މުސާރައިގެ މައްސަލަ: ހިދުމަތްތައް މެދުނުކެނޑޭނެ ގޮތަކަށް އަމަލުކުރަން ސީއެސްސީން އެދިއްޖެ

ރައީސް އޮފީހުގައި މީގެ ކުރިން ބޭއްވި ބައްދަލުވުމެއްގައި ސިވިލް ސާވިސް ކޮމިޝަންގެ މެމްބަރުންތަކެއް ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

20 ސެޕްޓެމްބަރ 2021 - 17:06

31 comments

ގާނޫނުން ލިބިދޭ ހައްގުތައް ބޭނުންކުރުމުގައި ވެސް ސަރުކާރުގެ އިދާރާތަކުން ދޭ ހިދުމަތްތައް މެދުނުކެނޑޭނެ ގޮތަކަށް އަމަލުކުރަން ސިވިލް ސާވިސް ކޮމިޝަން (ސީއެސްސީ) އިން މިއަދު އެދިއްޖެ އެވެ.

ސިވިލް ސާވަންޓުންނަށް މުސާރައިގެ ކުރިއެރުން ނުލިބި ލަސްވާ މައްސަލަ ހޫނުވެފައި މި ދަނޑިވަޅުގައި، ސީއެސްސީން ނެރުނު ބަޔާނެއްގައި ބުނީ، އެ ކޮމިޝަނުން އަބަދުވެސް މަސައްކަތް ކުރަނީ މުވައްޒަފުންގެ ކަންބޮޑުވުންތައް އަޑުއަހައި، ގާތުން މަސައްކަތް ކުރުމަށް ކަމަށެވެ. އެ ޝަކުވާތައް ހިއްސާ ކުރުމަށް އޮފީހުގެ ދޮރު ހުންނަނީ އަބަދުވެސް ހުޅުވިފައި ކަމަށާއި ސިވިލް ސާވަންޓުންގެ ކަންބޮޑުވުންތަކަށް ހައްލު ހޯދުމަށް ސަރުކާރުގެ ކަމާބެހޭ އިދާރާތަކާ ގުޅިގެން މަސައްކަތް ކުރަމުން އަންނަ ކަމަށް ސީއެސްސީން ބުންޏެވެ.

ސަރުކާރުގެ އިދާރާތަކުން ދޭ ހިދުމަތްތައް މެދުނުކެނޑޭނެ ގޮތަށް އަމަލުކުރަން ސީއެސްސީން އެދުނުއިރު، އެ މުވައްޒަފުންގެ މުސާރައިގެ މައްސަލައިގައި އިއްޔެ ކަޅު ހެދުމުގައި ހަމަ ހިމޭންކަމުގެ އިހުތިޖާޖެއް ކޮށް، މިއަދު ބައެއް އޮފީސްތަކުގެ ދޮރުގައި ވަނީ ހިދުމަތް ނުދޭ ދުވަހެއް ކަން އަންގައިދޭ ލިޔުން ތަތްކޮށްފަ އެވެ. އެހެންވެ، ބައެއް އޮފީސްތަކުން މިއަދު ހިދުމަތެއް ވެސް ނުދެ އެވެ.

އެ ހަރަކާތްތަކުގައި އިސްނެގީ ފޭސްބުކްގައި ހަރަކާތްތެރިވާ "ދިވެހި ސިވިލް ސާވަންޓްސް އެސޯސިއޭޝަން" ނަމަކަށް ކިޔާ ގްރޫޕެކެވެ.

Musaaraige massalaigai sarukaaruge baeh office thah huttumakah

The most trusted news source in the Maldives

Mihaaru

ސީއެސްސީން ބުނިގޮތުގައި، އެއީ ރަޖިސްޓަރީ ކޮށްފައިވާ ޖަމިއްޔާއެއް ނޫނެވެ. އެހެންވެ، ވަކި ބައެއް ކަން ނޭނގޭ ގޮތަށް ހިންގާ ހަރަކާތްތަކާއި ދޭ އިރުޝާދުތަކާ އެއްގޮތަށް މުވައްޒަފުން އަމަލު ނުކުރުމަށް ވެސް އެ ކޮމިޝަނުން އެދެ އެވެ.

"ސިވިލް ސާވިސް މުވައްޒަފުންގެ ކަންބޮޑުވުންތަކާއި ޝަކުވާތައް ހިއްސާކުރުމަށް ސިވިލް ސާވިސް ކޮމިޝަންގެ ދޮރު އަބަދު ވެސް ހުޅުވިފައި ހުންނަ ހިނދު، ގާނޫނުން ލިބިދޭ ހައްގުތައް ބޭނުންކުރުމުގައި ވެސް ސަރުކާރުގެ އިދާރާތަކުން ދެމުންދާ ހިދުމަތްތައް މެދުނުކެނޑޭނެ ގޮތަށް އަމަލުކުރުމަށް ސިވިލް ސާވިސްގެ ހުރިހާ މުވައްޒަފުންނަށް ކޮމިޝަނުން ނަސޭހަތްތެރިވަމެވެ،" ބަޔާނުގައި ވެ އެވެެ.

