހިލާފުވާކަމަށް ސިޓީ ކައުންސިލުން ބުނޭ-- ފޮޓޯ: އަހުމަދު އަވްޝަން/މިހާރު
16 ސެޕްޓެމްބަރ 2021 - 19:16
6 comments
މާލެ ސަރަހައްދުގެ ގެތަކުން މަގުމައްޗަށް އުކާލާ ކުނި ނަގަން މާލޭ ސިޓީ ކައުންސިލާ އެކު އެއްބަސްވެފައި ނުވާނެ ކަމަށް ވެމްކޯގެ މެނޭޖިން ޑިރެކްޓަރު އާދަމް މުހައްމަދު މިއަދު ވިދާޅުވެއްޖެ އެވެ.
އާދަމް މިހެން ވިދާޅުވީ މާލެ ސާފުކޮށް ބާއްވަން ވެމްކޯ އަށް ސިޓީ ކައުންސިލުން ފައިސާ ދޭ ކަމަށާއި އެކަމަކު އެކަން ނުވާ ކަމަށް މާލޭގެ މޭޔަރު ޑރ. މުހައްމަދު މުއިއްޒު ވިދާޅުވެފައި ވާތީ އެވެ. އާދަމް ވިދާޅުވި ގޮތުގައި އެފަދަ އެއްވެސް އެއްބަސްވުމެއް ކައުންސިލާ އެކު ވެފައެއް ނޯންނާނެ އެވެ.
އޭނާ ވިދާޅުވީ ސިޓީ ކައުންސިލާ އެކު ވެފައިވާ އެއްބަސްވުމަކީ މާލެ އާއި ވިލިމާލޭގެ މަގުތައް ކުނި ކަހައި އެ ކުނި އުކާލުމަށް ހެދި އެއްބަސްވުމެއް ކަމަށެވެ. އަދި މިއީ ކުރީގެ ސަރުކާރުން ވެމްކޯ އާއި ހައުސިން މިނިސްޓްރީ އަދި އެންވަޔަރަމަންޓް މިނިސްޓްރީއާ މެދު ވެވުނު އެއްބަސްވުމެއް ކަމަށް ވެސް އޭނާ ވިދާޅުވި އެވެ. މި އެއްބަސްވުމުގައި އޭރު ހައުސިން މިނިސްޓަރުގެ ހައިސިއްޔަތުން ސޮއިކުރެއްވީ މުއިއްްޒު ކަމަށާއި އެއްބަސްވުން އޭނާއަށް ރަނގަޅަށް އެނގިވަޑައިގަންނަވާނެ ކަމަށް އާދަމް ވިދާޅުވި އެވެ.
"މާލެ ސިޓީ ކައުންސިލާ އެކު އަޅުގަނޑުމެން ސޮއިކުރީ އެންމެ އެގްރީމެންޓެއްގައި. މި އެގްރީމެންޓުގެ ޕްރިންސިޕަލް އެގްރީމެންޓުގައި ސޮއިކުރީ 2018 ވަނަ އަހަރު. އެއީ މާލެ އާއި ވިލިމާލޭގެ މަގުތައް ކުނި ކަހައި، ކުނި ނަގައި، ކުނި އުކާލުމާ ގުޅޭ އެގްރީމެންޓެއް. ސަރުކާރު ބަދަލުވެ އަނެއްކާ ސިޓީ ކައުންސިލާ އެކު ހަމަ މި އެގްރީމެންޓުގައި އަޅުގަނޑުމެން ސޮއި ކުރީ. އެހެންކަމުން ހައުސް ހޯލްޑް ވޭސްޓް ކަލެކްޝަނާ ގުޅޭ އެއްވެސް އެބަސްވުމެއްގައި ކައުންސިލާ އެކު ސޮއި ކޮށްފައި ނުވާނެ،" އާދަމް ވިދާޅުވި އެވެ.
ކުނި ނެގުމުގައި އޮންނަ އުސޫލުތަކާ ގުޅިގެން ސިޓީ ކައުންސިލާއި ވެމްކޯއާ ދެމެދު ވަނީ ދެބަސްވުންތަކެއް އުފެދިފަ އެވެ. އެގޮތުން، ރެއިން ފެށިގެން ވެމްކޯއިން ގެނައި ބަދަލުތަކާއެކު ބައެއް ގެތަކުން ކުނި ނުނެގި ހުރުމުން ސިޓީ ކައުންސިލުން ވަނީ ކަންބޮޑުވުން ފާޅުކޮށްފަ އެވެ.
މަގުމަތީގައި ނުނަގާ ހުރި ކުނިތައް މިއަދު ނެގީ ސިޓީ ކައުންސިލުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮރެންޖްބެރީ
17 September 2021
ވެމްކޯ އިން ބަރާބަރަށް ކުނި ނަގަނަގާތިއްބާ، މާލޭ ރަށު ކައުންސިލުން ނުވަތަ މާލޭ ކައުންސިލުން ބެހެން ފެށުމުން މިހާރު ކުނިތައް ގިނަވެއްޖެ. ނޯޓް: މާލެއަކީ ރަށެއް. ދުނިޔޭގައި ލަންޑަން، ޕެރިސް، ނިއުދިއްލީ ފަދަ ބޮޑތި ސިޓީތައް ހުއްޓަސް "ސިޓީ ނަމުގެ ފަހަތަށް ނާދޭ". އެހެން ކަމުން މާލޭ ރަށު ކައުންސިލް ނުވަތަ މާލޭ ކައުންސިލް. ކޮން ސިޓީއެއްތަ؟
ރިސްފޫން
17 September 2021
މާލޭގެ މަގުތަައް ކުނިކަހާ ސާފުކުރަން ވެމްކޯއާއި ހަވާލު ކޮށްފައޮތީ..ގޭބިސީ ތަކުން ކުނި ނަގަނީ ވެމްކޯއިން..ދެން ކައުންސިލުން ކުނި ނަގަން ޖެހޭ ސަބަބެއް ނެތެއްނު..ވެމްކޯއިން މާލޭ ރައްޔިތުންނަށް ޖެއްސުން ފެށުމުން ކައުންސިލުން މަޑުން ނޯންނާނެ..މުޅި މާލެ ކުނިކޮށްލީ ހިތުން ކައުންސިލަށް ޖެއްސުމަށް..
ކުޑަބެ
16 September 2021
ވެމްކޯ އިން މިހާރު ރައްޔިތުންނަށް ކުރަނީ ޖެއްސުން. 1666 އަށް ގުޅިޔަސް ފޯނެއް ނުނަގާ އޮޓޯ އަށް ލާފަ އޮންނާތީ ގުޅާ ކޮންމެފަހަރަކު ހެސްކިޔާފަ ލާރި ކަނޑާ. ގޭގެ އަކުން ކުންޏެއް ނޫކާ. މިކަމަށް ރައްޔިތުން ގުޅިގެން ހައްލެއް ހޯދަން އެބަޖެހޭ.
ނިރު
16 September 2021
މާލޭގެ މަގުތަކަކީ ސިޓީ ކައުންސިލް ބެލުމުގަ ވާތަންތަން ކޮޑިވް ފެށުނީސްސުރެ މަގުމައްޗަށް ކުނި ނެރެން ވެމްކޯއިން އެންގީ ކޮން އުސޫލަކުންބާ އިމާރާތުގެ އެކި ފުލޯތަކުން ކުނިނަގަން ވެފަވާ އެގްރިމެންޓާ ވެމްކޯއިން ވަނީ ހިލާފްވެފަ ނުހައްގުން އެތަށް ފައިސާތަކެއް ނަގަމުން ދިޔައީ.. މާލޭ ރައްޔެތުން ޑރ. މުއިޒް މޭޔަރަކަށް ހޮވާފަ އެހުރީ މާލެ ގޮޑުވެ ހަޑިމުޑުދާރު ތަނަކަށް ބަދަލް ވެފަވާތީ އެކަން ރަގަޅު ކުރަން އަދި ކުރަމުން އެގެންދަނީ
ބޮކިފުރާޅު ޢީސާ
16 September 2021
މިކަމުގެތެރެއަށް ކައުންސިލުންވެސް ވަނީމާ ކަޓެއް ނަގާލެވޭނެތާ.
ޑިސްއޮންރަބަލް ޑީޑީ
16 September 2021
ކައުންސިލުގެ ފައިތައް ބޯވަފައިތަކެއްހެން މިހުންނަނީ ހުރިހާދިމާއަކަށް އުކާފާ. މިއިއްޒުބޭ ހިންގާލައިފިއޭ. ނިދާފައިއޮތް ކައުންސިލް ހޭލައިފި.