ސީއެސްސީން ވަނީ ސިވިލް ސާވަންޓުން މެދުވެރިކޮށް ސަރުކާރުން ހިދުމަތްތައް ދިނުމުގައި ހުރިހާ މުވައްޒަފުން ދޭ އެހީތެރިކަމާއި އެއްބާރުލުމަށް ޝުކުރު އަދާކޮށްފަ އެވެ. އަދި މުވައްޒަފުންގެ ތަރައްގީ އާއި ކުރިއެރުމަށް ދެމިތިބޭނެ ކަމުގެ ޔަގީންކަން ދިނެވެ.

Civil servant in kalhu hedhumugai himeyn ihuthijaaju gai

The most trusted news source in the Maldives

Mihaaru

އިހުތިޖާޖުކުރާ ސިވިލް ސާވަންޓުންގެ ޑިމާންޑުތަކުގެ ތެރޭގައި ލިވިން އެލަވަންސް ދިނުމާއި ހުރިހާ މަގާމުތަކަށް ސެޓްފިކެޓުގެ ކުރިއެރުން ލިބޭނެ ގޮތް ހަމަޖައްސައިދިނުން ހިމެނެ އެވެ. އޭގެ އިތުރުން ސްކޫލްތަކުގެ އިދާރީ މުވައްޒަފުންނަށް އިތުރު އެލަވަންސެއް ހަމަޖައްސައި ދިނުމަކީ ވެސް އެ މީހުން ކުރާ ޑިމާންޑެކެވެ.

މުސާރައިގެ ކަންބޮޑުވުންތަކާ ގުޅިގެން ޕޭ ކޮމިޝަނުން މިއަދު ބުނީ މުވައްޒަފުންގެ މުސާރައިގެ ފަރަގު އަންނަ އަހަރު ނައްތައިލެވޭނެ ކަމަށެވެ.

އެ ކޮމިޝަނުން ބުނިގޮތުގައި ދައުލަތުގެ ހުރިހާ ފަންނުތަކެއް ހިމެނޭ ގޮތަށް އެއް ހަމައެއްގައި މުސާރަ ދޭ އޮނިގަނޑު އެކުލަވައިލުމުގެ މަސައްކަތް މިހާރު އޮތީ އެންމެ ފަހުގެ މަރުހަލާގަ އެވެ. މި އަހަރުގެ ތެރޭގައި އެ މަސައްކަތް އެއްކޮށް ނިންމައިލެވޭނެ ކަމަށް އެ އިދާރާއިން ބުންޏެވެ.

ސިވިލް ސާވެންޓުންގެ ގޮތުގައި މި ވަގުތު 26،668 މުވައްޒަފުން އެބަތިއްބެވެ. އޭގެ ތެރޭގައި ގިނައީ އަންހެނުންނެވެ. އެއީ 16،593 އެވެ.

ސިވިލް ސާވިސް ސިވިލް ސާވިސް ކޮމިޝަން ސިވިލް ސާވަންޓްސް އެސޯސިއޭޝަން ސިވިލް ސާވަންޓުން ސިވިލް ސާވަންޓުންގެ މުސާރަ

31 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމިޘަން

21 September 2021

އަސްލު ގިނަ ސިވިލް ސާވަންޓުން ހަމަ އޮފީހުގަ ތިބޭނީ ގިނަވެގެންވެސް 4 ގަޑިއިރު. އަނެއް 2 ގަޑިއިރު ކޮންމެސް އަމިއްލަ އެހެންކަމަކަށް ދުއްވާލާނީ. ހިދުމަތުގެ ފެންވަރުވެސް ވަރަށްދަށް ގިނަ ތަންތާންގަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީ

21 September 2021

ސިވިލްސާވިސް ކޮމިޝަނަކީ މުވައްޒަފުންގެ ޙައްޤުތައް އެއްގޮތަކަށްވެސް ހޯދައިދޭން މިވީހާތަނަށްވެސް މަސައްކަތް ކުރި ބައެއްނޫން. ޖުޑިޝަރީން ބޭނުންވާއިރަށް އެތަނުގެ މުވައްޒަފުންގެ އެލަވަންސްތައް ދެވޭ. މީގެ ހެއްކަކީ ޖުޑިޝަރީގެ މުވައްޒަފުންނަށް ދެމުންގެންދާ ލިވިންގ އެލަވަންސް. ސިވިލްސާވިސްއަށް ކީއްވެބާ މިގޮތަށް މުވައްޒަފުންނަށް އެލަވަންސް ނުދެވެންވީ. ޖުޑިޝަރީއަކީ ވެސް ސިވިލްސާވީސްއަކީވެސް ސަރުކާރުގެ ބަޖެޓުން މުސާރަދޭ މުވައްޒަފުން ތިބޭތަންތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 September 2021

ސީއެސްސީ ހަމަ އެކަނިމުސާރަ ނަގާ ތަނެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިދާރީ މީހާ

21 September 2021

ސިވިލްސާވިސް ކޮމިޝަނަކީ އަހަރެމެންގެ ބެލެނިވެރިފަރާތަށް ވީހިނދު ހެވެއް އެދިގެން އަހަރެމެންގެ ޙައްޤުގައި މިހާތަނަށް އުފުލާލެވުނީ ކޮންއަޑެއްތޯ؟ ހަރަތަރެސްފައި ބަނުމަށް ޤަވާޢިދު ހެދުން ނޫންކަމެއް ނުކުރޭ! 4465 ރުފިޔާގެ މުސާރަ ދޭއިރު އަޅުގަނޑުމެންގެ ޟަރޫރީ ބޭނުންތައް އެއިން ފުއްދާލެވޭނެތޯ؟ ކޮމިޝަނުގެ މެންބަރުން އަމިއްލަޔަށް ވިސްނާބަލަ މިހާލަތުގައި އަޅުގަނޑުމެން އުޅޭނެ ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަހުއްތު

21 September 2021

ހިދުމަތަށް ނަންބަރު ދޫކުރާގަޑި 10:00، ހިދުމަތް ހުއްޓާލާގަޑި 12:00. ހެނދުނު ސައި ބްރޭކް، ދަރިން ސުކޫލައް ގެންދާން ބްރޭކް، މެންދުރު ކާން ބްރޭކް، ދަރިން ގެޔައްގެންދަން ބްރޭކް، 2 ޖެހީމަ އޮފީސް ނިމުނީ. އެބަތިބެޔޭ ނަންބަރު ދޫކުރަން ކައުންޓަރެއް ހުޅުވާފަ އެތަނަށް މުވައްޒަފަކު ލާފަ. ބޯހަލާކު. ހިދުމަތް ރަނގަޅުނުކޮށް މުސާރަ ބޮޑުކޮށްގެން ނުވާނެ. ޓެކްސްފައިސާއިން މުސާރަ ނަގާނަމަ މުސާރަ ހަލާލުވާވަރަށް މަސައްކަތް ކުރެވެން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރޕްޝަން

21 September 2021

ކޮމިޝަނުގައި އުރައްޕެއް ނެތް. ފުރަތަމަ ކަމަކަށް ތިމާމެންގެ ރޯލު ނެގޭ ބަޔަކު މުވައްޒިފުންގެ ހައްގުގައި ކުރާނީ ކޮންކަމެއް. ޕޮލިޓިކަލް މީހުނަށް ވަޒީފާދޭންކޮމިޝަނަަށް މެމްބަރުން ލަނީނ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާއިޝަތު އަޙްމަދު

21 September 2021

ސިވިލް ސަރވިސް ކޮމިޝަން ކަމަކު ނުދޭ. ހަމައެކަނި ކޮމިޝަންގެ މުވައްޒަފުންނަށް އެކަނި ޙައްޤު ހޯދަ ދެނީ، ތިމާމެންގެ ރައްޓެހިންގެ ހައްޤާއި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޓާފުން

21 September 2021

ޢައި ޖީ އެމް ހޮސްޕިޓަލުން ވެރިން އަޅައެއް ނުލާ ، ގުރުއާން ސޯރ ރަސްމީ ގަޑީގަ އޮންލައިން ކުލާސް ހިންގަނީ ތަނުގަ ކުރަން ހުންނަ މަސައްކަތް ބަހައްޓާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ1

20 September 2021

ސިވިލް ސަރވިސް ކޮމިޝނުގެ ދޮރުހުންނާނި ހުޅުވިފައޯ. ކޮބާ ހިނގާ އެންމެން އެއްކޮށް ވަދެލާފާ އަޑު އިއްވާލަން ދާން.... ކުރިއަށް އޮތްތާ ކަންކަންވާގޮތް ބަލާފަ އިނގޭނި. މާ ދުުރުގަ އޮތް ކަމެއް ނޫންހެން ހީވަނި. ދާންޖެހުނިއްޔާ ތިދޮރުން ވަދެގެންވެސް ދާނަން. ކޮޅެއްގަ ޖައްސާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

20 September 2021

ސިވިލްސާވިސް ކޮޮމިޝަނަކީ ސަރުކާރުން ބޭނުންގޮތަކަށް މުއައްޒަފުން ގަނަތަޅުވަން ހުންނަ ތަނެއް. މީގެ ހެއްކަކީ ސިވިލްސާވިސް ގޮވައިގެން މީހަކު ކޯޓަށް ގޮއްސިއްޔާ އެމީހަކަށް ކާމިޔާބުވާތީ. އޭގެ މާނަޔަކީ ސަރުކާރުން އަންގައިގެން އެމުއައްޒަފަށް ކޮމިޝަނުން އަނިޔާވެރި ވެއްޖެކަން.